feature

Бањаја убедлива на Мото ГП трката во Остин

Победник на третата трка од сезоната во Мото ГП е возачот на Дукати, Франческо Бањаја. Ова е 40-та победа на италијанскиот возач во кариерата, а 30-та во првата класа.

Франческо Бањаја возеше со подобро темпо од претходните две трки, во четвртиот круг изби на второто место, пред Алекс Маркез, но и тогаш се чинеше дека неговиот тимски колега Марк Маркез е недостижен иако практично имаа исто темпо.

Марк Маркез направи голема грешка во деветтиот круг, излета од патеката и сериозно го оштети мотоциклот, во момент кога имаше водство од речиси две секунди. Франческо Бањаја во тој момент го презеде водството со 1,3 секунди предност пред Алекс Марекс, кого го престигна во четвртиот круг.

Предноста на Бањаја само растеше како одминуваше трката, Италијанецот остана концентриран и ја оствари првата победа сезонава. Зад него беа Алекс Маркез и Фабио ди Џанантонио, на второто и третото место.

Четвртото место го зазеде Франко Морбидели, пред Џек Милер. На шестото место се најде Марко Бецеки, а на седмото Енеа Бастианини. Лука Марини ја заврши трката на осмото место пред Аи Огура и Фабио Квартараро.

Касаткина ја смени националноста, во иднина ќе игра за Австралија

Руската тенисерка Дарија Касаткина, дванаесетта на ВТА ранг-листата, во петокот објави дека сега ќе ја претставува Австралија откако австралиската влада го прифатила нејзиното барање за постојан престој.

Касаткина се натпреварувала на ВТА турнирите на како неутрална спортистка откако на руските и на белоруските играчи им беше забрането да се натпреваруваат под нивните знамиња поради руската инвазија врз Украина од 2022 година.

Касаткина, која не се вратила во Русија повеќе од две години откако откри дека е хомосексуалка и беше една од ретките руски спортистки која јавно се изјасни против војната, живее во Дубаи. „Австралија е местото што го сакам, таа е неверојатно гостопримлива и место каде што се чувствувам како дома“, напиша таа во пораката објавена на Инстаграм.

„Сакам да бидам во Мелбурн и се радувам што ќе престојувам таму“, рекла таа и додала дека веднаш ќе почне да ја претставува својата нова татковина. „Секогаш ќе имам почит и длабоко ценење кон моите корени, но возбудена сум што ќе го започнам ова ново поглавје во мојата кариера и живот под австралиското знаме“. Оваа 27-годишна тенисерка има освоено осум ВТА титули, а нејзиниот најдобриот резултат на Гренд слем турнирите е пласманот во полуфиналето на Ролан Гарос во 2022 година.

Превц ја прелета Планица и постави светски рекорд

Slovenija, Planica 19.03.2015, 19. Marec 2015 Veliko obiskovalcev je danes obcudovala dolge polete na preiskusnji letalnice in kvalifikacijski tekmi Sport, skoki , Peter Prevc,PlanicaFoto:Ziga Zivulovic jr. /BOBO

Словенецот Домен Превц постави светски рекорд во натпреварувањето во ски скокови на скокалницата Планица. Летот, каков што досега не е виден, заврши со слетување на 254,5 метри, со што е поставен нов рекорд во должина на ски летови. Претходниот рекорд го држеше Стефан Крафт, кој пред осум години во Викерсунд прескокна 253,5 метри.

Рекордната должина на летот сепак не беше доволна за Превац да победи пред домашната публика. Словенците славеа победа на Анже Ланишек, кој со скоковите заработи два бода повеќе од второпласираниот рекордер. Третото место го освои Германецот Андреас Велингер.

„Го сакав тоа повеќе од сè друго. Не знам што се случи. Магично. Ако можеше да го направиш тоа на последниот скок во Планица… Ќе спијам добро денес, утре нема да ме разбудат шест будилници”, изјави победникот на Малиот глобус за вкупниот пласман на летот по скокот. Големиот го освои Австриецот Даниел Цофениг.

По првата серија веќе беше јасно дека ова ќе биде нова словенечка прослава откако Ланишек поведе пред Превац, а потоа словенечките летачи направија борба која тешко ќе се повтори.

Неочекувана тренерска смена во Мемфис

НБА лигашот Мемфис изненадувачки го отпушти тренерот Тејлор Џенкинс на само две недели пред крајот на регуларниот дел од сезоната и покрај одличниот ефект од 44 победи и 29 порази и петтото место во Западната конференција.

Откако ја презеде функцијата главен тренер на Мемфис во јуни 2019 година, 40-годишниот Џенкинс забележа скор од 250-214, а оваа сезона тимот направи огромен позитивен чекор напред откако минатата година имаше само 27 победи наспроти 55 порази.

Одлуката на клупското раководство да му врачи отказ на Џенкинс доаѓа по петте порази во последните седум натпревари.

„Навистина го ценам придонесот на Тејлор за овој тим и овој град во изминатите шест сезони. Ова беше тешка одлука, со оглед на постојаниот и опиплив развој на нашите играчи и севкупниот успех под негово водство. На Тејлор му посакувам сè најдобро во иднина“, претседателот и генерален менаџер на Мемфис, Зек Клајман.

