Интер, втор пат во три сезони ќе се бори за титулата во Лигата на шампионите. Во спектакуларен натпревар, Интер ја победи Барелона на „Џузепе Меаца’ со 4-3, откако натпреварот во основниот дел заврши 3-3.

Интер по првиот дел имаше предност 2-0, Барселона се врати во вториот дел во интервал од шест минути, а пресвртот го комплетираше Рафиња во 88:минута. Пет минути подцна еден од хероите на Интер оваа вечер, Ачерби изедначи и избори продолженија.

Во дополнителните 30 минути натпреварот го реши Давиде Фратези во 99. минута.

Покрај Ачерби и Фратези, херој на Интер е и голманот Јан Зомер. Швајцарецот прими три гола, но имаше неколку изворедни интервенции. Осбено се истакна во 56.минута кога го одбрани ударот на Ерик Гарсија и во 114. минута кога беше поуспешен од Ламин Јамал.

Интер во финалето, на 31.мај во Минхен, ќе игра против победникот од натпреварот меѓу ПСЖ и Арсенал. Реваншот е во среда во Париз, ПСЖ има предност 1-0.

Жоржињо ќе го напушти Арсенал во летниот преоден рок и ќе се пресели во Бразил, ќе го носи дресот на Фламенго.

Жоржињо и Фалемнго имаат вербален договор за тригодишна соработка која наскоро треба да биде и официјализирана.

Актуелниот договор на Жоржињо со Арсенал истекува по крајот на оваа сезона, па тој како слободен играч ќе потпише за бразилскиот клуб.

Жоржињо е роден во Бразил, но има и италијански корени па настапува за репрезентацијата на Италија.

Можеби ќе ве интересира
Флоријан Вирц си ја отворил душата и го информирал Чаби Алонсо каде

Лукас Васкез ќе го напушти Реал Мадрид на крајот од сезоната – клубот нема намера да понуди нов договор за 33-годишниот фудбалер, јавуваат шпанските медиуми.

„Кралевите“ се подготвуваат за нов циклус и големи промени во тимот, а Васкез не е дел од плановите. Освен една позајмица во Еспањол во 2014/15, тој целата кариера ја мина на „Сантијаго Бернабеу“, каде што израсна преку младинските категории и вториот тим.

Од 2015 година е дел од првиот состав и има одиграно 397 натпревари, со 38 голови и 73 асистенции. Во богатата кариера освои дури 15 трофеи – пет пати ја крена Лигата на шампионите, четири пати Ла Лига, а во колекцијата ги има и сите останати важни титули на клупско ниво.

Реал ќе се прости со уште еден долгогодишен војник, а Васкез ќе биде слободен да ја избере следната дестинација.

Брајќата од Атлетик Клуб, Нико и Инаки Вилиамс, инсистираа  дека се способни да го одпаднат Манчестер Јунајтед од Лига Европа и покрај тоа што првата утакмица ја загубија со 3 0.

Шпанскиот клуб имаше загубено само еден натпревар на домашен терен оваа сезона, пред натпреварот со „Црвените Ѓаволи“ минатата недела. 

 „Не бевме многу остри, нема потреба да бараме изговори“, призна Нико Вилиамс, но тој не се откажа од надежта. “Ние сме во негатива од 3-0, но сме способни да го надминеме тоа. Веќе видовме дека Лион им правеше проблеми на Олд Трафорд и ние ќе се обидеме да го сториме истото.  Нашите навивачи секогаш нè поддржуваа и ќе дадеме се од себе.” 

Инаки ги поддржа зборовите на неговиот помлад брат. „Ние сме способни да се вратиме“, инсистираше напаѓачот. Вилиамс, исто така, укажа на судиските одлуки кои беа донесени против Атлетик вечерта. 
 
„Има некои одлуки кои предизвикуваат сомнеж“, рече тој. „Играта пред пенал доаѓа од играње со рака на Гарначо, кое судијата не го гледа. Тоа е борба помеѓу Вивиан и него. При најмал контакт, тој се спушта, и жално е што го повика“. 

Ќе биде емотивна вечер, Интер ќе ја хостира Барселона, во реваншот од полуфиналето на Лигата на Шампионите. По ремито 3-3 во првиот натпревар, за Барса ќе биде императив да обезбеди победа доколку сака да се пласира во финалето. 
 
Свесен за задачата, Ханси Флик разговараше со официјалните медиуми на клубот пред овој важен судир, кој го означи како „финале пред финалето“. 

Испраќајќи порака до навивачите на Барселона, Флик зборуваше за тоа колку далеку стигнал клубот, особено споредувајќи го со она што луѓето го очекуваа на почетокот од сезоната. 

„Кога ја започнавме сезоната, никој не можеше да предвиди што ќе постигнеме. Не се работи за притисок, ние играме финале пред финалето“, рече тој. „Сакаме да покажеме кои сме и како можеме да играме како тим. Сакаме да ги направиме навивачите и клубот горди“, додаде германецот. 

Германскиот тактичар изрази желба да обезбеди тикет за финалето, кое ќе се игра во Берлин. „Сакаме да покажеме дека сме спремни да играме во финалето и ова е одлична можност за нас“. 

Фенербахче го запиша веројатно најболниот пораз сезонава, откако во рамки на 32. коло од турската Суперлига, на домашен терен загуби од големиот ривал Бешикташ со минимални 0:1. Со овој неуспех, тимот од Истанбул сега заостанува осум бода зад лидерот Галатасарај, а до крајот на сезоната остануваат само уште четири кола.

Незадоволството во редовите на гигантот од Истанбул расте, а главна мета на критики е португалскиот стратег Жозе Мурињо. Поранешниот репрезентативец на Босна и Херцеговина и некогашен фудбалер на Реал Мадрид, Галатасарај и Фенербахче, Елвир Балиќ, остро го нападна тренерот, нарекувајќи го „лош тренер“ и барајќи итна смена.

„Овој човек не прави сите будали. Итно нека си оди! Не покажува никаков респект кон клубот и навивачите. Повторно излезе со чуден состав, без логика. Екипата нема континуитет, а тоа е директна вина на него и неговото его“, изјави Балиќ, кој не криеше дека е разочаран.

Балиќ посочи и дека очекува Фенербахче да ја прекине соработката со Мурињо по крајот на сезоната.

„Немам никаква почит кон него повеќе. Играчите се без мотивација. Дали воопшто знаат што значи да се игра за Фенербахче?“, додаде тој.

Мурињо дојде во клубот на почетокот на оваа сезона со големи очекувања, но судејќи по моменталната состојба и незадоволството од резултатите и односот со тимот, неговата иднина во Фенербахче е под голем знак прашалник.

Саудискиот гигант Ал Хилал има нова примарна цел за летниот преоден рок – капитенот на Манчестер Јунајтед, Бруно Фернандеш.

Португалецот е најдобриот играч на „црвените ѓаволи“ сезонава, човекот кој ја држеше играта и ги водеше до финалето во Лига Европа. Неговиот придонес и лидерски карактер го прават незаменлив на „Олд Трафорд“.

Но, Саудијците не мируваат – Ал Хилал покажал сериозен интерес, а веќе е добро познато какви финансиски услови можат да понудат клубовите од тој регион.

Засега нема конкретни преговори меѓу двете страни, а иднината на трансферот зависи и од желбата на самиот играч. Од Јунајтед се јасни – сакаат да го задржат својот лидер, исто како и новиот стратег Рубен Аморим, кој го гледа Бруно како клучна фигура во својата визија.

Фернандеш има договор до 2027 година, што значи дека евентуалниот трансфер би барал сериозна отштета од страна на Ал Хилал.