Менаџерот на Арсенал, Микел Артета, информираше за повредите на Вилијам Салиба и Деклан Рајс по победа против Кристал Палас во последното коло во Премиер лигата.
Салиба беше заменет од Кристијан Москера на полувремето, а Рајс мораше да ја напушти играта во последните 10 минути. Артета призна дека не е сосема сигурен за сериозноста на повредите.
„Вилијам Салиба почувствува болка. Деклан Рајс исто така. Салиба се опорави од нокаут што го претрпе. Со Деклан, навистина не знам што е точно, бидејќи беше болно, дали беше на листот или на Ахиловата тетива ќе видиме“, потврди Артета.
Лацио ја продлабочи кризата на Јуве, Тудор ризикува отказ
Фудбалерите на Лацио го победија Јувентус со 1-0 во последниот натпревар од деветтото коло на италијанската Серија А. Единствениот гол на натпреварот го постигна хрватскиот фудбалер Тома Башиќ, кој беше стрелец во деветтата минута од натпреварот. Тоа беше неговиот прв гол по 907 дена.
Со оваа победа, Лацио скокна на 10-то место со 11 бода, додека Јувентус остана осми со еден бод повеќе.
Екипата на Игор Тудор на тој начин продолжи со серија од осум последователни натпревари без победа во сите натпреварувања, што е најдолгата таква серија во последните 16 години. Исто така Јувентус е во серија од четири натпревари без постигнат гол во сите натпреварувања.
Лацио, од друга страна, ја продолжи својата серија од четири натпревари без пораз.
Лацио поведе во деветтата минута. Башиќ го постигна голот по катастрофалната грешка на напаѓачот на Јувентус, Џонатан Дејвид, кој се обиде да ја врати топката кон својата одбрана со глава, но ја додаде директно до Данило Каталди.
Капитенот на Лацио веднаш ја препозна можноста и навремено го проигра Башиќ, кој шутираше по земја со левата нога од околу 20 метри. Топката отскокна од Федерико Гати и го измами голманот Матија Перин.
Реал ја прекина црната серија и конечно доби „Ел Класико“ против Барса
Реал Мадрид победи во 191-то „Ел Класико“. Вечерва на „Сантијаго Бернабеу“, Реал ја совлада Барселона со 2-1.
Реал го надигра најголемиот ривал, особено во првиото полувреме, забележа победа и стекна пет бода предност пред Барселона.
На две различни полувремиња сведочеа гледачите на „Сантијаго Бернабеу“. Брилијантно прво полувреме, со многу шанси и бледо второ полувреме.
Започна бурно, веќе во втората минута судијата досуди пенал за домашната екипа поради наводен фаул од Ламин Јамал врз Винисиус. Сепак, по гледањето на видеото, одлуката беше поништена.
Десет минути подоцна, Мбапе постигна брилијантен гол. Додека играчите на реал славеа се огласи ВАР и го поништи голот поради милиметарски офсајд.
Во 21-та минута, Мбапе, по одличното додавање од Белингам, се најде сам пред Шчечин и ја затресе мрежата за водство на Реал.
Овој пат немаше офсајд. 12-ти гол на Мбапе оваа сезона, а веќе шести во натпреварите од „Ел Класико“. Откако Реал пропушти неколку добри шанси, се истакна голманот на Барса Шчесни, казната дојде во 38. минута. Грешката на Арда Гулер ја казни Фермин Лопес и израмни на 1-1.
Четири минути подоцна Реал ја врати предноста со голот на Белингем. Во 45. минута Мбапе постигна гол, но беше во голем офсајд и резултатот остана 2-1
Во вториот дел, Шчесни, најдобриот играч на Барселона, му одбрани пенал на Мбапе во 52. минута. Во следниот напад Фермин Лопз промаши голема шанса за Барселона.
Од тој момент падна темпото во играта, Барселона ја презеде контролата врз топката, но немаше никаква продукција. Можеше Кунде да изедначи во 90. минута, но лошо ја прими топката испратена од Јамал.
Во 98. минута Шчесни го одбрани обито на Родриго од слободен удар. Пред истекот на натпреварот Педри го доби вториот жолт картон.
Баерн на Компани израмни историски рекорд на Милан
Баерн ја победи Борусија во Менхенгладбах со 0-3, во осмото коло од Бундеслигата. Баварците ја забележаа 13. победа од почетокот на сезоната, со што го израмнија рекордот на Милан за најдобар старт во сезоната во петте најдобри национални првенства.
Баварците се лидери во германското првенство со максимални 24 бода и гол-разлика од 30-4. Баерн го израмни рекордот на Милан од сезоната 1992/1993, ја отвори сезоната со 13 последователни победи.
Избраниците на тренерот Винсент Компани можат да станат рекордери доколку во среда го победат Келн во Купот на Германија.
Капитенот на Милан, Лука Модриќ, го коментираше вчерашното ремито со Пиза во натпревар од италијанската Серија А. Росонерите стигнаа до бод со гол во продолжението.
