Дефанзивецот на Атлетико Мадрид, Хозе Марија Хименез ќе паузира најмалку три недели поради повреда и така ќе пропушти неколку важни натпревари. Хименез нема да игра на првиот натпревар од осминафиналето на Лигата на шампионите против Челзи, а ќе пропушти и минимум четири лигашки натпревари – денешното гостување кај Гранада, двомечот со Леванте, па гостувањето кај Виљареал, а ќе биде неизвесен и за градското дерби против Реал на 7. март. Ова е голем удар за Симеоне кој во минатиот период имаше отсутни фудбалери и поради корона, а се уште во аут се Жоао Феликс и Хектор Херера, додека се вратија Ермосо и Караско. Во отсуство на Хименез, тројца стопери ќе мораат да играат на сите натпревари, Савиќ, Фелипе и Ермосо, што нема да биде нималку лесно. Атлетико во наредните три недели има шест натпревари, од кои само два во Мадрид, против Леванте и Реал.

Победа во последните часови од зимскиот преоден рок обезбеди засилување на најневралгичната точка во тимот, односно „шпиц напаѓач“.
Во оваа улога за Победа во пролетната полусезона ќе настапува младиот Дарко Грозданоски (15.4.1999 г одина). Тој во Победа доаѓа од Силекс, чиј играч беше изминава година и пол, но есенва беше позајмен и настапуваше за Тиквеш од Кавадарци. Притоа, на 14 натпревари постигна 4 голови. Минатата сезона во Првата лига настапи на 20 натпревари за Силекс при што постигна 2 гола (против Вардар и Струга Трим Љум).
Станува збор за млад но веќе афирмиран фудбалер кој минал низ младинската школа на Црвена Звезда , Чукарички и БСК Белград, каде што тренери му биле познати имиња на српскиот фудбал како Огњен Короман, Александар Трифуновиќ, Душко Љубичиќ и други.

Првиот голман на Париз Сен Жермен, Кејлор Навас се опорави од повредата и конечно се врати во составот од главниот град на Франција.
Маурисио Покетино конечно ќе може да се смета на Навас, кој ќе брани против Ница, како би се подготвил и за најважниот дуел со Барселона во вторник на Камп Ноу.
Навас беше во аут на претходните четири натпревари, се враќа во клучен момент, што конечно е една добра вест за Покетино по низата лоши. Нејмар и Ди Марија сигурно ја пропуштаат Барса, Марко Верати и понатаму е под знак прашалник и одлуката за неговиот настап ќе биде донесена на денот на натпреварот.
ПСЖ ја дочекува Ница денеска во 17. часот, а во вторник во 21. часот гостува кај Барселона.

Серхио Рамос и Флорентино Перез не можат да постигнат договор, па се поизвесно е дека ќе се разделат по 17 години.
Мадридски „Ас“ пишува дека еден од проблемите е и платата на Герет Бејл, на која Реал се подготвува и наредната година, бидејќи Тотенхем нема намера да го задржи велшанецот. Бејл го чини Реал 30 милиони евра годишно, што е огромна сума која влијае на потенцијалните други договори, меѓу кои е и обновата на договорот со капитенот.
Реал ќе се обиде да го продаде Бејл по пониска цена на година дена пред истекот на договорот, но велшанецот не сака да се откаже од високата плата која ниеден друг клуб нема да му ја даде. Така, се поизвесно е дека Бејл ќе остане макар и клупата, само да остане до крајот на договорот, на што инсистираше и минатата година, иако не беше дел од плановите на клубот.
Исто така, Реал ќе мора и да купува по две години, во 2019. беа „фрлени“ 300 милиони евра на Азар, Јовиќ, Милитао и Менди, а скоро ниту еден од нив не ги оправда очекувањата.
Мадридскиот тим е најблиску до потпис со Давид Алаба, кој исто така бара висока плата, но Перез е спремен да ризикува бидејќи ќе го доведе без обесштетување.

Баерн Минхен го договори трансферот на Дајот Упамекано од РБ Лајпциг, потврди спортскиот директор на германскиот шампион, Хасан Салихамиџиќ.
Сјајниот 22-годишен дефанзивец практично беше желба на сите големи европски клубови, како Манчестер Јунајтед, Челзи и Ливерпул, но на крајот ќе го облече дресот на минхенски Баерн.
На францускиот стопер во последните денови на јуни ќе му се активира отштетната клаузула од 42 милиони евра, која за големите клубови не би претставувала проблем, но клучно е тоа кој ќе ги договори личните услови со играчот. Во тоа успеа Баерн.
„Можам да потврдам, среќен сум што ќе го доведеме.“ – изјави Салихамиџиќ.

Хернан Креспо имаше голема кариера како фудбалер, но како тренер уште се чека да се докаже.
Во досегашната кариера немаше кој знае каков успех, меѓутоа сега доби голем предизвик. Креспо доби прилика да го води тимот на бразилскиот гигант Сао Паоло. Овој ангажман на Креспо ќе му биде најголем до сега после водењето на младинците на Парма, Модена, Банфилд и Хустисија.
Денес тој се договори со Сао Паоло и потпиша договор на две години.

Борусија Дортмунд постави нова цена за Џејдон Санчо и е спремна на крајот на сезоната да го пушти играчот за 95 милиони евра.
Манчестер Јунајтед не успеа да го донесе англискиот репрезентативец на „Олд Трафорд“ минатото лето, а проблем беше токму цената од 120 милиони евра, која Јунајтед сметаше дека е превисока.
Дортмунд се соочува со сериозни финансиски проблеми и ќе мора ова лето да продаде некоја од своите ѕвезди.
Сега медиумите тврдат дека „милионерите“ се спремни додатно да ја намалат целата на Санчо и да го пуштат „само“ за 60 милиони евра.

Италијанските медиуми тврдат дека голема е веројатноста Мауро Икарди да се врати во Серија А на лето. Новиот тренер на ПСЖ, Маурицио Покетино наводно не е симпатизаер на играта на Икарди и веќе му порачал дека може да си бара нов клуб. Интерес за Аргентинецот има од Италија и тоа од Јувентус и Рома, па ќе се обидат да го донесат во своите редови. Реален проблем може да биде високото обештетување што ПСЖ сигурно ќе го побара за Икарди, па ќе се обидат да го донесат на позајмица со право на откуп. Голгетерот своите најдобри партии ги имаше во дресот на Интер и не крие дека сака да се врати во Серија А.