Фудбалскиот клуб Астон Вила соопшти дека за нов тренер на екипата е назначен шпанскиот стручњак Унаи Емери.

Досегашниот тренер на Виљареал го раскина договорот со шпанскиот клуб, и веднаш потоа потпиша договор за соработка со Астон Вила.

Емери на клупата на Астон Вила ќе го замени Стивен Џерард, кој во четвртокот доби отказ поради остварените слаби резултати.

За Унаи Емери ова ќе биде повторно враќање во Премиер лигата, каде претходно го водеше лондонски Арсенал.

Поранешниот фудбалер на Манчестер Јунајтед, Мајкл Керик, е именуван за нов тренер на Мидлзборо.

41-годишниот Керик, на клупата на клубот од Чемпионшип ќе го наследи Крис Вајлдер кој неодамна беше отпуштен од позицијата. За Мајкл Керик ова ќе биде прв ангажман на тренерската позиција, откако кон крајот на 2021.година беше привремен тренер во Манчестер Јунајтед, после отказот на Оле Гунар Солскјер.

Екипата на Мидлзборо во моментот е на 21.место од табелата во англискиот Чемпионшип.

Францускиот напаѓач Антоан Гризман постепено ја враќа познатата форма која пред неколку години го направи еден од најдобрите светски фудбалери. Такво мислење искажа и тренерот на мадриѓани, Диего Симеоне по победата од 2:1 над Бетис, која ја обезбеди токму со головите на Французинот.

„Во моментов го гледаме оној Гризман кој го познаваме. Ни требаат такви луѓе кои ги разбираат соиграчите и имаат одлични односи со нив“, изјави Симеоне по победата против Бетис.

Гризман сега има 147 гола за Атлетико и со тоа го надмина Пако Кампос на третото место во листата на најдобри голгетери во историјата на клубот.

Тренерот на Наполи, Лучијано Спалети беше исклучително задоволен од победата над Рома од 1-0. Наполитанците со овој успех ја продолжија серијата од 11 последователни победи во сите натпреварувања. Менаџерот призна дека неговиот тим морал да го смени начинот на кој играл за овој натпревар, но бил задоволен што неговиот план функционирал.

„Не сакам да ги коментирам зборовите на Мурињо или на некој друг. Ќе направам своја анализа на натпреварот. Тоа беше натпревар полн со замки, но мојот тим се снајде добро, иако имаше некои грешки во конструкцијата на нападите. Излеговме од тие ситуации без да ја загубиме формата. Моравме да играме на нетипичен начин за нас, но тоа е уште еден плус што сепак успеавме да победиме“, изјави Спалети.

Дефанзивецот на Манчестер Јунајтед и француски репрезентативец, Рафаел Варан, заработи повреда на дерби натпреварот од Премиер лигата со Челзи.

Натпреварот кој се одигра на Стенфорд Бриџ заврши нерешено 1:1, а Варан поради повреда во 60.минута мораше да го напушти теренот.

Оваа повреда сигурно донесе немир не само во Манчестер Јунајтед, туку и во француската репрезентација, па селекторот Дешамп ќе биде во исчекување за сериозноста на повредата која би можела да го спречи настапот на Варан на СП во Катар.

Тренерот на Јунајтед, Ерик тен Хаг, после мечот изјави дека повеќе детали за карактерот на повредата се очекуваат во наредните 24 часа.

Челзи покажува сериозен интерес за крилото на Виљареал, Арно Данџума, пренесуваат медиумите на Островот. „Сините“ сакаат да го засилат нападот во зимскиот преоден рок и се насочиле кон 25 годишниот крилен напаѓач на Виљареал.

Данџума го привлече вниманието на себе минатата сезона кога блескаше со 16 гола и 4 асистенции, а особено импресивни настапи имаше во Лигата на шампиони. Интерес за него покажуваат неколку европски гиганти, но Челзи е спремен да ја победи конкуренцијата.

Роден: 24.10.1985 г

Место на раѓање: Ливерпул, Мерсисајд, Англија

Возраст: 37 години

Тој е еден од двајцата англиски фудбалери кои ја освоиле Премиер лигата, ФА Купот, Лигата на шампионите на УЕФА, Лига Купот, Лигата на Европа на УЕФА и Светското клупско првенство на ФИФА.

Поранешниот капитен на Манчестер Јунајтед, Рој Кин, застана во одбрана на Кристијано Роналдо кој е префрлен во вториот тим поради непромислениот потег на дуелот со Тотенхем кога пред време го напушти стадионот. „Се обидувам ги согледам работите од негова страна. Очигледно е дека ситуацијата во која се наоѓа му дојде „преку глава“. Tој е човек има недостатоци. Затоа сум на негова страна. Денешниот фудбал е полн со фолиранти, тој не е еден од нив. Тој е играч од светска класа“, потенцираше легeндата на „црвените ѓаволи“.

Менаџерот на фудбалерите на Манчестер Сити, Пеп Гвардиола, проценува дека Кевин де Бруин не ги покажува вистинските квалитети во тековнава сезона иако репрезентативецот на Белгија е лидер по бројот на асистенции.

„Кевин може многу подобро. Разговаравме за тоа и тој самио потврди. Свесен е дека не игра во најдобра форма“, потенцира Гвардиола. Вo летото во 2015 година Де Бруин му се приклучи на Манчестер Сити за клупски рекорд од 54 милиони фунти.

Англискиот ББЦ пренесува дека светскиот боскерски шампон во тешка категорија во ВБЦ верзијата, Тајсон Фјури, има намера да го купи фудбалскиот клуб Морекомб кој настапува во третата англиска лига.

Фјури и самиот живее во градот Морекомб и навива за истоимениот клуб.

„Размислувам за купување на Морекомб. Во моментот играат во третата лига и затоа сакам да вложам неколку милиони во клубот и да му помогнам. Веќе сум сопственик на тренинг центар и теретана во клубот, па не гледам причина зошто да не го купам и целиот клуб и да станам сопственик“, изјавува Фјури.

Морекомб во моментот е на последното место во англиската Лига 1, кој е трета по ранг лига во Англија.