Фудбалерите на Челси славеа во дербито против Тотнем во Премиер Лигата со 1-0 со голот на Енцо Фернандез.

По мечот пофални зборови имаше тренеротт Енцо Мареска за својот играч за врска Моисес Каиседо. За дефанзивниот играч од средината тренерот смета дека е можеби најдобар на светот.

„Каиседо е еден од најдобрите, ако не и најдобриот дефанзивен играч за врска на светот во моменов. Најдоброто нешто кај Каиседо е што секој ден работи многу сериозно и максимално. Тој е пример за сите“, изјави Мареска.

Инаку Челси го купи Каиседо за 116 милиони евра од Брајтон во 2023 година.

Новиот спортски директор на Арсенал, Андреа Берта, веќе ги обезбедил првите две нови засилувања за „топчиите“ за следната сезона. Берта пристигна во Лондон со богато искуство од Атлетико Мадрид, откако им се приклучи на лондончани како замена за Еду Гаспар.

„Естадио Депортиво“ во Шпанија објави дека Еспањол веќе купува замена за Жоан Гарсија, кој по се изгледа е првото име кое Берта го договорил за трансфер во Арсенал ова лето. Каталонците ја прифатиле понудата за трансфер на Гарсија и голманот ова лето заминува на „Емирати“.

Второто име за кое Берта веќе има позитивен сигнал дека ќе го облече дресот на Арсенал е Мартин Зубименди. И за него се тврди дека е „практично завршен“ трансфер, иако за Зибименди има сериозен интерес и од Реал Мадрид.

Јувентус сериозно размислува за доведување на Сандро Тонали во својот тим идната сезона. Според „Газета дело Спорт“, „бјанконерите“ ја истражуваат можноста да го вратат Тонали во Серија А, нешто повеќе од една година откако италијанскиот играч од средниот ред му се приклучи на Њукасл.

Се зборува дека Јувентус е подготвен да плати 70 милиони фунти за да го ангажира играчот од средниот ред на Њукасл, но засега нема одговор од англиска страна, дали тие се подготвени за оваа сума да се разделат со Тонали, кој се покажа како клучна фигура во тимот на последните неколку средби.

Фудбалерот на Њукасл, Фабијан Шер го продолжи договорот со англискиот клуб до крајот на следната сезона.

„Задоволни сме што го продолживме договорот со Фабијан. Тој одигра голема улога во развојот на клубот во изминатите неколку години и продолжува да игра важна улога и на теренот и надвор од него“, изјави спортскиот директор на Њукасл, Пол Мичел, а пренесува клупската веб-страница.

Швајцарскиот дефанзивец му се приклучи на Њукасл од Депортиво Ла Коруња во јули 2018 година и оттогаш одигра 221 натпревар за англискиот клуб.

Шер (33) кој забележа 86 настапи за швајцарската репрезентација годинава со Њукасл го освои Лига купот. На натпреварите на патот до финалето постигна два гола и забележа една асистенција, додека во финалето против Ливерпул го одигра целиот натпревар.

Њукасл е петти во Премиер лигата со 50 бодови и до крајот на сезоната ќе води жестока борба со Челси и Манчестер сити за директен пласман во Лигата на шампионите.

Репрезентативецот на Македонија, Давид Тошевски зад себе има фантастичен викенд во австриската Бундеслига, а сега е избран и за играч на колото во австриската Бундеслигата.

За екипата на Клагенфурт Тошевски постигна три гола во триумфот на австриската екипа од 3-2.

Тошевски од своите конкуренти доби највисока оценка, а претходно доби место и во тимот на колото.

Исто така со овој настап беше и помеѓу најдобро оценетите напаѓачи за викендот од страна на ФИФА.

Првиот човек на Меѓунароната фудбалска федерација изрази надеж дека Русија наскоро ќе се врати во меѓународните натпревари.

Инфантино изјавата која што можеби најавува добри вести ја даде на денешниот конгрес на УЕФА кој се одржа во Белград.

„Првата точка на која ќе се фокусираме е единственото. Фудбалот ги соединува луѓето, религиите, земјите…И додека мислиме на Србија и сите овие легенди, а дека сме во фудбалска земја зборува тоа што претседател на ФСС е легендарниот Драган Џајќи, селектор е Пикси, додека тука гледам и уште едно големо име, Дејан Савичевиќ кој ме потсетува на 1992 година и златната генерација на фудбалот тука.

