Независната регулаторна комисија на Премиер лигата го обвини тимот на Лестер Сити за прекршување на правилата за одржливост за време на претходниот престој на тимот во англиската Премиер лига.

Во моментов оваа екипа игра во Чемпионшип, но ја делат првата позиција со Лидс Јунајтед и голема е веројатноста од новата сезона да се вратат во елитата.

Доколку клубот биде прогласен за виновен, неговото враќање во Премиер лигата може да започне со негативен број на бодови.

„Наводното прекршување се однесува на периодот на оценување кој завршува во сезоната 2022/23, кога клубот беше член на Премиер лигата. Лестер Сити испадна во Чемпионшип пред воведувањето на новите стандардни упатства на Премиер лигата кои пропишуваат временска рамка во која да ги разгледува случаите на финансиски неправилности. Затоа, постапките ќе се водат согласно распоредот што ќе го утврди независната комисија“, соопштија од Премиер лигата.

Лестер излезе со став дека е изненаден од истрагата против нив и ќе го брани својот став дека се невини.

Селекторот на англиската репрезентација Герет Саутгејт сака да го продолжи договорот со Фудбалската асоцијација (ФА) до крајот на Светското првенство во 2026 година, пренесува британски Сан.

Саутгејт им соопштил на челниците на ФА дека сака да остане селектор најмалку уште две години. Британските медиуми пренесуваат дека управата на ФА по претстојното Европско првенство во Германија ќе одлучи дали ќе го продолжи договорот со Саутгејт. Тој има договор со ФА до крајот на оваа година.

Некои британски медиуми претходно објавија дека Саутгејт би можел да го преземе Манчестер Јунајтед на крајот од сезоната, но селекторот на Англија во моментов не размислува за понудите од заинтересираните клубови.

Саутгејт е селектор на Англија од 2016 година

Поранешниот фудбалер на Реал Мадрид, Робињо ќе отслужи затворска казна за силување во Бразил.

Според изворот, Високиот суд на правдата гласал да ја одобри казната на италијанскиот суд против Робињо, со тоа што казната е префрлена во Бразил. Се истакнува дека барањето за ратификација на странската пресуда ги исполнувало сите законски и процесни услови. Барањето за потврдување на италијанската казна е поднесено затоа што Бразил не ги екстрадира своите државјани на издржување казни во странство.

Одлуката може да биде обжалена од одбраната на Робињо во самиот суд и во Федералниот врховен суд.

Да потсетиме дека Робињо во 2017 година беше осуден на девет години затвор за силување во ноќен клуб во Милано во 2013 година, кога играше за Милан. Робињо и четворица негови пријатели, според италијанската правда, малтретирале млада Албанка која тој ден славела роденден.

Заследи ја нашата нова Фејсбук страница и очекувај подарок изненадување. https://rb.gy/1cj942 (Evrotip спортски обложувалници)

Добитникот кој ја заследил нашата фб страница ќе биди избран по случаен избор на 01.04.2024.

Информирајте се за целосната понуда на Евротип и бидете во тек со сите промоции, бонуси и новитети во светот на спортот и спортското обложување. www.evrotip.mk – #СекогашПовеќе!

Тренерот на Барселона Чави е суспендиран на два натпревари во Ла Лига поради неговото исклучување на натпреварот против Атлетико Мадрид. Шпанскиот стручњак ќе може да заземе место на тренерската клупа на 21 април кога неговата екипа ќе игра против Реал Мадрид. 

Да потсетиме, на натпреварот од 29. коло меѓу Атлетико Мадрид и Барселона одигран на стадионот „Ванда Метрополитано“ во Мадрид, меч кој заврши со победа на Каталонците од 3:0, во 41. минута, главниот тренер на Барселона, Чави, доби жолт картон поради преактивен изразување на незадоволството од судијата, кој од непознати причини не ги казнуваше фудбалерите на домашната екипа за очигледни прекршоци.

Неколку минути подоцна имаше уште еден сличен фаул. Каталонскиот тренер повторно почна со реакција кон судијата, кој веднаш притрча до гостинскиот тренер и му покажа директен црвен картон. Така, Чави ќе пропушти два натпревари од домашното првенство, а тоа се со Лас Палмас и Кадиз.

