Maнчестер Сити го потврди ангажманот на еден од најголемите аргентински таленти, Клаудио Ечевери кого го споредуваат дури и со Лионел Меси.

Аргентинецот со „граѓаните“ потпиша договор до 2028 година, меѓутоа на „Итихад“ ќе пристигне дури наредниот јануари, а наредниот период ќе го помине во Ривер Плата каде што ќе игра како позајмен фудбалер и ќе има можност да се стекне со дополнително искуство.

Во Аргентина тој е популарен по прекарот „Ел Дибалито“, има 18 години, а англискиот шампион за него ќе плати сума од 12.5 милиони евра, плус Ривер договори и одредени бонуси.

Лацио има намера да го засили напаѓачкиот потенцијал на тимот во тековниот зимски преоден рок, пренесува „Calciomercato“.

Според изворот, тренерот на Римјаните Маурицио Сари е заинтересиран за потписот на 29-годишниот крилен напаѓач на Торонто, Федерико Бернардески. Италијанскиот фудбалер веќе работеше под водство на тренерот на Лацио во сезоната 2019/2020 во Јувентус.

Забележано е дека Лацио не брза да го придобие Бернардески на трајна основа и моментално размислува за само шестмесечна позајмица за играчот.

Да потсетиме, Бернардески играше за Јувентус пет години (од 2017 до 2022 година). Минатата сезона Италијанецот одигра 33 натпревари за Торонто во сите натпреварувања, на кои постигна пет гола и четири асистенции. Договорот на играчот со канадскиот клуб е со важност до крајот на 2026 година. 

Проценетата цена на фудбалерот, според интернет порталот Трансфермаркт, е 5 милиони евра. Претходно беше објавено дека самиот Бернардески ги понудил своите услуги на Јувентус. Напаѓачкиот играч сонува да се врати во клубот од Торино.

Франк Кеси минатото лето ја напушти Барселона и кариерата ќе ја продолжи во Саудиска Арабија во дресот на Ал Ахли, потврдија денес двата клуба.

Кеси не се снајде најдобро во Барселона и кратко му траеше авантурата на „Камп Ноу“, иако пристигна како големо засилување.

Сега Кеси не е задоволен во Саудиска Арабија и сака повторно да се врати во Европа, односно во Серија А каде ја доживеа својата афирмација.

Силен интерес за него покажува Јувентус, кој е во потрага по играч за врска, а Алегри многу ги цени квалитетите на Кеси.

Јувентус ќе се обиде да го доведе Кеси на позајмица со право на откуп на крајот на сезоната.

Фабио Капело смета дека на Реал Мадрид во моментов повеќе му е потребен Ерлинг Халанд, отколку Килијан Мбапе од ПСЖ.

„Кралевите“ постојано се поврзуваат со трансфер на Мбапе и веќе неколку години работат на негово доаѓање на „Сантиаго Бернабеу“.

Сепак, Капело смета дека на Реал му е потребен класичен голгетер како Халанд бидејќи веќе го има Винисиус, кој има слични карактеристики како Мбапе.

„Мбапе не е централен напаѓач, тој сака да игра на крилните позиции. Реал веќе го има Винисиус. На Реал му треба центарфор, па поради тоа сметам дека Халанд е подобар избор“, истакна Капело.

Арсенал покажува сериозен интерес за ѕвездата на Болоња, Џошуа Зиркзе, пренесиваат медиумите на Апенините.

22-годишиот Зиркзе поникна во академијата на Баерн Минхен, но бидејќи не можеше да се избори за место во тимот беше испраќан на позајмици. Зиркзе блеска оваа сезона во Болоња и беше избран за откритие на сезоната во Серија А, па го привлече вниманието на многу европски гиганти.

Арсенал сака да ја победи конкуренцијата бидејќи Зиркзе е голема желба на Артета и спреми понуда од 50 милиони евра.

Со денови се шпекулира каде ќе ја продолжи кариерата легендарниот Карим Бензема. Медиумите го преселија во Челзи, Арсенал, Лион, вчера се појави информација дека и Манчестер Јунајтед го сака…

За сето ова време Французинот кој има астрономски договор со Ал Итихад не се огласи, а синоќа реши да стави крај на сите овие гласини и јасно стави до знаење дека нема намера да ја напушти Саудиска Арабија, иако тренерот Марсело Гаљардо не го однесе на мини – подготовките за Дубаи.

„Чиста лага! Француските медиуми веќе не знаат што да измислат. Колку е поголема лагата, толку подобро“, одговори синоќа Бензема на прашањето дали ќе го напушти Ал Итихад.

Францускиот напаѓач минатата година по 14 сезони го напушти Реал Мадрид и се пресели во Ал Итихад, каде не пружа игри на кои се навикнати љубителите на фудбалот.

Ливерпул и Челзи петти пат во финалето на Лига Купот во последните дваесет години

Ливерпул и Челзи по петти пат во последните 20 години ќе се сретнат во финалето на домашeн куп. „Сините и црвените“ ќе играат во одлучувачкиот натпревар за Купот на ЕФЛ (Карабао куп) на стадионот „Вембли“ на 25 февруари.

Да потсетиме, синоќа Ливерпул одигра нерешено на реваншот од 1/2 финалето на Лига купот против Фулам и обезбеди пласман во финалето. Челзи претходно го победи Мидлсброу со 6-1 во реваншот полуфинале и исто така го резервира своето патување на Вембли.

Ливерпул и Челзи претходно играа меѓусебно во финалињата на домашните купови во сезоните 2004/2005 (ФА Куп), 2011/2012 (ФА Куп), 2021/2022 (Англиски Лига Куп) и 2021/2022 (ФА Куп). Ливерпул досега го освоија Лига купот девет пати, што е рекорд на турнирите.

Македонскиот репрезентативен голман Столе Димитриевски е пред потпишување на нов договор со Рајо Валјекано.

Актуелниот договор на чуварот на мрежата истекува на крајот на оваа сезона, а Столе Димитриевски секако напомена дека прво ќе разговара со сегашниот клуб за продолжување на соработката.

„Ел Чирингито“ тврди дека Столе Димитриевски многу брзо ќе стави потпис на нов договор, а ќе добие зголемување на годишната плата.

Виктор Осимен готово сигурно налето ќе се пресели во Премиер лигата.

Осимен неодамна стави потпис на нов договор со Наполи, но во него има откупна клаузула.

После лошата сезона на Наполи, Осимен јавно потврди дека е спремен да следен чекор во кариерата и дека има донесено одлука.

„Веќе ја донесов мојата одлука за следниот чекор што треба да го направам на крајот од сезоната. Веќе имам се јасно во мојот ум, веќе го имам мојот план. Знам што сакам да правам, следниот избор што сакам да го направам е веќе донесен. Премиер лигата е една од најголемите лиги во светот. Сакам да ја завршам сезоната со Наполи најдобро што можам и тогаш ќе дојде конечниот избор“, изјави Осимен.

Лука Јовиќ ова лето пристигна во Милан на позајмица од Фиорентина, но „росонерите“ имаат опција да го задржат на крајот на сезоната.

Јовиќ лошо ја отвори сезоната, но како што одминуваше сезоната Србинот игра се подобро и моментално е во одлична форма.

Милан има опција во договорот да го задржи на крајот на сезоната без обештетување, бидејќи Јовиќ во Фиорентина пристигна како отстапен од Реал Мадрид.

Раководството на Милан е задоволно од неговиот учиник во тимот и е спремно да му понуди 3-годишен договор, па двете страни се блиску до договор.

Милан на лето сака да доведе врвен голгетер, а Јовиќ ќе остане како втора опција во нападот.