Жалбата на аргентинскиот репрезентативец Папу Гомез е одбиена, па така тој ќе мора да ја издржи суспензијата откако беше позитивен на допинг тест. Минатата година во октомври, Гомез доби суспензија од две години поради допинг.

Аргентинецот не се согласуваше со таа одлуак и испрати жалба, меѓутоа денес доби информација дека таа жалба е отфрлена.

Така Гомез ќе мора до крај да ја издржи суспензијата, а бидејќи има 36 години не е исклучена можноста и да објави крај на кариерата.

Ѕвездата на Рома, Пауло Дибала е прогласен за најдобар играч во Серија А за месец февруари, објави Фудбалската лига. На Аргентинецот ќе му биде врачена наградата пред почетокот на неделниот натпревар меѓу Рома и Сасуоло на „Олимпико“.

Дибала го доби гласот на навивачите за наградата во силна конкуренција од Тун Копминерс (Аталанта), Рафаел Леао (Милан), Рикардо Орсолини (Болоња), Маркус Турам (Интер) и Душан Влаховиќ (Јувентус). Тоа е втора месечна награда за напаѓачот во тековната сезона, откако беше избран за број 1 во ноември.

Тој беше во голема мера одговорен за три од четирите првенствени натпревари на Рома освоени минатиот месец. 30-годишниот фудбалер постигна два гола во победата на Рома над Каљари од 4:0, постигна хет-трик во победата од 3-2 над Торино и имаше гол и асистенција во победата од 4-1 над Монца.

Не даде голови само во поразот од Интер од 2-4, а не играше ниту во победата од 3-0 над Фросиноне.

Вчера во просториите на Фудбалската федерација беа формирани двојките за последниот елиминациски филтер пред големото финале во Купот.

Екипата на Воска ќе игра со „специјалистот“ во најмасовното клупско натпреварување, Македонија Ѓорче Петров додека во второто полу-финале ќе се сретнат Шкупи и Тиквеш.

Првите мечеви ќе бидат реализирани на 3 април а реваншите ќе бидат одиграни на 17 во април.

Напаѓачот на Манчестер Јунајтед, Расмус Хојлунд е прогласен за најдобар играч во февруари во Премиер лигата.

Тој во изминатиот месец на 4 натпревари постигна 5 гола и направи 1 асистенција. 21-годишниот напаѓач е првиот Данец кој ја освоил таа награда.

Хојлунд ги победи Фил Фоден (Манчестер Сити), Жоао Гомез (Вурверхемптон), Паскал Грос (Брајтон), Родриго Муниз (Фулам), Букајо Сака (Арсенал) и Оли Воткинс (Астон Вила).

Англиските медиуми објавија дека Челси е подготвен да тргне по потписот на крилниот фудбалер Нико Вилијамс од Атлетик Билбао.

Откупната клаузула на Вилијамс е 50 милиони евра, а 21-годишниот фудбалер има одлични настапи оваа сезона со Атлетик билбао и веќе запиша седум голови и 10 асистенции во сите натпреварувања.

Атлетик е подготвен за можност да го загуби Вилијамс, па веќе тргна по потписот на Алваро Дјало од Брага.

Челси бара и нов напаѓач, а изборот наводно паднал на Виктор Осимен од Наполи, меѓутоа за реализација на тој трансфер ќе треба да се почека до лето.

Главна цел на Милан во летниот преоден рок ќе биде доведување на врвен напаѓач кој ќе може да биде замена за Оливие Жиру.

Најново име на списокот на „росонерите“ е напаѓачот на Феенорд, Сантијаго Хименез. Мексиканецот со своите партии го привлече вниманието на многу европски гиганти. Меѓутоа, на Милан воопшто нема да му биде лесно да ја победи конкуренцијата, бидејќи за Мексиканецот интерес покажуваат уште Реал Мадрид, Челзи и ПСЖ.

Мексиканецот оваа сезона на 33 меча постигна 23 гол и запиша 5 асистенции, а Милан верува дека ќе биде идеално решение за нападот во иднина бидејќи Гименез има само 22 години.

Манчестер Сити покажува сериозен интерес за ѕвездата на Лајпциг, Дани Олмо, пренесуваат медиумите на Островот.

24-годишниот Шпанец одигра одлично против Реал Мадрид во Лигата на шампиони, па го воодушевил претседателот Флорентино Перез. Олмо ја помина школата на Барселона во младинските категории, од каде замина за Динамо Загреб каде ја доживеа својата фудбалска афирмација.

Сега блеска во дресот на Лајпциг, а Реал е спремен на лето за неговиот потпис да понуди 60 милиони евра.

Римското обвинителство води истрага против претседателот на Фудбалскиот сојуз на Италија, Габриеле Гравина поради наводна проневера и перење на пари поврзани со ТВ правата.

Гравина кој доброволно се сретнал со обвинителите ги негира обвиненијата. Имено, тој е обвинет дека противзаконски користел пари од продажбата на ТВ правата во 2018 година кога ја водеше третата дивизија.

„Баравме сослушување и предадовме документација за да покажеме дека нашиот клиент е невин. Се рачиствивме и сигурни сме дека вистината набрзо ќе излезе на виделина“, соопштија адвокатите на Гравина. 

Гравина на чело на италијанскиот Фудбалски сојуз е од 2018 година, а во април 2021 е избран во извршниот комитет на УЕФА со функција на потпретседател.

Италијанските медиуми проценуваат дека Маурисио Сари на крајот на сезоната ќе го напушти кормилото на Лацио.

Наводно, челниците на тимот од Рим планираат да ангажираат нов стратег бидејќи не се задоволни од резултатите од тековната сезона. 

Во исто време, искусниот стратег не крие дека не е задоволен од трансферната политика во клубот. Тој вината за лошите резултати ја префрли на управата на „римските орли“.

Манчестер Сити покажува сериозен интерес за ѕвездата на Лајпциг, Дани Олмо, пренесуваат медиумите на Островот.

24-годишниот Шпанец одигра одлично против Реал Мадрид во Лигата на шампиони, па го воодушевил претседателот Флорентино Перез. Олмо ја помина школата на Барселона во младинските категории, од каде замина за Динамо Загреб каде ја доживеа својата фудбалска афирмација.

Сега блеска во дресот на Лајпциг, а Реал е спремен на лето за неговиот потпис да понуди 60 милиони евра.