Милан е силно заинтересиран за фудбалерот на Бенфика, Флорентино Луис, пренесуваат италијанските медиуми.

„Росонерите“ се во потрага по квалитетен играч за врска кој ќе биде замена за Садро Тонали, а на врвот на листата желби е токму Флорентино Луис.

Бенфика бара најмалку 30 милиони евра за 23-годишниот играч за врска, кој има договор со португалскиот куб до 2027 година. 

Флорентино има одлична сезона зад себе и е еден од најважните играчи на Бенфика, а во Милан веруваат дека ќе биде идеална замена за Тонали бидејќи има одлична техника, но и одлични дефанзивни карактеристики.

Ливерпул го договори траснсферот на играчот за врска на Ница, Кефрен Турам, пренесуваат англиските медиуми.

Кефрен е син на легендарниот француски дефанзивец Лилијан Турам и брат на напаѓачот Маркос Турам. 22-годишниот играч за врска одигра фантастична сезона во дресот на Ница и важи за еден од најголемите француски таленти.

Ливерпул е во потрага по квалитетни играчи за врска, а Клоп во Турам гледа одлично засилување за средниот ред.

Англиските медиуми пренесуваат дека е постигнат договор и трансферот е пред реализација, но не се познати економските параметри во моментов.

Манчестер Јунајтед сака да го доведе напаѓачот на Бенфика, Гонзало Рамос, кој имаше одлична сезона.

21-годишниот Португалец оваа сезона на 47 меча за Бенфика во сите натпреварувања постигна 27 гола и 12 асистенции. Манчестер Јунајтед е во потрага по класичен напаѓач и Португалецот е една од најголемите желби на Те Хаг.

Меѓутоа, Бенфика нема лесно да се откаже од својата ѕвезда бидејќи Рамос има долг договор и откупна клаузула од 120 милиони евра.

„Црвените ѓаволи“ ќе се обидат преку преговори да ја намалат таа сума и во моментов се спремни да понудат 80 милиони евра плус бонуси.

Едуард Менди е блиску до потпис за саудискиот клуб Ал Ахли.

Како што наведува „Би-Би-Си“, преговорите се во тек и се очекува Менди да им се приклучи на бројните фудбалски ѕвезди кои се преселиле во Саудиска Арабија. 31-годишниот репрезентативец на Сенегал е во Челзи од 2020 година и ја освои Лигата на шампионите со клубот во 2021 година.

Неговиот поранешен соиграч од Челзи, Нголо Канте, неодамна потпиша тригодишен договор со Ал Итихад.

Според медиумите, клубови од Саудиска Арабија се заинтересирани за Хаким Зијех и Калиду Кулибали.

Приоритет на Атлетико Мадрид во летниот преоден рок ќе биде доведување на квалитетен играч за врска.

Најновото име на списокот на Симеоне е играчот на Барселона, Франк Кеси, пренесуваат шпанските медиуми. Кеси минатото лето пристигна во Барселона како слободен агент од Милан, но не ги задоволи очекувањата на тренерот Чави, па главно е на клупата за резерви.

Барселона сака да го продаде и очекува понуди за играчот, но за неговара слобода бара околу 25 милиони евра.

Јувентус оваа сезона беше казнет со 10 бода во Серија А поради финансиски малверзации и заврши на седмото место на табелата.

Со тоа Јувентус избори пласман во Конферециската лига, но УЕФА отвори истрага за целиот случај и сега клубот може да биде исфрлен од европските натпреварувања. Според „Газета дело Спорт“, УЕФА ќе го суспендира Јувентус од европските натпреварувања најмалку на една година.

Поради тоа раководството на „бјанконерите“ започнало преговори со челните луѓе на УЕФА за „спогодба“ да ја прифати суспензијата без жалба, но таа да важи за наредната сезона па Јувентус да се откаже од играње во Конференциската лига.

Реално Јувентус не е заинтересиран за играње во Коференциската лига, а стравува дека казната ако биде изречена после септември ќе важи за сезоната после неа.

Од Баерн Минхен нема да прават никакви проблеи за трансферот на дефанзивецот Лукас Ернандез во Пари Сен Жермен, пишува новинарот на „RMC Sport“, Фабрис Хокинс.

Баварците очекуваат да добијат 50 милиони евра за сестраниот дефанзивец, чиј договор истекува следното лето. Досега клубот се обидуваше да го задржи францускиот интернационалец, водејќи преговори со него за нов договор, но се чини дека германскиот шампион се помири со желбата на 27-годишниот играч да се пресели на „Паркот на принцовите“.

Се очекува потписот на дефанзивецот на Наполи, Ким Мин-Жае, исто така, веројатно ќе има влијание врз повлекувањето на позицијата на Баерн Минхен.

Интер потпиша договор за продолжување на договорот со Стефан де Вриј, објави новинарот Фабрицио Романо на својот Твитер.

Според изворот, договорот ќе биде со важност до јуни 2025 година со можност за продолжување за следната сезона. Наскоро се очекува и официјално соопштение. Стефан де Вриј останува и покрај обидите на клубови од Саудиска Арабија да го купат.

Во сезоната 2022/23, Де Вриј одигра 38 натпревари за Интер во сите натпреварувања во кои постигна еден гол. Актуелниот договор на играчот со миланскиот клуб истекува на крајот на јуни оваа година. Проценетата цена на овој фудбалер, според интернет порталот Трансфермаркт е 8 милиони евра.

Да потсетиме дека во сезоната 2022/2023, Интер го зазеде третото место во италијанското првенство, освојувајќи 72 бода, а стигнаа и до финалето на Лигата на шампионите, губејќи од Манчестер Сити со 1-0 во финалето.

Манчестер Сити ќе се обиде да го привлече Ашраф Хакими од Пари Сен Жермен.

Пеп Гвардиола го посочи Мароканецот како совршена замена за Кајл Вокер, кој е блиску до преселба во Баерн. Хакими е во многу блиски односи со Килијан Мбапе и евентуалното заминување на француската ѕвезда би можело да биде придружено и со негов трансфер. ПСЖ нема желба да се раздели со мароканскиот интернационалец, но се очекуваат сериозни промени во клубот со доаѓањето на новиот тренер, кој најверојатно ќе биде Луис Енрике.

Ќе има промени во Манчестер Сити по историската тројна круна. Покрај Вокер, се очекува да замине и Илкај Гундоган, а „граѓаните“ се обидуваат да го привлечат Матео Ковачиќ како негова замена. Во битка за потписот на Деклан Рајс влезе и англискиот и европски шампион.

Челниците на Баерн Минхен се заинтересирани за играчот од средниот ред на Манчестер Сити, Келвин Филипс.

27-годишниот англиски репрезентативец е резервна варијанта за Баварците за летна селекција. Фудбалерот во летото во 2022-ра пристигна кај „граѓаните“ за 42 милиони фунти од Лидс, но одигра само 12 натпревари.

Тој се повреди во првиот дел од сезоната а потоа не успеа да се наметне во тимот.