И покрај поразот во полуфиналето од Лигата на Шампионите, Микел Артета остана горд после разочарувачкиот резултат. Арсенал одпадна од турнирот во средата, губејќи со 2-1 од Пари Сен Жермен. Резултатот стави крај на надежта на „топчиите“ да стигнат до нивното прво финале во Лигата на Шампионите од 2006 година, но Артета цврсто веруваше дека неговиот тим бил најдобар во натпреварувањето оваа сезона. 

„Кога ќе ги погледнете двата натпревари, нивниот најдобар играч на теренот беше голманот, тој беше разликата за нив. Бевме многу блиску, многу поблиску одколку што покажа резултатот, но за жал одпаднавме. Многу сум горд на играчите, 100% мислам дека нема подобар тим од Арсенал во конкуренцијата“, изјави Артета. 

Откако пропушти пласман во финалето на Лигата на шампионите, Артета призна дека во соблекувалната на Арсенал имало многу емоции, а неколку играчи останале во солзи. Менаџерот на Топчиите призна дека бил „вознемирен и изнервиран“ што неговиот тим не можел да најде начин да го промени резултатот.  

На прашањето дали го дели мислењето на Артета, менаџерот на ПСЖ, Луис Енрике не се согласува, инсистирајќи дека неговата екипа го заслужила своето место во финалето.   

„Микел Артета е добар пријател, но јас воопшто не се согласувам. Играа на паметен начин, но во двата натпревари постигнавме повеќе голови од нив и тоа е најважното нешто во фудбалот“. 

Џанлуиџи Донарума повторно беше клучен фактор во полуфиналето меѓу ПСЖ и Арсенал, бидејќи после бравурозните две одбрани на првиот меч, Италијанецот синоќа блескаше и на реваншот во Париз.

Во воведниот дел од мечот, Донарума имаше две круцијални одбрани со кои спречи чисти голови на Мартинели и Одегард, па токму поради двете импресивни изданија, голем дел од јавноста го нарекува херој за пласманот во големото финале.

ПСЖ ги надмина сите очекувања со своите партии во нокаут фазата откако претходно едвај ја мина првата рунда во Лигата на шампиони, но значителниот напредок во последните пет месеци сега го натера Донарума да извлече и еден заклучок кој не го става во добра положба Килијан Мбапе.

Напаѓачот го напушти ПСЖ со цел да се бори за трофејот во Лигата на шампиони, а во првата сезона по неговото заминување, токму „светците“ се оние кои ќе се борат за трофејот со Интер на 31-ви мај.

– Менталитетот во тимот се промени по заминувањето на Мбапе, сега сме повеќе тим од претходно. Сите сме обединети и играме сплотено. Искусив нешто слично и со Италија, ние изгледавме вака кога го освоивме Европското првенство. Верувајте ми дека тимскиот дух прави разлика на вакви натпреварувања, – изјави Донарума.

Јувентус е подготвен да се раздели со српскиот напаѓач Душан Влаховиќ, за кого ја одредиле почетната цена од 40 милиони евра, но како што пренесуваат италијанските медиуми, „старата дама“ е подготвена и за преговори околу сумата.

Причината за потенцијалната продажба е стратегијата на клубот да собере средства за ангажман на данскиот репрезентативец Расмус Хојлунд, кој настапува за Манчестер јунајтед. Според информациите, Јувентус веќе воспоставил контакт со претставниците на Хојлунд, кој сезонава одигра 47 натпревари за „црвените ѓаволи“, постигнувајќи девет погодоци и четири асистенции.

Влаховиќ, чиј договор истекува на крајот на следната сезона, веќе го известил клубот дека нема намера да ја продолжи соработката, што ја принудува управата да го продаде уште летово, со цел да не останат без компензација следната година.

Покрај Влаховиќ, се очекува и заминување на Бразилецот Даглас Луис, кој ретко добиваше шанса и јавно го изрази своето незадоволство од минутажата. Неизвесна останува и ситуацијата со Рандал Коло Муани, кој е на позајмица и можно е да се врати во редовите на Пари Сен Жермен.

