Легендата на Премиерлигата, а особено на Лестер Сити, Џејми Варди имаше договорен трансфер, но на крајот сè пропадна.

Имено, на Варди му заврши договорот со Лестер, и тој е слободен играч во потрага по нов клуб.

Иако има 38 години, тој сака да игра на високо ниво и во следните години, а како и да не сака, кога на 500 натпревари во сите натпреварувања постигна 200 гола и додаде 71 асистенција.

Како што тврдат новинарите на Ла Република, Варди својата кариера требаше да ја продолжи во Италија и сè беше договорено, а потоа работата ја расипал тренерот Патрик Виеира.

Ла Република тврди дека Варди имал договорен трансфер токму во Џенова, но сè во последен момент го блокирал токму Виеира.

Бразилецот Родриго може да го напушти Реал Мадрид и кариерата да ја продолжи во редовите на актуелниот европски шампион ПСЖ.

Ѕвездата на Реал Мадрид Родриго се почесто се поврзува со заминување од „кралскиот клуб“. Се спомнуваше трансфер во Англија, каде што го посакуваат најголемите клубови, и големата понуда од Ал Наср од Саудиска Арабија.

Сакаш да снимаш видеа и да заработуваш од тоа? ТЕБЕ ТЕ БАРАМЕ! ↓↓↓

Меѓутоа, ЕСПН Бразил тврди дека 24-годишниот офанзивец би можел да ја продолжи кариерата во редовите на европскиот шампион ПСЖ. Преговорите веќе започнале.

„ПСЖ контактираше со претставниците на бразилскиот фудбалер Родриго. Сакаат да знаат дали постои желба да дојде во Париз“, наведува ЕСПН и дополнува:

„Манчестер Сити, Арсенал и ПСЖ веќе го контактираа фудбалерот и му соопштија дека го сакаат. Тој досега говореше дека сака да остане, но работите би можеле да се променат“.

ПСЖ бара уште еден офанзивец ова лето. Луис Енрике бара крилен напаѓач кој е способен да игра на неколку позиции, особено на позицијата “лажна деветка”.

Така, шпанскиот стручњак би создал уште поголем простор за Усман Дембеле, а токму Родриго совршено се вклопува во идеите што ги има тренерот на европскиот шампион.

Карло Анчелоти стана селектор на Бразил, а во таа земја оди и неговиот син, Давиде Анчелоти кои го презема кормилото на Ботафого.

36-годишниот Давиде Анчелоти до минатата сезона беше помошник на Карло, а сега почнува самостојна тренерска кариера.

Давиде повторно ќе биде во земјата каде ќе е и неговиот татко, но овојпат ќе работат на различни проекти.

Анчелоти јуниор ќе има голем предизвик бидејќи го презема кормилото на Ботафого кој е актуелен шампион на Бразил и на Копа Либертадорес.

Бразилскиот шампион изминатата сезона го водеше Артур Жорже, кој по големите успеси се пресели во Катар. На негово место во февруари дојде Ренато Паива, кој по само неколку месеци беше отпуштен. Под негово водство, Ботафого приреди изненадување победувајќи го ПСЖ во групната фаза на Светското клупско првенство, но потоа испадна од Палмеирас во првото елиминациско коло.

Голманот на Милан, Мајк Мањан и во наредната сезона ќе брани во Милан, потврди тренерот на италијанскиот гигант Масимилијано Алегри.

Мањан пристигна во Милан во 2021 година од Лил, а летово на големо се поврзувааше со преселба во Челси, сепак тоа нема да се случи.

„Навистина сум среќен што Мајк одлучи да остане, тој е еден од најдобрите голмани во Европа и ќе продолжи да биде наш капитен“, изјави Алегри.

Покрај Лил, Мањан во кариерата беше дел само уште од Париз и трансферот во Милан за него беше прв надвор од границите на Франција.

Иван Ракитиќ денес и официјално објави крај на кариерата, а со емотивно писмо од него се збогуваше и македонскиот репрезентативец, Александар Трајковски.

