фудбал

Гигс се соочува со затворска казна од пет години?!

Легендарниот фудбалер на Манчестер Јунајтед и некогашен репрезентативец и селектор на Велс, Рајан Гигс, се соочува со закана од затвор до пет години.

Велшанецот е обвинет за нанесување телесни повреди на неговата поранешна девојка Кејт Гревил ноќта на 1 ноември 2020. година. Подоцна истата вечер, тој физички ја нападнал жената која била на дваесетина години, а за среќа поминала без повреда.

Гигс е во врска со Кејт Гревил од 2017. година. Врската започнала кратко откако се откри дека тој со години ја изневерувал сопругата на својот брат – Стејси. Исто така, тој беше обвинет за заканувачко однесување врз неговата поранешна девојка од декември 2017. година до ноември 2020. година.

Обвинителството покажа видео пред судот, на кое се гледа како Гигс ја шутира својата поранешна девојка во грб и ја исфрла гола од хотелската соба.

Рома ќе испрати нова понуда за Ленгле

Рома е силно заинтересирана за дефанзивецот на Барселона, Клемен Ленгле, пренесува каталонски „Спорт“. Жозе Мурињо сака да ја засили одбраната и Французинот е прво име на неговиот список.

Рома испратила прва понуда од 15 милиони евра, која Барселона ја одбила. Барселона е спремна да се раздели со дефанзивецот, но за неговата слобода бара 25 милиони евра.

Рома не се откажува и спрема нова понуда, па преговорите помеѓу двата клуба ќе продолжат во следните денови.

Холанѓанецот Мален е замената за Санчо во Дортмунд

Германскиот фудбалски состав, Борусија Дортмунд, успеа да го купи крилниот офанзивец на холандскиот ПСВ Ајндховен, Дони Мален.

„Милионерите“ за неговите услуги платија скромни 30 милиони евра. Тој треба да биде замена за Џејдон Санчо кој се упати во редовите на Манчестер Јунајтед.

Младиот играч во текот на денов треба да ги помине лекарските прегледи и да го потпише договорот до 2025 година.

Влаховиќ постигна СЕДУМ гола за едно полувреме!

Српскиот напаѓач Душан Влаховиќ постигна дури седум гола за едно полувреме во победата на Фиорентина над Фолињо на подготвителниот натпревар кој заврши со резултат 11:0.

Влаховиќ доминираше на дуелот против нисколигашот и уште еднаш покажа завиден голгетерски квалитет, на крајот постигнувајќи неверојатни седум погодоци, и тоа за само 45 минути.

Само за две минути во продолжението, 21-годишникот од Белград постигна два гола, па уште еден во 55-та, па во 68-та, 71., 78. и потоа во 80. минута, со што го комплетираше изданието што ќе го памети.

За потсетување, иднината на Душан Влаховиќ во Фиренца е се уште под знак прашалник. Поранешниот фудбалер на Партизан има договор со Фиорентина до 2023. година, а неговата вредност е проценета на 40 милиони евра.

Челзи се откажува од Халанд за да потпише со Лукаку

Ромелу Лукаку може да се врати во Челзи, пренесуваат медиумите на Островот.

Приоритет на Челзи на лето ќе биде доведување на врвен напаѓач, а прва желба е Ерлинг Халанд.

Меѓутоа, Норвежанецот е премногу скап, па Челзи сега ќе се сврти кон Ромелу Лукаку, а тренерот Тухел веќе дал зелено светло за трансферот.

Белгиецот одигра фантастично во дресот на Интер и беше најзаслужен за освојување на шампионската титула. „Нероаѕурите“ моментално имаат финансиски проблеми, па Челзи ќе се обиде да ги искористи и веќе стапил во контакт со агентите на Лукаку.

Алиоски потпиша за клуб од Саудиска Арабија за висока годишна плата

Вчера стигна потврда дека македонскиот репрезентативец Езѓан Алиоски кариерата ќе ја продолжи во Ал Ахли. Пред некој ден медиумите најавија дека Алиоски има понуда од Саудиска Арабија, а вчера стигна потврда дека македонскиот репрезентативец ја прифатил и кариерата ќе ја продолжи во Ал Ахли.

Алиоски е слободен агент откако му заврши договорот со Лидс, а со Ал Ахли ќе потпише 2-годишен договор тежок вкупно 5 милиони евра.

Хаман: Санчо е најдобро крило во светот

Премиерлигашот Манчестер Јунајтед конечно успеа да дојде до големата трансфер цел, потписот на англискиот репрезентативец Џејдон Санчо.

Некогашниот германски репрезентативец, Дитмар Хаман се одлучи да го искоментира овој трансфер кој според него е бомба затоа што Санчо за него е најдоброто крило на светот.

„Ова е голема сезона за Солскјер и Јунајтед, очекувам Санчо да биде ѕвезда на „Олд Трафорд“. Ретко сум видел крилен напаѓач кој може толку лесно да го реши противникот, тој го спушта рамото и само минува покрај дефанзивците. Санчо исто така може да ги „запали“ Рашфорд и Погба“, порача Хаман.

Ливерпул понудил 100 милиони за Киеза, Јуве без размислување одбил

Јувентус одбил понуда од 100 милиони евра за Федерико Киеза. Напаѓачот минатата година пристигна во Јувентус како позајмен играч од Фиорентина, а клубот од Торино има можност да го откупи неговиот договор за 40 милиони евра.

Младиот офанзивец во минатата сезона ги покажа своите квалитети и постигна 15 голови вио 46 настапи. Одлични настапи Киеза продолжи да прикажува на Европското првенство и беше еден од најдобрите играчи на Италија со која стигна до европското злато.

Ако Јувентус ја прифател понудата од Ливерпул тогаш Киеза ќе станел вториот најскап трансфер во историјата на Премиер лигата после Пол Погба кој за 105 милиони евра премина од Јувентус во Манчестер Јунајтед во 2016 година.

Сон останува во Тотенхем – доби договор до 2025. година

Јужнокорејскиот фудбалер Сон Хеунг Мин во Тотенхем ќе остане до летото 2025. година, јавуваат англиските медиуми.

Според многумина еден од најдобрите играчи на Тотенхем последните неколку сезони, во Лондон пристигна во 2015. година и досега успеа да постигне 107 голови надополнети со 64 асистенции.

29-годишниот Сон потпиша нов договор со англискиот премиерлигаш кој така ја реши големата дилема во нападот по веста дека најдобриот играч Хери Кејн веројатно ќе го напушти тимот.

„Овде се чувствувам како дома, посебно кога е во прашање односот со навивачите, соиграчите и персоналот. Затоа ми беше лесно да ја донесам одлуката за останување.“- вели Сон.

Пандев ќе игра за Џенова уште една сезона?!

Поранешниот капитен на Македонија, Горан Пандев повеќе од извесно е дека нема да оди во фудбалска пензија, туку ќе потпише нов едногодишен договор со Џенова и ќе игра во новата сезона во Серија А.

Ова го пренесуваат неколку познати новинари од Италија, меѓу кои и Ди Марцио и Романо. Според нив, преговорите меѓу Пандев и Џенова се во завршна фаза и се очекува да бидат официјално потврдени со нов едногодишен договор.

Пандев се пензионираше од националниот дрес, но остави простор да размисли за тоа дали ќе игра фудбал барем уште една сезона во Џенова, поради тоа што има желба да се повлече од фудбалот со фанови на стадионот.

«< 1135 1136 1137 1138 1139 >»