Јувентус планира целосна реконструкција на напаѓачкиот дел од тимот, при што Хојлунд е замислен како носител на новиот проект во Торино.

Пари Сен Жермен е на еден чекор од остварување на историскиот сон, а тоа е трофејот во Лига на шампиони. Францускиот првак се пласираше во финалето на ЛШ, каде ќе игра против Интер.

Во полуфиналето, синоќа, ПСЖ на свој терен со 2-1 го победи Арсенал и со вкупен резултат од 3-1 ги елиминираше Топчиите. Тренерот на ПСЖ, Луис Енрике беше пресреќен по победата.

„Има многу емоции. Арсенал играше многу добро. Моравме да бидеме цврсти во одбраната, но ги искористивме можностите за добро контранапад. Беше многу тешко, не го замислувавме натпреварот на овој начин. Моравме да вложиме многу труд за да ги пронајдеме вистинските решенија. Беше тешко, но создадовме неколку одлични шанси. Првото полувреме беше доста тешко за мене. Беше важно да покажам самодоверба. Кога играта не оди онака како што очекувате, вообичаената реакција е да се вратите во одбраната. Всушност, треба да го направите спротивното – да притиснете. Сепак, во првото полувреме беше тешко, многу страдавме“, рече Енрике.

Интересно е дека по групната фаза од ЛШ, ПСЖ заврши дури на 15-тото место на табелата и малкумина веруваа дека овој тим има капацитет да игра во финалето. Сепак, шпанскиот тренер верувал во своите избраници.

„Не се сеќавам точно кога, но по лошиот резултат во Лигата на шампионите, го собрав тимот и им кажав дека сме еден од најдобрите тимови во Европа, но не сме доволно ефикасни. Сепак, им реков да не се грижат и да гледаат напред. Денес беа неверојатни и ова е одличен момент за нашите навивачи. Не можам да го објаснам со еден збор, ние само работиме ден по ден. Првата година направивме добра работа, но тоа не беше доволно. Им реков дека ако не видам поинаков менталитет на тренинзите, ќе си заминам. Оваа година гледаме сосема поинакво ниво, играчите се неверојатни“, потенцира тренерот на ПСЖ.

На крајот Енрике жестоко удри на сите оние кои ги навредуваат француските екипи дека нивната лига е Селска лига.

„Ги победивме сите четири клуба од Премиер лигата со кои игравме сезонава во Лига на шампиони? Па ние доаѓаме од Селска лига, го знаете ли тоа? Ние сме од Лига на Селани“, коментираше Енрике.

Пари Сен Жермен се пласираше во финалето на Лигата на шампионите откако во реваншот на „Паркот на принцовите“ го победи Арсенал со 2-1. Со оваа победа, тие го потврдија триумфот од првиот натпревар на „Емирати“ со 1-0 и ќе играат против Интер во Минхен на 31 мај.

Тренерот на Арсенал, Микел Артета, даде изјава за „ТНТ Спортс“ по натпреварот.

„Прво, честитки до Париз за пласманот во финалето. Кога ќе погледнете кој беше нивниот клучен играч во текот на овие два натпревари, јасно е дека тоа беше нивниот голман, Донарума. Тој го реши овој натпревар. Мислам дека бевме многу блиску, многу поблиску отколку што покажуваат резултатите. Горд сум на моите играчи, за сè што покажаа вечерва и како го издржаа притисокот“, рече Артета.

ПСЖ со нова победа го елиминираше Арсенал и се пласираше во големото финале од Лигата на шампионите кое ќе се игра во Минхен, францускиот тим денеска славеше со 2-1.

Арсенал тргна фуриозно кон голот на ПСЖ, се редеа шанси, но Донарума беше одличен на голот на ПСЖ.

