Легендарниот англиски фудбалер Кевин Киген обелодени денеска дека боледува рак во четвртиот стадиум.

Четвртата фаза е најнапредната фаза на рак и значи дека болеста се проширила на други делови од телото.

Семејството на Киген првично во јануари објави дека легендарниот фудбалер се бори со рак и оттогаш е на хемотерапија.

„Имав сообраќајна несреќа и затоа морав да се оперирам. Додека ме скенираа за операцијата, открија дека имам рак. Рекоа дека имаат апсолутно врвен лекар за борба против она што го имате, а тоа е рак во четврта фаза. Па отидов да го сретнам. Тој е навивач на Ливерпул, па знаев дека нема да одам сам. Сè уште сум тука во овој момент“, наведе Киген.

За време на својата кариера како фудбалер, Киген играше за Сканторп, Саутемптон, Њукасл, Блектаун и Ливерпул, со кој ја освои титулата во Купот на европските шампиони во 1977 година.

Одигра вкупно 323 натпревари за Ливерпул и постигна 100 голови.

Беше капитен на репрезентацијата на Англија од 1976 до 1982 година и забележа вкупно 63 настапи и 21 гол за својата земја.

По за вршување на кариерата беше тренер на Њукасл два мандата, а ги водеше и екипите на Фулам и Манчестер Сити. Беше и селектор на репрезентацијата на Англија, која ја предводеше на Европското првенство во 2000 година.

Арсенал е подготвен потроши повеќе од 280 милиони евра во летниот трансфер период со што ќе биде надминат клупскиот рекорд за купување на нови фудбалери.

Според извештајите, клубот планира да направи неколку промени на различни позиции на теренот. Во преден план е да се обезбеди централен напаѓач, лево крило, централен играч од средниот ред и квалитетен десен бек.

Финалистот во последното издание во Лигата на шампионите, веројатно ќе го задржи најголемиот дел од фудбалерите кои ја освоија Премиер-лигата на Англија.

Грузискиот фудбалер Хвича Кваратцхелија беше прогласен за најдобар играч на Лигата на шампионите за сезоната 2025/26.
Фудбалерот на Пари Сен Жермен беше еден од клучните играчи во кампањата на својот тим за втората последователна титула европски шампион.

Тој беше еден од најважните играчи на францускиот шампион во текот на целата европска сезона. Ја заврши сезоната со импресивен настап од десет гола и шест асистенции во 16 настапи, со што се издвои како еден од најпродуктивните играчи во натпреварувањето.

Тој одигра важна улога и во финалето против Арсенал. Токму тој го избори пеналот од кој Усман Дембеле постигна гол за израмнување и враќање на ПСЖ во игра откако лондонскиот тим поведе. Откако пристигна од Наполи на почетокот на 2025 година, тој брзо стана еден од клучните играчи на ПСЖ, одигра 80 натпревари со 27 гола и 19 асистенции

Фудбалерот на Ливерпул и француски репрезентативец Ибрахима Конате заминува од англискиот клуб, откако овој месец му заврши договорот.

Во соопштението на Ливерпул се наведува дека Конате ќе го напушти клубот од „Енфилд“ по пет сезони.

Конате пристигна во Ливерпул во 2021 година од Лајпциг.

Францускиот фудбалер одигра 183 натпревари за англискиот клуб и постигна седум гола.

На 7 јуни ќе се одржат изборите за претседател на Реал Мадрид. Флорентино Перез по долго време има сериозна конкуренција во младиот 37-годишен милијардер и бизнисмен Енрике Рикелме.

Јасно е дека Флорентино Перез е фаворит за победа и за нов мандат, сепак треба да се почека до 7 јуни.

А дека Рикелме сериозна влегува во трката доказ се последните вести од Мадри кои велат дека тој ветува големи работи на избирачите.

Имено ветува дека ќе ги потпише Ерлинг Халанд, а сензација е тоа што ветува дека ако тој биде избран нов тренер на Реал Мадрид ќе биде никој друг туку Микел Артета, актуелниот стратег на Арсенал кој оваа сезона конечно ја освои титулата во Премиерлигата.

Македонската фудбалска репрезентација вечерва ќе одигра уште еден пријателски дуел. Најдобрата селекција гостува кај Турција уште еден учесник на Светското првенство кое почнува на 11.јуни. По натпреварот во Сараево со Босна и Херцеговина (0:0), селекторот Гоце Седлоски ќе има прилика да испроба играчи на кои ќе смета за следниот циклус натпревари во Лигата на Нациите.

На прес конференцијата во пресрет на дуелот и за важноста на овој тип натпревари се осврна репрезентативецот Езѓан Алиоски, кој порача дека ваквите натпревари се од големо значење за развојот на селекцијата.

