Во дербито на англиската Премиер лига, Ливерпул на „Енфилд“ го
пречека Манчестер Сити, а дуелот заврши со поделба на бодовите (1-
1) што најмногу му одговараше на Арсенал, кој со тоа останува лидер
на табелата.
Натпреварот го одбележаа два гола, некои контроверзни судиски
одлуки и последната пресметка меѓу Клоп и Пеп Гвардиола во Англија, бидејќи Германецот најави дека ги напушта „Црвените“ на
крајот од сезоната.
Сити поведе со голот на Џон Стоунс, а во продолжение Алексис Мек
Алистер од пенал му донесе на Ливерпул 1-1. После тоа неколку
одлични прилики за домашните фудбалери, но свои шанси имаше и
Сити преку Доку и Фоден.
Клоп смета дека второто полувреме на неговиот тим беше најдобрата
претстава против Сити откако е во Англија.
„Сензационално! Во првите 10 минути бевме малку изгубени бидејќи
Манчестер Сити беше подиректен, но второто полувреме
дефинитивно е најдоброто што сме го одиграле против Сити. Имаа
статива, но моравме да постигнеме два-три гола. Фантастичен
фудбалски натпревар. Воодушевен сум!“, изјави Клоп по натпреварот
и додаде:
„Тоа беше пенал 100 проценти! Според сите фудбалски луѓе на
планетата. Тоа е стопроцентен фаул на кој било дел од теренот и
веројатно жолт картон. Сите луѓе кои ја гледаа снимката кажаа дека
тоа е чист пенал. Но знам дека ќе ни најдат некое објаснување…
Можеби ќе се кријат зад објаснувањето и фразата дека не била
очигледна ситуација за гол. Секако дека беше пенал, но не го
реализиравме и продолжуваме понатаму. За мене најважно е да
продолжиме да играме ваков фудбал. Видов неколку фантастични
изданија од моите играчи денес. Сите беа спектакуларни“.

Тренерот на Јувентус, Масимилијано Алегри имаше измешани
чувства за ремито од 2-2 со Аталанта. Од една страна, тој не е среќен
што неговиот тим го загуби водството и не успеа да победи. Од друга
страна, тренерот и понатаму верува дека ова е важен бод во меч со
директен конкурент за топ 4, бидејќи токму тоа е целта поставена
пред тимот.
„Мислам дека добро се снајдовме против силната екипа на Аталанта.
Тие исто така одиграа на ниво и не со вториот гол каде што требаше
подобро да се браниме. Покажавме поголема одлучност, упорност и
техника во вториот дел. Ние треба да ги подобриме нашите
дефанзивни перформанси, особено кога водиме. Истото се случи на
натпреварот со Наполи минатата недела и на другите натпревари
претходно. Примаме премногу лесни голови. Има многу да работиме,
да се фокусираме на позитивните работи. Со овој уште сме пред
Болоња и ја задржавме предноста од 11 бода пред Аталанта. Да не
заборавиме која е нашата главна цел оваа сезона, да завршиме во топ 4. Момците добро се снајдоа во оваа атмосфера каде имаше делови од
стадионот кои не поддржаа, особено во првото полувреме. Има
работи на кои треба да работиме, но не можам да се пожалам на
недостатокот на желба и посветеност од тимот“, изјави Алегри.
Јувентус е прилично несигурен во последно време, со само една
победа во последните седум натпревари. Сепак, тренерот не е
загрижен за овие резултати.

Американскиот портал за спорт и бизнис „Sportico“ објави ажурирана ранг листа на најплатените спортисти во историјата.

Првото место му припадна на 6-кратниот НБА шампион Мајкл Џордан, кој заработи 3,75 милијарди долари.

Втор е голферот Тајгер Вудс (2,66 милијарди), трет фудбалерот Кристијано Роналдо (1,92 милијарди). Спортико ги зема предвид платите, бонусите, паричните награди, како и приходите на спортистите од неспортски активности во текот на нивната кариера и на крајот од неа, земајќи ја предвид инфлацијата.

Во Топ 10 се најдоа уште и: Арнолд Палмер (голф) – 1,76 милијарди, Леброн Џејмс (кошарка) – 1,7 милијарди, Џек Никлаус (голф) – 1,67 милијарди долари, Лионел Меси (фудбал) – 1,67 милијарди, Дејвид Бекам (фудбал) – 1,5 милијарди, Роџер Федерер (тенис) – 1,49 милијарди и Флојд Мејведер (бокс) – 1,48 милијарди.

