Стоперот на Манчестер Сити, Мануел Аканџи, би можел да се пресели во екипата на Галатасарај, објави познатиот спортски новинар Фабрицио Романо.

Според наведеното, турскиот клуб имал контакт со „граѓаните“ и агентот на фудбалерот. Швајцaрскиот репрезентативец претходно има настапувано за Винтертур, Базел и Борусија Дортмунд.

Неговиот договор со англичаните е валиден до летото во 2027 година.

Екипата на Пелистер со 1-3 ја совлада Брера во Струмица и со тоа го затвори второто коло од Првата лига. Битолчани конечно по цели седум години славеа против Брера на гостински терен.

Првото полувреме донесе две спорни ситуации – можен пенал за Пелистер по игра со рака и поништен гол на домаќините поради прекршок, ВАР се прегледуваше и во двете ситуации. Најголемата шанса за гостите ја пропушти Булатовиќ.

Во 48. минута, Пелистер поведе преку Мирко Ивановски од пенал.
Голманот Вргов го собори Ристовски во казнениот простор и судијата Ѓорѓиев без многу размислување покажа на белата точка.

Во 73. минута веќе беше 0-2. Бошковски ја удвои предноста на додавање од Наумоски.

Само три минути подоцна Антовски со прекрасен удар од далечина намали на 1-2 и врати надеж за Брера, но резултатот остана непроменет.

Натпреварот Пелистер го заврши со играч помалку поради црвен картон на Здравковиќ.

Калчолигашот Интер одби да го продаде дефанзивецот Алесандро Бастони на лондонски Челзи, објави денеска весникот „Ла Газета дело Спорт“.

Според истиот извор, премиерлигашот понудил 50 милиони евра за услугите на 26-годишниот италијански репрезентативец, но Интер ја одбил понудата.

Бастони минатата сезона одигра 57 натпревари, постигнувајќи два гола, а и имаше шест асистенции.

Италијанскиот репрезентативец се поврзуваше и со трансфер во Барселона, но шпанскиот првак се повлече од преговорите со Интер поради високата цена поставена за Бастони.

Фудбалерот на Тотенхем, Кристијан Ромеро, потпиша денеска нов, повеќегодишен, договор со лондонскиот клуб, со кој минатата сезона ја освои титулата во Лига Европа.

Во претходните месеци, англиските медиуми пишуваа за евентуален трансфер на Ромеро во Атлетико Мадрид, но на крајот, 27-годишниот дефанзивен играч одлучи да остане во Тотенхем, продолжувајќи го договорот до 2029 година.

Според медиумите, аргентинскиот репрезентативец е задоволен од соработката со новиот тренер Томас Франк, особено откако беше назначен за капитен.

Ромеро е член на Тотенхем од 2022 година, настапувајќи претходно за Белграно, Џенова, Јувентус и Аталанта.

Со аргентинската репрезентација ја освои светската титула во Катар пред три години, како и два трофеи во Копа Америка, во 2021 и 2024 година.

Раководството на Интер внимателно го следи развојот на ситуацијата со голманот на Манчестер Јунајтед Андре Онана, ексклузивно известува весникот „Сан“.

Камерунецот пристигна на „Олд Трафорд“ пред две години токму од „Џузепе Меаца“, каде што остави одличен впечаток во единствената сезона која ја одигра, во која „нераѕурите“ стигнаа до финалето на Лигата на шампионите, загубено од Манчестер Сити.

Ситуацијата на Онана останува нејасна, откако менаџерот на англичаните Рубен Аморим вчера отворено изјави дека неговото непојавување во екипата е лично негова одлука и не се должи на физички проблеми. Различни извори тврдат дека португалскиот тренер би сакал да привлече нов голман.

Од Интер, пак, имаат голема желба повторно да го донесат голманот во тимот, сметајќи дека тој ќе биде склон да прифати таков предлог, особено по одличните настапи во единствената сезона со тимот. Италијанците би пристапиле кон можноста за таква зделка само ако проценат дека условите ќе бидат задоволителни за клубот. „Нераѕурите“ се обидуваат да го обноват својот состав, кој често беше критикуван во последните години поради високата просечна возраст. Настојниот голман на тимот, Јан Зомер, има 36 години, а Онана едвај 29 и со посериозни перспективи за својата кариера во следните неколку години.

