Фудбалерите на Ливерпул денеска славеа очекувана победа против Брентфорд на „Енфилд “ со 3-0 во меч од 12. коло на Премиер лигата.

Египетскиот репрезентативец, Мохамед Салах, погоди во 39 и во 62 минута и прослави јубилеј.

Тој дојде до 200 погодоци во англиската елита. Од нив 198 ги постигна како играч на Ливепул а два во дресот на Челзи.

Милан влезе во серија од разочарувачки резултати, иако очекувањата на „росонерите“ оваа сезона беа многу големи.

Милан вчера повторно испушти два гола предност на гостувањето кај Лече и на крајот се спасуваше од пораз.

Во изминатите четири меча во Серија А Милан освои само еден бода и се оддалечи од врвот, па практично испадна од трката за скудетото. Клубот се уште не размислува за отказ на Пиоли, но тренерот повеќе не ужива голема доверба кај раководството.

„Скај Италија“ пренесува дека Милан сака да има спремна замена за Пиоли во случај да продолжат лошите резултати, а прва желба е екс тренерот на Челзи, Грем Потер, кој моментално е без ангажман.

Арсенал и Барселона се силно заинтересирани за бисерот на Атлетик Билбао, Нико Вилијамс.

Нико е брат на Инаки Вилијамс, важи за еден од најголемите шпански таленти во моментов и веќе има 10 настапи за шпанската репрезентација. Тој е дете на Атлетик Билбао и има договор со клубот до 2024 година, а баскискиот клуб прави се за да го задржи во своите редови.

Многу клубови се заинтересирани за неговиот потпис, но според информациите главната битка ќе ја водат Барселона и Арсенал.

Вилијамс уште во јануари може да потпише преддоговор со новиот клуб бидејќи на лето ќе биде слободен агент.

Фабрицио Романо кој важи за експерт за фудбалски трансфери, денес излезе со сензационална најава на социјалните мрежи. Македонскиот репрезентативен голман, Столе Димитриевски, на маса има понуди од две екипи од Ла Лига и веќе во јануари ќе ги започне преговорите за трансфер.

Се работи за најтрофејната екипа во Лигата на Европа, Севиља, како и поранешниот освојувач на истото ова натпреварување, Виљареал.

Договорот кој Столе Димитриевски го има со сегашниот клуб Рајо Ваљекано истекува следното лето и трансферот би го направил како слободен агент, а веќе во јануари ќе започнат преговорите за личните услови. Нашиот репрезентативен голман веќе петта сезона е незаменлив на голот на клубот од предградието на Мадрид, а импресивни се и неговите настапи оваа сезона, што секако го привлече вниманието на големите шпански клубови.

Столе Димитриевски кој потекнува од Куманово, своите први сениорски настапи ги имаше за екипата на Работнички, каде мина две сезони. Следуваше трансфер во Удинезе, каде не доби шанса и беше позајмуван во Гранада и Кадиз, па преку Гимнастик во 2019-тата пристигна во Рајо Ваљекано.

Димитриевски има 64 настапи за репрезентацијата на Македонија и е рекордер помеѓу голманите, а според бројот на настапи е меѓу 10-те на вкупната листа на фудбалери со најмногу репрезентативни настапи.

Милан на четврти меч во низа не успеа да дојде до победа во Серија А или поточно освои само бод на гостувањето кај Лече и покрај тоа што водеше со 2-0.

Стефано Пиоли смета дека неговиот тим направи скапи грешки, поточно ги повторил истите од некои претходно дуели.

„Во второто полувреме игравме со френетичен став на кој не сме навикнати. Требаше подобро да го контролираме натпреварот, исто така, вистина е дека создадовме шанси да зголемиме на 3-0 со Рајндерс и Окафор, но повторно избрзавме. Примивме гол при корнер кој беше идентичен со оној што го постигна ПСЖ, па продолжуваме да ги правиме истите многу скапи грешки. Беше јасно дека имавме можности да го „убиеме“ натпреварот и при 3-0 веројатно ќе беше. Бевме премногу избезумени и не добивме натпревар што требаше да го добиеме. Правиме грешки создадени од недостаток на острина и смиреност, кои не спречуваат да победиме. Ова е втор пат во три натпревари во Серија А да бидеме 2-0 на гостински терен и да не можеме да ја однесеме победата“, порача Пиоли.

Тренерот на Селтик, Брендан Роџерс, е разочаран во кој правец оди фудбалот, а со тоа многумина се согласуваат, дека ВАР-от прави се поголема штета на вистинскиот фудбал.

Оваа изјава на Роџерс следуваше по натпреварот во ЛШ, во кој неговиот Селтик беше поразен со 6:0 од Атлетико Мадрид, а тоа нему тешко му падна.

„Сочувствувам со навивачите на Селтик по овој натпревар, платија стотина фунти за да патуваат во Мадрид, а имаа лош ден. Фудбалот почнува да личи се повеќе на компјутерска игра, се се проценува на екранот, тоа не е добро за фудбалот, тоа не е играта која сите ја сакаме“.

„Разговарам повремено со луѓето во Англија кои работат во Чемпионшип дивизијата, каде што нема ВАР и тие прилично уживаат во тоа што таму нема гол технологија. Доколку сега ме прашате, веднаш би го поништил ВАР-от и веднаш би се вратил на оној чистиот фудбал. Знаеме дека би имало грешки во судењето, но со задоволство би го прифатиле тоа, отколку да ги гледаме овие работи сега со ВАР-от“, порача Роџерс.

Црвена Звезда може сериозно да профитира од трансферот на Осман Букари.

Букари е репрезентативец на Гана и игра на десната крилна позиција, а за него се појавил тим кој е спремен да плати 11 милиони евра. Засега името на клубот не се открива. Ако ваквите најави се реализираат, тоа би бил втор најскап трансфер во историјата на Звезда. Поскап е само оној на Немања Радовиќ во Олимпик Марсеј од 12 милиони евра.
Во редовите на српскиот гигант Букари пристигна од Гент минатото лето за три милиони евра и според „Трансфермаркт“ сега вреди 6.5 милиони. Информациите се дека понудата е испратена и се чека само одлуката на луѓето во Црвена Звезда.

Компанијата „Конфина Медиа“ е во рацете на Кристијано Роналдо откако Португалецот исплати сума од 57 милиони евра.

Купувањето на оваа компанија од Роналдо беше добра вест и за вработените бидејќи секој во фирмата добил бонус од 1.250 евра.

Вработените добиле известување дека тоа е награда за нивната посветеност на фирмата. Интересно е што претходно Роналдо оваа компанија ја тужеше дури 11 пати поради пишувања кон него.

Во соопштението од компанијата се истакнува дека единствената промена е тоа што таа сега се вика „Експресо Ливре“.