Водечкиот стрелец на француското првенство, 23-годишниот напаѓач на Стразбур, Хоакин Паничели, заработи повреда на коленото за време на тренинг со аргентинската репрезентација пред пријателскиот натпревар против Мавританија.

Повредата доаѓа нешто повеќе од два месеци пред почетокот на Мундијалот, па постои ризик Паничели да го пропушти Светското првенство, на кое Аргентина ќе ја брани титулата.

„Хоакин Паничели се здоби со повреда на десното колено, а сериозноста ќе биде утврдена по дополнителни прегледи“, соопшти Фудбалската федерација на Аргентина.

Локалните медиуми наведуваат дека постои сомнеж за скинати вкрстени лигаменти, што би го оддалечило голгетерот од терените за подолг период.

Паничели дебитираше за националниот тим во ноември минатата година, а ова не е првпат да се соочи со слична повреда бидејќи во 2023 година беше надвор од игра шест месеци поради ист проблем кој би можел сега да се потврди

Шпанија со 3-0 ја победи Србија во натпревар на кој се истакна Ојарзабал, Швајцарија и Германија одиграа луд натпревар со шест гола на кој блескаше Флоријан Вирц.

Репрезентациите кои обезбедија настап на мундијалот го користат мартовскиот прозорец за финализирање на тимот и темпирање на формата, па на програмата денеска имаше неколку интересни дуели.

Шпанија со 3-0 ја доби Србија во меч на кој се истакна Ојарзабал со два гола, особено атрактивен беше вториот, кога од врвот на шеснаесетникот биеше неодбранливо.

Швајцарија и Германија одиграа луд натпревар со дури седум погодоци. Домаќините водеа во два наврати во првото полувреме, но „панцерите“ веднаш одговараа, за во вториот дел и да поведат со страшниот гол на Вирц, кој од работ на шеснаесетникот маестрално пласираше во аголот за 2-3.

Монтеиро изедначи на 3-3 на десет минути пред крајот, но Вирц повторно стапи на сцена и во 85. минута од место пласираше во аголот за 3-4.

Холандија со 2-1 ја доби пресметката против Норвешка, а Англија и Уругвај одиграа 1-1, гостите во последната минута од пенал му ги поматија сметките на „гордиот албион“.

Се шпекулираше дека Диего Симеоне би можел да го напушти Атлетико по 14 години, но тоа, барем засега, нема да се случи.

Аргентинскиот стратег е врзан со договор со клубот до летото 2027 година, а според шпански „АС“, тој ќе го одработи договорот.

На почетокот од оваа сезона имаше неколку тешкотии, бидејќи Атлетико многу брзо испадна од трката за титулата, но го надоместија тоа со пласман во финалето на Купот, каде што ќе играат против Реал Сосиедад, како и во четвртфиналето на Лигата на шампионите.

Истиот извор додава дека не е исклучено Атлетико да му понуди нов договор на Симеоне во текот на летото.

Интер се споменуваше како потенцијална дестинација за Симеоне, а ситуацијата ја следат и во Аргентина, која би сакала да го види како следен тренер.

Баер Леверкузен го потврди трансферот на Керим Алајбеговиќ, кој во летото 2025 година премина во Ред Бул Салцбург. Германскиот прволигаш ја искористи откупната клаузула договорена за репрезентативецот на Босна и Херцеговина.

Алајбеговиќ минатата година го напушти тимот до 19 години на Леверкузен и се пресели во Салцбург, а сега потпиша петгодишен договор со клубот од Леверкузен, кој ќе стапи на сила на 1 јули оваа година. Баер го купи за осум милиони евра.

Младиот 18-годишен играч на репрезентацијата на Босна и Херцеговина одигра одличен натпревар синоќа во Кардиф, асистираше за голот со кој Един Џеко го изедначи резултатот против Велс, а потоа во пенал-рулетот го реализираше последниот пенал. Не играше во почетниот состав, влезе од клупата во 62-та минута.

