Тренерот на Манчестер јунајтед, Рубен Аморим, изјави дека заинтересираните клубови нема да можат да добијат играчите, на кои клубот повеќе не смета, по „дисконтни“ цени објави денес Би-Би-Си.

Откако Маркус Рашфорд се пресели на позајмица во Барселона, Антони, Џејдон Санчо, Алехандро Гарначо и Тирел Маласија беа изоставени од турнејата на Јунајтед во САД и се вратија на индивидуални тренинзи во тренинг центарот во Карингтон.

Бетис сака да го врати Ентони, каде што играше на позајмица минатата сезона, додека Јувентус е заинтересиран за Санчо, но тој прво мора да ослободи место во тимот. Гарначо се поврзува со неколку европски клубови.

Сепак, засега нема конкретни понуди, а се шпекулира дека клубовите ќе чекаат до последните денови од преодниот рок, надевајќи се дека Јунајтед ќе мора да ги намали цените.

„Техничкиот директор Џејсон Вилкокс, извршниот директор Омар Берада и целиот клуб јасно поставија цени за тие играчи. Доколку другите клубови не ги достигнат, тие остануваат играчи на Манчестер јунајтед, нема сомнение“, рече Аморим.

Иван Ракитиќ веднаш по крајот на играчката кариера се фати за работа како директор на Хајдук, а веќе го подготвува првиот голем потег, а тоа ќе биде враќање на Анте Ребиќ во родниот град.

Според хрватските медиуми, 31-годишниот офанзивец ги договорил сите услови за враќање во родниот Сплит и потпис со Хајдук со цел да го исполни сонот на цела Далмација – титула на „Пољуд“.

Главната улога во преговорите ја имал токму Ракитиќ, кој успеал да го убеди Ребиќ да прифати значително пониска плата, но и специјален бонус доколку Хајдук стане шампион. Управата го прифатила ваквиот предлог, па трансферот е пред финализација.

Ребиќ е слободен играч по разделбата со Лече, така што нема да има никаква отштета, а ако не се случи неочекуван пресврт, Хајдук ќе добие огромно засилување за новата сезона.

Шкупи продолжува активно да го гради ростерот за новата сезона, овојпат со ангажман на младиот Ардит Дестани.

Како што информира клубот од Чаир, станува збор за 21-годишен офанзивец кој настапува на левото крило и пристигнува од редовите на швајцарскиот клуб Парадисо, кој се натпреварува во третата швајцарска лига.

И покрај тоа што Дестани доаѓа од пониски фудбалски кругови, раководството на Шкупи верува дека со неговиот младински потенцијал и развојна перспектива ќе донесе дополнителна свежина во тимот.

Атлетико Мадрид му бара нов клуб за Томас Лемар, фудбалерот може беспари да замине, но во овој момент никој не пројавува сериозен интерес.

Атлетико Мадрид летото во 2018 го купи Томас Лемар за 70 милиони евра, но Французинот никогаш не се наметна посериозно, имаше и доста проблеми со повреди.

Тој не е дел од плановите на Диего Симеоне, па популарните „колчонероси“ се обидуваат да му најдат нов клуб.

Неговата цена е 0 евра, но и покрај тоа што може беспари да замине, никој не пројавува сериозен интерес.

Монако се посочуваше како една опција, но преговорите не прогресираа. Лион исто така беше споменат како можна дестинација, но големата плата на фудбалерот преставува проблем, па и ова ништо не испадна.

Македонскиот дефанзивец, Дарко Велковски кој се поврзуваше со Вардар и Железничар, на крајот заврши во Зрињски со кого потпиша едногодишен договор.

Денеска Велковски и официјално беше презентиран како ново засилување на актуелниот шампион на Босна и Херцеговина.

Македонецот потпиша едногодишен договор со можност за продолжување на соработката до 2027 година.

Велковски во Зрињски оди по престојот во унгарскиот тим Нирегихаза со кој му заврши договорот. Дефанзивецот кариерата ја почна во Работнички, потоа играше за Вардар од каде замина во странство. Прво во Ријека, па Ал-Етифак, Динамо Букурешт и Нирегихаза.

Со одењето на Дарко Велковски во Зрињски се зголеми македонската колонија во БиХ, претходно за Сарајево потпишаа Ристовски и Елези, а во Радник Бјелина замина Чешмеџиев.

Ливерпул направи трансферски удар со доведувањето на Флоријан Вирц. Договорот со Бајер Леверкузен е постигнат за сума од 116 милиони фунти, поставувајќи нов рекорд за клубот.

