Пеп го сака назад Ечевери во Манчестер уште во јануари
Тренерот на фудбалерите на Манчестер Сити, Пеп Гвардиола, размилува да ја прекине позајмицата на Клаудио Ечевери во Баер Леверкузен и да го врати во Англија.
Во август, германскиот клуб го потпиша 19-годишниот играч од средниот ред на „граѓаните“ на едногодишна позајмица. Луѓето од „Етихад“ не се задоволни од минутажата што ја добива младиот играч и затоа сакаат да разговараат со колегите од Германија.
Весникот – „Билд“ тврди дека Ечевери веројатно ќе се врати во Манчестер во текот на зимскиот трансфер период во јануари.
Пелистер го доби дербито во Куманово
Кошаркарите на Пелистер експресно се вратија на победнички патеки во Супер-лигата, оставајќи го зад себе поразот од МЗТ минатиот викенд со одлична победа на гостувањето против Куманово со резултат 79-87.
Кумановчани имаа перфектен ефект дома во досегашниот дел од сезонава, вечерва за првпат имаа и поддршка од своите верни навивачи на трибините, но тоа беше само мотив плус за „пелистерци“ со одлична игра да го земат скалпот на овој незгоден ривал.Стајиќ ги постигна првите поени на натпреварот, по што центарот Вилсон нанижа седум поени во серија и донесе водство од 6-9. Куманово возврати и поведе со 14-11, но Пелистер имаше одговор за оваа мини-серија на противникот, подобро завршувајќи ја четвртината и поведувајќи со 22-24 со серијата од седум поени на Дејвис и Прајс. Вториот период беше и најслабиот на овој меч на „пелистерци“, во кој на противникот му беше дозволено да доминира (27-16) и на одмор да замине со водство од 49-40.
Пелистер ја покажа својата големина во второто полувреме, во кое „зелено-белите“ собраа сили за целосен резултатски пресврт. Клучна се покажа одличната одбрана во финишот од третата четвртина во која Пелистер четири минути не прими кош, правејќи целосен пресврт и поведувајќи со 62-67 на осум минути до крајот.
Кумановчани се обидоа да се вратат, но Пелистер секогаш имаше одговор, најпрвин преку Стајиќ, потоа и преку Крстевски осигурувајќи си ја оваа голема победа. Ленгстон Вилсон со 21 поен беше прв стрелец во овој триумф, 16 имаше Стајиќ, 15 Дејвис, а двоцифрен беше и Малешевиќ со 12 поени.
Македонија до 19 година поразена од Португалија на квалификацискиот турнир за Елитна фаза
Фудбалската репрезентација на Македонија до 19 години го запиша вториот пораз во квалификациите за пласман во Елитна фаза квалификации за Европското првенство. Домаќинот на турнирот, репрезентацијата на Португалија славеше со 4-1 од Португалија.
Силната португалска селекција уште еднаш го потврди својот квалитет и пред домашната публика беше пресилен противник за нашите млади надежи.
Во првото полувреме, Патрао, Силва и Соареш ја погодија нашата мрежа за високо водство. По одморот, Тровиско зголеми на 4-0, по што Македонија успеа да намали преку фудбалерот на Вардар, Емир Шаботиќ, кој погоди во 71. минута.
За Македонија ова беше втор пораз, по стартниот меч со Белгија. Нашата селекција ќе го заврши квалификацискиот циклус со дуелот против Естонија, која досега одигра два нерешени натпревари, против Португалија и Белгија (1-1).
Макеле главен судија на натпреварот против Велс
Македонската фудбалска репрезентација во вторник во Кардиф против Велс ќе го одигра решавачкиот натпревар за освојување на втората позиција во квалификациската група за пласман на Светскиот шампионат.
Со оглед дека ова е дуел кој директно решава која од двете селекции ќе обезбеди место во баражот, УЕФА го делегираше еден од најдобрите арбитри во Европа.
Главен судија е Холанѓанецот, Дани Макеле, а ќе му помагаат Хесел Стегстра и Јан де Фрис. Четврти арбитар е Марк Нагтегал.
Холандска двојка ќе биде и во ВАР собата, а таму се делегирани Пол ван Бокел и асистентот Рихард Мартенс.
Четириесет и две годишниот полициски службеник од Дордрехт, кој знакот на ФИФА го носи од 2011-тата судел на Светскиот куп во Катар 2022 и на последните два Европски шампионати.
Бил делегиран на финалето во Лигата на шампионите пред пет години меѓу ПСЖ и Баерн како на финалето во Лига Европа во кое се соочија Севилја и Интер,
Макеле три пати бил главен арбитар на мечеви во кои настапила репрезентацијата на Македонија.
Во 2016-тата во Скопје на натпреварот во кој Италија ја совлада нашата селекција со 3:2. Три години подоцна на дуелот Македонија – Словенија исто така во Скопје кога славевме со 2:1 и во 2021-та на мечот на арената Тодор Проески против Германија во кој гостите триумфираа со 4:0.
Холанѓанецот е еден од најискусните судии на Стариот континент. Во кариерата има 750 натпревари од кои 362 во националниот шампионат, 54 во Лигата на шампионите, 18 во Лига Европа, а 31 пат бил делегиран на квалификациски мечеви за пласман на Светските и Европските шампионати.
Белами: Не смееме да ја потцениме Македонија
Велс во натпреварот во вторник во битката за втората позиција во баражот против Македонија ќе биде без двајца клучни играчи. Итан Ампаду и Џордан Џејмс, но селекторот Крег Белами не гледа простор за паника.
