Францускиот фудбалер Килијан Мбапе е принуден да се повлече од репрезентацијата, објавува „Марка“.

26-одишниот напаѓач ќе се опоравува во својот клуб. Мбапе беше заменет во 83-тата минута во победата од 3:0 над Азербејџан во квалификациите за Светското првенство 2026 година.

Французинот претходно се справуваше со проблеми со глуждот. Франција ќе игра против Исланд на гостински терен во квалификациите на 13 октомври

Реал контактирал со претставници на напаѓачот на Манчестер сити, Ерлинг Халанд, за да ја процени можноста за негов трансфер во шпанскиот клуб, објави „Caught Offside“.

Според изворот, „Лос Бланкос“ би можеле да го продадат напаѓачот Винисиус на неименуван клуб од Саудиска Арабија за 250 милиони евра ова лето. Реал Мадрид има намера да ги искористи приходите од овој договор за да го купи Халанд.

Во исто време, се забележува дека Манчестер сити нема планови да го продаде 25-годишниот Норвежанец. И покрај ова, Реал Мадрид не се откажува од идејата за негов трансфер. Халанд е во Манчестер сити од летото 2022 година. Неговиот договор со клубот важи до летото 2034 година.

Килијан Мбапе најверојатно ќе го пропушти квалификацискиот натпревар на Франција за Светското првенство во 2026 година против Азербејџан поради повреда.

Напаѓачот на Реал Мадрид не тренирал два дена по ред поради повредата на глуждот здобиена на натпреварот од Ла Лига против Виљареал (3:1) во саботата.

Мбапе избегна сериозна повреда, но медицинскиот тим на француската репрезентација препорачал тој да остане надвор од теренот.

Одлуката за вклучување на напаѓачот во составот за натпреварот во петок против Азербејџан ќе биде донесена денес. Ако се биде в ред, Мбапе најверојатно ќе биде во составот на Франција за мечот со Исланд на 13 октомври

Секој со свои различни вкусови за ВАР и против ВАР. Сепак јасно е, и покрај сите маани и проблеми, кога се воведе ВАР техолнологијата има помалку судиски киксови на фудбалската сцена.

Од друга страна славниот Мишел Платини смета дека ВАР не донел ништо добро на фудбалот:

“Јас да бев претседател на ФИФА, ВАР немаше да постои. Проблемите во фудбалот се на друго место“ посочи Платини.

Поранешниот прв човек на УЕФА, дополни и дека ВАР не треба да ги одземе емоциите и човечкиот фактор.

Манчестер Јунајтед ги негираше гласините за можна продажба на клубот, објави Би-Би-Си денес.

Повеќе извори блиски до раководството на 20-кратниот англиски шампион ги отфрлија медиумските извештаи дека разговорите со нов инвеститор се во напредна фаза.

Турки Ал-Шеик од владата на Саудиска Арабија зборуваше за можна продажба на „Црвените ѓаволи“.

Манчестер Јунајтед е во сопственост на американски бизнисмени од семејството Глејзер и Британецот Џим Ратклиф.

Тимот од Манчестер имаше нестабилен почеток на новата сезона и е на десеттото место со 10 бода.

29-годишниот шпански играч од средниот ред на ПСЖ, Фабијан Руиз, зборуваше за перспективите на парискиот клуб во Лигата на шампионите.

„Најтешкото нешто во фудбалот не е да се стигне до врвот, туку да се остане таму. Нашата цел е да ја освоиме Лигата на шампионите два, три или четири пати. Нема да биде лесно, но којзнае? Дефинитивно ќе направиме сè што можеме за да го постигнеме тоа. Најважно сега е нашата победа минатата година да биде пресвртница. Мислам дека самите видовме дека клучот до успехот е целосна посветеност“, изјави Руиз.

ПСЖ е актуелен шампион на Лигата на шампионите. Тие го победија Интер со 5:0 во финалето од минатата сезона 2024/25.

Фудбалската репрезентација на Македонија ја сопре Белгија во Гент, одигра 0-0 и освои голем бод со кој го задржа и првото место на табелата во пресрет на последните два натпревари од квалификацискиот циклус за СП 2026.

