Фудбалерите на Реал, славеа победа 1-2 на „Мендизороза“ во Вторија, над Алавес, во 16-то коло на шпанското првенство.

Работите не одат добро за Мадрид во последно време, па за Чаби Алонсо и тимот, победата во овој натпревар беше императив. До неа се стигна со многу мака, поради што се уште не е сигурна идноната на шпанскиот тренер.

Се чинеше дека Реал лесно ќе победи, кога Килијан Мбапе погоди за предноста во 24-та минута.

Тоа беше единствениот гол во првото полувреме, а вориот дел, поточно првата половина од овој дел од играта им припадна на домашните фудбалери.

За добрата игра беа нагадени со голот на Карлос Висенте, кој влезе во игра во 68-та минута, а 60 секунди подцна го изедначи резултатот.

Радоста на домашните траеше само неколку минути пред Родриго, на асистенција на Винисиус, да го постави конечниот резултат. Родриго по постот кој траеше осум месеци, или 32 натпревари, постигна гол и на вториот меч по ред, претходно погоди во средата против Манчестер Сити.

Со оваа победа, Реал се врати на четири бода зад лидерот Барселона. Алавес е на 12-то место.

Во следното коло, Реал ја пречекува Севилја, додека Алавес ќе гостува кај Осасуна.

Екипата на Баерн Минхен го постигна својот 50. гол вчеравечер во ремито 2-2 со Мајнц во 14. коло од германската Бундеслига.

Тимот од Минхен постави нов рекорд по ефикасност во Бундеслигата. Претходно не се случило некој тим да стигне до 50 погодоци по само 14 рунди.

Во 14 натпревари од Бундеслигата, Баерн постигна 51 гол, а прими 11. Тие имаат 38 бода и се први на табелата. За споредба, во сезоната 2024/25, Баерн постигна 42 гола во 14 натпревари.

Баерн ќе игра против Хајденхајм на гостински терен во следниот натпревар на 21 декември.

Играчот од средниот ред на Барселона, Педри, ја достигна бројката од 150 официјални настапи во шпанското првенство за каталонскиот клуб, објави „Опта Спорт“.

Според изворот, ова с еслучи на натпреварот од 16-то коло од Ла Лига каде 23-годишниот Шпанец започнал во натпреварот против Осасуна, кој заврши со победа од 2-0 за Барселона. Со овој натпревар Педри стана најмладиот играч во историјата на Барселона кој одиграл 150 натпревари во Ла Лига, надминувајќи го рекордот на Лионел Меси поставен во 2010 година.

Аргентинецот го одигра својот 150-ти настап во шпанската лига на 23 години и 121 ден – ова се случи на 23 октомври 2010 година, во победата од 2:0 против Сарагоса. Педри, од друга страна, го достигна овој рекорд на 23 години и 18 дена.

На шпанскиот играч од средниот ред му беа потребни нешто повеќе од пет години за да стигне до 150 настапи во Ла Лига. Тој го имаше своето деби во Ла Лига за Барселона на 27 септември 2020 година, против Виљареал.

Натпреварот Леванте – Виљареал во рамките на 16. коло од шпанската Ла Лига е одложен поради лоши временски услови.

Натпреварот требаше да се одржи денес на стадионот „Сиудад де Валенсија“ во Валенсија. Почетокот беше закажан за 18:30 часот.

„Следејќи ги безбедносните препораки, прогнозата за обилни дождови во Валенсија и издавањето црвена тревога од страна на Шпанската национална метеоролошка агенција, Кралската шпанска фудбалска федерација одлучи да го одложи натпреварот Леванте – Виљареал. Нов датум и време ќе бидат објавени наскоро“, се вели во официјалното соопштение.

Виљареал е трет на табелата во Ла Лига со 35 бода, Леванте е на последното место, 20. место со девет бода.

Игор Ангеловски објави дека ја прекинал соработката со кипарски Етникос Ахна.

„Денес остварив состанок на мое барање со претседателот на кипарски Етникос Ахна, Кикис Филипу и ја поднесов мојата оставка на позиција главен тренер, а заедно со мене заминува и мојот асистент Милан Илиевски. Победите и поразите се составен дел од фудбалската игра, но оставката е чин на морална одговорност“, наведува Ангеловски во објавата.

Тој му се заблагодари за укажаната доверба, на сите вработени, навивачи и фудбалери за соработката и им посакува понатамошни успеси во иднина на личен и професионален план.

