Наполи, Рома и Фиорентина планираат промена на тренерите, а тоа би можело да доведе и до смена на клупата на Сасуоло.
Од Италија пристигнуваат интересни вести, а најпрво од Наполи кој размислува да ја раскине соработката со Гатузо, чиј договор истекува во јуни, а Де Лаурентис има неколку звучни имиња на листата.
Прв е Маурицио Сари кој минатата сезона го предводеше лутиот ривал Јувентус до титулата. Сари и понатаму е на платниот список на Јувентус, но наскоро веројатно ќе прифати некоја понуда. Втор е Рафа Бенитез, уште еден поранешен тренер на Наполи, кој е без ангажман откако се врати од Кина.
Што се однесува на Рома, и понатаму главна мета е Макс Алегри, но и тешко остварлива. Доколку римјаните го сакаат Алегри, ќе мораат да го „отворат ќесето“, бидејќи поранешниот тренер на Јувентус ќе биде втор најплатен по Антонио Конте.
Останува Фиорентина, која го сака токму Гатузо, но во игра е и Де Зерби кој го завршува својот циклус во Сасуоло.

Факијо Томори во јануари пристигна во Милан како позајмен фудбалер од Челзи. После повредата на Кјаер, Томори дебитираше за Милан во дербито против Интер, а потоа беше стартер на следните два меча и одигра одлично. Синоќа одигра фантастичен натпревар против Рома и го истисна капитенот Ромањоли од тимот, па англискот репрезентативец ги воодушеви сите во Милан. Милан во договорот има опција да го откупи на лето за 28 милиони евра, а италијанските медиуми откриваат дека „росонерите“ се спремни да го задржат.

Британскиот премиер Борис Џонсон и понуди на Европската фудбалска унија УЕФА да таа земја организира повеќе натпревари од првично планираното на Европското првенство планирано за ова лето. ЕП требаше да се одржи минатото лето во 12 градови, но беше одложено на една година поради пандемијата на коронавирусот. Планирано е двата полуфинални натпревари и финалето да се одиграат на лондонски Вембли, а мерките ширум светот за сузбивање на пандемијата и натаму се на сила, што помеѓу другото влијае и на патувањето. Во изјава за Сан, Џонсон рече дека Велика Британија е подготвена да ја преземе организацијата на натпреварите, а како причина за оптимизам ја наведе масовната вакцинација. Како што пренесуваат медиумите, британската Влада ја поддржа заедничката кандидатура на Англија, Шкотска, Велс, Северна Ирска и Ирска за домаќин на Светското првенство 2030. година, а Џонсон рече дека е „вистинско време за фудбалот да се врати дома“. Во тек е изработка на студија за изводливост, а идната година ќе започне официјалниот процес на кандидатурата. Светското првенство во 2022. година ќе се одржи во Катар, а четири години подоцна домаќини на Мундијалот ќе бидат САД, Канада и Мексико.

Тренерот на француски Рен, Жулиан Стефан поднесе оставка. Рен моментално е деветти на табелата во Лига 1, а нема победа во последните 6 натпревари и е во серија од три последователни порази. Минатиот викенд, Рен загуби на домашен терен со 1:2 од Ница. Последната победа на тимот беше во јануари – 2:1 како гостин против Брест. Под водство на Жулиан Стефан, Рен се пласираше во Лигата на шампионите минатата сезона, а во 2019 година триумфираше во Купот на Франција. Стефан го презеде тимот во декември 2018 година.

Јувентус ќе се обиде да го ангажира германскиот играч за врска од ПСЖ, Јулијан Дракслер, чиј договор со францускиот клуб истекува ова лето. Според информациите, Јувентус ќе го ангажира Дракслер само доколку фудбалерот е во добра физичката состојба. Германецот дојде во ПСЖ во 2017 година, а претходно играше за Волфсбург и Шалке 04. Оваа сезона, тој одигра само 15 натпревари во Лига 1, постигна три гола, со две асистенции. Во јануари за него беше заинтересиран Арсенал, но Дракслер не беше заинтересиран за заминување во Англија. Сега парижани го ставија Дракслер на трансфер листата поради финансиските потешкотии предизвикани од глобалната пандемија.

