Новиот селектор на младинската репрезентација до 21 година, Горан Станиќ во интервју за официјалниот сајт на ФФМ ги кажа размислувањата за новиот предизвик.

Актуелниот тренер на Работнички, Горан Станиќ со успех ги водеше младинските селекции на Македонија до 17 и 19 години, а сега ќе ги води и надежите до 21 година.

„Имав единствена можност да бидам селектор на сите млади генерации од 16 до 19 години. Доживеав прекрасни моменти и имав незаборавно искуство во тој период во кој остваривме два успешни квалификациски циклуси и ја исполнивме поставената цел, пласман во елитната фаза на квалификации, првиот пат со селекцијата до 17 години, вториот со репрезентацијата до 19 години, што секако само по себе претставуваше голем успех и сатисфакција“, вели Станиќ за официјалниот сајт на ФФМ.

„Новата генерација Македонија до 21 несомнено е дека располага со голем квалитет и потенцијал. Голем дел од фудбалерите веќе се стандардни во своите екипи и имаат стекнато прволигашко искуство. Повеќето од играчите добро ги познавам. Располагаме со квалитет што ни дава за право да се надеваме на добри резултати“.

„Очекувањата од претходниот квалификациски циклус за пласман на ЕП беа големи, особено по одличниот старт и победата над Шведска во првото коло на гостински терен. Мислам дека имавме потенцијал да оствариме подобар пласман, но не оди секогаш според планираното“.

„Планирам да имплементирам мои методи и принципи на работа во кои цврсто верувам и мислам дека ќе ни дадат резултат. Битно е фудбалерите да разберат што е тоа што ќе се бара од нив, а моја ќе биде одговорноста како и на кој начит ќе им го презентирам тоа, а се со цел да имаме подобра комуникација и разбирање на теренот“.

„Промени ќе има, со оглед на тоа што ова е нова генерација. Фудбалерите што беа дел од претхоните квалификации немаат право за настап во следните квалификации, така што е природно да има промени. Во следниот квалификациски циклус право на настап ќе имаат фудбалерите родени во 2004 и 2005 година, но секако дека ќе добијат можност и некои фудбалери кои се родени 2006 година“.

Дефанзивецот на Наполи, Марио Руи ќе го напушти клубот, тврди новинарот Фабрицио Романо.

Според изворот, Португалецот и Наполитанците преговараат за раскин на договорот. Во блиска иднина фудбалерот ќе стане слободен агент.

Во тековната сезона Руи нема одиграно ниту еден натпревар. Во сезоната 2023/24 тој запиша две асистенции на 28 натпревари.

Александер Исак игра во блескава форма во Премиер лигата. Напаѓачот на Њукасл и постигна седум гола на последните шест натпревари, со што дојде до бројка од 11 првенствени голови на 16 одиграни натпревари. Има и четири асистенции.

Исак веќе извесно време се поврзува со бројни европски великани. Арсенал сериозно се интересираше минатото лето, во пресрет на зимскиот преоден рок се огласи Челзи, а се споменува и Пари Сен Жермен.

Британски „Телеграф“, наведува дека не треба да се исклучи интересот на Реал Мадрид и Барселона. Како и да е, кој сака да го донесе ќе мора одвои еден куп пари.

Според овој извор, Њукасл за Исак бара дури 180 милиони евра. Иста сума му плати ПСЖ на Монако за Килијан Мбапе и тоа засега е втор најскап трансфер во историјата на фудбалот. Повеќе пари чинеше само трансферот на Нејмар од Барселона во ПСЖ (222 милиони).

Овој потег на Њукасл не треба да чуди со оглед на тоа што клубот е во сопственост на Саудиска Арабија и нема финансиски проблеми.

Њукасл му плати на Реал Сосиедад 70 милиони евра за Исак во летото 2022 година.

Прославениот српски тренер Радомир Антиќ следниот викенд ќе добие голема чест во местото каде што помина значаен дел од својот живот. Антиќ почина на 6.април 2002 година во Мадрид.

Фудбалскиот клуб Марбеља објави дека претстојниот натпревар од Копа дел Реј против Атлетико Мадрид, закажан за 4 јануари, ќе биде во знакот на поранешниот селектор на Србија и тренер на Барселона, Реал Мадрид и Атлетико Мадрид.

Антиќ живееше во Марбеља, а градот Малага најави дека ќе му оддаде почест, бидејќи овој натпревар ќе се игра на стадионот Ла Росаледа“ во Малага, поради огромниот интерес.

Најавено е дека веќе се продадени 25.000 билети и дека остануваат уште само 6.000, кои сигурно ќе бидат продадени во следните неколку дена.

