Тимот на Кристијано Роналдо, Ал Наср денес го претстави новиот тренер.

Ал Наср, но и останатите поголеми клубови од Саудиска Арабија се во вистински поход по големи фудбалски имиња од Европа, а сега е познато и кој ќе ги води Роналдо и друштвото следната сезона.

За нов тренер именуван е Луиз Кастро. Станува збор за 61-годишен стратег кој во кариерата претходно работеше во повеќе клубови од Саудиска Арабија, но во Ал Наср доаѓа од бразилскиот Ботафаго.

Секако, главната цел во новата сезона за него на клупата на Ал Наср ќе биде титула во првенството.

ПСЖ покажува силен интерес за Осман Дембеле и е спремен да ја плати откупната клаузула, пренесуваат француските медиуми.

Дембеле има договор со Барселона само за уште една сезона, а во него има откупна клаузула од 50 милиони евра, што е скромна сума за таков фудбалер. Поради тешките финансиски услови Барселона не може да му понуди зголемување на платата, па преговорите помеѓу двете страни се прекинати.

ПСЖ ќе се обиде да го доведе во своите редови, бидејќи иднината на Мбапе е неизвесна, а Луис Енрике е голем симпатизер на квалитетите на Дембеле.

ПСЖ веќе стапиле во контакт со неговиот агент и сакаат што поскоро да постигнат договор со Французинот.

Искусниот холандски дефанзивец Дејли Блинд би можел да ја продолжи кариерата во Шпанија, тврди новинарот Фабрицио Романо.

Според изворот, 33-годишниот Холанѓанец е блиску до трансфер во Џирона како слободен играч. Играчот наскоро ќе биде подложен на лекарски прегледи.

Блинд ја започна минатата сезона во Ајакс пред да се пресели во Баерн во зима.

Eкипата на Њукасл покажала интерес за Леонардо Бонучи.

Во Јувентус 36-годишниот дефанзивец заработува 6.5 милиони евра по сезона нето плата, а бруто изнесува 13 милиони евра. Јувентус наводно нема да прави проблем да го ослободи поради неговите високи примања.

„Калчомеркато“ објави дека Њукасл ја разгледува можноста да испрати понуда до Бонучи во наредните денови. Засега информациите говорат дека Бонучи не сака да оди во МЛС или Саудиска Арабија, а Премиер лигата би можела да биде привлечна дестинација.

Но, треба да се истакне дека поради годините и амбициите кои ги има Њукасл, ваквата информација звучи изненадувачки. Ќе потсетиме, Њукасл неодамна го доведе Сандро Тонали од Милан, следната сезона овој тим го очекува настап во Лигата на шампионите.

Реал Мадрид е во потрага по врвен напаѓач, кој ќе може да го замени Карим Бензема.

Прв избор беше Килијан Мбапе, но Французинот најверојатно нема да пристигне ова лето, па сега „кралевите“ ќе се насочат кон Лаутаро Мартинез.

Аргентинецот пред само неколку месеци потпиша договор до 2026 година, но Интер не ја исклучува можноста за продажба доколку стигне понуда повисока од 100 милиони евра.

Реал веќе стапил во контакт со агентот на Лаутаро и веќе почнал да работи на трансферот.

„Кралевите“ наскоро ќе испратат понуда од 100 милиони евра плус бонуси и ќе започнат преговори со Интер.

Италијанскиот напаѓач Џанлука Скамака минатото лето се пресели во Вест Хем, но може експресно да се врати во Серија А.

Скамака со настапите во Сасуоло се етаблираше во еден од најголемите таленти на Апенините, но во Премиер лигата се уште не може да се адаптира.

Ситуацијата будно ја следи Милан, кој покажува сериозен интерес и сака да го донесе на „Сан Сиро“, бидејќи е во потрага по напаѓач.

Милан веќе исппратил понуда до Вест Хем и како дел од трансферот го нуди Дивок Ориги. „Чеканите“ се заинтересирани за Белгиецот, но во моментов не се согласуваат на ваква трампа.

Фудбалерот од средниот ред на Јувентус, Денис Закарија, може да се пресели во  Вест Хем за околу 18 милиони евра иако клубот од Торино бара најмалку 25 милиони за 26-годишниот швајцарски репрезентативец.

Доколку „старата дама“ го реализира трансферот, тогаш парите ќе ги пренасочи за купување на играчот од средниот ред на Лацио, Сергеј Милинковиќ-Савиќ.

Закарија во изминатата сезона беше на позајмица во Челзи. Тој даде еден гол на 11 натпревари.

Репрезентативецот на Македонија, Стефан Спировски по епизодата во Пјуник од Ерменија повторно ќе игра на Кипар.

Спировски е нов фудбалер на Етникос Ахна каде што настапува и поранешниот наш репрезентативец, Мартин Богатинов.

На Кипар, Спировски играше во сезоната 2021/2022, тогаш беше дел од АЕК Ларнака. Во кариерата претходно настапуваше за Пелистер, Работнички, Вардар, Ференцварош, МТК, Хапоел Тел Авив и Мариупол.

Откако Интер денес ја објави веста за новиот договор на дефанзивецот Алесандро Бастони, нешто подоцна клубот објави и обновување на договорот со играчот од средниот ред Хакан Чалханолу, кој повторно потпиша договор со финалистот од Лигата на шампионите до летото 2027 година.

Се верува дека турскиот интернационалец ќе добие зголемување на платата која сега ќе биде 6 милиони евра по сезона или еден милион повеќе од досега.

29-годишниот играч од средниот ред пристигна во Интер во летото 2021 година кога се приклучи со слободен трансфер откако му истече договорот со градскиот ривал Милан. Чалханолу веднаш се наметна како стартер во тимот на Симоне Инзаги, со 95 настапи за „нероаѕурите“ досега со 12 гола и 21 асистенција. Во првите две сезони во клубот, тој освои два Купа на Италија и два домашни Суперкупа.

Рис Нелсон ќе продолжи да игра за екипата на Арсенал. 23-годишниот фудбалер од средниот ред потпиша нов четиригодишен договор со лондончани со опција за продолжување на уште една сезона.

На 30 јуни, Англичанецот стана слободен агент, но, ги одби понудите од Серија А, Лига 1 и Премиер.

Тој во 18 натпревари минатата сезона во сите конкуренции постигна три гола и даде три асистенции.