Тимот на Ливерпул ја декласира екипата на Лидс победувајќи со 6:0 во заостанат натпревар од Премиер лигата.

Со оваа победа екипата предводена од Јирген Клоп се доближи на 3 бода во однос на лидерот на табелата, Манчестер Сити.

Со оглед на тоа што Ливерпул до крајот на првенството го очекува и директна пресметка со Сити, Клоп потенцира дека е јасно што треба да направи неговиот тим ако сака да остане во трка за титулата.

„Ја намаливме разликата на три бода, па сега ситуацијата е многу пооптимистична. Се разбира дека ќе мораме да победиме на сите натпревари до крајот на првенството за да се надеваме на евентуално освојување на титулата. Сепак ваквата ситуација е многу поинтересна за неутралните гледачи, бидејќи подобро е разликата да биде три или шест бода отколку 20 бода“, вели Клоп.

Поранешниот француски фудбалер, Алан Жирес, ќе ја води селекцијата на Косово. Тој пред да влезе во тренерските води беше активен само во Бордо и Олимпик Марсеј од 1970 до 1988 година.

Жирес кој одигра преку 600 меча и постигна преку 160 голови,  беше дел и од златната француска генерација која во 1984 година стигна до златото на Европското првенство.

Од 2004 година работи само како селектор. Досега ги водеше селекциите на:  Грузија , Габон, Мали, Сенегал и Тунис.

Екипата на Севиља отпатува за Загреб без напаѓачот Антони Марсијал. Французинот поради повреда нема да биде во тимот за реванш натпреварот против Динамо во Лигата на Европа.

Марсијал беше стрелец на гол во првиот натпревар помеѓу двете екипи кој се одигра пред една недела а заврши со резултат 3:1 за домаќинот Севиља.

Антони Марсијал настапува за Севиља како позајмен играч на Манчестер Јунајтед, а во екипата пристигна за време на јануарскиот преоден рок.

Раководството на Тотенхем работи на два големи трансфери за две ѕвезди од Серија А, пренесуваат италијанските медиуми.

Станува збор за играчот на Милан, Франк Кеси и напаѓачот на Јувентус, Пауло Дибала кои на лето ќе бидат слободни агенти.

Договорите на Дибала и Кеси истекуваат на крајот на сезоната и за нив постои интерес од многу европски гиганти, но Тотенхем сака да ја победи конкуренцијата.

Главна улога во овие трансфери секако ќе има Антонио Конте, кој силно ги посакува двајцата фудбалери и ќе ги убеди да го изверат Тотенхем.

Шефот на организацискиот одбор на финалето на Лигата на шампионите, Алексеј Сорокин, ги отфрли шпекулациите за можно одземање на организацијата на финалето на градот Санкт Петербург, поради комплицираните политички односи меѓу Русија и Украина.

„Не сме имале никакви разговори со УЕФА на оваа тема. За ова прашање не се добиени сигнали. Заедно со УЕФА го подготвуваме финалето според планираното, очекуваме да бидеме домаќини на 28 мај. Секојдневно се работи. Тешко е да се коментира нешто друго. Не сум слушнал никакви дискусии за ова прашање“, изјави Сорокин за руските медиуми.

Финалето на фудбалската Лига на шампионите во 2022 година е предвидено да се игра во Санкт Петербург на 28 мај на стадионот „Газпром Арена“.

Екипата на Милан е моментален лидер на табелата во Серија А, и според „Газета дело спорт“, клубот за засилувања во летниот трансфер период на располагање ќе има 100 милиони евра.

Американските сопственици на италијанскиот фудбалски гигант се решени Милан да го направат уште поконкурентен во следната сезона.

Како главни трансфер цели на „росонерите“ во летниот период се обезбедување на засилувања за одбраната и средниот ред. Како можни нови играчи се споменуваат дефанзивецот од Холандија, Свен Ботман и Португалецот Ренато Санчез, кои се соиграчи во тимот на Лил. Што се однесува до нападот, можно е доведување на 19-годишниот Французин Хуго Екитике од Ремс.

Баерн Минхен се вклучи во трката за потписот на дефанзивецот на Торино, Глеисон Бремер.

24-годишниот Бразилец игра одлична сезона и се етаблираше во еден од најдобрите дефанзивци во Серија А.

Бразилецот неодамна го продолжи договорот, но јасно е дека Торино нема да може да го задржи на лето. Милан, Интер и Јувентус силно го посакуваат дефанзивецот, но сега во трката се вклучи и Баерн Минхен и е спремен да го „украде“ пред носот на италијанските гиганти.

Според пишувањата во германскиот весник „Билд“, РБ Лајпциг ја одреди цената која заинтересираните клубови ќе треба да ја платат за доведување на Кристофер Нкунку.

Како најзаинтересирани клубови за ангажирање на 24-годишниот играч од средината на теренот, се споменуваат Арсенал и Манчестер Јунајтед, кои доколу се одлучат за негов трансфер тогаш ќе треба да издвојат 75 милиони евра.

Договорот на Нкуку со РБ Лајпциг е до 30 јуни 2024 година. Тој сезонава има одиграно 33 натпревари за екипата,и запиша 22 гола и 13 асистенции.

Вестон Мекени заработи двојна скршеница во левото стапало за време на мечот од Лигата на шампионите против Виљареал. Алегри потврди дека Американецот веднаш бил пренесен во локалната болница и му била направена снимка. Мекени имал двојна скршеница на левото стапало. 23-годишниот фудбалер го очекува подолга пауза, веројатно сезоната за него е завршена.

„Скај Спортс Италија“ вели дека ќе му бидат потребни најмалку два месеци за да се врати. Тој во досегашниот дел од сезоната имаше 28 настапи во сите натпреварувања за Јувентус, важи за значаен играч за тимот.

Ова е удар за Јувентус кој на листата на повредени ги има и Пауло Дибала, Федерико Киеза, Даниеле Ругани, Џорџо Кјелини и Федерико Бернардески.