Фудбалерите на Реал Мадрид по деветти пат станаа светски клупски шампиони откако во финалето на Интерконтиненталниот куп на ФИФА го совладаа мексикански Пачука со 3-0.

Ова е шести пат Мадрид да слави на Светското клупско првенство под покровителство на Светската фудбалска федерација (ФИФА), а претходно трипати го освојуваа Интерконтиненталниот куп.

Петнаесеткратниот европски првак поведе во Доха во 37. минута со голот на Килијан Мбапе, по асистенција на Винисиус Жуниор.

Мбапе потоа во 53. минута му асистираше на Родриго за 2-0. Конечниот резултат го постави Винисиус од пенал во 84. минута.

Реал е последниот светски клупски шампион во овој натпреварувачки формат, од следната година Мундијалот ќе се игра на секои четири години со 32 клуба.

Реал така ќе има шанса да го одбрани пехарот веќе од 14 јуни до 13 јули во Соединетите Американски Држави.

Жил Кунде помина најмногу време на теренот во 2024 година.

Заклучно со 15 декември, фудбалерот на Барселона оваа година одигра 69 натпревари, вкупно 5.872 минути.

Според анализата на Фудбалската опсерваторија (ЦИЕС), во пресметката се вклучени натпревари на клупско и репрезентативно ниво, вклучувајќи ги и натпреварите во репрезентациите У21 и У23.

Втор на оваа листа е Колумбиецот од Флуминенсе Џон Аријас, додека трет е играчот на Реал Мадрид Федерико Валверде.

Арис оваа година одигра 67 натпревари, а Валверде 66.

Зад нив се Вирџил Ван Дајк (Ливерпул), Николас Отаменди (Бенфика) и Гранит Џака (Баер).

Анализата покажа дека најголемиот број играчи, очекувано, поминале најмногу време на теренот играјќи натпревари на клупско ниво (73,2%), додека остатокот од нивната игра е исполнета со настапи за репрезентацијата и во европските натпреварувања.

Барселона нема да може да се врати на „Спотифај Камп Ноу“ оваа сезона, пренесува „Марка“. Според ова тимот ќе остане на „Монжуик“, каде што е веќе втора сезона.

Домот на Каталонците се реновира, но се испостави дека работите за реконструкција се одвиваат побавно од очекуваното. Има и некои технички аспекти и параметри кои се уште не се прецизирани, како што е изградбата на нови излези за итни случаи, како и засејувањето на тревата на теренот.

Првичниот план беше дел од објектот наскоро да биде отворен и да има натпревари, но со помал капацитет, а на останатите површини да се работи. Како и да е, УЕФА има услов сите домашни натпревари од главната фаза на клубот во Лигата на шампионите да бидат на ист стадион.

На Барса и остана уште еден таков – на 29 јануари 2025 година. Поради оваа причина, од Барселона пред извесно време одлучија дека не вреди да се вратат на „Камп Ноу“ за натпреварите во Ла Лига, а во исто време мора да продолжат да играат на „Монжуик“ во Лигата на шампионите.

Шпанскиот гигант Атлетико Мадрид е заинтересиран за Алехандро Гарначо од Манчестер Јунајтед.

Иднината на Аргентинецот под водство на новиот тренер на „црвените ѓаволи“ Рубен Аморим изгледа нејасна.

20-годишниот крилен напаѓач не се најде во составот за дербито со Манчестер Сити минатиот викенд. Друг кој не влезе во сметките на тренерот беше Маркус Рашфорд. На оваа тема, Аморим го изјави следново:

„Се трудиме да оцениме се, настапот на тренинзите и на натпреварите, вклучително и разбирањето со соиграчите. Се земаме предвид кога се обидуваме да ги анализираме и одбереме играчите. Тоа не беше мојата намера да испратам некаква порака до другите со мојата одлука и тие тоа го знаат“ изјави Аморим.

И со зголемувањето на шпекулациите за Маркус Рашфорд, се чини дека Алехандро Гарначо исто така се приближува кон излезот од „Олд Трафорд“. Сигурно ќе има сериозен интерес за 20-годишниот фудбалер, а еден од клубовите што ја следи ситуацијата е Атлетико Мадрид, објави „Сан“.

Легендарниот фудбалер на Ливерпул, Џејми Карагер, вели дека „црвените“ треба да обезбедат ново име на страничната позиција во дефанзивата бидејќи Енди Робертсон не успева да одговори на предизвикот.

„Грешките на бекот тешко се простуваат. Му треба помош во моментов но, во Ливерпул нема кој да го замени. Робертсон минува низ тежок период и тоа е проблем што клубот мора да го реши во јануари“ – вели Карагер.

Шкотскиот фудбалер настапува за тимот од „Енфилд“ од 2017 година. Досега има 232 меча и десет голови.

По веста дека Манчестер јунајтед е подготвен да го продаде, самиот Маркус Рашфорд проговори за својата кариерата.

Рашфорд не беше во ростерот за дербито на Манчестер, а новиот менаџер Рубен Аморим потврди дека тоа е негова одлука, но и дека се надева дека ќе види повеќе од Рашфорд на теренот во наредните недели.

„Ако знам дека ситуацијата е веќе лоша, сигурно нема да ја влошам. Сум видел други играчи како заминуваат во минатото и не сакам да бидам таа личност“, рече Рашфорд.