Следниот чекор е Александар Исак и “црвените” се подготвени да понудат дури 120 милиони фунти. Покрај тоа, Ливерпул сака да го засили и средниот ред. Според информации од порталот CaughtOffside, Слот има намера да ја зајакне средината на теренот.

Неговата последна цел е играч што исто така го следи Манчестер Јунајтед, а за него е заинтересиран и Рубен Аморим. Тоа е Даглас Луиз од Јувентус. Бразилецот е во фокусот на Јунајтед, а според италијанските извори, ситуацијата ја следат и Евертон и Вест Хем. Луиз дојде во Јувентус минатата година.

Најновите вести велат дека односот помеѓу Луиз и клубот од Торино е сосема нарушен, па Јувентус е подготвен да го продаде. Од Бразилецот очекуваат да си обезбедат 40 милиони евра.

Луиз остави силен впечаток додека играше во Премиер лигата, особено во тимот на Астон Вила, каде стана еден од клучните играчи пред да замине во Италија.

Интер Мајами и официјално го потврди ангажманот на Родриго Де Пол од Атлетико Мадрид, аргентинскиот фудбалер кој е многу добар пријател со Лионел Меси.

Родриго Де Пол важи за најблискиот пријател на Меси во аргентинската репрезентација, а сега заедно ќе играат и во Интер Мајами.

„Интер Мајами информира дека потпиша со аргентинскиот играч од средниот ред Родриго Де Пол од шпанскиот гигант Атлетико Мадрид. Де Пол првично ќе дојде во клубот на позајмица, а договорот вклучува опција трансферот да стане перманентен до 2029 година“, се вели во соопштението на американскиот клуб.

Претходно Меси си ги собра пријателите од Барселона, Бускетс, Алба и Суарез.

Аргентинецот Лионел Меси е суспендиран на еден натпревар во МЛС лигата поради тоа што го пропушти неодамнешниот Ол-стар натпревар. Иста казна заработи и неговиот соиграч Џорди Алба.

Фудбалерите на клубот од Мајами ќе го прескокнат многу важниот натпревар на Интер против лидерот во Источната конференција, Синсинати, во кој тимот од Флорида, со евентуална победа, би можел да се приближи до првото место.

Правилата на лигата налагаат играчите кои се поканети на Ол-стар натпреварот и не се појават, а немаат соодветно медицинско оправдување, автоматски да бидат суспендирани.

Тренерот на Интер, Хавиер Маскерано, по натпреварот со Њујорк изјави дека Алба е повреден, па затоа не може да игра на Ол-стар натпреварот, додека за Меси рече дека бил уморен.

Оваа сезона, Меси постигна 24 гола на 29 натпревари во сите натпреварувања.

Фудбалскиот клуб Рексам, во сопственост на холивудските актери Рајан Рејнолдс и Роб Мекелен, го направи својот најамбициозен чекор досега, го контакриа данскиот играч од средниот ред Кристијан Ериксен во обид да го потпише, објави Би-Би-Си.

Ериксен (33), поранешен дански репрезентативец со 144 настапи, моментално е без клуб откако неговиот договор со Манчестер јунајтед истече на крајот од сезоната 2024/25.

Управниот одбор на Рексам го гледа Ериксен како идеално засилување кое би донело непроценливо искуство во првата сезона на клубот во втората лига на англискиот фудбал по 44 години.

Менаџерот на играчот, Мартин Скотс, потврди за „Дејли Мејл“ дека „проектот на Рексам е исклучително импресивен“, но додаде: „Кристијан сè уште сака да игра во врвните лиги и е решен да остане во Западна Европа“.

Од почетокот на летниот преоден рок, Рексам веќе ги доведе голманот на Велс, Дени Ворд, напаѓачот Рајан Харди, играчите од средниот ред Луис О’Брајан и Џорџ Томасон, левиот бек Либерато Кака и офанзивниот играч од средниот ред Џош Виндас.

Фламенго обезбеди замена во Емерсон Ројал од Милан, што му овозможи на бразилскиот клуб да се согласи за трансферот на Весли во клубот од Рим.

Според медиумите, Рома за услугите на Весли ќе издвои 25 милиони евра, плус дополнителни пет милиони евра во бонуси.

Дваесетиедногодишниот Бразилец одигра 28 натпревари во сите натпреварувања оваа сезона за Фламенго на кои постигна два гола и додаде три асистенции.