Хамбург го слави враќањето на ХСВ во Бундеслигата по седум години
Хамбург го слави враќањето на ХСВ во најсилната лига на германскиот фудбал. Седум години по елиминацијата славниот клуб повторно е дел од елитата во која се внедри во голем стил – победа од 6:1 против Улм пред околу 60.000 луѓе на “Фолксарк” стадион.
Тимот од најголемото германско пристаниште остана на прво место, но не го обезбеди. Тоа ќе може да го направи во последното коло против Гројтер Фирт.
Близу до пласман во највисокиот ранг е и Келн, кому му е потребен бод во последните деветдесет минути фудбал за математички да ја обезбеди таа цел.
Десетина илјади навивачи извршија инвазија на теренот во Хамбург откако судијата свирна крај на мечот со Улм.
Барса пак го победи Реал и е на чекор до освојување на Примера
Фудбалерите на Барселона го победија Реал Мадрид четврти пат во тековната сезона. На натпреварот паднаа спектакуларни седум гола, а резултатот е 4-3.
Со оваа победа Ханси Флик се доближи со нова шампинска титула односно “триплет” по веќе освоените Суперкуп на Шпанија и Куп на кралот.
Во секој од натпреварите Барселона го победи Реал, а вкупно оваа сезона ги доби сите четири пресметки против “кралскиот клуб”.
Публиката го оцени тукушто завршениот натпревар како еден од најдобрите меѓу ривалите.
Почетокот најавуваше целосно спротивен исход, откако Реал по 14 минути водеше со високи 2-0, со два гола на Килијан Мбапе.
Во 3. минута беше досуден пенал над Французинот, кој сам го реализираше за водство на гостите. Веќе во 14. минута нов шок за Барса и целосна тишина на стадионот, кога Мбапе избега зад грбот на високо поставената одбрана на ривалот и лесно го совлада Шчењи.
Веќе во 19. минута Ерик Гарсија после корнерот од левата страна го намали водството на 1-2. Се чекаше изеднадување до 32. минута кога Ламин Јамал за три минути донесе пресврт со два маестрални гола. Посебно извонредна беше мајсторијата на Јамал, во негов стил, но и онаа на Рафња кој од својата позиција после пресингот доведе до 3:2.
Истиот играч во 45. минута изврши притисок на Лукас Васкес, му ја зњсњ топката, одигра дупли пас со Феран Торе, и ефектно ја смести топката во мрежата за 4-2. Нокаутот на Реал, не го спаси ни Мбапе кој во второто полувреме, во 70. минута ја намали разликата на 4-3.
Имаше поништени голови на двете страни, но и промашени зицери, пред сè на Реал во 89. и 90. минута.
Уникаха го одбрани трофејот на ФИБА Лигата на шампионите
Кошаркарите на Уникаха во финалето на ФИБА Лигата на шампиони ја победија турската Галатасарај со резултат 83-67 и стана шампион на ова натпреварување. Со оваа победа тие го одбранија трофејот ФИБА ЛШ кој го освоија минатата година победувајќи го Тенерифе во големото финале во белградската Арена. Сега Уникаха “му прочита лекција” на истанбулскиот Галатасарај во “Синан Ердем Домот” во нивниот град.
Тајсон Картер имаше 14 поени со 3 скока и 5 асистенции, Кендрик Пери додаде 13 со 4 скока и 3 асистенции, а 13 и 11 скокови имаше Тајсон Перес, додека Тајлер Калиноски имаше 11 поени и исто така беше двоцифрен.
На другата страна, имаше 14 поени на Тајрон Валас, а толку имаше и Вил Каминџ, додека 12 запиша Робертс Блумберг, а Џејмс Палмер 11 со по 4 скока и асистенции.
Познати сите учесници на Европското првенство, доминираат Балканците и Скандинавците
Македонската сениорска ракометна репрезентација ја победи Литванија и наредната година ќе биде дел од нов голем настап, Европското првенство кое ќе се одржи во Норвешка, Шведска и Данска.
Литванците имаа храбри изјави пред денешниот меч во Скопје, најавуваа победа, но добија лекција од избраниците на Лазаров кои триумфираа со 26-17.
Познати се сите учесници на Европското првенство во 2026 година: Македонија, Данска, Шведскa, Норвешка, Франција, Србија, Австрија, Полска, Словенија, Хрватска, Германија, Чешка, Фарски Острови, Холандија, Унгарија, Исланд, Грузија, Португалија, Црна Гора, Шпанија, Украина, Швајцарија, Романија и Италија.
Ждрепката за групната фаза на Европскто првенство ќе се одржи во четврток.
Лазаров: Одигравме екстра-квалитетен меч, сега ќе играме со најдобрите во Европа
Нашите најдобри ракометари ја прегазија Литванија со 26-17 во преполниот СЦ „Јане Сандански“ и очекувано обезбедија место на Европското првенство во 2026 година.
Иако започнавме лошо, во продолжението влеговме во победнички ритам и на крајот доминатно го завршивме мечот. Македонија на тој начин заедно со лидерот во групата, Словенија, си обезбеди место на уште едно големо меѓународно натпреварување.
