Барселона сериозно размислува за ангажман на десниот бек на Интер, Дензел Дамфрис, кој се наметна како опција за зајакнување на одбраната ова лето. Холандскиот репрезентативец, кој има 29 години, остави силен впечаток во Лигата на Шампионите, особено во дуелот против Барселона каде што одигра клучна улога во нивната елиминација од полуфиналето. 

Она што дополнително го поттикнува интересот на каталонскиот клуб е ослободителната клаузула во договорот на Дамфрис, која изнесува 25 милиони евра и важи до средината на јули. За клуб со финансиски ограничувања, оваа цена се смета за исклучителна можност на пазарот. 

Иако Жил Кунде останува прв избор на десната бековска позиција, стручниот штаб активно бара начини за продлабочување на тимот. Дамфрис, со својата физичка подготвеност, флексибилност и офанзивна моќ, би бил квалитетна алтернатива – особено ако Хектор Фор замине ова лето. 

Сепак, со истекот на клаузулата кој се ближи и клубот фокусиран на други трансфер приоритети, останува нејасно дали зделката ќе се реализира навреме пред стартот на новата сезона. 

Ливерпул решително го одби обидот на Баерн Минхен за ангажман на Луис Диас, јасно ставајќи до знаење дека колумбискиот репрезентативец не е на продажба. Челниците на клубот ја информирале германската страна дека нема да има никакви преговори за 28-годишниот офанзивец, кој останува клучен дел од плановите на Арне Слот. 

Ова не е првпат Ливерпул да одбие интерес за Диас летово. Претходно и Барселона се обиде со неформално барање, но наиде на ист одговор. Со уште две години од договорот, Диас се смета за важен дел од иднината на клубот и Ливерпул нема намера да го пушти. 

Иако минатата сезона имаше блескави настапи – постигна 17 голови и одигра значајна улога во освојувањето на титулата во Премиер Лигата – договор за продолжување на соработката сè уште не е на повидок. Диас и неговите претставници сакаат подобри услови, но клубот засега не иницирал разговори. 

Интерес има и од други клубови, вклучувајќи и од Саудиска Арабија, но и тие биле одбиени. Пораката од „Енфилд“ е јасна: Луис Диас останува, а клубот е фокусиран на задржување на клучните играчи за наредните предизвици. 

Ливерпул активно работи на доведување на стоперот Кастело Лукеба од РБ Лајпциг како дел од својата летна реконструкција, при што 22-годишниот Французин е во фокусот на клубот за засилување на одбраната. 

Иако неодамна го продолжи договорот со Лајпциг до 2029 година, Лукеба останува високо на листата на желби на Ливерпул поради своите стабилни настапи, зрелоста и лидерските квалитети. Германскиот клуб наводно е подготвен да преговара за сума пониска од откупната клаузула од 90 милиони евра, што ја прави зделката пореална. 

Но, конкуренцијата е силна. Баерн Минхен и Тотенхем исто така го следат младиот дефанзивец. Сепак, Ливерпул се надева дека Лигата на Шампиони, атрактивноста на Премиер Лигата и шансата да игра покрај Вирџил ван Дајк и Ибрахима Конате ќе бидат пресудни. 

Со оглед на тоа што ван Дајк е во позрела фаза од кариерата, а ситуацијата со договорот на Конате е неизвесна, Ливерпул гледа во иднината. Лукеба се смета за потенцијален столб во одбраната, особено по заминувањето на Жарел Кванса. 

Ливерпул веќе ги обезбеди трансферите на Флориан Вирц, Џереми Фримпонг и Милош Керкез, покажувајќи јасна стратегија на градење преку млади таленти од Бундеслигата. 

Клубот верува дека нивниот проект — мешавина од искуство и младост — заедно со европското реноме ќе бидат доволни за да го убедат Лукеба да се пресели на „Енфилд“, каде што ќе биде дел од новата генерација во срцето на одбраната. 

Фудбалерот од средниот ред на Фиорентина, Роландо Мандрагора, би можел да ја продолжи соработката со клубот.

Раководството на „виолетовите“ сака да потпише нов договор со 28-годишниот Италијанец. Тој во претходната сезона одигра 43 натпревари со ефект од 9 голови и 6 асистенции.

Тековниот договор на играчот е валиден до 2026 година. Според непотврдени информации, за неговиот потпис се заинтересирани Болоња и Бетис.

Работнички продолжува со засилувањата пред настапот во квалификациите за Конференциската лига, а најново име во тимот е Виктор Велкоски повторно ќе го носи дресот на „романтичарите“.

