Maрко Верати беше еден од најдобрите на теренот во вчерашната победа на ПСЖ против Реал во првиот меч од осминафиналето во Лигата на шампионите.

ПСЖ победи благодарение на голот Мбапе во самиот финиш од натпреварот.

Бразилецот Нејмар испрати големи пофалби до италијанскиот играч за врска кој на натпреварот имаше дури 92% успешни пасови,

„Знаев дека тој е фантастичен играч, но очигледно не бев свесен колку е спектакуларен. Тој е гениј, еден од најдобрите играчи за врска со кои сум играл заедно со Чави и Иниеста“, изјави Нејмар.

Верати во ПСЖ е од 2012 година кога пристигна од Пескара. Со францускиот клуб освои 27 трофеи.

Жозе Мурињо минатото лето седна на клупата на Рома, но резултатите се под сите очекувања.

Сепак, раководството му верува  на „Специјалниот“ и на лето ќе му даде буџет од 100 милиони евра за реконструкција на тимот.

Една од најголемите желби на Мурињо е играчот за врска на Тотенхем и дански репрезентативец Пјер Емил Хојберг.

„Специјалниот“ имаше одлична соработка со искусниот играч за врска додека беше менаџер на Тотенхем и затоа сака да го донесе во Рома. Конте е спремен да го пушти играчот, а Тотенхем за неговата слобода бара 25 милиони евра, сума која „волчицата“ е спремна да ја плати.

Италијанските медиуми ја пренесуваат веста дека Алесио Ромањоли по завршувањето на сезоната ќе го напушти Милан.

Капитенот на екипата наводно ја прифатил понудата од Лацио и како слободен играч ќе се пресели во Рим.

Како причина за заминувањето се наведува висината на понудената плата од Лацио која би изнесувала 3 милиони евра по сезона.

27-годишниот Ромањоли е член на Милан од 2015 година, а беше доведен од Рома за 25 милиони евра.

Барселона ќе биде ослабена против Наполи на денешниот дуел.

Тренерот Лучијано Спалети за овој дуел од Лигата на Европа нема да може да смета на Политано и Лозано за кои се знаеше од претходно дека нема да можат да настапат. Денес пристигнаа дополнителни лоши информации, тренингот го пропуштил првиот напаѓач, Виктор Осимен.

Италијанските медиуми пренесуваат дека Осимен почувствувам непријатност во мускулот и го пропуштил тренингот. Тој сепак ќе патува со екипата во Каталонија, но неговиот настап е под знак прашалник.

Натпреварот помеѓу Барселона и Наполи е на програмата е од 18:45 часот.

Напаѓачот Ерлинг Халанд не е во составот на Борусија Дортмунд за натпреварот на домашен терен против Глазгов Ренџерс, во првиот натпревар од нокаут фазата на Лига Европа.

Норвежанецот сеуште не е целосно опоравен од повредата која ја доби на гостувањето кај Хофенхајм пред повеќе од три недели.

Тренерот на Борусија, Марко Розе, изјави дека се надева оти Халанд ќе биде подготвен за игра до неделниот натпревар од Бундеслигата против Борусија Менхенгладбах.

Голманот на Манчестер Јунајтед, Давид де Геа успеа да ја сочува својата мрежа на заостанатиот натпревар од 18. коло од англиската Премиер лига со Брајтон кој го добија со 2-0.

Како што беше објавено по натпреварот, со ова Шпанецот го повтори рекордот на „црвените ѓаволи“ по бројот на чисти мрежи. Давид Де Геа е изедначен на првото место со данскиот голман Петер Шмајхел, кој играше за клубот од Манчестер од 1991 до 1999 година, двајцата во нивните настапи за Манчестер Јунајтед имаат 128 натпревари без да примат гол.

Давид де Геа игра за Манчестер Јунајтед од 2011 година. Голманот оваа сезона настапи на 25 првенствени натпревари и прими 32 гола. Шест пати Шпанецот успеа да ја сочува својата мрежа.

Манчестер Јунајтед се наоѓа на четвртото место на табелата во Премиер лигата со 43 бода од 25 одиграни натпревари.

Францускиот репрезентативец Килијан Мбапе изјави дека е среќен во ПСЖ, но неговата иднина се уште е нејасна. Договорот на Мбапе истекува на крајот од сезоната, а тој е меѓу главните трансфер цели на Реал Мадрид. Двата тима се сретнаа во осминафиналето на Лигата на шампионите, а ПСЖ победи со 1-0 преку голот кој го постигна токму Мбапе.

“Не сум одлучил за мојата иднина. Во моментов играм за Пари Сен Жермен, еден од најдобрите тимови во светот. Давам се од себе и потоа ќе видиме што ќе се случи следната сезона”, вели Мбапе.

“Како да ги игнорирате разговорите за трансфер? Лесно е, само треба да играте фудбал. Поставуваме премногу прашања и зборуваме за Париз Сен Жермен и Реал. Во моментов сум играч на ПСЖ и сум среќен “, изјави Французинот после натпреварот.

Играчот од средниот ред на Манчестер Јунајтед, Хуан Мата сака да го напушти клубот со слободен трансфер ова лето.

33-годишниот Шпанец би можел да се врати во Ла Лига, бидејќи интерес за негово ангажирање изразуваат екипите на Реал Сосиедад и Барселона.

Мата настапува за Манчестер Јунајтед од јануари 2014 година. За тимот запиша вкупно 277 натпревари, на кои постигна 51 гол и 47 асистенции.

Тренерот на Интер, Симоне Инзаги изјави дека неговиот тим ги има сите квалитети да му се спротивстави на Ливерпул. Двата тима ќе се сретнат во Милано во натпревар од осминафиналето на Лигата на шампионите.

„Ливерпул е еден од најдобрите тимови во Европа, но нашите играчи заслужуваат да играат на вакви натпревари. Не сме играле во осминафинале од ЛШ долги години и знаеме дека ќе биде тешко, но ќе се обидеме да се справиме. На хартија, Ливерпул е фаворит, но ќе им кажам на моите играчи да излезат психички растеретени и да ги покажат квалитетите кои ги поседуваат. Желбата за победа ќе ја направи разликата меѓу двата тима“, изјави Инзаги.

Поранешниот играч за врска на Барселона, Андрес Иниеста изјави дека би сакал да се врати во каталонскиот клуб. Во моментов Шпанецот настапува како дел од јапонскиот клуб Висел Кобе.

„Би сакал да се вратам во Барселона. Сè уште навистина уживам да сум во фудбалот и да размислувам за тоа. Ова е она што најмногу ме возбудува. Често сфаќам дека сакам да станам тренер или спортски директор. Сакам мојата иднина да биде поврзана со фудбалот“, изјави Иниеста.

Иниеста игра за Висел Коби од 2018 година, приклучувајќи се на тимот како слободен играч. Целиот претходен дел од својата професионална кариера, фудбалерот го мина во шпанска Барселона, освојувајќи 32 трофеи со тимот. Како дел од шпанската репрезентација Иниеста стана шампион на Европа и светот. Договорот на играчот од средниот ред со јапонскиот клуб истекува во 2024 година.