Баер Леверкузен го објави потпишувањето на португалскиот младински репрезентативец Афонсо Мореира од француски Лион во трансфер вреден околу 30 милиони евра, со потенцијални бонуси што би можеле да го зголемат вкупниот износ на повеќе од 33 милиони евра.

21-годишниот крилен напаѓач потпиша договор до јуни 2031 година, што го прави едно од долгорочните засилувања на германскиот клуб од Бундеслигата.

Мореира пристигна во Лион од Спортинг за околу два милиони евра, а минатата сезона одигра 37 натпревари во сите натпреварувања, со осум гола и 11 асистенции.

Спортскиот директор на Леверкузен, Симон Ролфес, истакна дека тој е брз, агилен и технички вешт напаѓач кој совршено се вклопува во стилот на игра на тимот.

Мореира е стандарден член на младинската репрезентација на Португалија и се смета за еден од најперспективните крилни играчи на својата генерација.

Апелациониот суд во Версај, претпладнево објави дека мароканскиот фудбалер Ашраф Хакими сепак ќе биде суден за силување.

Во февруари 2023 година, Хакими беше обвинета од млада жена која отишла во полициската станица, каде што пријавила дека фудбалерот ја силувал.

Фудбалерот на Пари Сен Жермен и капитен на Мароко, чиј тим го игра својот втор натпревар на Светското првенство против Шкотска во петокот навечер, постојано ги отфрла обвинувањата како „лажни“ и сега вели дека „се радува“ на неговото судење.

„Чекав на ова судење од првиот ден. А сега сум уште понетрпелив. Конечно ќе можам да зборувам“, напиша дефанзивецот на ПСЖ на социјалните мрежи.

„Одлучив да молчам со години. Мислев дека одржувањето на моето достоинство, трпение и доверба во правосудниот систем ќе овозможи да се донесат правилни одлуки“, продолжи играчот.

„Денес, приказна, која не е моја, се шири на штета на моето семејство, мојот живот и, пред сè, на вистината. Понекогаш се чувствувам како да сум станал лесна мета“, додаде тој.

Во Тиквеш започна реконструкцијата на тимот за следната сезона. Клубот од Кавадарци потврди разделба со 11 фудбалери, со што отвори простор за формирање на нов ростер под водство на Оливер Богатинов.

На листата на заминувања се најдоа ветеранот Даниел Мојсов, како и Стефан Тасев, Мартин Стојанов, Берат Садик, Кристијан Стојкоски, Кристијан Ѓорѓиевски, Никола Најдовски, Мартин Тодоров, Милован Петровиќ, Данаил Тасев и Вања Терзиќ.

Кавадаречкиот прволигаш јавно им се заблагодари на досегашните играчи и им посака успех во продолжението од нивните кариери.

По бројните заминувања, фокусот на Тиквеш сега ќе биде насочен кон засилувањата, а во клубот се очекува да пристигнат повеќе нови фудбалери кои ќе бидат дел од проектот за претстојната сезона.

Англискиот фудбалски состав Ливерпул е заинтересиран да го купи дефанзивецот на Холандија, Мики ван де Вен.

„Црвените“ внимателно ја следат ситуацијата откако се појавија информации дека фудбалерот не е задоволен од состојбата во Тотенхем и сака да си замине од клубот.

25-годишниот играч има договор со „спарси“ до летото во 2029 година.

Голманот на Германија, Мануел Нојер, потврди дека по Мундијалот ќе се повлече од националниот состав.

„Овој турнир ќе ми биде последен со репрезентацијата, не планирам да играм на Европското првенство по две години“ – изјави Нојер кој дебитираше за „панцирите“ во јуни во 2009 година.

Тој на мечот со Курасао во првото коло од групната фаза го израмни рекордот за најмногу настапи на еден голман на Мундијалите кој го држеше Французинот, Уго Лорис. Двајцата имаат по дваесет.

Мексико со 1-0 ја победи Јужна Кореја и ја запиша втората победа на Светското првенство, со шест бодови е сигурен патник во нокаут фазата.

Два од два за домаќинот на Мундијалот, овојпат беше доволен еден погодок за трите бода.

Клучниот момент се случи во 50. минута кога голманот на Јужна Кореја направи катастрофален кикс кој го искористи Ромо за предност на Мексико од 1-0, што беше и конечен резултат.

По две одиграни кола, Мексико има шест бодови, Јужна Кореја три, а Чешка и Јужна Африка по еден.

Фудбалерите на Вардар се во Норчија, Италија, каде ги одработуваат подготовките за новата сезона, а денеска беа на прием кај градоначалникот на овој град.

Градоначалникот, Антонио Дука ги прими Вардарци, а тие му подарија дрес.

Вардар досега одигра два подготвителни меча против аматерски тимови од Италија, ги доби двата.

Тимот во Скопје се враќа на 2 јули, а првиот меч го игра на 7 јули против Купс во квалификациите од Лигата на шампионите.

Напаѓачот на Брегот на Слоновата Коска, Ели Ваи, не доби виза од канадските власти и нема да игра против Германија.

Се работи за Ели Ваи поради кои има обвинение дека учествувал во местење на натпревари.

Тоа е причината поради која според канадските закони не може да добие виза и да влезе во земјата.

Претходно виза за Канада не доби ниту играчот на Гана, Томас Парти.

Македонскиот фудбалски првак Вардар на стартот од квалификациите од Лигата на шампионите ќе игра против екипата на КуПС од Финска.

„Црвено-црните“ првиот натпревар ќе го играат на домашен терен, а како термин е одреден 7.јули на Националната Арена. Почетокот на дуелот е во 19:00 часот. Реванш дуелот е седум дена подоцна во Финска.

Тоа нема да биде единствен противник за Вардар. Доколку македонскиот првак ја мине првата пречка ќе игра со победникот од дуелот Сабах – ТНС, а доколку биде елиминиран „продолжува“ во конференциската лига и ќе игра против Арарат или Рига.

Jужна Африка стигна до важен бод на Светското првенство, откако во финишот избегна пораз и ремизираше 1-1 против Чешка во групата А.

Чесите беа подобар ривал во поголемиот дел од средбата и уште на стартот поведоа преку Михал Садилек. Сепак, и покрај иницијативата и неколкуте создадени шанси, не успеаја да ја потврдат победата.

Пресвртот во приказната се случи десетина минути пред крајот, кога судијата покажа на белата точка по игра со рака на Павел Шулц. Одговорноста ја презеде Тебо Мокоена и рутински го совлада противничкиот голман за конечни 1-1.

Со овој резултат двете репрезентации остануваат во игра за пласман понатаму, а одлуката ќе падне во последното коло од групната фаза во кое Чешка ќе се соочи со Мексико, додека Јужна Африка ќе игра против Јужна Кореја.