Репрезентациите на Јамајка и Боливија се на чекор до пласман на Светското првенство откако ноќеска постигнаа победи во полуфиналните дуели од интерконтиненталните баражи. Боливија во Гвадалупе го совлада Суринам со 2-1, иако противникот поведе со 1-0. Сепак со два гола за седум минути Боливија ја потврди фаворитската улога.

Во Запопан, Јамајка со голот постигнат во првиот дел ја совлада селекцијата на Нова Каледонија и се избори за уште еден натпревар.

Финалните дуели од интерконтиненталните баражи се играат на 31.март, а двојките се: ДР Конго – Јамајка (се игра во Запопан) и Боливија – Ирак (се игра во Гвадалупе).

Времениот менаџер на фудбалерите на Манчестер Јунајтед, Мајкл Карик, би можел да добие понуда само за краткорочен договор, објавија медиумите во Англија.

Челниците на тимот не брзаат да донесат конечна одлука иако нема многу слободни тренери на пазарот кои може да седнат на клупата на „Олд Трафорд“.

„Црвените ѓаволи“ сакаат да ангажираат стратег кој има искуство од Премиер лигата. Во моментов не се шпекулира со имиња.

Капитенот на Барселона, Рафиња, повторно се здоби со повреда на „задната ложа“, која веќе ја повреди двапати оваа сезона.
Рафиња го одигра првото полувреме во поразот од Бразил прптов Франција (1:2), во пријателски натпревар, почувствува болка во шеснаесетникот и веднаш побара промена.

Откако се врати на теренот, Рафиња е еден од најважните играчи во тимот на Ханси Флик, оваа сезона одигра 31 натпревар, постигна 19 гола и запиша осум асистенции.

Повредата на Рафиња дојде во најлошиот можен момент, бидејќи по паузата, Барселона игра дури три натпревари против Атлетико Мадрид, прво во Ла Лига, а потоа и двомечот од четвртфиналето во Лигата на шампионите

Во потег што го вчудовиди фудбалскиот свет и ги сруши сите предрасуди за возраста, Рој Хоџсон официјално се враќа покрај аут-линијата. На 78-годишна возраст, поранешниот англиски селектор потпиша договор со Бристол Сити, преземајќи ја функцијата шеф на стручниот штаб до крајот на сезоната.

Ова не е само обично назначување, ова е момент во кој се затвора еден голем круг за човекот чие име е врежано во историјата на европското тренерство. Хоџсон се враќа на Ештон Гејт по цели 44 години. Неговиот прв ангажман во клубот датира од 1982 година, период на длабока финансиска криза, но неговото денешно враќање е проследено со почит каква што заслужува само вистинска икона.

Тајмингот на овој ангажман е речиси поетски. Оваа година се навршуваат точно 50 години откако Хоџсон ја започна својата менаџерска кариера во шведскиот Халмштад во 1976 година. Од тој историски подвиг, кога тим пред испаѓање го однесе до шампионската титула, Рој го прокрстари светот: од гигантот Интер и англиската репрезентација, па сè до исцрпувачките битки за опстанок во Премиер лигата. Со прифаќањето на овој предизвик, тој продолжува приказна која опфаќа пет децении, со што станува една од најдолговечните фигури во историјата на овој спорт.

Задачата е јасна: да му помогне на Бристол Сити да помине низ финишот на сезоната во Чемпионшип. Договорот, финализиран денеска, го носи Хоџсон на клупата со итна задача, да му ја врати самодовербата на тимот додека раководството бара долгорочно решение. Неговото присуство на теренот е само уште еден доказ дека во фудбалот класата е вечна, а годините се само бројка за оние со легендарен дух.

Трката за Златната топка во 2024 година беше една од најполаризираните во поновата историја, предизвикувајќи глобална дебата која често наликуваше на навивачка војна отколку на спортска дискусија. Во центарот на бурата се најдоа Родри од Манчестер Сити и Винисиус Жуниор од Реал Мадрид. По долгиот молк за наводната нетрпеливост меѓу двете ѕвезди, шпанскиот играч конечно реши да го демантира наративот за личен конфликт.

