Ливерпуловиот менаџер Арне Слот ја презеде целата одговорност за слабата форма на тимот, откако Црвените доживеаја тежок пораз од 3–0 на гостувањето кај Нотингем Форест. Искрен по натпреварот, Холанѓанецот истакна дека успехот или неуспехот секогаш паѓа на негов грб:

„Пробавме да промениме неколку работи, но не функционираа како што очекувавме. Не успеавме да создадеме доволно шанси,“ рече Слот, додавајќи дека ќе продолжи внимателно да ја анализира тактиката и формата на играчите во обид да го најде вистинскиот правец.

И покрај разочарувачките резултати на стартот од сезоната, Слот останува уверен во квалитетот на својата екипа: „Имаме одлични играчи… и моја задача е да го извлечам максимумот од нив. Засега тоа не го правам, и за тоа сум одговорен,“ призна тој.

Овие зборови само ја засилија дебатата околу потребата од промени во пристапот и менталитетот на тимот, особено по летото во кое клубот значително инвестираше. Разочараните навивачи веќе гласно ја изразуваат својата загриженост, а многу од нив бараат смена на менаџерот.

Ситуацијата дополнително се усложнува поради постојаните споредби со Јирген Клоп. Иако замина во емоционална атмосфера, неговото име повторно се споменува како потенцијална опција доколку кризата продолжи, што само ја засилува тензијата околу иднината на Арне Слот на Енфилд.

Реал Мадрид спаси бод на гостувањето кај Елче, завршувајќи 2-2 во возбудлив натпревар на стадионот Мартинес Валеро. Домаќините поведоа во 53. минута преку Алеиш Фебас, но Реал израмни по корнер, кога Дин Хујсен успешно ја заврши асистенцијата од Џуд Белингем.

Елче повторно стигна до предност во 84. минута со голот на Алваро Родригес, но Белингам само три минути подоцна погоди за 2-2, по долга и напната „VAR“ проверка.

Финишот беше особено драматичен, Елче остана со играч помалку по вториот жолт картон на Виктор Чуст, што дополнително го отвори натпреварот. И покрај доминацијата во посед и бројните шутеви, Мадрид не успеа да го пресврти резултатот.

Трент Александер-Арнолд остави мешан впечаток: критикуван за одредени дефанзивни пропусти, но пофален за креативноста која создаде неколку опасни акции.

Во меѓувреме, Барселона со убедлива победа од 4-0 го намали заостанувањето, но Реал Мадрид сè уште останува лидер во Ла Лига, иако со минимална предност.

Кристијано Роналдо на 40 години постигна импозантен гол со „ножички“, уште еднаш покажувајќи дека неговиот талент не бледее со времето. Во возбудливиот натпревар од Саудиската Про лига во неделата, португалската ѕвезда го заокружи триумфот на Ал Наср против Ал Калеџ (4–1) со акробатски погодок во шестата минута од судиското продолжение. Одличната интервенција по центаршут од десната страна ги разбуди спомените на навивачите од неговиот легендарен гол против Јувентус во Лигата на шампиони во 2018 година. Со препознатливата прослава, Роналдо уште еднаш покажа зошто се смета за еден од најдобрите фудбалери во историјата.

Контекстот на мечот го прави погодокот уште повпечатлив. Ал Наср доминираше во текот на целиот натпревар, со значајни придонеси од Жоао Феликс и Садио Мане. Иако гостите намалија на почетокот од второто полувреме, домашниот тим без поголеми проблеми ја задржа контролата. Ножичкиот удар на Роналдо беше совршена точка на партијата: комбинација од искуство, физичка подготвеност и техничка извонредност, ретко видена кај играч на оваа возраст. Со 11-от лигашки погодок сезонава, тој му помогна на Ал Наср да се одржи на врвот на табелата.

Овој момент само ја збогатува неговата веќе импресивна кариера. Роналдо покажува дека и во четвртата деценија може да создава магија на теренот, испраќајќи силна порака за долговечноста во спортот. Атрактивниот погодок беше вистинско потсетување на неговите најдобри години и доказ дека сè уште знае како да ги инспирира навивачите и соиграчите.

Бенфика со 2-0 го победи третолигашот Атлетико во меч од Купот на Португалија, но триумфот дојде потешко од очекувањето.

Двата гола беа постигнати во второто полувреме, а Мурињо по мечот го искажа својот револт кон играчите.

„На полувремето направив четири измени, но требаше да направам девет. Тие девет фудбалери не беа на теренот. Само двајца требаше да останат. Дали системот работи? Системот работи, фудбалерите не работат. Не сакам фудбалери кои ме предаваат“, рече Мурињо.