Селекторот на Германија, Јоаким Лев изјави дека е подготвен да размисли и да ги врати во репрезентацијата, дефанзивецот на Борусија Дортмунд, Матс Хумелс и играчите на Баерн Минхен, Томас Милер и Жером Боатенг.
„Кога ќе почнете да менувате, не можете да напуштите се и да започнете комплетно да се движите во друга насока. Но, пандемијата трае скоро цела година, па сега е можно да се размисли за прекинување на овој процес доколку е потребно. Ако сметам дека има потреба од оние кои можат да додадат енергија, тогаш е можно враќање. Можам да ветам дека нема да исклучиме ништо и никого“, рече Лев.
Јоаким Лев престана да ги повикува Милер, Хумелс и Боатенг во репрезентацијата на Германија во 2019 година.

Пеп Гвардиола даде многу интересна изјава во врска со тврдењата дека „граѓаните“ во моментов се најсилниот тим во Европа.
Шпанецот истакна дека значајни трофеи не се освојуваат во март, па неговиот тим се уште нема постигнато ништо оваа сезона. Во овој контекст, Пеп рече дека во моментов најдобар тим во Европа е Баерн, а во Премиер лигата – Ливерпул, кој и понатаму е актуелен шампион.
„Најдобар тим во Европа е Баерн затоа што освоија се што е можно. Во Англија шампион е Ливерпул, тие се најдобри. Ако сакате да земете нечија круна, мора да ја освоите. Никој не станува шампион во март.
Има уште 36 бода за освојување во лигата. Секој тим може да загуби неколку последователни натпревари за само една недела. Утре имаме тежок противник во Вулверхемптон. Потоа имаме натпревари со Манчестер Јунајтед, Саутемптон, а потоа со Фулам, кој игра многу добро. Кога остануваат 10, 12 или 15 поени до крајот, тоа е сосема поинакво, но 36 поени се многу”, заврши со својата изјава Гвардиола.

Бразилскиот фудбалер Винисиус Жуниор вечерва испишува историја за Реал Мадрид. Доколку настапи против Реал Сосиедад, ќе го запише својот 100. настап за мадридскиот клуб и така ќе стане најмладиот фудбалер кој успеал во тоа.
Верувале или не, со само 20 години и седум месеци, Жуниор веќе ќе стигне до својот 100. натпревар во дресот на Реал и со тоа ќе ги прескокне најголемите легенди на клубот и шпанската репрезентација – Икер Касиљас, Раул Гонзалес и Камачо.
Винисиус во Реал пристигна на 18 години од Фламенго за сума од 45 милиони евра, досега постигна 11 погодоци и забележа 20 асистенции, а многумина веруваат дека би можел да има и подобар учинок, со оглед на тоа дека настапува на позицијата крилен напаѓач.

Доколку не се случи нешто спектакуларно во последните 14 кола, Јанг Бојс од Берн повторно ќе бидат прваци на Швајцарија, четврт пат по ред.
Бранителот на титулата има дури 19 бодови предност пред второпласираниот Базел, но она што е доста поинтересно е ситуацијата од второто место па натаму.
Второпласираниот Базел и последниот Вадуз ги дели само десет бодови, а славниот Базел има еднаков број на порази како и претпоследниот Сион. Базел има три порази повеќе од седмопласираниот Лугано.
Неверојатен е и податокот дека втората eкипа на табелата има гол разлика 0, а осмопласираниот Луцерн има +2. Понатаму, освен Јанг Бојс само три екипи имаат позитивна гол разлика, а никој под првопласираниот не успеа во последните пет кола да поврзи барем две победи.
Во најдобра форма освен Јанг Бојс е последниот Вадуз, кој има три победи во последните пет дуели и така се врати во борбата за опстанок.