Легендата на Баерн и германскиот фудбал, Томас Милер, го одигра својот последен натпревар во дресот на Баварците. Фудбалерите на Пари Сен Жермен го победија тимот на Баерн со 2-0 и се пласираа во полуфиналето на Светското клупско првенство во САД.

Томас Милер играше за германскиот тим во финишот од натпреварот. 35-годишниот фудбалер влезе на теренот во 80-та минута наместо Кингсли Коман и тоа беше неговиот последен натпревар во дресот на Баерн.

Германскиот ветеран не доби нов договор и во април го објави своето заминување од Минхен на крајот од сезоната.

Томас Милер е дете на Баерн, целата своја кариера ја помина со Баварците. Дебитираше за првиот тим во 2007 година и одигра вкупно 756 натпревари, постигна 250 голови и запиша 276 асистенции.

Тој е еден од најтрофејните фудбалери во историјата. Во дресот на Баерн, освои точно 33 трофеи.

„Danke für alles, Томас!“, објави Баерн на социјалните мрежи со емотикон од срце.

Фудбалерите на ПСЖ изборија место во полуфиналето на Светското клупско првенство во САД. Во третото четвртфинале на турнирот, ПСЖ го победи Баерн Минхен со 2-0 (0-0). Натпреварот мина во сенка на тешката повреда со која се здоби Џамал Мусијала во финишот на првото полувреме.

ПСЖ натпреварот со Баерн го заврши со двајца фудбалери помалку на теренот. Откако Десире Дуе постигна гол за 1-0 во 78.минута, пет минути подоцна црвен картон доби Пачо, а во 92. минута исклучен беше и поранешниот играч на Баерн, Лукас Ернандес. Точка на натпреварот стави Услам Дембеле во 96.минута.

ПСЖ во полуфиналето ќе игра против победникот од последното четвртфинале во кое се среќаваат Реал Мадрид и Борусија Дортмунд.

Бразилскиот репрезентативец Игор Жезус се пресели од Ботафого во Нотингем Форест.

„Шумарите“ објавија дека потпишала четиригодишен договор со 24-годишниот фудбалер, до летото 2029 година.

Клубовите не ја објавија сумата на трансферот, но медиумите известуваат дека станува збор за околу 10 милиони фунти (околу 12 милиони евра).

Жезус ја започна својата професионална кариера во бразилскиот клуб Коритиба, потоа играше за Шабаб Ал Ахли од Обединетите Арапски Емирати пред да се приклучи на Ботафого во 2024 година.

Напаѓачот одигра 59 натпревари за клубот од Рио де Жанеиро во сите натпреварувања и постигна 17 гола.

Тој особено се истакна на Светското клупско првенство, помагајќи му на Ботафого да се квалификува во нокаут фазата, постигна два гола, вклучувајќи го и победничкиот гол против европскиот шампион Пари Сен Жермен.

Списокот на учесници во полуфиналето на Светското клупско првенство е комплетиран. Во последниот натпревар од четвртфиналето на стадионот „Мет Лајф“ во Њу Џерси, Реал Мадрид ја победи Борусија Дортмунд со 3-2.

Чаби Алонсо за нешто помалку од еден месец колку што е тренер на Реал, на големата сцена го промовираше Гонзало Гарсија.

Момчето од клупската академија го постигна четвртиот гол на првенството, моментално е израмнет на првото место на листата на стрелци и е сериозен кандидат да биде главен хит на ова прво клупско Светско првенство.

21-годишниот централен напаѓач му донесе водство на Реал во 10-та минута по асистенцијата од Арда Гулер. Неговиот имењак Фран го зголеми резултатот на 2-0 десет минути подцна.

Реал ја држеше предноста до финишот, а потоа во судиското надополнување беа постигнаи уште три гола.

Максимилијан Баер намали на 2-1 во 92. минута, а една минута подоцна Килијан Мбапе му ја врати на Реал предноста од два гола. Хујсен во 95-та минута доби црвен картон, а Гираси од пенал во 98. минута го постави конечниот резултат.

На крајот, може да се каже дека херој е Тибо Куртоа, кој во десеттата минута од судиското продолжение го одбрани ударот на Марцел Сабицер, со кој Реал обезбеди пласман во полуфиналето на Светското клупско првенство.

Понекогаш, фудбалерите стануваат симболи и легенди на своите држави, особено во Јужна Америка каде фудбалската страст често преминува граници кои тешко се дефинираат.

Уругвај се смета за една од јаслите на фудбалот, особено кога станува збор за репрезентативниот аспект.

Уругвај е земја домаќин на првото Светско првенство во 1930 година, а можат да се пофалат и со две титули светски шампиони во 1930 и 1950 година.