Родри беше дециден во обидот да ги расчисти нејаснотиите по повеќемесечниот медиумски притисок. „Имам огромна почит кон Вини, нема апсолутно никаков проблем меѓу нас“, изјави тој, директно адресирајќи го перципираниот анимозитет. Шпанецот потенцираше дека неговото воодушевување не е само професионален гест, туку признание за врвната форма на Бразилецот во текот на контроверзната сезона.

Одејќи чекор понатаму, Родри отворено ги призна заслугите на Вини. „Немам ништо против него. Напротив, максимално го почитувам за сè што направи во таа година на Златната топка“.

Клучниот дел од пораката на Родри беше насочен кон надворешните фактори кои се обидуваа да создадат раздор. По церемонијата, која Реал Мадрид демонстративно ја бојкотираше, многу аналитичари ги претставија двајцата фудбалери како непријатели. Сепак, Родри веднаш ја префрли вината кај оние кои ја оркестрираа драмата.

„Се обидоа да нè спротивстават еден на друг, но тоа не е вистината. Немаме никакви проблеми“, појасни тој, потсетувајќи дека моќта за одлучување е кај новинарите, а не кај спортистите. „Други луѓе решаваат кој ќе победи, а не јас или Винисиус. Целата дебата отиде во погрешна насока.“ За Родри, бучавата околу трофејот е само нуспроизвод на медиумските анкети, а не одраз на реалноста во соблекувалната или на теренот.

Ова разјаснување доаѓа во специфичен момент за „моторот“ на Сити. Неодамна, Родри ги вознемири навивачите на манчестерскиот гигант со изјавата дека е отворен за евентуална преселба во Реал Мадрид. Иако тие зборови ги подгреаја сомнежите за неговата лојалност, најновите пофалби за Винисиус сугерираат дека тој вешто маневрира низ политичките води на Манчестер и Мадрид.

Со подадената рака кон Бразилецот, Родри ја спушта тензијата на ривалството што се закануваше да го засенчи најголемиот успех во неговата кариера. Дали ова е најава за идно партнерство на Бернабеу останува да видиме, но засега шпанскиот ас е дециден: во потрагата по фудбалска бесмртност, почитта мора да биде на прво место.

Во интервју за време на репрезентативната пауза со Англија, Хари Магваер искрено говореше за непосредната иднина на клубот. 33-годишниот дефанзивец испрати јасна порака дека претстојниот преоден рок ќе биде пресвртна точка за ерата на INEOS. Според него, за Јунајтед да се врати во борбата за врвот, неопходни се сериозни инвестиции во играчкиот кадар.

„Не очекува големо лето на пазарот. Тоа е евидентно“, изјави Магваер. „Ни требаат повеќе играчи и свежа крв во тимот. Се очекуваат големи промени и во менаџерскиот сектор, а јас сум убеден дека раководството ќе ги донесе вистинските одлуки.“

Иако пред извесно време неговото заминување се чинеше како готова работа, иднината на Магваер сега е цврсто врзана за Манчестер. Дефанзивецот е на чекор до потпишување на нов договор со важност до јуни 2027 година, со опција за продолжување на уште една сезона.

Магваер истакна дека договорот се заснова на заедничките амбиции: „Клубот сака и понатаму да бидам дел од овој проект. Чувствуваат дека имам важна улога во тимот, а мојата желба е да му помогнам на Јунајтед повторно да победува.“

Коментарите на Магваер фрлаат светлина и на структурните реформи зад сцената. Додека траат дебатите за постојан менаџер, каде Мајкл Карик важи за главен фаворит, искусниот дефанзивец изрази целосна доверба во водечките луѓе на клубот. Најавената „реконструкција во менаџментот“ сугерира дека Јунајтед планира конечно да го заокружи долгорочниот спортски проект, со цел тимот да биде максимално подготвен за напад на титулата следната сезона.