Милан и Јувентус водат голема битка за потписот на дефанзивецот на Борнмут, Лојд Кели.

Договорот на Кели истекува на крајот од оваа сезона, па споменатите клубови веќе започнаа преговори со неговиот агент. Двата  клуба сакаат да ја засилат одбраната во летниот преоден рок, а на врвот на листата желби е токму Кели.

Кели игра одлично во Борнмут, а можноста да пристигне без обештетување го прави уште поатрактивен.

Португалската ѕвезда Кристијано Роналдо, уште еднаш изјави дека се
чувствува многу среќен во тимот на Ал Наср и не гледа причина да си
замине.

Триесет и деветгодишниот Португалец настапува за Ал-Наср од
јануари 2023 година. Оваа сезона Роналдо одигра 31 натпревар,
постигна 28 гола и 11 асистенции.

Во последно време има шпекулации дека Роналдо не е среќен во
Саудиска Арабија и дека сака да се врати во Европа, но Португалецот
демантира.
„Среќен сум што сум во Саудиска Арабија, многу среќен. Среќен сум
што го претставувам Ал-Наср и за мене нашата сезона е позитивна
бидејќи се уште имаме шанси на сите турнири“, истакна Роналдо.

Португалскиот стратег Жозе Мурињо, изјави дека е подготвен да започне со работа штом се појави соодветна понуда.

„Сакам да бидам тренер, се надевам дека ќе се вратам многу скоро. Работењето во Рома беше неверојатно затоа што стигнавме до две европски финалиња за две години во клуб кој никогаш претходно не го постигнал тоа. Сега треба да го чекам вистинскиот момент. Подготвен сум да почнам да тренирам ако е можно уште утре, но не сакам да донесам лоша одлука“, изјави Мурињо.

Фудбалерот на Манчестер Јунајтед, Ентони Марсијал на лето готово сигурно ќе си замине од „Олд Трафорд“. Французинот ги одби понудите од Марсеј, Фенербахче и клубови од Саудиска Арабија во зимскиот преоден рок.

Договорот на 28-годишниот Марсијал со „црвените ѓаволи“ истекува на 30 јуни 2024 година, па Барселона гледа шанса да го доведе без обештетување.

Каталонскиот клуб сака да доведе засилување во нападот, но нема големи финансиски ресурси, па Марсијал изгледа како идеална опција.

Барселона веќе стапила во контакт со агентот на Французинот и започнале преговори.

Јулијан Нагелсман може да остане на кормилото на германската фудбалска репрезентација и по Европското првенство, доколку Бундестимот се претстави добро, изјави директорот на локалната федерација, Андреас Ретих во интервју за „Фокус“.

Ретих, сепак, не прецизираше кој пласман на Европското првенство за Германија ќе се смета за успешен.

„Јас не сум човек кој ќе зборува за пласман во моментов. Важно е да ги освоиме срцата на луѓето. Мислам дека нема да биде воопшто лошо. Сигурен сум само дека последното место во групата на домашниот Европското првенство ќе биде лош резултат“, изјави тој.

Според пишувањата на шпанска „Марка“, ПСЖ се заинтересирал за младиот талент на Барселона, Ламин Јамал и за него се подготвени да платат вртоглава сума пари.

Наводно, парижаните се подготвени да одвојат дури 200 милиони евра, но Барселона сепак одбива секаква продажба на младиот фудбалер.

Според Трансфермаркт, проценетата вредност на Јамал е 60 милиони евра, а се очекува истата да достигне 100 милиони до крајот на сезоната.

Барселона сигурно нема така лесно да се откаже од талентираниот младинец кој во јули треба да наполни 17 години.

Доменико Берарди сигурно ќе го напушти Сасуоло на лето и веќе се договорил со Јувентус, пренесува „Калчомеркато“.

Берарди со години игра одлично во Сасуоло, но никако да направи трансфер во голем клуб. Јувентус го сакаше и минатото, но не успеа да го реализира трансферот. „Старата дама“ не се откажува од Италијанецот, кој е голема желба на Алегри, па ќе се обиде да го доведе на крајот на сезоната.

Сега и самиот Берарди го притиска клубот да му дозволи трансфер и веќе постигнал договор со Јувентус.