Во поново време, Уругвај игра важна улога на светската фудбалска сцена.

Тука се издвојува Светското првенство во Јужна Африка во 2010 година, кога завршија на четвртото место, а тој шампионат беше запомнет и по раката на Суарез во мечот против Гана.

Луис Суарез се издвојува како еден од најголемите уругвајски фудбалери во последниве две децении.

Покрај Суарез, тука е и Единсон Кавани, двајца фудбалери кои сочинуваа мошне успешен напаѓачки тандем во светот на фудбалот.

За да им се оддолжи на своите фудбалски херои, Уругвај реши да преземе одредени мерки.

Онест Аханор е најновото засилување на Аталанта.

Станува збор за фудбалер кој игра со левата нога и е роден во 2008 година, за кого беа издвоени дури 16 милиони евра, плус дополнителни 4 милиони во бонуси.

Тој е првиот фудбалер од генерацијата 2008 што започна натпревар во Серија А, играјќи за Џенова против Јувентус.

Неговото потекло е нигериско, но тој е роден во Италија, а Аталанта гордо го објави неговото доаѓање на својот официјален веб-сајт.

Ова е сигурно инвестиција за иднината, иако цената изгледа висока за млад играч кој има само 17 години…

Аханор се позиционира како дефанзивец, првенствено на левата страна, познат по својата брзина и сила, токму поради што Аталанта го купи од Џенова.

Лоренцо Лука е едно од најзвучните имиња на трансфер пазарот во Италија, а освен Наполи за него сега сериозен интерес покажуваат и Милан и Аталанта.

„Росонерите“ испратиле барање до Удинезе за утврдување на цената на напаѓачот, со цел да проценат дали ќе влезат во битката за неговиот потпис. Во игра се и Аталанта, која внимателно го следи развојот на ситуацијата и се очекува наскоро да испрати официјална понуда.

Сепак, Наполи останува лидер во трката за Лука. Антонио Конте инсистира токму тој да биде партнерот на Лукаку во нападот, а како актуелен шампион на Италија, Наполи има конкретна предност.

Лоренцо Лука минатата сезона постигна 12 голови во Серија А и одигра клучна улога во опстанокот на Удинезе.

Францускиот напаѓач Анж Јоан Бони е нов фудбалер на Интер, објави попладнево италијанскиот гигант.

Според италијанските медиуми, трансферот е вреден 23 милиони евра.

Бони доаѓа во Интер од редовите на Парма и беше еден од клучните играчи минатата сезона.

Францускиот репрезентативец до 21 година во својата дебитантска сезона во Серија А одигра 37 натпревари во дресот на Парма и постигна шест голови.

Бони е 37 француски фудбалер во клупската историја на Интер.

Интер во Бони го донесе третото летно засилување за новата сезона по Петар Сучиќ од загрепски Динамо и Луис Енрике од Марсеј.

Англискиот дефанзивец Кајл Вокер ги напушти редовите на Манчестер Сити и од следната сезона ќе го носи дресот на премиерлигашот Барнли.

Барнли не ја прецизираше вредноста на двегодишниот договор, но англиските медиуми јавија дека Вокер ја смениl клупската средина за пет милиони фунти.

„Воодушевен сум што сум тука. Кога разговарав со Скот (Паркер) и слушнав за неговите планови за следната сезона, тоа беше можност што ја искористив веднаш. Тој заврши неверојатна работа тука, враќајќи го клубот во Премиер лигата, а сега заедно се радуваме на настапите во најсилната лига во светот“, изјави Вокер.

Англискиот десен бек го носеше дресот на Манчестер Сити од 2017 година и оттогаш одигра вкупно 319 натпревари за клубот.

Со Манчестер Сити освои шест титули во Премиер лигата, четири во англискиот Лига Куп, по две во ФА Купот и Комјунити Шилд, и по една во Лигата на шампиони, Светското клупско првенство и европскиот Суперкуп.

Барселона сака да го донесе Дензељ Думфрис, но во моментот не може да си дозволи трансфер на одбранбениот играч на Интер Милано поради своите финансиски ограничувања, известува Мундо Депортиво.

Репрезентативецот на Нидерланд, кој има 29 години, одлично се вклопува во шемата на шпанскиот шампион, но клаузулата за неговото откупување изнесува 25 милиони евра. Оваа сума е превисока за Барса.

Дензељ Думфрис има договор со Интер до крајот на сезоната 2027-2028. Бранителот премина од ПСВ Ајндховен кај “неразурите” во 2021 година. Раководството на Каталонците сака да донесе уште еден голман и крило