Дефанзивецот на Ливерпул и капитен на тимот, Вирџил ван Дајк, проговори за ситуацијата со Мохамед Салах. По вчерашниот дуел и победата над Брајтон од 2-0, Холанѓанецот смета дека сите во клубот му даваат голема поддршка на Египќанецот.

„Сите се надеваме дека Салах ќе се врати и ќе биде важен за нас до крајот на сезоната. Од друга страна, сите знаеме дека во фудбалот тешко е да се предвиди иднината. Се надевам дека Мо ќе остане бидејќи тој е еден од лидерите и е многу важен за нас“, рече ван Дајк.

Манчестер Јунајтед е еден од трите клубови од Премиер лигата кои покажуваат интерес за ѕвездата на Реал Мадрид, Арда Гулер, при што „црвените ѓаволи“ наводно воспоставиле контакт со играчот.

Според извештаите од Шпанија на Фичахес, за него се заинтересирани и Ливерпул и Арсенал. Турчинот кој има 20 години, се приклучи на Мадрид во летото 2023 година и има договор во шпанската престолнина до 2029 година.

Откако пристигна во клубот, има направено 83 настапи за Мадрид, постигнувајќи 15 голови и обезбедувајќи 18 асистенции. Оваа сезона, станал почесто стартер, при што 13 од неговите 16 настапи во Ла Лига се во почетниот состав.

Поранешниот англиски фудбалски репрезентативец Вејн Руни обелодени дека добивал смртни закани кога во 2004 година го напушти Евертон за да се пресели во Манчестер Јунајтед.

Руни потпиша за Јунајтед на 18-годишна возраст во трансфер вреден 27 милиони фунти откако одби рекорден договор од Евертон. Неговата одлука предизвика жестоки реакции кај навивачите на клубот од Ливерпул.

„Добивав закани со смрт. Куќата на моите родители беше исчкртана со графити и оштетена. Куќата на мојата тогашна девојка, а сега сопруга, исто така, беше исчкртана со графити“, рече Руни во најновата епизода од „Шоуто на Вејн Руни“ кое се емитува на Би-Би-Си Спорт.

Руни истакна дека во тој период било клучно да се остане ментално силен

„Заминувањето беше тешко затоа што се преселив во Манчестер Јунајтед, а соперништвото меѓу Ливерпул и Манчестер беше огромно. Но, секогаш имав став: „Не ми е гајле“. Знаев што сакам и како да го постигнам тоа“, додаде тој.

Поранешниот фудбалер од средниот ред на Тотенхем, Лука Модриќ, зборуваше за соработката со Хари Реднап во лондонскиот клуб.

„Во Тотенхем игравме еден од најубавите стилови на фудбал во Премиер лигата. Хари е вистински експерт, човек кој го разбира фудбалот. Мислам дека е неверојатно што никогаш не стана селектор на Англија. Тој беше совршено решение за генерацијата што ја имаа“, рече Модриќ во поткаст со Славен Билиќ.

Модриќ играше за Тотенхем од 2008 до 2012 година. Тој одигра 160 натпревари во сите натпреварувања, постигнувајќи 17 гола и давајќи 24 асистенции.

Четириесет годишниот Модриќ од Тотенхем отиде во Реал, каде остана до 2025 година. Сезонава е игра за Милан.

Фудбалерите на Фламенго обезбедија пласман во финалето на Интерконтиненталниот куп, откако во полуфиналниот дуел одигран во Ал Рајан славеа победа од 2-0 над египетскиот Пирамидс.

Бразилскиот шампион, кој неодамна ја одбрани титулата во Јужна Америка, ја одлучи средбата со головите на Лео Переира во 24. минута и Данило во 52. минута од натпреварот.

Како освојувач на Копа Либертадорес, Фламенго на 17 декември ќе се соочи со европскиот шампион Пари Сен Жермен, кој директно избори пласман во финалето на Интерконтиненталниот куп.

Завршниот дуел ќе биде одигран во Катар.

Teкст на аргентинскиот весник „Ла Насион“ крена голема прашина во јавноста, откако беше објавено дека сериозен финансиски скандал би можел да го доведе под знак прашалник настапот на Аргентина на Светското првенство во 2026 година.

Како што наведува познатиот медиум, аргентинското правосудство започнало истрага против претседателот на Аргентинската фудбалска асоцијација, Клаудио Тапија, човек кој важи за еден од највлијателните во земјата. Предмет на истрагата е неговиот имот, односно сомнежите за нерегуларности поврзани со недвижнините и начинот на кој е стекнато богатството.

Федералниот судија Даниел Рафекас наредил претреси во луксузна вила поврзана со компанијата „Real Central SRL“, која се доведува во врска со Лучијано Пантано и Ана Лучија Конде, лица за кои се тврди дека дејствувале како прикривање на вистинската сопственост на Тапија.

Во рамки на истрагата биле извршени контроли во повеќе од 15 фудбалски клубови, како и во деловен простор во центарот на Буенос Аирес. Акциите биле насочени кон имотот на Тапија и неговите најблиски соработници. Меѓу уапсените е и благајникот Пабло Товигињо, за кого се сомнева дека ја користел спорната вила, како и финансиската фирма „Сур Финанзас“, обвинета за одобрување кредити на клубови под крајно неповолни и злоупотребувачки услови.