Тој потсетува дека велшаните ги очекува исклучително тежок предизвик и не ја потценува Македонија.
„Ќе биде тежок натпревар против Македонија. Тие имаат добри резултати, а за нас најважно е да создаваме шанси и да бидеме трпеливи. Ќе се прилагодиме без Џејмс и Ампаду, имаме голема група на фудбалери“, истакна Белами.
Натпреварот помеѓу Велс – Македонија е закажан за 18 ноември во Кардиф, со почеток од 20:45 часот.
Белорусија ја изненади Данска и ја искомпликува групата
Драмата во групата Ц, за пласман на Светското првенство ќе продолжи до самиот крај.
Данска и Шкотска се репрезентациите кои во претпоследното коло влегоа со 10 поени. На Днците им требапе победа, но кикснаа во Копенхаген против Белорусија, додека Шкотите загубија во Атина од Грција.
Грците ги победија Шкотланѓаните со 3-2 (1-0) во возбудлив натпревар, домашната екипа немаше што да изгуби, а избраниците на Иван Јовановиќ успеаја да слават голема победа на крајот, победа која дава самодоверба и ништо повеќе од тоа.
Грција нема шанси да се пласира во следната фаза, Шкотланѓаните ќе бараат победа во последното коло против Данска за да се квалификуваат за Светското првенство. Реми ќе им одговара на Данците.
Данците, против аутсајдерот Белорусија запошнаа според планот, со гол на Дамсгард во 11. минута.
Вистонски шок фаворитите доживеаја во вториот дел. Два гола постигнаа Белорусите за само три минути. Стрелци беа Громико и Демченко.
Напаѓаше Данска до самиот крај, но само успеа да избегне пораз со голот на Исаксон во 79-та минута.
За три дена во решавачкиот меч, Шкотска ќе ја пречека Данска.
Објавен распоредот за ракометниот олимписки турнир
Организацискиот комитет на Олимписките Игри во Лос Анџелес 2028 (ЛА28) ја откри долгоочекуваната програма за ракометните турнири, најавувајќи жешка акција во Лонг Бич Арена.
Натпреварите ќе започнат два дена пред свеченото отворање, а финалната еуфорија ќе трае до самиот крај на Олимпијадата.
Олимпискиот ракометен турнир започнува во среда, 12 јули 2028 година, со машкиот прелиминарен круг.
Натпреварите во машка и женска конкуренција ќе се одвиваат наизменично секој ден, со три сесии од по два натпревари (вкупно шест натпревари дневно), обезбедувајќи вистински ракометен маратон за љубителите на овој спорт.
Важно: Единствена пауза во групната фаза е предвидена за петок, 14 јули, поради Церемонијата на свечено отворање на Игрите.
Единствена пауза во групната фаза е предвидена за петок, 14 јули, поради Церемонијата на свечено отворање на Игрите
Четвртфиналиња (Мажи): Недела, 23 јули Четвртфиналиња (Жени): Понеделник, 24 јули Полуфиналните дуели се закажани за 25 и 26 јули.
Кулминацијата на турнирот е резервирана за последните два дена од ракометната програма:
Машки Медали (Бронза и Злато): Четврток, 27 јули
Женски Медали (Бронза и Злато): Петок, 28 јули
Со вкупно 46 сесии, ракометниот турнир ќе биде еден од најобемните натпреварувачки блокови на ЛА28.
Ливаковиќ се враќа во Динамо Загреб
Доминик Ливаковиќ е блиску до враќање во Динамо во зимскиот преоден рок.
Ливаковиќ сака да се врати во Динамо, а и клубот сака легендата повторно да застане на голот.
Извори блиски до клубот наведуваат дека договорот е блиску до завршување, со оглед на тоа што постои взаемна волја.
Ова лето, Ливаковиќ отиде на позајмица во Џирона до крајот на сезоната од Фенербахче, со кого има договор до летото 2028 година.
Пораз во четири сета за Пелистер волеј против Струмица Жени
Одбојкарките на Струмица жени по два порази во низа запишаа важна победа на гостувањето во Битола, кај Пелистер волеј so 1-3 во шестото коло од Првата лига жени. Во натпреварот со многу пресврти кај струмичанки пресуди прволигашкото искуство кое им донесе можеби клучни гостински три бода во плеј-оф трката.
Девојките на Вардар ЕМ, исто така, стигнаа до победа која може да биде значајна за нив, со победата од 3-1 над градскиот ривал Фит Фан Волеј. Со овој триумф „црвено-црните“ влегоа во победничка низа во најсилното домашно женско друштво.
Лидерот Работнички Скопје и Наковски волеј, кој со еден бод е зад него на табелата, држат позитивен ритам од самиот старт на сезоната и досега се непоразени во првенството. Токму поради тоа и нивниот меѓусебен дуел следната недела ќе биде во центарот на вниманието. Последниот натпревар од шестото коло кај дамите, кое носи епитет дерби ќе се игра в понеделник во СЦ „Форца“ кога се соочуваат Газели волеј и Јанта волеј КВ.
Маџари ја продолжи серијата на победи, Работнички немоќен против новајлијата
Кошаркарите на Маџари со одлично второ полувреме во дуелот со Работнички направија резултатски пресврт, и стигнаа до третата по ред победа во македонското првенство. Од друга страна Работнички ја прекина серијата од четири победи.
Маџари кои по првото полувреме губеше со девет поени разлика (38-47) одигра извонредно во последните 10 минути и по 28-14 дојде до конечни 87-80.