„Кога ќе заминам, ќе дадам изјава и тоа е тоа. Кога ќе заминам, нема да има остри зборови. Од мене нема да слушнете негативни коментари за Манчестер јунајтед. Јас не сум таков човек. Мислам дека сум подготвен за нов предизвик“, изјави фудбалерот на Јунајтед.

„Секако дека сум разочаран, тешко е да бидеш изоставен за дерби натпревар, но тоа се случува, победивме, продолжуваме понатаму. Разочаран сум, но како што стареам, учам да се справувам со тоа. Што можам да направам? Дали да седам и да плачам? Или да дадам се од себе и да бидам подготвен за следниот предизвик“, додаде тој.

Англиските медиуми шпекулираат дека Јунајтед уште во зимскиот преоден рок ќе ги слушне понудите за Рашфорд и ќе добие дозвола да си замине доколку некој реши да плати околу60 милиони евра.

Сепак, најголем проблем за потенцијалните купувачи е неговата огромна плата, бидејќи тој е еден од најплатените играчи во Премиер лигата.

Рашфорд има 27 години и вистинското прашање е каде би можел да ја продолжи кариерата и повторно да ја најде вистинската форма.

Фудбалскиот клуб Севилја во средата објави дека ги прекинува сите врски со градскиот ривал Бетис, поради изјавите на претседателот на зелено-белите, Анхел Харо.

Претседателот на Бетис неодамна изјави, по годишниот генерален состанок на клубот, дека „Севилја ќе биде одговорна доколку дојде до зголемување на насилството меѓу навивачите“, што доведе до гореспоменатата реакција од управата на градскиот ривал и одлуката за прекин на официјалните односи со Бетис.

Во споменатата изјава, Харо алудираше на провокацијата на тројца играчи на Севилја по последното дерби меѓу двата тима во октомври и победата на Севилја од 1-0. По завршувањето на дербито, играчите на Севилја Хуанлу Санчез, Хозе Анхел Кармона и Исак Ромеро вееја знаме на кое знак за забрана бил залепен преку грбот на Бетис.

Во зелено-белиот табор овој гест беше сфатен како сериозна провокација, па оттука и зборовите на првиот човек на клубот, за кои во Севилја велат дека се непотребни, претерани и пред се одраз на незрелоста на Анхел Харо и неговиот тим.

Во соопштението за медиумите, Севилја го потсети Харо дека сите тројца играчи кои го вееја контроверзното знаме по дербито беа суспендирани на еден натпревар и потсети дека клубот никогаш не дал никакви изјави, кога улогите биле сменети.

Севилја потенцираше дека навивачите на Бетис далеку подобро од управата ги разбираат и прифаќаат ваквите „провокации“ кои, како што велат, се составен дел од ривалството меѓу двата клуба кое трае со децении.

До дополнително известување, наведуваат, нема да има официјални односи меѓу двата клуба.

Кристијано Роналдо капитенот на фудбалската репрезентација на Португалија го бојкотираше гласањето за најдобар фудбалер во избор на ФИФА.

Наградата му припадна на Винисиус Жуниор од Реал Мадрид.

Капитените и селекторите на сите репрезентации, членки на ФИФА, и по еден новинар од секоја од тие земји, гласаат за најдобрите играчи во светот. Одредено влијание имаат и навивачите. Секој избира и рангира по тројца играчи – првото место заработува пет поени, второто три, а третото еден поен.

И покрај тоа што е капитен на Португалија, Кристијано Роналдо не сакаше да гласа за фудбалерите. Своите должности му ги предаде на заменик капитенот Бернардо Силва.

Роналдо во последните години е разочаран од изборот на играчи кои се номинирани. Затоа тој не гласаше за Златната топка, туку ја делегираше и таа должност. Роналдо пет пати ја освојуваше наградата на ФИФА, а последен пат во 2017 година.

Својот глас не го даде ниту Златко Далиќ. Пред три години, селекторот на хрватската репрезентација почна да го бојкотира гласањето за наградата на ФИФА. Тоа беше по освоеното трето место на Светското првенство во Катар.

Тогаш Далиќ изјавил дека хрватската репрезентација не била доволно почитувана и дека нејзините играчи многу ретко се номинирани за слични награди.

Мохамед Кудус е фудбалер кој отскокнува во Вест Хем и со своите игри го привлекува вниманието на гигантите, но неговата цена е исклучително висока.

Ливерпул, Арсенал и Њукасл се клубовите кои се заинтересирани за Кудус, но проблем за некои од нив може да биде неговата цена.

Вест Хем за Кудус бара дури 90 милиони фунти, сума која тие може да си ја дозволат, но имаат и други трансфер цели, па нема да сакаат да дадат толку за играчот.

Како и да е, уште во јануари се очекува Вест Хем да биде притиснат од клубови за продажба на Кудус.

Винициус Жуниор го победи Родри „од втора“ во трката за индивидуалните награди. Откако Шпанецот ја доби „Златната топка“, Бразилецот го доби признанието на ФИФА и наградата „THE BEST“.

Во изборот учествуваа и тројца Македонци, односно селекторот Благоја Милевски, капитенот на репрезентацијата Енис Барди и новинарот Мијалче Дургутов како медиумски претставник.

Селекторот Милевски не го смеси Винициус во најдобрите тројца, за него на првото место беше Дани Карвахал, пред Џуд Белингем и Родри на третото место.

Енис Барди пак го одбра Родри на првото место пред Вини, а Ерлинг Халанд доби бодови за третата позиција.

Единствено Дургутов го „погоди“ победникот, го смести Винициус Жуниор на првото место, пред Родри и Дани Карвахал.