Сантос претрпе тежок пораз од Васко де Гама со 0:6 на домашен терен, 20-то коло од елитниот ранг на бразилското првенство. Резултатот влезе во историјата како највисока победа на Васко над Сантос и најголема гол-разлика во речиси сто години од натпреварите на овие клубови.

Гостите од Рио де Жанеиро поведоа во 18-та минута со голот на Лукас Питон. Домашната одбрана потоа се распадна: Давид постигна гол во 52-та, Филипе Кутињо во 54-та и 61-та, Рајан постигна гол од пенал во 59-та, а Тче Тче ги постави конечните 0:6 во 67-та минута.

Победата го извлече Васко од зоната за испаѓање, а Сантос остана два бода над нив. Нејмар, најголемата ѕвезда на Сантос на теренот не можеше да ги скрие солзите.

По натпреврот, Сантос го отпушти тренерот Клебер Ксавиер,

Васко му го расипа посебниот ден на Нејмар. Имено, ова беше 250-ти натпревар на 33-годишната ѕвезда за Сантос, клубот каде што ја започна својата кариера. Нејмар постигна три гола на 11 лигашки настапи оваа сезона.

Репрезентативецот на Брегот на Слоновата Коска, Себастијан Але, ја напушти Борусија Дортмунд и денес потпиша договор со холандскиот клуб Утрехт.

Кратко по пристигнувањето во Борусија во 2022 година, за време на тренинг му беше дијагностициран тумор на тестисите, што бараше две операции и хемотерапија. Тој се врати на теренот по само шест месеци.

Во сезоната 2022/23, Але постигна девет гола во Бундеслигата. Минатата сезона беше позајмен во шпанскиот Леганес, а потоа во Утрехт, каде што постигна шест гола на 18 натпревари и му помогна на тимот да заврши четврти во Ередивизие и да се квалификува за Лигата на Европа.

Але сега се враќа во познато окружување, каде што ја започна својата кариера пред десет години, и потпиша нов договор со Утрехт.

Утрехт е на седмото место на табелата во холандското првенство со три бода.

Џејдон Санчо нема да ја продолжи кариерата во Рома, пишува „Скај Спортс“.

Италијанскиот клуб испрати понуда од 23,6 милиони евра за напаѓачот на Манчестер jунајтед, а Санчо во меѓувреме разговарал и со Римјаните. Сепак, тој одлучил дека сака да истражи други опции.

Како што објави „Скај Спортс“, одлуката не е поврзана со личните услови. Неколку клубови сè уште се заинтересирани за Санчо, меѓу кои се издвојува Борусија Дортмунд.

Арно Калимуендо, до неодамна играч на Рен, потпиша договор со Нотингем Форест.

Францускиот клуб доби 30.000.000 евра обештетување, а двократниот европски шампион со овој трансфер најави големи амбиции во новата сезона, во која ќе се натпреварува и во Лига Европа.

Калимуендо ја започна својата кариера во Пари Сен Жермен, но таму играше многу малку. Пред три години се пресели во Рен, каде што одигра одлични натпревари. Постигна 40 гола и имаше 14 асистенции.

Третиот е најскапото засилување на клубот во овој преоден рок. Форест издвоија повеќе од него за Омар Хачинсон и Ден Ендо.

Нотингем, ја отвори новата сезона во Премиер лигата со убедлива победа од 3:1 против Брентфорд.

Младиот фудбалер на Манчестер Сити, Клаудио Ечевери, добил понуда да замине во редовите на Борусија Дортмунд.

Наводно, Германците сакаат да го земат 19-годишниот офанзивен играч за врска на позајмица со можност да го откупат договорот.

Ечевери во текот на зимскиот трансфер период ја напушти Ривер Плата и се пресели во редовите на „граѓаните“. Покрај „милионерите“, за услугите на Аргентинецот е заинтересиран и составот на Рома.