feature

Виљареал и Барса сепак нема да играат во САД

Шпанската фудбалска лига ја информираше јавноста дека се повлекува од „продажба“ на лигашкиот натпревар помеѓу Виљареал и Барселона на американскиот пазар.

Овој дуел требаше да се игра на 20 декември во Мајами, што предизвика бунт кај навивачите на шпанските клубови. Сепак, дури кога фудбалерите се придружија на протестите (стоејќи мирно првите 15 секунди од натпреварите), челниците на Ла Лига попуштија и ја откажаа „посетата“ во Флорида.

„Ла Лига информира дека, по разговорите со промотерот на натпреварот во Мајами, тој донесе одлука да го откаже настанот поради неизвесноста што владееше во Шпанија во последните недели“, се вели во соопштението.

Лигата изрази жалење што не може да ја искористи „оваа историска можност“ за да организира прв натпревар од шпанското првенство во странство. Обидите на Ла Лига да одржи натпревар во САД датираат од 2018 година, кога Барселона и Џирона требаше да играат натпревар исто така во Мајами, но и тој проект беше блокиран.

Вардар доминантно го освои Тулуз

Македонскиот вицешампион Вардар вечерва оствари голема победа откако во 2.коло од ЕХФ Лига Европа го совлада францускиот Тулуз на гости со 28-26 (18-11). Ова за „црвено-црните“ е втора победа во групата Ф. Вардар одлично го почна натпреварот, а водство имаше во текот на целиот натпревар. Единствено резултатот беше нерешен 1-1, а Вардар направи серија од 5-0 за водство до 6-1. На почетокот на вториот дел Вардар поведе и со +9 (20-11 и 21-12), но потоа Тулуз имаше серија од 10-2 и стигна до негатива од еден гол. Сепак избраниците на Иван Чупиќ, најдоа сили и го задржаа водството до крајот на дуелот.

Најефикасен кај Вардар беше Јака Малус со 6 голови, додека на дуелот најпрецизен беше Немања Илиќ од Тулуз со 7 голови.

На вториот дуел од група Сесвете – Кристијанстад 32:32. Вардар е лидер на табелата со 4 бодови, Кристијанстад има 3, Сесвете 1, Тулуз 0.

Во следното коло Вардар на 11 ноември гостува кај Кристијанстад.

Алаба пак се повреди, нема крај на голготата на Австриецот

Дефанзивецот на Реал Мадрид, Давид Алаба, повторно е повреден.

Австриецот има проблем со повредите од декември 2023 година, кога го повреди коленото и беше надвор од игра една година.

Потоа, по враќањето, имаше бројни проблеми со мускулите, што е случај и сега.

Алаба доби шанса против Хетафе, но си одигра само едно полувреме поради болки во мускулите. Денешните тестови покажале дека мора да направи кратка пауза.

Медиумите од Мадрид пишуваат дека е очигледно, дека Алаба не може да се врати во вистинската форма и дека оваа повреда е уште една потврда дека за него нема место за следната сезона.

Тој е во последната година од договорот и ја има втората најголема плата, бидејќи пристигна како слободен агент, па Реал нема намера да му понуди нов договор.

Освен него, за претстојното „Ел Класико“ ќе недостасуваат и Антонио Ридигер, Дани Карвахал, додека Дин Хаусен е знак прашалник.

Натпреварот Раел Мадрид – Барселона е закажан за недела во 16:15 часот.

Феран Торес ќе добие нов договор во Барса

Барселона планира да го продолжи договорот со напаѓачот Феран Торес.

Според „Sport.es“, двете страни се заинтересирани да го продолжат своето партнерство. Дваесет и петгодишниот Шпанец постојано ја искажува својата посветеност на Барселона, а клубот тоа многу го цени.

Торес е во Барселона од јануари 2022 година. Во сезоната 2025/26, тој постигна пет гола и имаше една асистенција на 10 натпревари. Неговиот договор е до 30 јуни 2027 година.

Трансфермаркт ја проценува вредноста на Торес на 50 милиони евра.

Слога Добој од БиХ е противник на Охрид во Европскиот Куп

Денеска во седиштето на ЕХФ беше извршена ждрепката за третото коло во Европскиот Куп во машка конкуренција.

Екипата на Охрид ќе се соочи со Слога Добој во битката за пласман во осминафиналето. Во претходната рунда тимот од БИХ го елиминира составот на Тенакс Добеле од Летонија. Првиот натпревар ќе се игра на 15/16 ноември во Охрид додека реваншот е на 22/23 ноември во Добој.

Ќе потсетиме дека Тиквеш и Бутел претходно беа елиминирани од Европскиот Куп.

Роналдо и Џокович разменаа дресови

Novak Djokovic and Cristiano Ronaldo exchanging signed shirts

Кристиано Роналдо и Новак Џокович се сретнаа во тениски клуб во Лисабон, обединувајќи две спортски легенди во момент што привлече глобално внимание. Состанокот беше збогатен со симболичен гест. Роналдо му подари потпишан дрес од Ал-Наср на Џокович, знак на меѓусебна почит и признание меѓу двајца од најдобрите спортисти на сите времиња.

Двајцата шампиони, и покрај тоа што доаѓаат од различни спортови, одамна имаат воспоставено блиска врска. Сеќавањата на нивните претходни средби, од заеднички тренинзи до меѓусебна поддршка на јавни настани, само го зајакнуваат впечатокот за искрено пријателство. Роналдо, и на 40 години, продолжува да игра на врвно ниво во дресот на Ал-Наср, додека Џокович не престанува да ги руши рекордите во тенисот.