Целиот случај будно го следи и ФИФА, а доколку се утврди дека Тапија навистина нелегално се стекнал со значителен имот, не се исклучува можноста Аргентина да се соочи со тешки санкции, па дури и со исфрлање од Мундијалот во 2026 година.

Во натпревар со многу борба фудбалерите на Лацио денеска дојдоа до три бода на гостувањето кај Парма, славејќи со тесни 0-1.

Римјаните покажаа карактер и до триумфот дојдоа со двајца фудбалери помалку. Во самиот финиш на првото полувреме црвен картон доби Закањи, а во 78. минута и Бешиќ беше испратен во соблекувалната.

Но и во таква ситуација Лацио во 82. минута успеа да го скрши отпорот на домаќините. Нослин ја затресе мрежата и така донесе победа за својот тим.

Фудбалерите на Атлетико, во Мадрид ја победија Валенсија со 2-1 во натпреварот од 16-тото коло на Ла Лига.

По два порази по ред во шпанското првенство, „Јорганџије“ ги пречекаа „Лилјаците“, кои никогаш не загубиле четири натпревари во низа пред овој дуел.

Атлетико, влезе како фаворит, но добр се намачи за да ги освои бодовите.

Капетанот Коке ги доведе домаќините на „Метрополитано“ во водство во 17-та минута од натпреварот и тоа беше сè од екипата на Диего Симеоне во првото полувреме.

По половина час игра, Валенсија израмни, но голот на Пепелу беше поништен поради офсајд, а Атлетико отиде на полувреме со минимална предност.

Во продолжението, Белтран, по добра акција, постигна убав гол од работа на шестаесетникот во 63-та минута.

Валенсија имаше реми само 10 минути. Гризман му ја врати предноста на Атлеитико. Негов 14-ти гол во кариерата против овој противник.

Целата акција беше брилијантна, од додавањето на Марк Пубил, топката леташе 40-тина метри, до приемот и ударот на Гризман, по кој втор пат се тресеше мрежата на Агирезабала.

До крајот на натпреварот, три минути по голот на Гризман, Александе Серлот, постигна гол, кој беше поништен порад фсајд по интервенција од ВАР собата.

Атлетико моментално е четврти со 34 бода, седум повеќе од петтопласираниот Еспањол со два натпревари помалку. Валенсија има само 15 пони и се наоѓа на 16-то место.

Меѓународната фудбалска асоцијација (ФИФА) пријави голема побарувачка за билети за Светското првенство во 2026 година.

Само 24 часа по почетокот на третата фаза од продажбата на билети за Светското првенство, навивачи од повеќе од 200 земји поднесоа пет милиони апликации за билети преку веб-страницата.

Податоците покажуваат силен интерес за некои натпревари од групната фаза. Натпреварот помеѓу Колумбија и Португалија (Мајами, 27 јуни) е најбаран во моментов.

Во Топ 5 интересни натпревари се и: Бразил против Мароко (Њујорк, Њу Џерси, 13 јуни), Мексико против Јужна Кореја (Гвадалахара, 18 јуни), Еквадор против Германија (Њујорк, Њу Џерси, 25 јуни) и Шкотска против Бразил (Мајами, 24 јуни).

Најголемиот број апликации дојдоа од земјите домаќини: САД, Мексико и САД. Меѓу првите на оваа листа се и: Колумбија, Англија, Еквадор, Бразил, Аргентина, Шкотска, Германија, Австралија, Франција и Панама.

Репрезентацијата на Македонија до 18 години во изминативе неколку дена беше на мини подготовки во Струмица каде одигра два контролни натпревари со селекцијата на Црна Гора.

Составот предводен од селекторот Димитар Капинковски на двата меча забележа победи од 2-1 и најави дека следната година можеме да очекуваме добри вести од квалификацискиот турнир за пласман на континенталниот шампионат.

„Овие натпревари ги искористивме за воигрување на екипата бидејќи следната година не очекуваат квалификации за пласман на Европското првенство. За мечевите против Црна Гора сметав на 25 играчи и сите добија шанса што за мене и стручниот штаб беше одлична можност да видиме со каков потенцијал располагаме и на што треба да посветиме посебно внимание за можеме да бележиме напредок во следните натпревари”, изјави селекторот Димитар Капинковски.

Предводникот на репрезентацијата е задоволен од ангажманот на играчите за време на тренинзите во Струмица, а тоа се потврдува и со двете победи забележани на мечевите што се играа на теренот на комплексот Горан Пандев.

„Сите фудбалери максимално ја искористија можноста да тренираат заедно во овие неколку дена. Задоволен сум од нивната посветеност на тренинзите, но и залагањето на теренот како и исполнување на сите задачи што ги имаа добиено пред почетокот на натпреварите. Сметам дека во оваа генерација има голем потенцијал и доколку продолжат и во иднина да работат со овој интензитет, но и со поддршка од клубовите може да се очекуваат добри резултати”, продолжи предводникот на националниот тим до 18 години.

Оваа генерација на почетокот од следната година ги очекува силен квалификациски турнир што ќе биде голем предизвик за оваа талентирана генерација.

„Целосно сме фокусирани кон квалификациите што ќе се одржат во март следната година. Покрај домаќинот Холандија, противници ни се уште Фарски Острови и Молдавија. До одржувањето на турнирот ќе се обидеме да организираме уште еден собир и да одиграме уште некој контролен натпревар, кој ќе ни послужи за подобра подготовка пред главниот предизвик кој не очекува во март”, заврши Капинковски.