Трајковски со Ракитиќ беше соиграч во Хајдук каде што изгради и пријателство со поранешниот фудбалер на Барселона и Севиља.

„Денешот ден не е обичен бидејќи означува крај на едно убаво поглавје од твојот живот. Денес го напушташ теренот како фудбалер, но со себе го носиш она што низ годините секогаш го даваше: Страста, верноста, жртвите – и над сè, класата, на теренот и надвор од него.

За мене беше привилегија да се дели оваа година со тебе и многу научив, не само како соиграч, туку и како човек. Ме прими како брат и направи да се чувствувам посебен. Ти честитам на кариерата која ја изгради и на целите кои ги постигна. Денес престануваш да играш, но никогаш нема да престанеш да бидеш пример за сите нас. Среќно во се што те чека“, објави Трајковски.

Во хрватските медиуми се најавува дека Ракитиќ ќе продолжи во Хајдук во улога со која ќе помага во спортскиот сектор.

Фудбалерите на Мексико го освоија северноамериканскиот Голд Куп по десетти пат, откако го победија домаќинот САД со 2-1 во финалето на овогодинешното издание во Хјустон.

Во натпреварот меѓу двете најсилни репрезентации во Северна Америка, САД поведоа уште на самиот почеток со голот на Крис Ричардс во 4. минута.

Сепак, Мексико успеа да израмни преку својот искусен напаѓач Раул Хименез во 27 минута, пред Едсон Алварез да го постигне победничкиот гол во второто полувреме во 77 минута.

Мексико на тој начин го одбрани трофејот освоен пред две години и дојде до својата десетта титула во 18 изданија на Голд Купот, додека САД останаа на седум трофеи.

Тренерот, Симоне Инзаги, го информирал раководството на Ал-Хилал дека сака да се раздели со 4 фудбалери.

На неговиот списокот се ставени Малком, потоа најдобриот стрелец, Александар Митровиќ (20 гола на 23 натпревари), играчот од средниот ред Каи Цезар и дефанзивецот, Ренан Лоди.

Минатата сезона, Ал-Хилал заврши на второто место во Саудиска Арабија а стигна до полуфиналето на Азиската Лига на шампиони и до четвртфиналето на Светското клупско првенство.

Медиумите во Италија се убедени дека фудбалерот на Милан, Тео Ернандез, ќе замине во Ал-Хилал откако ќе заврши Светското клупско првенство во САД.

Францускиот интернационалец бидејќи не успеа да издејствува трансфер во шпанскиот Атлетико Мадрид, веројатно ќе ја прифати понудата од Саудиска Арабија.

Засега не се потенцира трансферната сума. Преговорите веројатно ќе се интензивираат во почетокот на наредната работна недела.

Дензел Дамфрис би можел наскоро да го напушти Интер, англиските медиуми пренесуваат дека Манчестер Сити започнал преговори за негов ангажман.

Холандскиот бек има откупна клаузула од 25 милиони евра, која истекува на 15 јули, а „граѓаните“ веќе бараат замена за Кајл Вокер. Сумата не претставува пречка за англискиот шампион, па зделката може да се реализира во наредните денови.

Думфрис имаше силна сезона, особено во Лигата на шампионите каде се истакна против Барселона, а дополнителен мотив за трансфер е и нарушената атмосфера во Интер.

Фенербахче го договори првото засилување во нападот Џон Дуран пристигнува од Ал Наср на едногодишна позајмица.

„Жолто-сините“ целосно ќе ја покријат платата на колумбискиот напаѓач, кој минатата сезона постигна 12 гола на 18 натпревари за тимот од Саудиска Арабија. Со оваа зделка, Жозе Мурињо почнува да го склопува составот со кој ќе атакува на шампионската титула во Турција.

Дуран претходно настапуваше и за Астон Вила, Чикаго и Енвигадо. Во јануари оваа година договорот на Дуран беше откупен од страна на Ал Наср за огромни 77 милиони евра.