Српскиот кошаркар Никола Калиниќ одлучи да ја заврши кариерата.

Веста дека 34-годишниот кошаркар се повлекува од активната кариера дојде како гром од ведро небо.

„Луѓе, ја завршувам кариерата. Станувам помошник тренер во Звезда. Поради мојата животна ситуација, сакам да бидам блиску до Белград. Ви благодарам на сите што бевте дел од лудото возење“, напиша Калиниќ на социјалните мрежи.

Калиниќ ги помина изминатите две сезони во Црвена Звезда и тоа беше неговиот трет мандат во клубот.

Калиниќ ја започна својата професионална кариера во Спартак Суботица во 2009 година, од каде што неговиот пат до дресот на Звезда го одведе низ Нови Сад, Војводина и Раднички од Крагуевац.

Првиот мандат во црвено-белиот дрес го имаше во сезоната 2014/15, вториот во 2021/22, а ги носеше и дресовите на Фенербахче, дури пет години, односно на Валенсија и Барселона.

Манчестер Јунајтед нема да го продаде Бруно Фернандеш ова лето по никоја цена, објави „Скај Спортс“.

Галатасарај е заинтересиран за 31-годишниот капитен на Јунајтед, кој, според турските медиуми е подготвен да даде голема понуда, но од „Олд Трафорд“ стигна јасна порака дека Португалецот не е на продажба.

Фернандеш влегува во последната година од договорот, но Јунајтед има опција автоматски да ја продолжи соработката за уште една сезона.

„Скај Спорт“ тврди дека тој се смета за клучен играч во проектот во клубот и дека ставот на раководството е значително различен од минатото лето, кога му беше дозволено да разгледа голема понуда од Ал-Хилал.

Диего Мореира од Стразбур е пред трансфер во Милан, откако италијанскиот гигант постигнал договор вреден 50 милиони евра, плус бонуси и процент од идниот трансфер.

Мореира, наводно, сакал единствено преселба на „Сан Сиро“ и покрај понудите и интересот од германски клубови. Неговата желба одиграла важна улога во реализацијата на трансферот.

Во преговорите клучна улога имал познатиот агент Жорж Мендеш, кој го предводел процесот. Договорот со фудбалерот е постигнат, личните услови се усогласени, а преостанува уште да ги мине лекарските прегледи.

Доколку сè помине според планот, Мореира наскоро и официјално ќе стане нов фудбалер на Милан.

Францускиот кошаркар Оливие Сар е нов играч на Реал Мадрид, откако потпиша двегодишен договор со шпанскиот клуб.

Сар минатата сезона настапуваше за Кливленд Кавалирс во НБА лигата, каде што просечно постигнуваше 3,5 поени и 2,8 скока.

Во Развојната лига имаше просек од 13,7 поени и 7,3 скока.

Кариерата ја започна на Универзитетот Вејк Форест, а настапуваше и за Кентаки и Оклахома. Реал Мадрид новата сезона во Евролигата ќе ја започне на 24 септември, со гостување кај Дубаи.

Поврзани теми

Поразот од Арсенал покажа дека Сити во моментов не е на нивото на актуелниот англиски шампион, а една од причините е што остана и без еден од клучните играчи.

Но, финансиската моќ на премиерлигашите ќе стапи на сцена и во оваа ситуација, па Сити подготвува двојно засилување, за што ќе потроши над 200 милиони евра.

Преговорите за Ајуб Буади од Лил се одамна започнати и францускиот клуб очекува околу 100 милиони евра за Мароканецот, додека вториот играч кој е интересен за екипата од „Итихад“ е Енцо Фернандез.

Фудбалскиот состав Црвена Звезда направи промоција на новиот тренер, Алберт Риера, кој доаѓа на местото на Дејан Станковиќ, по неочекуваната елиминацијата на „црвено-белите“ во квалификациите за Лигата на шампионите.

„Приоритет се играчите кои се дел од тимот, прво со нив ќе разговарам. Прво сакам да ги запознаам фудбалерите а тие што се тука ми се приоритет“, рече новиот тренер на белграѓани.