29-годишниот дефанзивец се враќа во клубот каде настапуваше во сезоната 2019/2020, а сега пристигнува како слободен играч по заминувањето од казахстански Туран, каде што последен пат настапуваше до јануари.

Велкоски својата кариера ја започна во Вардар, а во Македонија беше дел уште од: Љубанци, Победа, Скопје и Брегалница. Искусниот дефанзивец има интернационално искуство и од настапите за грчки Егиниакос и албански Лачи.

Работнички во првото коло од Квалфикациите за Конференциската лига го очекува двомеч против белорускиот Торпедо Белаз. Првиот натпревар ќе се игра на 10 јули во Белорусија, а реваншот е закажан седум дена подоцна, на 17 јули, на националната арена „Тодор Проески“ во Скопје.

Вардарци продолжуваат со креирање на ростерот за новата сезона, а најново име во тимот е нигерискиот офанзивец Ибрахим Олаосебикан, кој во Вардар доаѓа од редовите на Брера.

25-годишниот фудбалер за врска веќе две сезони е дел од македонскиот фудбалски шампионат, а во последната сезона забележа 28 настапи, еден постигнат гол и четири асистенции во првенството. Покрај тоа, одигра и пет меча во Купот на Македонија, каде што успеа уште еднаш да се запише меѓу стрелците.

Олаосебикан претходно настапуваше и во Литванија, носејќи ги дресовите на Судува и Хегелман, додека своите први фудбалски чекори ги направи во татковината, во клубот Реал Сафире.

Атлетико Мадрид продолжува со сериозна реконструкција на составот, по ангажманот на Руџери од Аталанта, денеска беше потврден уште еден голем трансфер.

Шпанскиот репрезентативец Алекс Баена и официјално е ново засилување на „јорганџиите“, кои постигнаа целосен договор со Виљареал. Мадридскиот клуб ќе плати 50 милиони евра за неговиот потпис 45 милиони веднаш, додека пет милиони се предвидени преку бонуси.

Баена е фудбалер што може да покрие повеќе позиции во офанзивниот дел, игра како офанзивен играч за врска, но и по крилото, а Диего Симеоне го гледа како наследник на Антоан Гризман. Французинот ќе остане во клубот уште една сезона, што ќе му овозможи на Баења време за адаптација и постепено преземање на неговата улога.

Младиот фудбалер, кој беше дел од сите младински категории на Вилјареал, една сезона мина и како позајмен играч во Џирона.

Џејдон Санчо е близу заминување од „Олд Трафорд“, а нова дестинација за него би можел да биде Јувентус.

Јувентус започнал конкретни чекори и се обидува да го договори трансферот на Санчо.

Санчо е свесен дека во Јунајтед нема иднина, а и самиот не сака да остане, додека Јувентус му нуди шанса да се бори за титули и да игра во Лигата на шампионите.

Сепак, за да заигра за Јувентус ќе мора да прифати значително помала плата, бидејќи во Англија заработува неверојатни 300.000 евра неделно.

Минатата сезона Санчо ја помина на позајмица во Челси, но ниту таму не успеа да се докаже, па „сините“ се откажаа од можноста за откуп.

Чиро Имобиле се сели во Болоња, трансферот е договорен и останува уште да биде официјализиран.

Италијанскиот напаѓач ќе го раскине договорот со Бешикташ и ќе потпише едногодишен договор со Болоња, со опција за продолжување на уште една сезона.

Покрај Имобиле, редовите на Болоња ќе ги засили и Федерико Бернардески, како што беше најавено уште вчера.

Клубот што избори историско учество во Лигата на Европа гради силен состав за европските предизвици, а ангажманите на двајцата поранешни репрезентативци се потврда на амбициите.

Шпанскиот фудбалски клуб Атлетико Мадрид потпиша денес петгодишен договор со левиот бек Матео Руџери.

Италијанскиот дефанзивец доаѓа во редовите на Атлетико од Аталанта во трансфер вреден околу 17 милиони евра.

Руџери потекнува од академијата на Аталанта и го имаше своето деби на 18-годишна возраст во Лигата на шампиони против Ливерпул во 2020 година. Следната сезона ја помина на позајмица во Салернитана, а една година подоцна стана стандарден во клубот од родниот град Бергамо.

Во март оваа година, Руџери доби дебитантски повик во италијанската репрезентација за завршницата во Лигата на нации, но не настапи во четвртфиналето против Германија