Како одминуваше времето притисокот на Арсенал се намалуваше, а ПСЖ ја воспоставуваше контролата. Резултатот беше отворен во 27. минута со прекрасен гол на Фабијан Руиз од далечина.

Во 69. минута Витиња имаше голема шанса, не реализираше пенал, Раја го одбрани неговиот удар. Но само три минути подоцна Хакими даде убав гол за водство на ПСЖ од 2-0.

Во 76. минута Сака даде гол, намали на 2-1 и го врати Арсенал во живот, но истиот фудбалер брзо потоа промаши голема шанса за да израмни.

На крајот ПСЖ заслужено се радуваше на победата и на пласманот во големото финале каде ќе игра против Интер.

Водечкиот италијански фудбалски инсајдер Џанлука Ди Марцио вечерва објави сензационална вест. Тврди дека Кевин Де Брујне, покрај бројните понуди од Блискиот Исток и САД, има и две „жешки“ понуди од Европа, една од Наполи и една од Ливерпул.

Всушност, Ди Марцио се фокусираше на интересот на Наполи, кој изгледа дека ќе го освои скудетото оваа сезона во голема мера затоа што ја искористи катастрофалната проценка на Манчестер Јунајтед и го потпиша предвреме отпуштениот Скот Мектомини.

Де Брујне има 33 години, што во модерниот фудбал не значи многу, особено не во Серија А.

Според Фабрицио Романо, Челзи е подготвен да разговара за нов договор со подобри услови за Каиседо. Поради неговите извонредни перформанси оваа сезона, Челзи е спремен да го награди еквадорецот.

Каиседо ги има стартовано сите 35 натпревари на Челзи во Премиер Лигата оваа сезона и тој ја освој наградата за најдобар играч во клубот. 
 
Сегашниот договор на Каиседо истекува 2031 година, но клубот сака да го поврзе со продолжен договор на сличен начин како договорите потпишани од Кол Палмер и Николас Џексон во 2024 година. 
  
Саудискиот клуб Ал-Наср, наводно, го идентификувала Каиседо како нивна главна цел за летниот прозор и Челзи сака да стави крај на шпекулациите за преселба со финализирање на нов договор. 

Екипата на Фиорентина и официјално соопшти дека тренерот Рафаеле Паладино ќе остане на кормилото на тимот до 2027 година. Од клубот од Фиренца информираа дека ја активирале клаузулата за продолжување на договорот со младиот стратег до 30 јуни 2027 година.

Официјализацијата на продолжената соработка доаѓа во пресрет на важниот реванш дуел од полуфиналето во Конференциската лига, каде „виолетовите“ на домашен терен ќе се обидат да ја надоместат минималната негатива од првиот натпревар против Бетис (1:2).

Фиорентина моментално се наоѓа на осмата позиција во Серија А со 59 освоени бодови, и продолжува да се бори за пласман во Европа и следната сезона.

Паладино, кој има 41 година, ја презема Фиорентина минатата година, по своето деби како тренер на Монца во периодот од 2022 до 2024 година. Под негово водство, тимот доби нова енергија и амбиција, а управата очигледно верува дека токму тој е човекот кој може да ја води Фиорентина кон нови успеси.

Менаџерот на Арсенал, Микел Артета изјави дека Јуриен Тимбер и Рикардо Калафиори ќе бидат во конкуренција да се соочат со Пари Сен Жермен вечерва. 
 
Тимбер го пропушти поразот на Емиратите од Борнмут поради удар, додека Калафиори не е достапен од март поради повреда на коленото. Двајцата дефанзивци успешно го завршија последниот тимски тренинг пред натпреварот. 

Тимбер е одличен во позицијата на десен бек оваа сезона и неговото присуство ќе биде многу потребно во Париз. Кога е достапен, Калафиори исто така импресионира и е еден од најдобрите леви бекови во Премиер Лигата. 

Нивното враќање доаѓа во совршено време. На Арсенал ќе му треба сета помош што може да ја добие, доколку сака да направи пресврт на Паркот на Принцовите.