Крилниот напаѓач на Манчестер Сити, Оскар Боб, се соочува со клучен момент во својата кариера пред отворањето на јануарскиот преоден рок. Според информации од Англија, 22-годишниот Норвежанец би можел да го напушти Етихад доколку Сити успешно го комплетира трансферот на Антоан Семењо од Борнмут.

Иако сезонава доби ограничена шанса, Боб остави силен впечаток, со 17 настапи. Сепак, жестоката конкуренција на крилните позиции, со имиња како Савињо и Џереми Доку, а можеби и Семењо, значително му ги намали шансите за континуитет.

Борусија Дортмунд моментално важи за водечки кандидат за потписот на Боб. Германскиот клуб веќе доставил официјални прашања за неговата достапност и го гледа како идеално вклопување во нивниот динамичен, офанзивен стил на игра.

Во Дортмунд веруваат дека Боб може да го повтори патот на Џејдон Санчо, кој токму таму ја направи својата фудбалска експлозија по заминувањето од Манчестер Сити. Интерес покажуваат и клубови од Премиер Лигата, меѓу кои и Њукасл, како и неколку екипи од Серија А.

Веројатното заминување на Адејеми дополнително ја зголемуваат потребата на Дортмунд за засилување по крилата, а евентуалниот трансфер на Семењо, вреден околу 40 милиони фунти, би можел директно да го забрза процесот.

Со поглед кон Светското Првенство, таборот на Боб инсистира на средина каде што ќе има стабилна улога. Селекторот на Норвешка, Столе Солбакен, јавно го пофали неговиот дриблинг, флексибилност и креативност, но предупредувањето е јасно, без редовна игра, развојот може да застои.

Пеп Гвардиола неодамна изјави дека младите фудбалери „мора да играат за да напредуваат“, оставајќи простор за заем или дури и траен трансфер. Потенцијалното заминување на Боб се гледа како добитна комбинација за сите страни.

Пред 36 години, Алфредо Ди Стефано го запечати своето место во фудбалската историја како единствениот добитник на Супер Златната Топка. Оваа уникатна награда, доделена од „France Football“, беше наменета да го одбележи најдобриот фудбалер на трите децении меѓу 1959 и 1989 година.

Во изборот, Ди Стефано ги надмина имиња како Јохан Кројф и Платини, добивајќи поддршка од читатели, фудбалски експерти и поранешни освојувачи на Златната Топка.

Ди Стефано остави неизбришлива трага во Реал Мадрид, постигнувајќи 308 голови на 396 натпревари и водејќи го клубот до пет последователни титули во Купот на Европските Шампиони (Лига на Шампиони) од 1956 до 1960 година. Неговите две Златни Топки (1957 и 1959) беа потврда за редок тип фудбалер, напаѓач кој доминираше во сите сегменти на играта.

Супер Златната Топка беше замислена како ретроспективна чест и, според тогашните правила, беше резервирана исклучиво за европски играчи. Поради тоа, фудбалски икони како Пеле не можеа да бидат земени предвид.

Во последно време се појавија навестувања дека„France Football“ размислува за ново издание на наградата во 2029 година, кое би го опфатило периодот од 1999 до 2029. Како критериуми се споменуваат долготрајна доминација, индивидуален квалитет и освоени трофеи.

Лионел Меси логично се издвојува како главен кандидат: осум Златни Топки, светска титула со Аргентина и блескава клупска кариера со Барселона го дефинираат како симбол на својата ера. Сепак, Кристијано Роналдо останува сериозна конкуренција: со пет Златни Топки, повеќекратни титули во Лигата на Шампионите и меѓународен успех со Португалија, тој ја претставува моќта, дисциплината и голгетерската константност.

Дали Супер Златната Топка навистина ќе се врати и кој би ја освоил, останува прашање што ја буди имагинацијата на фудбалскиот свет.

Манчестер Јунајтед официјално го повика назад младиот играч Тоби Колиер од неговата позајмица во Вест Бром.

21-годишниот продукт на академијата на Јунајтед остави солиден впечаток за време на настапите во Чемпионшип, каде што запиша 12 настапи и се истакна со енергија и дисциплина во играта. Во ограничена минутажа од 253 минути, Колиер имаше прецизност на додавања од 88,6%.

Сепак, неговиот напредок беше запрен кога доби посериозна повреда на листот во ремито од 1-1 против Бирмингам. По тој натпревар, играчот се врати во тренинг-комплексот во Карингтон за специјализиран третман, а од клубот одлучија да не го враќаат во Вест Бром по закрепнувањето. Се очекува Колиер да биде надвор од терените уште околу осум недели.

За Манчестер Јунајтед, оваа одлука значи дополнителна опција во средниот ред во период на повреди и можни промени во ростерот, вклучително и шпекулациите околу иднината на Коби Мејну. Рубен Аморим високо го цени потенцијалот на Колиер и го гледа како кандидат за вклучување во првиот тим.