– Ова се натпревари од кои можеме многу да научиме. Против Босна и Херцеговина покажавме добри работи, но јасно е дека е потребно време за да се воиграме. Секој ваков натпревар е ново искуство и нов чекор напред за тимот“, рече Алиоски.

Контролниот натпревар меѓу Турција и Македонија ќе се одигра на стадионот „Шукру Сарачоглу“ со почеток во 18:30 часот, а македонскиот национален тим тренираше синоќа на теренот каде ќе се игра натпреварот.

Македонската репрезентација во Истанбул, ги привршува подготовките за утрешниот контролен натпревар против Турција, една од селекциите кои обезбедија пласман на Светското првенство.

Во пресрет на дуелот на стадионот „Шукру Сарачоглу“, селекторот Гоце Седлоски истакна дека натпреварот претставува одлична можност за проверка на квалитетите на новиот тим што се создава.

„Турција е исклучително квалитетна репрезентација со фудбалери кои настапуваат на највисоко европско ниво. За нас ова е уште еден важен тест во процесот на градење на тимот. Немаме многу време за работа, но задоволен сум од односот и ангажманот на играчите. Сакам да се претставиме во добро светло и да покажеме дека можеме рамноправно да се носиме и со вакви противници“, изјави Седлоски.

Селекторот најави можност за промени во составот во однос на натпреварот против Босна и Херцеговина, со цел шанса да добијат и останатите репрезентативци.

„Во составот имаме многу нови играчи, меѓу нив и седуммина од домашното првенство. Важно е сите да почувствуваат што значи да се игра за репрезентацијата и постепено да се вклопат во системот. Резултатот е важен, но уште поважно е да изградиме препознатлива игра и тимска хемија“, додаде Седлоски.

На прес-конференцијата се обрати и Езѓан Алиоски, кој порача дека ваквите натпревари се од големо значење за развојот на селекцијата.

„Ова се мечеви од кои можеме многу да научиме. Против Босна и Херцеговина покажавме добри работи, но јасно е дека е потребно време за да се воиграме. Секој ваков натпревар е ново искуство и нов чекор напред за тимот“, рече Алиоски.

Македонскиот репрезентативец зборуваше и за значењето на дресот со број 10, кој го носи во отсуство на капитенот Енис Барди.

„Голема чест е да се носи тој број во националниот тим. Сепак, најважно е она што ќе го покажеш на теренот. Репрезентацијата секогаш ми била посебен мотив и се надевам дека ќе продолжам да придонесувам за нејзините успеси“, истакна Алиоски.

Контролниот натпревар меѓу Турција и Македонија ќе се одигра утре на стадионот „Шукру Сарачоглу“ во Истанбул, со почеток во 18:30 часот.

Новиот италијански фудбалски шампион, Интер, веројатно ќе го ангажира стоперот на Удинезе, Умар Соле, велат последните информации од „чизмата“.

Централниот бек може да потпише договор до 2031 година со плата од 2,5 милиони евра нето по сезона. Покрај Французинот кој е висок 192 см, „нероаѕурите“ сакаат во текот на летото да го ангажираат и корпулентниот дефанзивец на Сасуоло,Тарик Мухаремовиќ.

Што се однесува до Соле, тој има настапувано и во Бундес-лигата во екипата на Лајпциг.

Скопје и Шкендија Арачиново, следната сеозна ќе играат во Првата македонска фудбалска лигга. Второлигашите, во бараже мечевите беа поуспешни од прволигашите, Брера и Пелистер.

Скопје и Брера, својот натпревар го одиграа во Битола. Дуелот беше решен во 88-та минута со голот на Трајчески. Претходно, во 86-та минута, Ангелов не реализираше пенал за Скопје.

Пелистер и Шкендија од Арачинови играа на стадионот во Квадарци.

Шкендија поведе со голот Назифи во првото полувреме. Марко Ивановски, во вториот дел не успеа да реализира пена за Пелистер. Екипата од Битоал, до 1:1, дојде во последните секунди, во 97-та минута преку Петковски.

Во пенал рулетот, блесна голманот на Шкендија, Антонио Столевски и му овозможи на својот тим пласман во елитниот ранг на македонскиот фудбал.

Крилниот напаѓач на Баерн Минхен, Мајкл Олисе, е прогласен за играч на сезоната во Бундеслигата, според анкетата спорведена меѓу играчите.

„Кикер“ традиционално анкетираше 199 играчи од германското првенство на крајот од сезоната за да ги идентификува најдобрите.

Олисе доби 40,7% од гласовите. Првите тројца беа Јан Диоманде (15,1%) од РБ Лајпциг и Лука Вушковиќ (11,1%) од Хамбургер.

Најдобриот стрелец во Бундеслигата за сезоната, Хари Кејн, се најде на четвртото место во анкетата, добивајќи 10,1% од гласовите.