Шпанија, Португалија и Мароко ќе организираат и женски Мундијал

Шпанија ќе се кандидира, заедно со Португалија и Мароко, за организација на Светското фудбалско првенство за жени во 2035 година. Трите земји ќе бидат домаќини на машкиот Мундијал во 2030 година, а шпанската фудбалска Федерација (РФЕФ) со најавената кандидатура за организација на СП во женска конкуренција се обидува да го подобри својот имиџ во јавноста откако беше критикувана за неспортски скандали.

„Нема подобар начин да го подобриме нашиот имиџ од организирање на најголемиот спортски настан во светот, како што е Светското првенство. Во моментов работиме на тоа“, изјави претседателот на РФЕФ, Рафаел Лузан.

Шпанија, заедно со Португалија и Мароко, исто така ќе биде домаќин на Светското првенство за мажи во 2030 година во нов натпреварувачки формат, во кој првите натпревари во групната фаза ќе се играат во Уругвај, Аргентина и Парагвај во знак на сеќавање на 100-годишнината од првото Светско првенство, кое се одржа во Уругвај во 1930 година.

Арсенал го претстави новиот спортски директор

Како и што се најавуваше, Арсенал го потврди ангажманот на Андреа Берта.

Во редовите на Арсенал Берта пристигнува по работата во Атлетико Мадрид каде што помина 12 години.

Со оглед на успесите кои ги имаше Атлетик о во последната деценија очекувањата од него во Лондон се големи.

„Навистина сум горд што ќе бидам дел од Арсенал, не чека возбудлив период. Арсенал е клуб со богата историја и напредуваа многу во последните години“, изјави Берта.

Нов проблем за Компани, се повреди и Јапонецот Ито

Дефанзивецот на Баерн Минхен, Хироки Ито, претрпе серизона повреда на вчерашниот меч со Сент Паули и ќе мора да отсуствува од фудбалските терени подолг период, потврдија денес Баварците.

Тоа е нов удар за тренерот, Винсент Компани, кој од претходно остана без услугите на одбранбените играчи, Алфонсо Дејвис и Упамекано.

Според информациите, јапонскиот фудбалер ќе биде надвор од терените околу три месеци. Тоа го потврди и спортскиот директор на Баерн, Макс Еберл.

Ивановски го загуби финалето во Опатија

Иваносвки на турнирот одигра осум меча од кои три во квалификациите и пет на главен турнир и забележа седум победи. Во мечот за трофејот подобар од Ивановски денес беше домашниот тенисер и прв носител на турнирот Лука Микрут со 6-3 и 7-6(4).

Иваносвки на турнирот одигра осум меча од кои три во квалификациите и пет на главен турнир и забележа седум победи.

Ова за Ивановски е деветто финале во кариерата, а има пет турнирски победи, последната во 2023 година во австрискиот Крамсах, но поради повреда ја пропушти целата сезона во 2024 година.

Розе отпуштен, РБ Лајпциг ќе добие нов тренер

Марко Росе е разрешен од должноста главен тренер на РБ Лајпциг. Неговиот тренерски штаб составен од Александар Зиклер, Марко Курт и Франк Геидек исто така го напушти клубот.

Росе го водеше РБ Лајпциг на 125 натпревари. Под негово водство, РБЛ двапати се квалификуваше за Лигата на шампионите на УЕФА, го освои вториот трофеј во Купот на германија во историјата на клубот и ја прослави својата прва победа во Суперкупот.

Тој ја презеде улогата на главен тренер на РБ Лајпциг во септември 2022 година кога клубот се најде во тешка ситуација и му помогна на тимот да се врати на победничките патеки.

Пред тоа ги водеше Локомотив Лајпциг, РБ Салцбург, Борусија Менхенгладбах и Борусија Дортмунд. Од Лајпциг најавија дека наскоро ќе соопштат кој привремено ќе ја преземе тренерската функција.

Сабаленка доминантно до трофејот во Мајами

Aryna Sabalenka of Belarus celebrates during the Miami Open tennis tournament, Thursday, Mar. 27, 2025, in Miami Gardens, Fla. (Tomás Diniz Santos/South Florida Stadium)

Светската тенисерка број еден, Белорусинката Арина Сабаленка, ја освои титулата на Местерс-турнирот во Мајами, откако во два сета ја совлада Американката Џесика Пегула со 7-5, 6-2.

Сабаленка по 89 минути оствари победа над четвртата тенисерка на ВТА листата. По три брејка на двете страни, Сабаланка ја искористи првата сет-топка во дванаесеттиот гем од првиот сет, на сервис на Пегула и поведе.

Во вториот сет, Пегула прва направи брејк, но Сабаленка одговори со брејкови во вториот, четвртиот и осмиот гем и стигна до победа. Белоруснката вечерва ја освои деветнаесеттата титула во кариерата, а осма на Мастерс-турнирите.

Машкото финале меѓу Ѓоковиќ и Меншик се игра в недела од 21:00 часот.

«< 858 859 860 861 862 >»