Јуре Доленец, најави дека ќе се повлече од активното играње на ракомет по завршувањето на тековната сезона.
Доленец во текот на својата кариера играше за неколку престижни европски клубови, меѓу кои и за шпанската Барселона.
По заминувањето од Барселона, кариерата ја продолжи во францускиот Лимож, потоа се пресели во хрватскиот Нексе, а последната сезона ја мина во редовите на Слован, во домашното првенство.
Со тоа, 36-годишниот ветеран ја оствари својата желба да ја заврши играчката кариера токму во родната Словенија.
Димитријевиќ пак го поврзуваат со Партизан
Нов преоден рок, нова статија во италијанските медиуми за потенцијалната соработка помеѓу Ненад Димитријевиќ и кошаркарскиот клуб Партизан.
Минатото лето се зборуваше дека плејмејкерот на македонскиот национален тим и Олимпија Милано би можел да се приклучи на клубот од Хумска, но тоа не се случи.
„Спортандо“, пишува дека се очекува Димитријевиќ да ја напушти Ломбардија по сезоната во која запиша 7,6 поени и 2,9 асистенции во Евролигата за Олимпија. Треба да се нагласи и дека „ено има договор со Олимпија до летото 2026 година.
Дополнителна помпезност во врска со евентуалното доаѓање на Димитријевиќ во Партизан дава фактот што одличниот плејмејкер изјави дека во младоста „навивал за Партизан“…
Инаку за новата сезона, Партизан ќе ги има сите играчи од сегашниот тим под договор, со исклучок на Балша Копривица, чиј договор истекува на крајот од сезоната.
Реми на женската фудбалска репрезентација во Рига за крај на Лигата на нации
Женската репрезентација на Македонија одигра нерешено, 1-1 против селекцијата на Летонија во рамките на последното коло од групата 6, сегмент Ц во рамките на Лигата на нации.
Нашата репрезентација долго време беше во предност, откако рано во 16. минута Меијер постигна гол за предност од 1-0. Севцова во 65. минута го израмни резултатот.
Македонија заврши последна во групата со само еден освоен бод.
Костадинов: Мотивирани сме секогаш кога играме за Македонија
Македонскиот фудбалски репрезентативец, Тихомир Костадинов, изјави дека Македонија пред себе има исклучително важни натпревари во мундијалските квалификации и очекува максимален пристап од сите во екипата за пресметките против Белгија (6. јуни, Скопје) и Казахстан (9. јуни, Астана).
„Се фокусираме на максимален пристап против Белгија, ќе бидеме подготвени. Имаме малку повеќе време за подготовка и треба да го искористиме. Сфаќаме дека играме два многу важни меча во квалификациите. Свесни сме дека испуштивме важни два бода на натпреварот со Велс, но продолжуваме и мора да гледаме напред. Мотивирани сме секогаш кога играме за Македонија, без оглед на заморот и повредите.
Селекторот бара да сме максимално ангажирани. Ги анализираме двата противници и знаеме против кого се соочуваме. Многумина мислат дека Белгија сега е послаба селекција, но тие отсекогаш имале фантастични фудбалери и претставуваат сила во светски рамки“.
Осумнаесет победи од осумнаесет меча, Еурофарм Пелистер 2 со рекордна сезона се сели во Суперлигата
Екипата на Еурофарм Пелистер 2 дојде до победа над Македонија ЃП на домашен терен (42-24) и со максимален учинок патува во Суперлигата. За тимот од Битола, ова беше осумнаесетта победа на осумнаесеттиот меч.
Тимот предводен од тренерот Александар Зарков двапати во краток период славеше над „лавовите“ на кои сега им виси позицијата за бараж. Пелистерци доминираа од почеток до крај во Битола, на полувремето беше 18-13.
Момците на Александар Зарков ќе тренираат уште десетина дена, па заминуваат на заслужен одмор. Од следната сезона Еурофарм Пелистер ќе се натпреварува во Суперлигата и Битола пак ќе има два клуба во елитата.
Раул Алонсо: Сакаме по многу години да го вратиме трофејот од Купот во Битола!
Овој викенд Охрид ќе биде домаќин на завршниот турнир на Купот на Македонија во ракомет. Титулата ја брани Алкалоид, кој ќе го отвори полуфиналето со дуел против Вардар 1961. Во второто полуфинале Еурофарм Пелистер ќе се сретне со домаќинот Охрид. Тренерот на Еурофарм Пелистер, Раул Алонсо, го најави претстојниот натпревар против ГРК Охрид. Битолскиот суперлигаш силно посакува после долго време да го врати Куп-трофејот во својот град, а со тоа се сложува и Алонсо, кој рече дека неговиот тим точно ја знае својата мисија.