Луис Рубиалес беше суспендиран од претседателската функција во шпанската Федерација по скандалот кој го режираше со Јени Ермосо, но познатиот фудбалски работник вечерва стана топ тема во својата земја и поради специјалната полициска акција која беше спроведена во неговата родна земја.

Специјална единица од шпанската полиција денеска приведе седум лица од фудбалската Федерација за кои се сомничи дека помогнале во низа нерегуларности при работењето, а главен фокус на истрагата е договорената соработка со саудиските милијардери за организацијата на Суперкупот.

Истрагата изнела на виделина низа сомнителни операции и седум важни вработени во Федерацијата веќе се на распит, а шпанското обвинителство оваа вечер издаде наредба за апсење на Луис Рубиалес.

Прес-службата на Олимписките игри ги објави резултатите од ждрепката за фудбалскиот турнир на игрите во Париз во 2024 година. Олимпискиот фудбалски турнир ќе се одржи од 24 јули до 10 август.

Во моментов се познати 12 учесници на натпреварот. Останатите четири екипи ќе бидат објавени на почетокот на мај.

Резултати од ждрепката на Олимпискиот фудбалски турнир:

Група А: 

Франција, САД, Нов Зеланд, победник Африка 1/Гвинеја 

Група Б: 

Аргентина, Мароко, Азија 3, Украина 

Група Ц: 

Шпанија, Египет, Доминиканска Република, Азија 2 

Група Д: 

Парагвај, Мали, Израел, Азија 1

Најголеми фаворити за златото се Франција, Шпанија и Аргентина.

Топ 10 најплатени играчи во француската Лига 1 се само играчи на Пари Сен Жермен. Ова го објави авторитетното француско издание „L’Equipe“.

Еве кој се десетте најплатени играчи во Лига 1 според месечната плата која ја добиваат:

1. Килијан Мбапе                6 милиони евра месечно

2. Осман Дембеле              1,2 милиони евра.

3. Маркињос                        1,2 милиони евра.

4. Лукас Хернандез            1,1 милион евра.

5. Милан Шкрињар            1,1 милион евра.

6. Џанлуиџи Донарума     849,5 илјади евра.

7. Марко Асенсио               831 илјади евра

8. Рандал Коло Муани       750 илјади евра.

9. Ашраф Хакими               738 илјади евра

10. Норди Мукиеле            700 илјади евра

Килијан Мбапе по завршувањето на сезоната, ќе го напушти ПСЖ и ќе се пресели во Реал Мадрид како слободен агент,  а тоа може да значи заминување на Родриго.

Поради големата конкуренција во нападот Реал ќе мора да се ослободи барем од еден напаѓач и веќе е донесена одлука кој ќе биде тоа. Перез ќе го „жртвува“ Родриго кој може да замине за сума од 100 до 120 милиони евра.

Шпанскиот медиум „Спорт“ објави дека Арсенал, Манчестер Сити, Манчестер Јунајтед и Ливерпул се заинтересирани за Родриго и планираат да испратат понуди до Мадрид.

Споменатите клубови се спремни да понудат 100 милиони евра, а Бразилецот иако преферира да остане во Мадрид, сепак нема ништо против да се пресели во Премиер лигата.

Десниот бек на Баерн, Саша Бое нема да излезе на терен во блиска иднина поради повреда. Ова го објави новинарот Фабрицио Романо на социјалната мрежа Икс.

Според изворот, Саша Бое се здобил со скинат мускул на левата тетива. Дефанзивецот се повреди на тренинг. Бое нема да може да учествува на клупските натпревари во наредните недели.

Да потсетиме, Баерн потпиша договор со францускиот дефанзивец во јануари 2024 година. Трансферот на Бое го чинеше тимот од Минхен 30 милиони евра Договорот на поранешниот дефанзивец на Галатасарај со германскиот клуб е до 2028 година. 

Оваа сезона Саша Бое одигра 33 натпревари во сите натпреварувања и постигна два гола. Пазарната вредност на францускиот играч е 22 милиони евра.