Македонскиот дефанзивец, Никола Серафимов, беше стрелец во победата од 5-1 на Левски над Монтана на гостински терен.

Ова беше втор погодок на Серафимов за бугарскиот тим за кој потпише изминатово лето.

По 16 одиграни кола Левски е лидер со дури осум бодови повеќе од ЦСКА Софија.

Ѕвездата на Бетис, Иско, доби спектакуларна објава на новиот договор, а потоа го спаси својот тим од пораз против Џирона, мечот заврши 1-1.

Иско денеска се врати по долгата пауза поради повреда, а во исто време го продолжи и договорот со Бетис, стави потпис на соработка до 2028 година.

Неговиот договор беше објавен со голем банер кој го извадија навивачите на Бетис на трибината.

Жирона од првото полувреме имаше водство од 1-0. Иско во игра влезе во 60. минута, а само 15 минути подоцна асистираше до Гомез кој изедначи на 1-1.

Македонскиот репрезентативец, Лирим Ќамили со гол од пенал во самиот финиш од мечот му донесе победа на Сондерјиске во дуелот со Митјилнад од 2-1.

Митјиланд пред ова коло беше лидер во данското првенство, но поразот од Сондерјиске ги чинеше губење на врвот.

Ќамили во 100. минута ја закова топката од пенал за победа на неговиот тим од 2-1.

Тоа е трет гол сезонава за Ќамили во данското првенство, а прв по 21 септември кога погоди против Вејле во ремито 2-2.

Тренерот на Реал Мадрид, Чаби Алонсо, изрази незадоволство по ремито со синоќа Елче во 13. коло од Шпанското фудбалско првенство.

Натпреварот се одигра во Елче и заврши 2-2.

„По добрата серија, имаме резултати што не ги сакавме. Незадоволни сме бидејќи секогаш сакаме да победуваме, но сè уште има многу натпревари пред нас. Мора да продолжиме да ја анализираме ситуацијата. Тимот не се откажа, се боревме. Резултатот и играта можат да бидат подобри бидејќи сме самокритични. Треба да одговориме на проблемите. Сакаме да се подобриме“, изјави Алонсо.

Реал Мадрид има 32 бода и е прв на табелата во Ла Лига, пред Барселона (31 бод).

Следниот натпревар во првенството Реал ќе го има на 30 ноември против Џирона.

Фудбалерите на Рома славеа победа во Кремонезе (1-3) и се вратија на челната позиција во Серија А.

Тимот од главниот град на Италија лесно мина на теренот на екипата која е повратник во Серија А.

По оваа победа, Рома стигна до 27 бода, што е два бода повеќе од Наполи и три повеќе од Интер, кој има натпревар помалку. Вечерва Интер го игра градското дерби против Милан.

Рома поведе по 17 минути игра, кога Матијас Суле, на асистенција на Коне, му донесе водство на својот тим.

Овој резултат важеше до 64-та минута кога Еван Фергусон ја удвои предноста на Рома. Третиот гол за Рома го постигна Весли.

Почесниот гол за Кремонезе го постигна Франческо Фолино во судиското продолжение.

Тренерот на Рома, Џанпјеро Гасперини, мораше рано да ја напушти клупата, бидејќи доби црвен картон во 62-та минута.

Римјаните ќе се сретнат со Наполи во „Дерби дела Соле“ во следната рунда.

Фудбалерите на Арсенал го победија Тотенхем со 4-1 во дербито на северен Лондон и ја зацврстија водечката позиција на табелата во Премиер лигата.

„Топџиите“, на табелата имаат шест поени повеќе од Челзи и седум од Манчестер Сити.

Против Тотенхем, Арсенал играше како што игра од самиот почеток – како шампион.

Еден од најдобрите натпревари на лидерот во Премиер лигата оваа сезона го одбележа со хет-трик, репрезентативецот на Англија, Еберечи Езе.

Арсенал одигра феноменално прво полувреме, само малку послабо во второто, но доволно добро и авторитетно за градскиот ривал да не му пружи ниту грам надеж дека може да остане непоразен.

Серијата ја отвори Тросар, а Езе погоди во 41-та, 46-та и 76-та минута.

Единствениот гол за гостите, во 55-та минута, во стил на голем мајстор го постигна Ришарлисон. Бразилецот од 40 метри го лобуваше Раја.

Арсенал го доживеа последниот пораз од Ливерпул на 31 август, оттогаш е во страшна серија на резултати на сите фронтови – во 13 натпревари забележа два нерешени резултати и 11 победи.