Арсенал не смее да остане само на пропуштената шанса, туку мора да го надмине поразот од Астон Вила, изјави лондонскиот менаџер Микел Артета. Во неделата „топчиите“ загубија на домашен терен со 2-0, и останаа два бода зад Манчестер Сити, кој е сега осамен на врвот на табелата.

„Тоа е реалноста. Така беше во последните неколку месеци. Знаевме дека може да дојде овој тежок момент и сега мораме соодветно да реагираме. Ако само еден резултат не потресе, тогаш не сме доволно силни. Имавме одличен настап во првото полувреме, моментумот се смени, сега мораме да застанеме на нозе“, изјави Артета по вчерашниот пораз од Астон Вила.

Веќе в среда Арсенал го очекува мечот со Баерн Минхен во реванш четвртфиналниот натпревар од Лигата на шампионите, откако првата средба меѓу двата тима заврши нерешено 2-2.

Фудбалерот на Барселона Иниго Мартинез предизвика голем скандал бидејќи со приватен авион отишол на прославата на трофејот на Aтлетик Билбао.

32-годишниот стопер на Барселона во минатото правеше потези кои во најмала рака се дискутабилни, но овојпат веројатно ја помина границата. Мартинез, со приватен авион заминал во Билбао за со навивачите да ја прослави победата на Атлетик во шпанскиот Копа дел Реј.

Билбао го освои Копа дел Реј на 6. април победувајќи ја Мајорка во финалето на пенали, а претходната вечер беше организирана голема прослава. Мартинез се приклучи на играчите на Атлетик кои со чамци славеа во реката и покажаа непочитување кон неговиот сегашен клуб Барселона.

Ова не е прв пат Мартинез да предизвикува скандали. Тој порасна во Реал Сосиедад, лутиот ривал на клубот од Билбао и секогаш велеше дека никогаш нема да се пресели во Атлетик, за потоа да заигра за овој клуб во 2018 година.

Легендарниот, Икер Касилјас, вели дека ФИФА би можела да ја елиминира Шпанија како домаќин на Мундијалот во 2030 година поради скандалот поврзан со Кралската шпанска фудбалска федерација (РФЕФ), чиј поранешен претседател Луис Рубиалес е обвинет за корупција.

„Се плашам дека може да ни биде одземено Светското првенство во 2030 година, ќе видиме!“, напиша Касиљас, означувајќи го профилот на „RFEF“.

Шпанија, Португалија и Мароко треба да бидат домаќини на големиот фудбалски настан кој ќе биде специфичен бидејќи за прв пат ќе донесе и три натпревари во Јужна Америка: по еден во Аргентина, Уругвај и Парагвај.

Стив Мекманаман во интервју за англиските медиуми истакна дека според него Чаби Алонсо не сака да го наследи Јирген Клоп на клупата на „црвените“ следната сезона бидејќи единствена желба му е да го преземе Реал Мадрид.

Алонсо, кој оваа сезона прави чуда со Леверкузен, неодамна јасно стави до знаење дека нема намера да биде тренер на Ливерпул, а поранешниот англиски репрезентативец ги откри плановите на Шпанецот.

„Не можам да кажам со сигурност, но работата во Реал е приоритет. Доколку Карло Анчелоти се повлече следната година, ќе помине уште една година, а Чаби да го стекне потребното искуство и овој потег воопшто не би изненадил, сепак, една година е долг период и ќе видиме што ќе се случи“.

Во неодамнешното интервју за „ТНТ Спортс“, Чаби Алонсо зборуваше за причините поради кои ги одби Баерн и Ливерпул и одлучи да остане во Баер Леверкузен.

„Имам многу причини за оваа одлука. Овде градиме одличен тимски дух. Има многу причини и многу играчи кои ме тераат да останам. Оваа сезона беше одлична досега. Сите сме свесни дека сакаме да продолжиме заедно, јас се чувствувам како дел од клубот“, изјави Алонсо.

За Себаљос повеќе нема место во Реал Мадрид и „кралевите“ му порачале дека конечно може да си бара нов клуб.

Интерес за Себаљос покажуваат неколку клубови од Премиер лигата, пред се Арсенал.

Артета многу ги цени квалитетите на Шпанецот и верува дека би бил одлично засилување за средниот ред.

Реал нема да постави висока цена па Арсенал веќе почнал преговори со агентот на Себаљос, кој исто така е спремен да ја промени средината.

Младиот фудбалер на Баер Леверкузен Флоријан Виртц е голема желба на Баерн Минхен, пишуваат германските медиуми.

Виртц може да игра во средниот ред, но и како крилен напаѓач и е еден од најбараните германски фудбалери.

Младиот плејмејкер има долгорочен договор во Леверкузен и најверојатно ќе чини цело богатство, но Баерн нема да жали пари за да го доведе во Минхен.

Баварците сакаат да ја градат иднината околу Виртц и поради тоа сакаат да ја победат конкуренцијата, па се спремни да испратат рекордна понуда, која ќе надминува 100 милиони евра.

Англиската Премиер лига од следната сезона ќе има уште една новина која е поврзана со употребата на ВАР-технологијата.

Полуавтоматскиот офсајд ќе го елиминира долгото чекање за проценка на ВАР со повлекување линија преку екранот, што постојано предизвикува критики поради неговата неточност. Технологијата нема да биде достапна на секој стадион од почетокот на сезоната. Очекувањата се дека секаде во употреба ќе биде до првата меѓународна пауза во октомври.

„Технологијата ќе обезбеди побрзо и поконзистентно поставување на виртуелната офсајд линија, заснована на оптичко следење на играчите и ќе произведе висококвалитетна графика за емитување за да обезбеди подобрено искуство на стадионот и емитување за навивачите“, соопштија од Премиер лигата.

Манчестер Јунајтед и Њукасл покажуваат сериозен интерес за ѕвездата на Јувентус и француската репрезентација, Адриен Рабио.

Рабио влезе во последната година од договорот и нема најави за продолжување на соработката, па на лето ќе замине како слободен агент. Тен Хаг е голем симпатизер на квалитетите на Рабио и сака да го засили средниот ред за следната сезона.

Интерес за Французинот покажуваат уште Арсенал и Њукасл, но Манчестер Јунајтед сака да ја победи конкуренцијата.

Рабио сака кариерата да ја продолжи во Премиер лигата и веќе започнал преговори со „црвените ѓаволи“.

Напаѓачот на Баер Леверкузен, Виктор Бонифејс е голема желба на италијанскиот гигант Милан, пренесуваат италијанските медиуми.

Приоритет на Милан ова лето ќе биде доведување на врвен напаѓач, кој ќе биде наследник на Жиру, а најновото име на списокот е токму Бонифејс.

„Кориере дело Спорт“ тврди дека Нигериецот ќе потпише за Милан во трансфер вреден 50 милиони евра.

Бонифејс постигна 17 гола и запиша девет асистенции на 26 натпревари  за Леверкузен оваа сезона.

Килијан Мбапе на крајот од сезоната го напушта ПСЖ, а францускиот клуб веќе бара замена. Британски „Телеграф“ пишува дека Луис Дијаз од Ливерпул ќе биде главна трасфер цел на ПСЖ ова лето.

ПСЖ долго време покажува интерес за 27-годишниот Колумбиец, а сега наводно тргнале по неговиот потпис и би можеле да испратат понуда над 120 милиони евра.

Дијаз наводно одбил да го продолжи договорот со Ливерпул, а неговата иднина ќе се одлучува откако ќе биде назначен нов тренер.