Луѓето од фудбалскиот состав Челзи имаат намера да го купат
најдобриот асистент во изминатиот шампионат во Шкотска, Метју
О’Рајли, наведуваат денеска медиумите во Англија.
Според нив, играчот од средниот ред на Селтик се гледа како
еден од кандидатите да замине кај „сините“ од Лондон доколку
не обезбедат ново име во наредниот период.
Тој во претходната сезона на 49 мечеви успеа да постигне 19
голови и да направи дури 18 асистенции.
Македонскиот фудбалски репрезентативец Дарко Чурлинов е блиску до преселба во Полска и потпис за шампионот Јагиелонија.
Тој веќе ги договорил личните услови за едногодишна позајмица со новиот клуб, а сега останува да се договорат и двата клуба.
Чурлинов по завршувањето на позајмицата во Шалке се врати назад во Барнли, но, извесно е дека македонскиот репрезентативец не е дел од плановите на тимот за новата сезона во Чемпионшип.
Германскиот фудбалски репрезентативеџ и фудбалер на Барселона Илкај Гундоган ќе го напушти овој тим.
Иако германскиот репрезентативец одигра само една сезона за шпанскиот великан, за Гундоган се интересираат повеќе клубови од богатите азиски земји, но последниов период и Фенербахче на Жозе Мурињо.
Португалецот го пикирал Гундоган како идеално засилување за средниот ред на турскиот клуб, па наводно Фенер ќе испрати и официјална понуда до играчот и неговиот клуб.
Екипата на Интер размислува да испрати понуда за напаѓалот на Јуве, Фредерико Киеза, кој не сака да ја продолжи соработката со тимот од Торино бидејќи не е задоволен од новите финасиски услови.
Медиумите на „Чизмата“ наведуваат дека челниците од Милано стапиле во контакт со агентите на голгетерот за да дознаат под кои услови може да го ангажираат.
„Нероаѕурите“ деновиве најавија дека планираат да продадат неколку играчи и парите добиени од тие трансфери да ги насочат кон купување на врвен напаѓач.
Српскиот кошаркар Богдан Богдановиќ имаше одличен меч
против Јужен Судан во која постигна 30 поени и беше
најефикасен на натпреварот.
На овој меч тој стана и најдобар стрелец во историјата на
српската кошаркарска репрезентација.
Богдановиќ го помина Милош Теодосиќ кој беше на врвот во таа
статистичка категорија.
Сега Богдановиќ има 1.059 поени од 71 натпревар, Теодосиќ
1.057 поени од 94 натпревари, Бодирога 1.023 од 85 натпревари.
Нголо Канте летово и бил понуден на Барселона, но неговиот
трансфер го одбил новиот тренер на каталонскиот клуб Ханси
Флик.
Французинот минатото лето ги изненади сите кога одлучи да се
пресели во Саудиска Арабија, а на Европското првенство покажа
дека се уште е еден од најдобрите.
Канте сака да се варти во Европа, а неговиот менаџер го понудил
на Барселона. Меѓутоа, тренерот Флик смета дека 33-годишниот
Французин не му е потребен во тимот.
Барса не е многу активна на трансфер пазарот поради
финансиски проблеми и целосно е насочена кон трансферот на
Дани Олмо.
Ориол Ромеу кој во сезоната 2022/23 беше член на Џирона, се
враќа во овој клуб, овојпат на позајмица.
Барселона во 2023 година го купи Ромеу од Џирона и потпиша
тригодишен договор со него, по една година помината во
каталонскиот клуб, тој се враќа во најпријатното изненадување од
минатата сезона.
Барселона информираше дека Ромеу ги напуштил подготовките
на тимот. Тоа значи дека следува комплетирање на неговата
позајмица во Џирона.
Во изминатите неколку недели многу се зборуваше за
заминување на Едерсон од Манчестер Сити, но како што стојат
работите, на крајот ништо нема да излезе од тоа.
Бразилецот е еден од клучните играчи во тимот предводен од Пеп
Гвардиола, а во Англија пристигна од Бенфика летото 2017
година за 35 милиони фунти.
Се појавија информации дека Едерсон би можел да го напушти
„Етихад“, а „виновна“ е понудата која стигна од Саудиска Арабија,
поточно од тимот на Ал-Итихад.
Борусија Дортмунд потврди дека утрово напаѓачот Никлас
Фулкруг го напуштил кампот на тимот во Швајцарија за да
преговара за трансфер. Речиси сигурно е дека германскиот
репрезентативец кариерата ќе ја продолжи во англискиот Вест
Хем Јунајтед.
Фулкруг го напушта „Сигнал Идуна Парк“ по само една сезона во
која имаше 15 гола и 10 асистенции на 45 натпревари. За него на
Вердер Бремен му беа исплатени 17 милиони евра. Според
новинарот Флоријан Платенберг, Вест Хем ќе плати 26+4 милиони
евра за Фулкруг, кој ќе потпише договор на 3+1 година на нето
плата од 3 милиони евра.
За него беше заинтересиран и Милан, но Росонерите не можеа да
ги исполнат финансиските барања на Борусија Дортмунд.
Фудбалерот на Борусија Дортмунд, Карим Адејеми, нема да го напушти клубот барем засега и евентуалната зделка меѓу Борусија Дортмунд и Јувентус засега нема да се оствари.
Борусија Дортмунд сака Адејеми да остане на „Сигнал Идуна Парк“.22-годишниот Адејеми минатата сезона одигра вкупно 34 натпревари во сите натпреварувања, постигна пет гола и асистираше двапати.
Неговиот договор со Борусија Дортмунд трае до летото 2027 година, а неговата вредност е проценета на 28 милиони евра.