Колиер имаше неколку настапи од клупата во ноември, откако претходно се истакна во октомврискиот натпревар против Милвол. Иако во Јунајтед имаат доверба во неговиот развој, не се исклучува можноста за нова позајмица по целосното закрепнување.

Одлуката на клубот од Олд Трафорд ја нагласува нивната стратегија, фокус на внатрешен развој и внимателно управување со младите таленти.

Менаџерот на Манчестер Јунајтед, Рубен Аморим, посочи дека младиот фудбалер, Коби Мајно, треба да биде трпелив и да ја чека вистинската шанса.

„Коби ќе биде иднината на Манчестер Јунајтед. Тој само треба да почека, сè може да се промени во фудбалот за два дена“ – беа зборовите на Португалецот.

Во меѓувреме се појавија шпекулации дека фудбалерот од средниот сака да замине на позајмица во друг состав за да добие поголема минутажа.

Дефанзивецот на Њукасл, Ден Берн, призна дека го мрази Ливерпул уште од 90-тите години.

„Како навивач на Њукасл, развив не само почит кон нив бидејќи имаме слични градови со работничка класа, туку и омраза, бидејќи се добри, нели? Тие постојано победуваат“ – рече Берн.

„Мора да им се оддаде признание. Ван Дајк дојде кај нас и ни честиташе. Веројатно знаеја тој ден дека ќе изгубат“ – рече Берн алудирајќи на триумфот на Њукасл против „црвените“ во годинешново финале на Лига Купот.

Ѕвездата на Јувентус, Кенан Јилдиз, постави одредени услови за да потпише нов договор со клубот.

Тековниот му е валиден до јуни 2029 година но, „старата дама“ сака да го задржи на подолг период со нови подобрени услови.

Младиот фудбалер од Турција сака да биде најплатениот играч. Тој заработува 1,7 милиони евра а екипата од Торино е подготвена да му понуди околу 5 милиони плус бонуси.

Челниците на фудбалскиот состав Милан имаат намера да го ангажираат Душан Влаховиќ како слободен играч откако ќе му истече договорот со Јувентус.

Србинот во наредното лето ќе ја заврши соработката со „старата дама“ а „росонерите“ сакаат да го договорат уште во јануари.

Влаховиќ во сезонава одигра 13 натпревари на кои забележа само три гола.

Од наредната сезона Дуашн Влаховиќ нема да биде играч на Јувентус, тоа е сигурно, се поставува прашањето дали Србинот ќе остане во Торино по заимскиот преоден рок. Влаховиќ е повреден, нема да игра до месец март наредната година, но Јувентус сепак ќе се обиде да го продаде.

Неколку англиски медиуми тврдат дека Влаховиќ би можел да заврши во Ливерпул. „Црвените“ се во потрага по напаѓач откако Александер Исак доживеа тешка пшовреда.

Нејасно е само како би им помогнал Влаховиќ, кога не може да игра уште три месеци.

Според овие извори, во Ливерпул сериозно ја разгледувале оваа опција и биле подготвени да понудат 20 милиони евра за напаѓачот.

Оваа сума би ја прифатиле во Јувентус, бидејќи зимскиот преоден рок е последна шанса да заработат од трансферот на Влаховиќ, во споритвно тој во јуни ќе замине без обешстетување.

Неколку дена по заминувањето на српскиот тренер Ален Тупајиќ, попладнево екипата на Работнички назначи ново тренерско решение. на клупата на „романтичарите“ доаѓа Муарем Муарем. Toj во поголем дел од есенскиот дел беше на клупата на Башкими.

37-годишниот тренер ќе има задача да го обезбеди опстанокот со Работнички, кој се наоѓа во незавидна ситуација по првиот дел од сезоната. За Работнички Муарем е веќе четвртиот тренер оваа сезона.

Поранешниот играч на Атлетико Мадрид, Хави Галан, потпиша договор со Осасуна, објави клубот од Памплона.

Во соопштението се наведува дека левиот бек потпишал договор со Осасуна до 30 јуни 2026 година, а клубот од Памплона издвоил надомест од 500.000 евра за овој трансфер.

„Во случај двете страни да ја продолжат соработката по 30 јуни 2026 година, мадридскиот клуб ја задржува можноста да добие дополнителни 500.000 евра за секоја сезона што Галан ќе ја игра за Осасуна. Атлетико му даде дозвола на Галан да се приклучи на Осасуна на 29 декември, откако тимот ќе се врати на тренинзи по празниците. Тој официјално ќе биде претставен како нов играч на Осасуна истиот ден“, се вели во соопштението на Осасуна.

Галан оваа сезона ја загуби довербата на Чоло Симеоне, во сите натпреварувања, левиот бек, одигра само 300 минути, 90 од нив се во Купот против четвртолигашот Атлетико Балеари.

Покрај Атлетико, Галан (31) играше за Реал Сосиедад, Селта, Уеска, Кордоба и Бадахоз.