Средбата во Лисабон не беше само протоколарна, таа беше потсетник на вредностите што ги поврзуваат најдобрите: дисциплина, посветеност и заемна инспирација. Ваквите моменти се ретки, но моќни. Кога двајца великани од различни арени ги спојуваат своите светови во духот на спортската величина.

Дополнително масло во огнот на интересот фрлија неодамнешните објави на Џокович на социјалните мрежи, кои наговестија можни идни соработки со Роналдо. Иако ништо не е официјално потврдено, идејата за заеднички проект меѓу двајца со толкаво влијание звучи повеќе од привлечна за нивните милионски бази на обожаватели.

Во суштина, оваа средба беше повеќе од обичен муабет и размена на подароци. Беше јасна порака за солидарност меѓу врвни спортисти. Роналдо и Џокович уште еднаш покажаа дека вистинската големина не е само во трофеите, туку и во почитта, скромноста и пријателството.

Турам ќе го скокне дерби во Неапол

Менаџерот на Интер, Кристијан Киву, призна дека напаѓачот Маркус Турам нема да биде подготвен за саботниот натпревар со Наполи во Серија A.

„Лаутаро Мартинез е добро и повеќе ги нема проблемите што ги имаше пред натпреварот со Рома. На Маркус му требаат уште неколку дена и нема да биде во Неапол.

Не знам дали ќе биде подготвен и за натпреварот со Фиорентина. Многу ми е жал за Турам, не заслужи толку долга пауза“, нагласи тренерот на Интер.

Лазаров го врати Манасков во репрезентацијата за двомечот со Јапонија

Селекторот на нашата машка ракометна репрезентација, Кире Лазаров, го објави списокот за ЕХФ неделата и двата контролни меча со слекцијата на Јапонија.

Најголема новост на списокот на Лазаров е враќањето на Дејан Манасков кој сезонава игра во одлична форма дресот на Пелистер. На списокот на Лазаров има 20 ракометари плус уште седум како резерва.

Нашите ракометари двата контролни меча со Јапонците ќе ги одиграат во салата во Автокоманда и тоа на 30.10. (четврток) и на 1 ноември (сабота).

Алаба ќе го пропушти Ел Класико поради повреда

David Alaba laying on the ground injured for Real Madrid

еал Мадрид ќе мора да се соочи со предизвикот без еден од своите најискусни дефанзивци, Давид Алаба, кој доби повреда на мускулот солеус. Се очекува тој да паузира најмалку 7 до 10 дена, што значи дека сигурно ќе го пропушти Ел Класико, како и мечот против Јувентус во Лигата на Шампионите.

Овој период е исклучително чувствителен за Реал, со оглед на важноста на претстојните натпревари и потребата за стабилност во одбраната. Алаба, познат по својата сигурност и способност за игра на повеќе позиции, ќе остави голема празнина

Според лекарскиот тим на клубот, повредата бара одмор и контролирана рехабилитација. Се прави сè за да не дојде до влошување, а неговото враќање ќе биде внимателно испланирано.

Отсуството на австрискиот репрезентативец отвора врата за помлади играчи и резерви, но и го става тимот под зголемен притисок во моменти кога се водат борби на два фронта.

Стојановски: Со променет пристап до славје во Битола

Кошаркарите на Пелистер во изминатите денови интензивно се подготвуваат за новиот европски предизвик – и тоа првиот меч во историјата што овој клуб ќе го игра во Битола, а за противник ќе го има словачкиот претставник Превидза (среда, 19 часот, сала „Боро Чурлевски“).

Лекцијата од поразот во првото коло во Загреб е научена, а „пелистерци“ во последните денови ставаат акцент токму на овој дуел со гостинот од Словачка, свесни дека пред се мора да се промени пристапот и залагањето во однос на оној прв меч против Цедевита јуниор.

„Прва работа што треба да ја смениме е индивидуалниот пристап, бидејќи од тоа почнува се. Мораме да покажеме желба, да се бориме и да играме за секоја топка, да бидеме колективно силни, да личиме на тим. Мораме да останеме сконцентрирани и на обврските во одбраната, да не играме секој за себе. Ако секој од нас биде на висина на задачата со индивидуалниот пристап, тоа ќе придонесе сите заедно да изгледаме многу подобро на теренот. Секако, желба на сите нас е со победа да го крунисаме овој прв европски меч во Битола“, вели Лука Стојановски во пресрет на утрешниот натпревар.

Мечот со Превидза значи и почеток на напорниот период за битолчани кои за пет дена ќе играат три меча, ако се знае дека по утрешниот дуел ги очекуваат пресметки со Маџари и со Феникс во домашнинот шампионнат.

„Физички се чувствуваме подготвени за тој предизвик, но нема да биде лесно психолошки да се издржи тој ритам, тренинг-процесот и подготовките за овие три меча за така краток период. Токму затоа и овој прв дуел со Превидза е толку важен, ако одиграме како што треба и стигнеме до посакуваната победа, тоа ќе ја крене самодовербата и ќе ни помогне уште посилни и посамоуверени да влеземе во наредните мечеви“, истакнува македонскиот репрезентативец од таборот на Пелистер.

Според него, утрешниот противник на „пелистерци“ е многу сличен на Цедевита јуниор, од кого македонскиот претставник претрпе пораз во првото коло.

«< 60 61 62 63 64 >»