Претставници на Формула 1 шампионатот, ФИА и делегации на тимовите одржаа состанок и дискусија околу позицијата на автомобилскиот спорт и се одлучи дека во овие околности не е можно одржување на трката за Големата награда на Русија.
„Го следиме развојот на ситуацијата во Украина и се надеваме дека ќе се постигне мирно решение“, стои во соопштението на Ф1.
Спрема првобитниот план, трката во Русија беше закажана за 25 септември.
Реал Мадрид му понудил нов четиригодишен договор на Марко Асенсио, но агентот откри дека има финансиски подобри понуди.
Асенсио има уште една година од договорот, па Реал му нуди продолжување на соработката и плата од 4,5 милиони евра плус бонуси. Меѓутоа, неговиот агент откри дека англиските клубови му нуделе 7 милиони евра по сезона. Уште не е јасно дали агентот сака да изнуди повеќе пари од Реал, но „кралевите“ не се спремни да ја зголемат понудата и во спротивно ќе го продадат фудбалерот.
Асенсио е на мета на два англиски клуба, Баерн Минен, Милан и Јувентус, па на лето може да ја промени средината.
Ѕвездата на Манчестер Јунајтед, Кристијано Роналдо во интервју за спортскиот стриминг сервис „DAZN“ призна дека не му остануваат уште многу години за настап на највисоко ниво, но се надева дека ќе продолжи да освојува трофеи.
Знам дека не ми остануваат уште многу години пред да престанам да играм професионален фудбал. Се надевам дека ќе продолжам уште 4 или 5 години, но најмногу се надевам дека ќе продолжам да освојувам трофеи“, посака Португалецот.
„Мојот живот досега беше многу добро патување. Оставив трага на сите места каде што настапував. Мислам дека нема друг играч во историјата кој може да го постигне тоа, и тоа ме прави среќен“, изјави голгетерот.
„Човек треба да биде интелигентен и да признае дека не е исто да се игра на 20, 25 или на 35 годишна возраст. Со годините доаѓа зрелоста, искуството, интелигенцијата, што ви овозможува да разберете дека губите некои работи, но мора да одржувате правилен баланс за да продолжите да се натпреварувате на највисоко ниво“, додаде Роналдо.
Дефанзивецот на Атлетико Мадрид, Ренан Лоди може да го напушти тимот во летниот преоден рок. Информации за бразилскиот фудбалер побара Јувентус.
23-годишниот Лоди му се приклучи на шпанскиот клуб во летото 2019 година, преминувајќи од Атлетико Паранаенсе за 20,6 милиони евра. Оваа сезона, дефанзивецот има една асистенција во 18 натпревари во шпанскиот шампионат.
Тој има и две асистенции во седум натпревари од Лигата на шампионите. Договорот на Ренан Лоди со Атлетико истекува во 2025 година, а неговата пазарна цена изнесува околу 20 милиони евра.
Арсенал повторно е заинтересиран за потписот на напаѓачот на Реал Сосиедад, Александар Исак.
Тренерот на Арсенал, Микел Артета сака да го види 22-годишниот шведски фудбалер во својот тим, тврди изворот. Лондонскиот клуб не беше во можност да го ангажира Исак во зимскиот преоден рок и тоа планира да го направи на лето. Договорот на напаѓачот со Реал Сосиедад вклучува ослободителна клаузула од 80 милиони евра, но Арсенал бара да ја намали цената.
Исак оваа сезона на 29 натпревари во сите натпреварувања постигна осум гола и имаше две асистенции. Договорот на играчот истекува во 2026 година.
Жоао Феликс побарал од раководството на клубот да биде продаден во следниот преоден рок.
Португалецот падна во втор план кај Диего Симеоне откако пристигна Гризман, па неговата минутажа значително ќе се намали оваа сезона. Феликс побарал од раководството да биде продаден, а најсилен интерес за него покажува Арсенал.
„Јорганџиите“ за неговиот трансфер бараат 80 милиони евра, а „топџиите“ наводно се спремни да ја платат таа сума.
Арсенал на лето сака да донесе најмалку еден врвен напаѓач бидејќи остана без Обамејанг, а сигурно заминува и Лаказет.
Артета верува дека Феликс би бил идеално решение и сака да го искористи неговото незадоволство во Атлетико.
Челниците на Вест Хем се изјаснија дека нема лесно да се разделат со својот најдобар играч Деклан Рајс. Тренерот на екипата Дејвид Мојс претходно објави дека играчот од средниот ред чини 100 милиони фунти.
Сега англискиот весник „Тајмс“ излезе со нови информации дека неговата цена пораснала на повеќе од 120 милиони фунти. Весникот додава дека 23-годишниот Рајс ги одложил преговорите за нов договор со Вест Хем, бидејќи англискиот репрезентативец сака да ги разгледа сите опции кои ќе му бидат понудени ова лето. Како најзаинтересиран клуб за доведување на Деклан Рајс се споменува Манчестер Јунајтед.
Доколку навистина се случи трансфер за наведената сума, тогаш Рајс би станал најскапото засилување во Премиер лигата на сите времиња, надминувајќи ја сумата која беше платена од Манчестер Сити за ангажман на Џек Грилиш.
Актуелниот договор на британскиот репрезентативец истекува во летото 2024 година, но клубот од Лондон има опција за продолжување на уште 12 месеци.
Германскиот фудбалски клуб Шалке објави дека ќе го тргне името „Газпром“ од дресовите.
Руската компанија е генерален спонзор на Шалке, но после новонастанатата воена ситуација во Украина германскиот клуб се реши да го тргне логото.
„Со оглед на новите случувања Шалке одлучи да го тргне логото на спонзорот Газпром од дресовите“, објавија од Шалке.
Екипата на Барселона веќе започна со планирање на летниот трансфер период. Познато е дека најголема желба на претседателот Жоан Лапорта е засилување на тимот со ѕвездата на Борусија Дортмунд, Ерлинг Халанд.
21-годишниот Норвежанец има откупна клаузула вредна 75 милиони евра, која може да се активира летово, но „каталонците“ ќе се соочат со сериозна конкуренција за неговиот потпис од клубовите како Манчестер Сити, Париз Сен Жермен, Реал Мадрид и Баерн Минхен.
Со цел да имаат доволно финансии за купување на Халанд, од Барселона летово планираат доведување на играчи кои ќе бидат слободни агенти, за кои нема да мораат да платат обештетување. Така се споменуваат имињата на Цезар Аспиликуета и Андреас Кристенсен од Челзи, чии договори истекуваат на крајот од сезоната.
Легендата на францускиот фудбал и актуелен играч на Салернитана, Франк Рибери го откри својот фаворит во битката за титулата во италијанската Серија А. Во моментот три екипи се со најголеми шанси за освојување на скудетото, а тоа се Милан, Интер и Наполи.
Фудбалерот, кој повеќе од една деценија настапуваше за Баерн Минхен, се надева дека Златан Ибрахимовиќ и Милан ќе станат шампиони на Италија.
„Скудетото? Ќе кажам Милан, поради Ибра. Тој го заслужува тоа, како човек и фудбалер, за сето она што го постигна во досегашната кариера“, изјави Рибери.