„Вината што не победивме е целосно наша. Загубивме два важни бода. Разочарани сме и лути затоа што пропуштивме одлична можност. Ние ги сменивме нашите позиции за да ги збуниме. Во поголемиот дел од натпреварот тоа функционираше но, мора да играме подобро“, нагласи хрватскиот ветеран.
Борнмут бара луди 75 милиони евра за Антоан Семењо
Раководството на фудбалскиот состав Борнмаут постави цена од 75 милиони фунти за ѕвездата на тимот, Антоан Семењо.
Според последните информации за неговиот потпис се заинтересирани Ливерпул, Челзи и Баерн Минхен.
25-годишниот фудбалер во тековнава сезона има 6 гола и 3 асистенции на 9 натпревари во сите конкуренции.
Слот застана во одбрана на Салах по лавината критики за Египќанецот
Мохамед Салах минува низ еден од послабите периоди од својата кариера во Ливерпул што доведе до критики за неговите настапи. И покрај тоа на „Енфилд“ нема место за загриженост.
Египќанинот не е на вообичаеното ниво, но Арне Слот стои цврсто зад својот најголем офанзивен адут и верува дека многу бргу ќе се врати во препознатливото издание. Тренерот на Ливерпул потсети дека Салах премногу пати досега ги решил двоумењата со голови.
„Не сум загрижен, затоа што не смееме да заборавиме дека Салах отсекогаш давал голови за нашиот клуб. Последното за што треба да се грижиме се неговите голови, бидејќи тоа го прави цел живот и сигурен сум дека повторно ќе почне да погодува. Играчите промашуваат шанси, и тој е човечко суштество, такви работи се случуваат“, изјави Слот.
Ливерпул неодамна беше во резултатска криза со четири порази во Премиер лигата и Лигата на шампионите. Тимот ја прекина лошата серија на вистински начин со убедлива победа од 1:5 на гостувањето кај Ајнтрахт Франкфурт што донесе потребна доза самодоверба пред новите предизвици.
Јаго Аспас испиша нова историја на Селта
Со настапот во дуелот против Ница (2-1) во рамки на третото коло во Лига Европа, шпанскиот напаѓач Јаго Аспас стана фудбалерот со најмногу настапи во историјата на Селта Виго.
Во својот рекорден 534 настап за Селта, 38-годишниот Аспас го постигна и својот 217 гол во дресот на клубот од Виго и е убедливо најдобриот стрелец во клупската историја.
По натпреварот, Селта одржа посебна церемонија за новиот рекордер.
„Никогаш не сонував дека ќе бидам тука, дури ни во моите најлуди соништа. Во клубот се чувствувам како дома и всушност поминувам повеќе време на тренинг отколку во сопствената куќа. Иако ова може да изгледа како збогум, сè уште не сум завршил“, рече Аспас, кој заедно со сопругата и трите деца го гледаше шоуто со дронови организирано во негова чест.
Аспас дебитираше за Селта во 2007 година во второлигашка конкуренција, останувајќи во клубот до 2013 година, кога се пресели во Ливерпул. Се врати во Селта во јуни 2015 година. За шпанската репрезентација одигра 20 натпревари, постигнувајќи шест голови.
Пораз на македонските фудбалерки од Русија
Македонската женска фудбалска репрезентација загуби денеска од Русија со 2-0 во првиот од двата контролни натпревари кои двете селекции ќе ги одиграат во Струмица.
Русија дојде во водство на стадионот „Младост“ во 10 минута со голот на Полина Јукљаева, а конечниот резултат го постави Азалија Залмиева во судиското продолжение.
Претходно денеска, на стадионот „Кукуш“ во Турново контролен натпревар одиграа и женските репрезентации на двете земји до 19 години, што заврши со победа на Русија од 2-1.
Вториот натпревар меѓу македонската и руската репрезентација е закажан за 27 ноември, а истиот ден во Турново по втор пат ќе се сретнат и селекциите до 19 години.
На 4. ноември во Нион, македонската женска репрезентација ќе ги дознае противничките селекции во групата од новите квалификации за пласман на Европско првенство.
Маркизио: Овој Јуве нема лидери во своите редови
Клаудио Маркизио повторно јавно проговори за ситуацијата во Јувентус. Седумкратниот шампион со торинскиот гигант е загрижен поради лошата форма на тимот кој уште од средината на септември не знае за победа и се наоѓа надвор од местата кои водат во европските купови.
Поранешниот играч од средниот ред целосно се согласува со тренерот Игор Тудор кој претходно посочи дека во тимот недостасуваат вистински водачи. Маркизио вели:
„На Јувентус му недостасуваат лидери, и на теренот и надвор од него. Исто така, им недостасува силна структура. Тудор има потреба од доверба бидејќи добро ја познава ситуацијата и беше одличен поранешен играч на Јувентус. Сепак, нема оправдување за календарот. Во Мадрид, тимот реагираше прекрасно, иако резултатот на крајот не беше добар“ изјави Маркизио.
Јувентус се наоѓа под голем притисок и многу е јасно дека мора да го пронајде вистинскиот одговор за да се врати на посакуваното ниво.