Одбранбениот фудбалер на Арсенал, Бен Вајт повторно се повреди. Дваесет и осумгодишниот Англичанец беше заменет во првото полувреме на вчерашниот натпревар против Вулверхемптон во 16. коло од Премиер лигата.

Арсенал победи со 2-1, а Вајт веќе по половина час го напушти теренот.

Тој не играше многу минути поради претходен проблем со коленото. А кога почна да се враќа во форма, мораше да игра многу бидејќи немавме друго решение, изјави тренерот Микел Артета на прес-конференцијата по натпреварот.

Во сезоната 2025/26, Вајт имаше една асистенција на 11 натпревари во сите натпреварувања. Во сезоната 2024/25, тој пропушти 27 натпревари на Арсенал поради повреда.

Челзи на „Стемфорд Бриџ“ сигурно го совлада Евертон со 2:0 во рамките од 16. коло на Премиер лигата. Головите за лондонскиот тим ги постигнаа Кол Палмер во 21. и Мало Густо во 45. минута, со што „сините“ се искачија на четвртото место на табелата, кое води во Лигата на шампионите.

И покрај поразот, Евертон не е далеку зад Челзи и има само четири бода помалку.

По натпреварот, на прес-конференцијата новинарите го прашаа менаџерот на Евертон, Дејвид Мојс, која е разликата меѓу неговиот тим и Челси. Одговорот беше краток и духовит:

„Една милијарда фунти“, рече Мојс со насмевка.

Според „Трансфермаркт“, вкупната вредност на тимот на Евертон изнесува околу 400 милиони евра, додека ростерот на Челзи е проценет на дури 1,18 милијарди евра

Македонската фудбалска легенда,, Дарко Панчев, смета дека европските настапи во Лигата на Европа се далеку пореална и поисплатлива опција за клубовите од Балканот, отколку обидите за наметнување во Лигата на шампионите, каде што јазот во квалитет, според него, е преголем.

„Ако сме фудбалски реални и објективни, за сите балкански клубови – не само за Црвена звезда и Партизан, туку и за Динамо, Хајдук и другите, многу е подобро и покоректно да играат во Лигата на Европа. Тука квалитетот е на ниво што е поблиску до нашето и објективно имаме поголеми шанси да освојуваме бодови, да победуваме и да се радуваме“, истакна Панчев во изјава за ТВ Танјуг.

Панчев потенцира дека дури и пласман меѓу првите 24 екипи во второто по ранг европско натпреварување би претставувал значаен успех за Црвена звезда, додавајќи дека белградскиот клуб има реални изгледи да ја мине оваа фаза.

„Јас би бил задоволен Звезда да влезе меѓу првите 24. Имаме објективни шанси против Малме, кој има само еден бод и реално е без големи изгледи за пласман. Тоа треба да се искористи – да се одигра добро и да се освојат бод или три. Против Селта ќе биде многу потешко, шпанските екипи каде и да играат се силни и организирани“, изјави Панчев.

Според италијанскиот весник „Газета дело Спорт“, Интер има голема желба да го замени Јан Зомер со голманот на Тотенхем, Гуљелмо Викарио.

Интер започна потрага по долгорочна замена за Зомер, а според информациите на весникот, прв „пик“ на „нероаѕурите“ е голманот на лондончани.

29-годишниот голман наводно ги исполнува сите критериуми што Интер ги наведе за нов, постојан прв избор на голман во следните неколку години. Моментално нема преговори меѓу Интер и Тотенхем, но се вели дека Италијанците ја подготвуваат стратегијата за тоа како договорот ќе биде реализиран.

Тотенхем има договор со Италијанецот до летото 2028 година.

Реал Сосиедад денеска му врачи отказ на досегашниот тренер на тимот, Серхио Франциско. Баскискиот клуб претрпе пораз од 2-1 на домашен терен од Џирона во петокот во 16-то коло од шпанското првенство, а претходно загуби три натпревари по ред во Ла Лига и се спушти на 15-то место со 16 бода.

Сосиедад објави раскинување на договорот со Франциско, кој претходно работеше во младинските тимови на Баскијците 11 години и го замени Иманол Алгуасил во првиот тим во летото.

Тимот до крајот на годината ќе го води тренерот на вториот тим, Џон Ансотеги.