Најавено дека првиот удар на мечот ќе го изведе неговата ќерка Ана.

Дефанзивецот на Реал Мадрид, Давид Алаба ќе мора да почека уште малку за враќање на терените. Австрискиот репрезентативец пред една година заработи повреда на лигаментите на коленото и се уште не е опоравен.

Поранешниот играч на Баерн е во завршна фаза на опоравување, но мака мачи со рехабилитација.

Реал Мадрид потврди дека Алаба нема да игра до март и за тоа време ќе тренира со полн интензитет.

Како што знаете, Едер Милитао и Даниел Карвахал се аут до крајот на сезоната, па јасно е дека одбраната на Реал Мадрид ќе биде ослабена.

Барселона го реши горливиот проблем и ги обезбеди средствата за регистрација на својот фудбалер Дани Олмо, три дена пред шпанскиот репрезентативец да стане слободен играч.

Претседателот на каталонскиот клуб Жоан Лапорта успеа да ги собере потребните средства за да ги почитува правилата за финансиски фер-плеј и Олмо ќе биде регистриран до крајот на календарската година.ѓ

Парите Лапорта ги собра со изнајмување на ВИП-кутиите на стадионот „Камп Ноу“, со што клубот заработи 100.000.000 евра. Засега не е познато за кој период биле изнајмени ложата, но каталонски „Спорт“ неодамна проговори за временска рамка од 20 години.

Според ексклузивни сознанија на „Марка“, првиот човек на Барселона ја договорил зделката со неколку арапски компании и сега само чекаме парите и официјално да бидат префрлени на сметката на клубот.

Арсенал скапо ја плати убедливата победа против Кристал Палас остварена со резултат 5-1, од едноставна причина што „топчиите“ по вторпат оваа сезона останаа без клучен фудбалер во првиот тим.

По непријатната повреда која ја имаше капитенот Мартин Одеград, сега уште посериозна повреда заработи Букајо Сака, па поради тоа англиското крило мораше да направи и операција за да го санира проблемот на задната ложа.

– Мнозинството гледа пречки, но малкумина гледаат можности. Закрепнувањето започна и ќе се вратам на теренот посилен! Ви благодарам на сите за пораките…. Ова е планови на Бога….“, порача Сака.

Фудбалерите на Парма ја совладаа Монца со 2-1, додека Џенова со истиот резултат го победи во Емполи.

Парма не ги доживува баш најславните денови од својата историја, но за пофалба е што ја постигна четвртата сезонска победа, иако беше против инфериорната Монца, која е последна на табелата поредокот.

„Млекарите“ победија со 2-1, а стрелци беа Ернани во 56. минута од пенал и Валенти, кој ги реши сите прашања во 98. минута од натпреварот.

Единствен стрелец за гостинскиот тим беше Переира во 85. минута. Монца играше со играч помалку од 54. минута, кога Мари го доби вториот жолт картон.

Емполи беше домаќин на Џенова, гостите славеа со 2-1.

Гостите поведоа во 46. минута со голот на Бадељ, а Екубан во 68. минута зголеми на 2-0. Емполи успеа да го ублажи поразот и намали на 2-1 со голот на Еспосито во 74. минута.

Португалската ѕвезда, Кристијано Роналдо, проговори за напорниот календар во фудбалот откако повеќето тренери и играчи од Европа, реагираа дека тој влијае на здравјето на фудбалерите.

„Клубовите треба подобро да се грижат за младите играчи. Белингем или Ламин на пример, се многу млади. Ќе мора да се жртвуваат многу и ќе им треба малку среќа за да играат на мои години но, клубовите треба да се грижат за нив.

Играчите се жалат дека има премногу натпревари, се согласувам. Мислам дека единствениот начин да се направи баланс е да тренирате помалку или да тренирате попаметно“, рече 39-годишниот напаѓач на Ал Наср.

Жозе Мурињо од раководството во Фенербахче побарал две засилувања за јануарскиот преоден рок.

Според турскиот медиум „Фотомач“, Жозе Мурињо лично му се обратил на газдата Али Коч со барање за две засилувања.

Првата желба на Мурињо е неговиот сонародник, Жоао Феликс кој не ја добива посакуваната минутажа во Челси.

Сините сакаат да се ослободат од неколку своите фудбалери со цел да го намалат големиот фонд на играчи кои го имаат, па Мурињо тука ја гледа шансата за ангажман на Феликс. Тој најпрво би пристигнал на позајмица, а би имал опција и за целосен откуп.

Покрај Феликс, Мурињо го сака и Зинченко од Арсенал. Неговата ситуација е слична како и онаа на португалскиот фудбалер.