„Сакам да им честитам на сите момци, им честитав во Естонија и ги поддржав. Дојде јавноста, не поддржи по победата со 19 гола разлика. Сите беа решени да се пласираат на ЕП 2026. Отворивме лошо, типично македонски. Но, како одминуваше време, така мечот замина на наша страна. Момците не се испаничија, покажаа карактер. Имавме екстра-квалитетен меч, знаевме што сакаме. Секоја чест за целиот тим. Сега ќе играме со најдобрите во Европа“, рече Лазаров.
Во нашите редови се истакнаа Кузмановски и Серафимов со пет гола, додека голманот Томовски забележа десет интервенции.
Литванија немоќна во скопскиот „пекол“, Македонија се пласира на Европското првенство
Македонската машка сениорска ракометна репрезентација во последното шесто коло од квалификаците за Европското првенство триумфираше над Литванија со 26-17 (13-11). На тој начин Македонија го освои второто место во групата и обезбеди пласман на континенталниот собир следната година.
Радува разноврсноста меѓу стралците, бидејќи по пет гола дадоа Филип Кузмановски и Мартин Серафимов, по три имаа Пешевски и Џонов, двапати стрелаа Ивановски, Лазаревски, Јагуриновски…
Шекил спремен да вложи во италијански кошаркарски клуб
Шекил О’Нил е еден од најдобрите центри на сите времиња во светот на кошарката, ретко кој можел да му се мери во сила, а денес е еден од најинтересните стручни коментатори.
Поранешниот кошаркар на Лејкерс често ги коментира и игрите на Никола Јокиќ, често е во комуникација со него, па затоа често е присутен во медиумите во Србија.
Италијанско-американскиот бизнисмен Мет Ричета купи 66% од акциите на Наполи, и улога во тој клуб ќе има и никој друг освен Шекил О’Нил.Наполи е еден од најслабите тимови во Серија А оваа сезона, со скор од 9-20 во овој момент.
Консеисао би можел сепак да остане во Милан
Во еден момент беше отпишан. Кога на почетокот на февруари против Лацио врза три последователни порази во Серија А, постоеше прашање дали Сержо Консеисао воопшто ќе го дочека крајот на сезоната на клупата на Милан.
Сепак, како што се ближи крајот на натпреварувачката година, така и шпекулациите за кандидатите кои би можеле да го наследат се потивни, додека можноста Португалецот да остане на Сан Сиро, изгледа дека се зголемува.
„Имаме целосна доверба во него, концентрирани сме да видиме како ќе се одвива оваа сезона, тој добро работи со тимот и веруваме во него“, изјави извршниот директор на „Росонерите“, Џорџо Фурлани по победата над Болоња.
Милан во среда против Болоња во финалето на Купот на Италија ќе има можност да обезбеди пласман во Лигата на Европа. Меѓутоа, извршниот директор на италијанскиот клуб не крие дека и во случај на освојување на втор трофеј сезоната би била неуспешна бидејќи „Росонерите“ нема да играат во Лигата на шампионите следната сезона.
Баерн спремен да го доведе и Џонатан Тах од Баер Леверкузен
Со заминувањето на Чаби Алонсо се очекува да си заминат и најголемите ѕвезди на Баер Леверкузен.
Вчера се шпекулираше за договорот на Флоријан Вирц со Баерн Минхен, а Баварците истовремено решија со сите сили да тргнат и по Џонатан Тах.
Договорот на дефанзивецот истекува на 30 јуни и ќе биде слободен во изборот на нова средина, а иако зимоска договори сè со Барселона, Каталонците се повлекоа од преговорите.
Откако Роналд Араухо остана, а Ерик Гарсија значително ја подигна формата и го доби довербата на Ханси Флик, и поради бројни финансиски проблеми, Каталонците ги стопираа преговорите со германскиот дефанзивец.
Баерн со сите сили се обидува да го убеди да дојде во Минхен, особено откако Ерик Дајер договори трансфер во Монако.
Во Минхен сметаат дека Вирц и Тах се совршени засилувања и главни цели за сезоната 2025/26 и во голема мера работат на потписот на двајцата.
Јунајтед се вклучува во трката по Донарума
Голманот на италијанската фудбалска репрезентација и на Пари Сен-Жермен Џанлуиџи Донарума (26) е на радарот на Манчестер Јунајтед, пренесуваат англиските и италијанските медиуми. Донарума оваа сезона е еден од клучните играчи на парискиот состав, кој веќе го обезбеди новиот трофеј во Ле Шампионат, како и пласман во финалето на Лигата на шампионите.
Италијанскиот голман особено блесна против англиските клубови Ливерпул, Астон Вила и Арсенал во осминафиналето, четвртфиналето и полуфиналето на Лигата на шампионите. Неговиот договор со клубот истекува во јуни 2026 година, меѓутоа се шпекулира дека би можел да си замине ова лето.
„Островските“ медиуми сè погласно го споменуваат интересот на Манчестер Јунајтед. Се наведува дека менаџерот на Јунајтед, Рубен Аморим, побарал понуда за Донарума, незадоволен од изведбите на Андре Онана. Донарума во Паркот на принцовите пристигна во јуни 2021 година како слободен играч од Милан, а се шпекулира дека ПСЖ ќе бара најмалку 50 милиони евра за него.