Раул Алонсо
(тренер на Еурофарм Пелистер)
Ќе биде прекрасен викенд и веќе се подготвуваме за натпреварот против Охрид. Ќе имаме одлична атмосфера, а ние се фокусираме на освојување на трофејот. Сакаме да го вратиме во Битола после многу години. Сите екипи ќе бидат крајно мотивирани и мислам дека ќе решаваат мали детали. На ваквите турнири секогаш се можни изненадувања. Во моментов мислиме само на првиот меч, а со помошта на нашите навивачи, се надевам дека ќе се пласираме во финалето
Никола Митревски
(РК Еурофарм Пелистер)
Купот се два натпревари, турнирски систем и е поразлично и специфично. Се подготвуваме за полуфиналето, а двата победници имаат малку време за финалето. Моментална инспирација и индивидуален квалитет знаат да ги решаваат ваквите натпревари. Секако дека двата дена ќе бидат тешки, прво треба да се подготвиме само за мечот во сабота и да го добиеме првиот меч, а потоа ќе размислуваме за финалето. Прво да го победиме Охрид, па ќе се насочиме кон следниот предизвик.
Дуелот на Охрид и Еурофарм Пелистер се игра в сабота од 19:30 часот, а ќе го судат Ѓорѓи Начевски и Славе Николов.
Џон Елкан најави големи промени во Јуве
Претседателот на Јувентус, Џон Елкан, планира да направи голема реконструкција во раководниот дел на клубот а прв на удар е спортскиот директор, Кристијано Џунтоли.
Се очекува и Матео Тоњоци да се врати кај „старата дама“ и да ја раководи мрежата на скаути. Поранешниот дефанзивец на клубот од Торино, Џорџо Кјелини, би можел да добие нова улога.
Се претпоставува дека Игор Тудор ќе остане на тренерската позиција откако успеа да го однесе тимот во Лигата на шампионите.
Големо засилување за Дубаи, Алекса Аврамовиќ се враќа во АБА лигата
Кошаркарот на ЦСКА Москва, Алекса Аврамовиќ, ќе биде играч на Дубаи од следната сезона, обајви „Јурохупс“.
Дубаи ќе плати обештетување за српскиот репрезентативец и ќе потпише договор со него, останува да се види за колку сезони.
Алекса беше одличен во ЦСКА, еден од најдобрите кошаркари во тој тим, а овој трансфер во Дубаи ќе значи и негово враќање во АБА лигата и Евролигата.
По 47 настапи во Евролигата со Партизан, бекот од Чачак повторно ќе игра во елитното натпреварување со Дубаи, кој доби петгодишна лиценца од Евролигата. Јасно е дека газдите на клубот ќе формираат сериозен тим за наредната сезона.
Аврамовиќ очигледно е првата аквизиција.
Реал го официјализира Трент, плати 10 милиони за да игра на Светското клупско првенство
Долго најавуваниот трансфер сега е дефинитивно комплетиран. Реал Мадрид го потпиша Трент Александар-Арнолд. Ливерпул, и покрај тоа што не го продолжи договорот со Арнолд успеа да заработи бидејќи тој ќе му се приклучи на Реал еден месец пред истекот на договорот.
Желбата на Реал беше да го има во составот десниот бек за натпреварите на Светското клупско првенство. За да си ја оствари желбата „кралскиот клуб“ на Ливерпул му плати 10 милиони евра.
Со ова, Реал покажа сериозна намера да го нападне трофејот, во сезона во која остана без трите најважни трофеи.
Мареска го доби првото засилување, Делап пристигна во Челзи
Фудбалерот на Ипсвич Таун, Лиам Делап, ќе стане првото засилување на Челзи пред сезоната 2025/26.
Ипсвич веќе информирал голем број други заинтересирани клубови дека Делап ја избрал следната станица во својата кариера. Британски „Атлетик“ објави дека напаѓачот се сели во Челзи.
Делап има откупна клаузула во договорот со Ипсвич вредна 30 милиони фунти, која стапи на сила во моментот кога стана јасно дека тимот на Киран Мекена ќе се врати во Чемпионшип.
Челзи веќе го информирал Ипсвич дека ќе ја активира клаузулата, а договорот со Делап во принцип е веќе на сила.
Овој 22-годишен напаѓач, минатото лето се пристигна во Ипсвич, кога го напушти Манчестер сити.
Англичанецот постигна 12 гола во Премиер лигата оваа сезона, додека сите негови соиграчи постигнаа вкупно 21 гол.
Само Мохамед Салах (Ливерпул), Бруно Фернандес (Манчестер јунајтед) и Александар Исак (Њукасл) се директно одговорни за повеќе голови на својот тим од Делап.
Делап претходно работеше со тренерот на Челзи, Енцо Мареска, токму во Манчестер сити. Исто така, како член на „Граѓаните“, тој го делеше теренот со идните соиграчи: Кол Палмер и Ромео Лавија.
„Сините“ неодамна ја освоија Лигата на конференции на УЕФА, а следната сезона ќе играат во Лигата на шампионите.
