Хари Мегваер вели дека не се откажал од надежта дека ќе го продолжи престојот во Манчестер Јунајтед по „позитивните“ разговори за нов договор.

Актуелниот договор на Мегваер истекува на крајот од оваа сезона.

Потсетуваме дека англискиот дефанзивец беше блиску до заминување од „Олд Трафорд“ во Вест Хем во 2023 година, но трансферот пропадна.

-Не сум размислувал за мојата долгорочна иднина. Сè уште ја имам оваа година со опција во моите раце. Но, да, сите знаци се позитивни во моментов и разговорот што го водам е навистина позитивен, сподели дефанзивецот.

Запрашан дали има разговори за нов долгорочен договор, Мегваер одговори: „Да“.

Пеп Лијндерс во јуни пристигна на клупата на Ред Бул Салцбург со силна поддршка од Јирген Клоп, со кој соработуваше во Ливерпул.

И не дека потфрли со најлошиот биланс на Салцбург откако го презеде „Ред Бул“, но не унапреди ниту еден играч!

Затоа по најлошата есен стигна очекуваната одлука на управата на Салцбург – Лијндерс доби отказ.

Единствениот успех на 41-годишниот Холанѓанец е пласманот во Лигата на шампионите на УЕФА бидејќи на два меча некако го надмудри Динамо од Киев.

Сè друго беше многу слабо според одамна воспоставените стандарди. Во Лигата на шампионите победа во Ротердам над Феенорд и пет порази, додека во австриската Бундес лига Салцбург по 16 кола е дури петти со 10 бода помалку од лидерот Штурм.

Австријците се на пауза до почетокот на февруари, но Салцбург има обврски во Лигата на шампионите, па играчите ќе имаат пауза само за Божиќ и Нова година, а ќе се подготвуваат од трети јануари. Пред дуелот со Реал и Атлетико во Лигата на шампионите ќе имаат две пријателски средби со Баерн и Митјиланд./МИА

Тренерот на фудбалерите на Наполи, Антонио Конте, очекува неговиот тим да остане конкурентен за титулата во Серија A. Наполитанците во текот на викендот славеа на теренот на Удинезе со 1-3 .

„ Победите треба да ни помогнат да го зајакнеме карактерот. Верувам дека ќе останеме во битката за титулата иако имаме одредени прпблеми со повредени фудбалери. Сите треба да бидат во функција на тимот“, вели тренерот на Наполи.

Неговиот тим по 16 коло се наоѓа на второто место на табелата со 35 бодови. Лидер е составот на Аталанта кој досега собра 37 бодови.

Актуелниот шампион Интер, во последниот натпревар од 16.коло во Серија, на „Олимпико“ во Рим го демолираше Лацио со 0-6. Со овој триумф Интер дојде до 34 бода, со натпревар помалку заостанува три бода зад водечката Аталанта, додека Лацио остана на петтата позиција со 31 бод.

Натпреварот на „Олимпико“ беше реше во интервал од само 12 минути. Од 41. до 53.минута фудбалерите на Интер постигнаа четири гола.

Серијата ја отвори Чалханоглу од пенал, во последната минута од првиот дел вториот гол го постигна Димарко, а потоа во 51. и 53.минута меѓу стрелците се запишаа Дамфрис и Барела.

Петтиот гол го постигна резервистот Карлос Аугусто во 77.минута, а точка на натпреварот стави Турам во 90. минута.

Без победник заврши последниот меч од 16. коло во Премиер лигата. Борнмут и Вест Хем одиграа 1-1.

Добар, динамичен меч одиграа екипите предводени од шпанските тренери Андони Ираола и Хулен Лопетеги. Головите беа постигнати во самиот финиш.

Најпрвин Лукас Пакета погоди од пенал за Вест Хем, а три минути подоцна Енес Унал изедначи. Турсиот репрезентативец постигна преубав гол од слободен удар.

По четвртото реми од почетокот на сезоната, вест Хем остана на 14. место со 19 бодови, додека Борнмут скокна на шестото место со 25 бодови.

