Новите сопственици на Њукасл планираат да испратат понуда до напаѓачот на Зенит, Сердар Азмун, информираат англиските медиуми.

Според наведеното, премиер-лигашот планира да му плати 6 милиони евра на рускиот клуб за да дојде до потписот на искусниот фудбалер кој во сезонава на 21 меч на сите турнири постигна 10 голови и направи 4. асистенции.

Договорот на Иранецот Азмун со рускиот клуб ќе истече на крајот од сезоната. Трансфермаркт ја проценува неговата траснферна вредност на 25 милиони евра.  Азмун го облече дресот на Зенит пред точно две години.

Големи се шансите дека фудбалската сезона за Федерико Киеза е завршена откако Јувентус објави дека нивниот напаѓач заработил повреда на лигаментите од левото колено за време на извонредната победа на неговит тим над Рома со 4:3.

Киеза го напушти теренот на стадионот Олимпико во Рим, за време на првото полувреме, а неговиот клуб во соопштението по крајот на натпреварот објави дека над 24-годишниот играч ќе мора да биде извршена операција на предните вкрстени лигаменти.

Од Јуве не соопштија колку долго Киеза ќе отсуствува од терените, но ако се знае колку сериозна е повредата на вкрстените лигаменти, медиумите во Италија веќе ја прогласија неговата сезона за завршена.

Легендарниот турски тренер, Фатих Терим, по серијата лоши резултати е отпуштен од неговиот Галатасарај.

Терим последниов свој мандат на клупата на гигантот Галатасарај го започна во 2017 година, а пред тоа дури на три пати беше тренер на клубот од Истанбул.

По 20 кола во турската Супер лига, Галата се наоѓа на 12.место од табелата со освоени 27 бода, и со една победа на последните 5 натпревари, заостанувајќи дури 22 бода зад лидерот Башашекир.

Манчестер Јунајтед го именуваше напаѓачот на ПСЖ, Мауро Икарди како потенцијална замена за Единсон Кавани, тврди „Л‘Екип“.

Иднината на 34-годишниот Уругваец на „Олд Трафорд“ останува неизвесна. Неговиот договор истекува на лето, но се шпекулира дека сега може да биде продаден. Затоа „црвените ѓаволи“ веќе размислуваат со кого да го заменат кога ќе си замине, а еден од кандидатите е 28-годишниот Аргентинец.

Кавани не е многу задоволен од неговата ситуација во Манчестер Јунајтед од почетокот на сезоната. Досега има одиграно само 8 натпревари во Премиер лигата, а на само 4 од нив беше стартер. Затоа сериозно ги разгледува опциите пред него. Напаѓачот наводно го бара Барселона, а за него се заинтересирани и Коринтианс и Јувентус.

Сосема слична е ситуацијата на Мауро Икарди во ПСЖ. Тој тешко се бори за стартно место во конкуренција на Лионел Меси, Килијан Мбапе и Нејмар. Аргентинецот има 12 натпревари и 3 гола на своето конто во Лига 1. Затоа е подготвен да ја промени средината. Освен Манчестер Јунајтед, за него е заинтересиран и Јувентус.

Даниел Аврамовски се уште не одлучил каде ќе ја продолжи кариерата.

Аврамовски наводно е најблиску до Сараево каде што на клупата седна Александар Васоски. Меѓутоа се поврзуваше уште со Динамо Букурешт, турски Сумаспор, па и Флуменесе од Бразил.

Аврамовски кој ни изјави дека се уште не одлучил каде ќе ја продолжи кариерата.

„Не знам се уште каде ќе ја продолжам кариерата, не сум одлучил која понуда е најдобра за мене“, ни изјави Аврамовски.

Тео Ернандез испрати пријатни вести до фановите на овој клуб.

„Вистина е дека во тек се разговори за продолжување на мојот договор со Милан. Имам прекрасен однос со раководните лица и разговорите течат одлично. Овде сум среќен уште од првиот ден“, порача Ернандез.

Со понудата за новиот договор, платата на 24 годишниот Французин од досегашните 1,5 милиони евра би требало да изнесува 4,5 милиони евра, плус бонуси.

Тренерот на Џенова и легендата на украинскиот фудбал Андриј Шевченко е пред отказ во клубот каде пристигна пред само два месеци.

Последниот пораз на домашен терен од тимот на Специа го активира алармот кај претседателот на Џенова, кој најави можна смена на Шевченко и барање на ново тренерско име.

Очигледно дека Шевченко не се снајде баш најдобро во водењето со екипата каде настапува нашиот Горан Пандев, која го ангажира со цел да помогне во опстанокот на тимот во Серија А.

Од редовите на Арсенал ќе бидат активни на јануарскиот трансфер пазар каде се очекува да ангажираат најмалку едно засилување.

Приоритетна позиција ќе биде средниот ред, а Арсенал како што поврди и Микел Артета ќе се обиде да ангажира играч за врска. Според италијанските медиуми изборот паднал на Артур Мело кој првично би пристигнал на „Емирејтс“ како позајмен фудбалер.

Веќе неколку дена се воделе преговори со играчот, а разговорите со Јувентус се уште не биле започнати.

Романо пренесува дека освен Артур, на листата потенцијални засилувања од средниот ред има место за уште двајца фудбалери.

Милан рутински триумфираа против Венеција со 0-3 во италијанската Серија А.

Гостинот поведе уште во втората минута, и тоа со голот на Златан Ибрахимовиќ, кој успеа да направи подвиг бидејќи Венеција беше 80-ти клуб во Топ-5 лигите на кои им дал гол.

Пред него тоа му успеа на Кристијано Роналдо, кој постигна погодок против тимот на Барнли.

Освен тоа, Ибрахимовиќ израмни рекорд на Франчестко Тоти, зашто 24. година по ред постигнува барем еден гол во официјалните натпревари.

Поранешниот македонски селектор, Игор Ангеловски има големи шанси да стане нов тренер на Академија Пандев. Прволигашот од Струмица е во потрага по замена за Александар Васовски кој ја напушти клупата на екипата и замина во Сараево.

Игор Ангеловски е без тренерски ангажман откако во јуни минатата година ја напушти селекторската позиција во нашата репрезентација. Тој беше споменуван како иден тренер на Фенербахче и Хајдук но тие планови не се исполнија.

Ова за Ангеловски ќе биде тренерско враќање во македонскиот фудбал каде порано беше тренер на Работнички од Скопје.