Српскиот тим поради политиката не можеше да учествува на Европското првенство кое можеше да го освои. Секако им честитам на Данците, но мораме да се трудиме секогаш да работиме заедно. И додека тука разговараме за мир во Украина се надевам дека наскоро ќе свртиме нова страница и ќе ја вратиме на фудбаслката мапа“, изјави претседателот на ФИФА.

Украинецот Андриј Шевченко не беше избран во Извршниот комитет на УЕФА, објавија светските агенции. Освојувачот на „Златната топка“ за 2004 година, кој го носеше дресот на Милан во неговите најсилни години како фудбалер, доби само 15 гласа од 55-те национални федерации.

Ова е многу ниска оценка за толку висок кандидат. Шевченко имаше шанси да пополни едно од двете испразнети места во управното тело на европската фудбалска централа. Местата ги ослободија Украинецот Андриј Павелко и Шпанецот Луис Рубиалес, кој е поранешен потпретседател на УЕФА.

Шпанија го задржа своето место во Извршниот комитет, при што Рафаел Лузан доби 32 гласа, додека позицијата на Украина му припадна на Израел, чиј претседател на федерацијата Моше Хуарез доби 31 глас.

На Конгресот на УЕФА во Париз во 2024 година, Украина беше меѓу ретките федерации-членки кои не го поддржаа целосно гласањето со кое му се дозволува на претседателот на УЕФА, Александар Чеферин да го продолжи својот мандат до 2027 година.

Запрашан во четвртокот дали ќе го исполни своето претходно ветување дека ќе се повлече по 11 години работа, Чеферин рече: „Не е вистинско време да се зборува за тоа“.

Русија го загуби своето место во 22-члениот Извршен комитет на УЕФА, откако највисокиот фудбалски функционер во земјата, Александар Дјуков, извршен директор на руската нафтена компанија „Газпром Нефт“, не се кандидираше за да го задржи своето место во следните четири години.

Сè уште не е јасно дали УЕФА повторно ќе ги вклучи руските тимови на меѓународни турнири на клупско и национално ниво по забраната воведена во рок од неколку дена по целосната воена инвазија на Украина во февруари 2022 година.

Фудбалерите на Челзи во последниот натпревар од 30. коло на Премиер лигата го совладаа градскиот ривал Тотенхем со резултат 1-0.

По првото полувреме каде што немаше возбудувања, второто полувреме беше многу поинтересно.

Во 50. минута Енцо Фернандеш одлично реагираше по центаршут и со глава ја упати топката во мрежата на Викарио.

Избраниците на Енцо Мареска можеа да го зголемат водството само шест минути подоцна, но голот на Мојсес Каиседо беше поништен поради офсајд.

Постигна гол и Тотенхем, но тој беше поништен по реакцијата од ВАР собата.

Папе Сар успеа од голема далечина да ја насочи топката кон голот и на крајот да го совлада Санчез, но и овој гол беше поништен, бидејќи истиот играч пред тоа направи прекршок, а на крајот наместо гол доби жолт картон.

По оваа победа, Челзи ги мина Манчестер сити и Њукасл на табелата во Премиер лигата и сега го зазема четвртото место, со еден бод повеќе од тимот на Пеп Гвардиола.

Во следното коло избраниците на Енцо Мареска гостуваат кај тимот на Брентфорд, а Тотенхем на домашен терен ќе игра против Саутемптон.

Раководството на фудбалскиот состав Баер Леверкузен очекува Чаби Алонсо да остане во клубот и да го одработи договорот кој му е валиден до летото во 2026 година, тврди денеска весникот – Билд.

Шпанскиот тренер иако во континуитет се поврзува со клупата на Реал Мадрид, веројатно ќе почека уште една сезона пред да ја напушти Германија.

Во исто време, „кралевите“ уште не размислуваат за разделба со Карло Анчелоти кој ќе се обиде во сезонава да ја освои тројната круна.

Светската фудбалска федерација (ФИФА) ја објави најновата листа, на која Македонија ја задржа позицијата од претходното рангирање. Листата ја предводи Аргентина, пред Шпанија, која на второто место ја мина Франција.

Македонија минатиот месец ги започна квалификациите за пласман на Светсктоо првенство. Забележа победа над Лихтенштајн и ремизираше со Велс. На најновата листа Македонија го задржа 67.место.

Од конкуренте во групата Ј за пласман на Светското првенство најдобро рангирана е Белија, на осмото место. Следуваат Велс (29), Казахстан (113) и Лихтенштајн (2025).