Атлетико Мадрид, кој го победи Хетафе во домашниот натпревар од 17. коло на шпанското првенство со резултат 1-0, а со тоа го повтори клупскиот рекорд за серија без пораз во натпреварите со еден конкретен противник. Ова го пренесува статистичкиот портал „Опта Спорт“.

Според изворот, низата без пораз на Атлетико Мадрид на натпреварите со Хетафе изнесува 23 средби. Атлетико Мадрид имаше слична серија од 23 последователни натпревари без пораз во првенството во периодот од 1954 до 1979 година на натпреварите со Малага.

Исто така интересно е тоа што од 23 меча во пресметката со Хетафе, Атлетико победил на 19 и само четири нерешени средби.

Покрај тоа, Атлетико има серија од 11 последователни победи во сите натпреварувања. Во моментов избраниците на Симеоне се на второто место со 38 бодови во шпанското првенство, зад водечката Барселона, а имаат и натпревар помалку.

Баерн Минхен и Реал Мадрид правеа планови како наредното лето да го обезбедат потписот на Флоријан Вирц, но како што тврди „Кикер“, фудбалерот нема намера да го напушти Баер Леверкузен.

Еден од најталентираните фудбалери во светот има договор со актуелниот германски првак до 2027 година. Изминатите месеци се шпекулираше дека неколку европски великани се подготвени да плат 120 милиони евра за неговите услуги.

Сепак, како што тврди „Кикер“, Вирц ќе остане во Баер и наводно веќе го продолжил договорот на уште една година. Ова значи дека играчот за врска ќе остане во Леверкузен до 2028 година.

Според овој извот, фудбалерот донел ваква одлука бидејќи му е приврзан на клубот и бидејќи сметал дека се уште може да напредува, а дека тоа најдобро може да го направи доколку остане во Баер.

Со новиот договор, Вирц ќе стане далеку најплатениот играч на Баер, според „Кикер“ ќе добие годишна плата од околку 20 милиони евра.

Австрискиот фудбалер Гуидо Бургшталер има сериозни повреди на главата, вклучително и фрактура на јаболчницата, откако беше нападнат во центарот на Виена.

Ова го објави неговиот тим Рапид, а пренесе агенцијата Ројтерс. Според информациите, 35-годишниот напаѓач бил удрен и соборен од засега непознато лице, при што паднал си ја повредил главата. За инцидентот кој се случи викендов има сведоци. Поранешниот репрезентативец на Австрија, следните неколку денови ќе ги помине во болница и најверојатно нема да може да игра фудбал со месеци.

Рапид Виена не даде повеќе детали за инцидентот и објасни дека го почитуваат личниот живот на Бургшталер и неговото семејство.

Учеството на крилниот напаѓач на Барселона Ламин Јамал во натпреварот од 18. коло на шпанското првенство против Атлетико Мадрид е доведено во прашање, пренесува „Мундо Депортиво“.

Според шпанскиот весник, 17-годишниот фудбалер се повреди на синоќешниот натпревар против Леганес (0-1).

Забележано е дека тој го повреди истиот зглоб на десната нога што го принуди да биде надвор од терените минатиот месец.

Се уште не е позната тежината на повредата на играчот. На Јамал денес ќе му биде извршен преглед за да се утврди видот на повредата. Се наведува дека играчот од средниот ред има силни болки.

Оваа сезона Јамал одигра 20 натпревари за Барселона во сите натпреварувања, постигнувајќи шест гола и 12 асистенции.

Бразилскиот фудбалер и член на Ал Хилал, Нејмар, почна да тренира по закрепнување од повредата, објави саудискиот клуб на социјалните мрежи.

На 4 ноември, 32-годишниот Нејмар се здоби со кинење на тетивата во натпревар од Лигата на шампионите во Азија со Естеглал (3-0) и беше надвор од терените.

Пред ова, Бразилецот една година се опоравуваше од повредата на вкрстените лигаменти на коленото и скинат менискус, по што учествуваше на само два натпревари и повторно се повреди.

Претходно се појави информација дека Ал Хилал ја разгледува можноста да го раскине договорот со бразилскиот напаѓач.

Нејмар се пресели во клубот од Саудиска Арабија од ПСЖ во летото 2023 година. Францускиот клуб доби 90 милиони евра за трансферот на играчот.