Ариго Саки особено го пофали Милан после победата во дербито против Лацио.

Саки е еден од најдобрите и најтрофејни тренери во историјата на миланскиот гигант, а вели дека на моменти овој Милан го потсетува на неговиот.

Милан против Лацио, посебно во второто полувреме беше на работ на перфекцијата.Беа организирани, агресивни и сите фудбалери си помагаа еден на друг.Топката постојано беше на теренот, немаше непотребни долги топки, сите линии беа добро поврзани. А, во вакви услови, дури и фудбалер како Леао даваше максимум и имаше одличен настап“.

„На моменти Милан потсетуваше на тој од „златната ера“, од мое време и воопшто не претерувам“, изјави Саки.

Карим Бензема завршил во изолација во Саудиска Арабија откако добил позитивен тест на ковид-19.

Подолго време вестите за коронавирусот не се актуелни, но сега таква информација ни пристигнува од Саудиска Арабија. Бензема почувствувал симптоми по што му бил направен тест и било утврдено дека се заразил со вирусот кој еден период го парализираше светот во сите полиња.

Како што пренесуваат медиумите, тој веднаш бил изолиран од соиграчите и засега не е познато колку време ќе биде одвоен од тимот.

По четвртиот пораз во сезоната, од Кристал Палас на домашен терен, за Манчестер Јунајтед доаѓа уште една лоша вест.

Аргентинскиот стопер Лисандро Мартинес денеска ќе мора на операција откако ја обнови повредата на стапалото, доживеана уште во текот на минатата сезона, против Севиља во Лигата Европа. Потоа Лисандро паузираше 11 недели, но на почетокот од оваа сезона се обиде да игра со инјекции против болки и тоа се покажа како лоша одлука.

По операцијата, тој нема да биде на теренот во следните три месеци што значи дека евентуално би се вратил на почетокот на 2024 година. Тоа е лоша вест за Ерик Тен Хаг кој во одбраната нема голем избор и до неодамна не можеше да смета на уште четворица фудбалери.

Глазгов Ренџерс по поразот на домашен терен од Абердин го отпушти Мајкл Бил. Тој на кормилото на шкотскиот состав во 42 натпревари имаше 30 победи, 4 нерешени и 8 порази.

„Јасно е дека резултатите не ги оправдаа очекувањата на управата, навивачите и самиот Мајкл“, коментираше претседателот на Управниот одбор на Ренџерс, Џон Бенет.

Ренџерс е трет во шкотскиот шампионат со 12 бодови или седум помалку од лидерот, Селтик.

Милан дојде до посакуваниот резултат во дуелот со Лацио, победа од 2-0 во која еден од головите беше дело на Кристијан Пулишиќ.

Ова за американскиот репрезентативец беше трет погодок во Серија А, па се надева дека таа бројка ќе се зголеми и со тоа ќе може да даде значаен придонес во остварување на зацртаните цели.

„Не сакам да кажам бројка, само сакам да постигнам што е можно повеќе погодоци за да може тимот да победи на што повеќе натпревари. Се надеваме дека претстојат уште многу голови“, рече офанзивецот кој смета дека Милан има капацитет, кавлитет да биде шампион на Италија.

-Ние одиме натпревар по натпревар. Ќе одиме така, да ставаме по три бода во торбата, а потоа се разбира дека имаме добри шанси да триумфираме, -заклучи летното засилување за „црвено-црните“.

Интер Мајами ноќеска ремизираше со Њујорк Сити (1-1), повторно во отсуство на својата најголема ѕвезда Лионел Меси кој веќе четврти меч во низа не е во составот на тимот од Флорида.

Аргентинецот не беше ни во протоколот откако претходно ги пропушти дуелите со Орландо и Атланта, како и со Хјустон во финалето од Купот. Шансите за пласман во плејофот се се помали, но на навивачите тоа не им е многу важно кога го искажуваат својот бес кон клубот. Тие плаќаат стотици долари за да го видат на дело најдобриот фудбалер на сите времиња, а тој можеби и ја заврши сезоната поради повреда. Од тие причини бараат Интер Мајами да биде транспарентен и да каже точно каква е состојбата со Меси. Да биде иронијата поголема, иако Меси не играше, во информацијата за конечниот резултат, објавена на Твитер, стои фотографија со Меси иако тој воопшто не беше во комбинација за настап.

Баерн Минхен го комплетираше потписот со искусниот германски дефанзивец Џером Боатенг.

Откако му истече договорот со Олимпик од Лион, на Боатенг беше без ангажман, што сега се менува. Тој веќе го одработи првиот дел од лекарските прегледи и денеска ќе тренира со резервниот тим на Баерн. Се очекува тој да се приклучи на првиот тим во следните неколку дена.

Според добро упатени извори во Германија, Боатенг во текот на летото работел напорно чекајќи можност за нов договор и ја добил од својот стар клуб. Поранешниот германски репрезентативец претходно една деценија ги бранеше боите на гигантите од Баварија.

Она што се уште е под знак прашалник е дали Боатенг ќе потпише договор на шест месеци или до крајот на сезоната.

Искусниот македонски стручњак, Ѓоко Хаџиевски пред некое време се врати во Вардар и тоа во улога на спортски директор се со цел да му помогне на клубот во овие тешки времиња.

Хаџиевски беше активен и дури вчера беше дел од прес конференцијата на која беа обелоденети некои работи, но денеска стигна вест дека тој договорил нов ангажман кој ќе значи заминување од нашата земја.

Името тој е назначен за нов тренер на второлигашот од Саудиска Арабија-Хајер. Се работи за тим кој по шест кола освои само 4 бодо по што раководството се реши да реагира и задачата за подобри резултати му ја довери на некогашниот македонски селектор.

Ѓоко има огромно искуство, знаење, има работено во овој дел од светот и тоа ќе се обиде да го искористи на најдобар можен начин.

Манчестер Јунајтед има проблем со голем број повредени играчи, слично како и голем број ривали, а менаџерот Ерик тен Хаг јасно потенцирал дека ситуацијата станува загрижувачка.

Лисандро Мартинез нема да може да игра до крајот на годината, со што „црвените ѓаволи“ во моментов не можат да сметаат на дури осум фудбалери од првиот тим.

„Распоредот само се згуснува, има се повеќе натпревари, а фудбалерите веќе не можат да го издржат тоа оптоварување. Голем број мои колеги го нагласуваат ова, јас зборувам на таа тема, но ништо не се менува. Фудбалерите не можат да издржат и ова што се случува сезонава е јасна потврда“, рече Тен Хаг.

Неодамна се дозна за скандалот со францускиот фудбалер Пол Погба околу користење на допинг, па медиумите шпекулираат дека тоа може да придонесе Јувентус да му го прекине договорот.

По тоа прашање сега се огласи и директорот на Јувентус, Кристијано Гвинтоли, кој верува во фудбалерот, но чека да се разреши целосно ситуацијата, па да излезат со официјално соопштение.

„Околу прекин на договорот? Чекаме, да видиме што ќе се случи, па ќе разговарам со Погба и ќе одлучиме што понатаму. Сега е време да се свртиме кон иднината“, порача директорот на Јувентус.

Неговиот менаџер неодамна истакна дека евентуален раскин на договорот со клубот од Торино, не доаѓа во предвид, но дека последниот збор ќе го има Јувентус.

Погба се врати во Торино во бесплатен трансфер, доаѓајки од Манчестер Јунајтед.