Селекторот Благоја Милевски е задоволен од освоениот бод, ремито против моќната Белгија, но вели дека сме потфрлиле во организацијата на играта, иако за тоа влијаеше и силата на Белгија.

„Можам да бидам задоволен од играта во одбрана, но не и во организација на играта. Извлековме максимум од овој натпревар, иако планот беше да имаме поголем посед, да играме и кон напред. Секако дека и противникот влијаеше на нашата игра. Белгијците имаат одлични играчи во средниот ред. Најважно е дека вечерва го имавме тој „фактор икс“. Да издржиме до крај и кога се браниме, да покажеме карактер. Среќни сме, останавме на првото место и сега треба да се фокусираме на следниот меч против Казахстан, и тоа веднаш. Се надевам дека не е ништо сериозно со Висар Муслиу, но ќе знаеме по 24 часа кога ќе може да се скенира повредата“, изјави селекторот Благоја Милевски на прес – конференцијата по натпреварот во Гент.

Фудбалската репрезентација на Македонија одигра реми без голови против Белгија во Гент и го задржа првото место после гостувањето кај најголемиот фаворит во групата. Ова е голем бод кој внесува уште поголеми мотиви пред преостанатите два натпревари, против Казахстан во понеделник во Скопје и следниот месец против Велс во Кардиф.

Белгија ја имаше фаворитската улога, селекторот Благоја Милевски одлучи да го препушти комплетно поседот на топката, но затоа изгради цврст бедем пред фантастичниот Столе Димитриевски на голот.

Во 13.минута, дојде првата посериозна закана. Костадинов кусо исфрли со глава, топката дојде Кевин де Брујне кој шутираше, но во последен момент беше изблокиран.

Седум минути подоцна, Де Брујне изведе корнер, ја извлече на 16 метри, а Салемакерс зафати силен волеј, но заврши над голот.

Белгијците извршија нов притисок во 26.минута. Доку беше во можност да го загрози голот на Столе Димитриевски, но во последен момент блокираше Јани Атанасов.

Само пет минути подоцна, Леандро Тросар шутираше со глава, над гредата.

На почетокот на вториот дел, уште поголем притисок на домаќинот. Кевин де Брујне во 53.минута се одлучи на удар од 18 метри со левата нога, но и Столе Димитриевски одлично одбрани.

Следен беше Доку во 61.минута. Доби топка во транзиција од Де Брујне, се ослободи од чуварот пред себе, но повторно се испречи Столе Димитриевски.

Натпреварот влезе во завршница, а Белгијците сѐ уште немаа решение. Сѐ почесто се обидуваа преку Доку, кој создаваше можности за соиграчите од левата страна. Во 77.минута, по додавањето на Доку, Томоти Кастањ не успеа да реализира од непосредна близина.

Пет минути подоцна, Доку повторно мина по левата страна, Опенда шутираше кон голот, но од блокот топката заврши во корнер.

Во 88.минута уште еден силен удар на Опенда од 20 метри, но повторно Столе Димитриевски беше одличен на голот.

Македонија освои голем бод во Гент, но сега веднаш фокусот треба д

Репрезентациите на Мароко и на САД како последни успеаја да се пласираат на Светското првенство за фудбалери до 20 години.

Во последните два осминафинални дуела Мароко ја совлада Јужна Кореја со 2:1, додека САД славеше убедлива победа над Италија од 3-0

Според „костурот“ двојките во четвртфиналето се: Шпанија – Колумбија, Мексико – Аргентина, САД – Мароко и Норвешка – Франција.

Полуфиналните дуели се играат на 15.октомври, додека финалето на програмата е на 20.октомври во 01 часот по полноќ по македонско време.

Екипата на Њукасл внимателно ги следи настапите на напаѓачот на Атлетико Мадрид, Александар Сорлот.

Англискиот клуб во зимскиот преоден рок ќе бара нов класичен центарфор за да ја пополни празнината по заминувањето на Александар Исак во Ливерпул.

Медиумите наведуваат дека изборот може да падне на корпулентинот Норвежанец кој добил високи оценки од скаутите на Њукасл.