Шпанскиот стратег седеше на клупата на тимот на Целје во Словенија и на германскито состав Херта Берлин.

Серхио Бускетс се врати во Барселона, каде што ќе биде помошник тренер на резервниот тим на каталонскиот клуб. Поранешниот играч од средниот ред ќе се приклучи на тренерскиот штаб на Барселона Атлетик, предводен од Хулијано Белети. Ова ќе биде негов прв ангажман по завршувањето на кариерата, а во исто време ќе работи на стекнување на потребните тренерски лиценци.

Бускетс се пензионираше на крајот од сезоната 2025 во МЛС по две и пол години во Интер Мајами. Во американскиот клуб, тој повторно соработуваше со поранешните соиграчи од Барселона, Лионел Меси, Луис Суарез и Жорди Алба, а во текот на минатата сезона одигра 56 натпревари во сите натпреварувања и го освои МЛС Купот.

Легендарниот играч од средниот ред помина вкупно 18 години во Барселона, а во младинскиот систем пристигна во 2005 година, додека дебитираше за првиот тим три години подоцна. Тој го носеше дресот на каталонскиот гигант во 722 натпревари, што го направи трет на листата на сите времиња на клубот, зад Меси и Чави.

Со Барселона, тој освои девет титули во шпанското првенство и три трофеи во Лигата на шампионите.

За шпанската репрезентација одигра 143 натпревари. Тој беше дел од генерацијата што го освои Светското првенство во 2010 година и Европското првенство две години подоцна.

Барселона Атлетик ќе игра во четвртото ниво на шпанскиот фудбал оваа сезона, а Бускетс ќе учествува во развојот на играчи од познатата академија Ла Масија.

Реал Мадрид е заинтересиран да го потпише играчот од средниот ред на Арсенал, Мартин Зубименди, објавува „TEAMtalk“.

Тренер на Реаал, Жозе Мурињо, го одобрил трансферот на 27-годишниот Шпанец. При тоа, Зубименди се плаши дека нема да добие доволно време за играње во сезоната 2026/27 откако Арсенал потпиша нови играчи, па се согласува да се пресели на „Сантијаго Бернабеу“.

Прелиминарните разговори со околината на играчот веќе се одржаа.

Во сезоната 2025/26, Зубименди постигна шест гола и имаше три асистенции во 57 натпревари.

Договорот на играчот со Арсенал е до 30 јуни 2030 година. „Трансфермаркт“ ја проценува вредноста на шпанскиот репрезентативец на 75 милиони евра.

Најново засилување во Торино е колумбискиот стопер Џон Лукуми, кој пристигнува од Болоња.

За неговиот потпис ќе платат 19,5 милиони евра, додека договорот предвидува и дополнителни два милиони евра низ бонуси. Лукуми потпиша петгодишна соработка и треба да биде еден од столбовите на одбраната во новата сезона.

Зад себе има четири години искуство во Серија А, а во Болоња се етаблираше како еден од најдобрите дефанзивци. Во Јувентус се очекува да формира тандем со Бремер, додека конкуренција на стоперската позиција ќе има и од Кели, Калулу, Гати и Ругани.

Јувентус и Тотенхем ги финализираа сите детали за преминот на италијанскиот чувар на мрежата, Гулиелмо Викарио, во редовите на торинскиот гигант.

Според утврдената структура, 29-годишниот голман пристигнува на едногодишна позајмица со клаузула за право на откуп, која за италијанскиот клуб не е задолжителна. Како дел од договорот, Јувентус презема обврска целосно да ја покрие неговата плата во текот на договорениот период до јуни 2027 година.

За самиот Викарио, оваа зделка претставува остварување на желбата изразена уште пред неколку месеци. Италијанскиот репрезентативец уште одамна даде „зелено светло“ за трансфер во Торино, подготвен за камбек во Серија А по епизодата во Премиер лигата со тимот од Северен Лондон.

Со постигнатиот консензус меѓу клубовите, преостанува да се комплетираат медицинските прегледи и административните потписи за трансферот да стане и официјален. Доаѓањето на Викарио носи значителна сигурност на последната линија на одбраната на Јувентус пред почетокот на новите предизвици.