Во вториот дел од сезоната зелениот дрес на Пелистер ќе го носи уште еден македонски фудбалер кој се враќа во домашниот шампионат по интернационално искуство. Томче Гроздановски е нов фудбалер на Пелистер, се обврза на договор до крајот на сезоната и официјално беше претставен на стадионот „Петар Милошевски“ вп Битола.

25-годишниот фудбалер во есенскиот дел настапуваше за Конкордија. Претходно во Македонија, Гроздановски настапуваше за Силекс. Работнички, Металург и Кожуф, додека во странство беше дел од словачки Вион и хрватски Дугопоље.

Гроздановски треба да биде од витално значење за нашиот среден ред. Тој веќе ги мина медицинските прегледи и му се стави на располагање на тренерот Милан Стојановски и стручниот штаб во Анталија.

Фудбалската репрезентација на Сенегал дојде до огромен успех, откако со победа над домаќинот Мароко во финалето (0-0 регуларен дел, 1-0) ја освои својата втора титула во Африканскиот Куп на Нации.

Мечот понуди вистинска драма и сцени кои ретко се гледаат на фудбалските терени.

Прекин и повлекување од теренот заради спорен пенал на самиот крај беше во фокусот, а уште повеќе светот го обиколи промашената најстрога казна на домаќинот.

Сенегал уште на самиот почеток покажа дека има јасна намера да го наметне својот ритам. Веќе во шестата минута, по корнер, Папа Гуеј се најде во одлична позиција и упати удар со глава, но мароканскиот голман Боно реагираше сигурно и ја сочува мрежата. Во текот на првото полувреме Мароко тешко доаѓаше до израз. Сенегал беше поагресивен и поконкретен, а покрај воведната шанса, создаде уште една сериозна можност, додека Мароканците речиси и да немаа вистинска закана кон противничкиот гол.

Првата посериозна опасност за Сенегал дојде дури во 58. минута. Ел Кааби се најде во идеална позиција за погодок, но неговиот удар заврши малку покрај левата статива, пропуштајќи можност да го донесе Мароко во водство.

По таа ситуација, темпото на игра значително опадна и мечот влезе во помирна фаза, сè до судиското продолжение, кое донесе неверојатна драма.

Во 90. минута Езалзули се обиде со удар од дистанца, но топката заврши над пречката. Само три минути подоцна, Сенегал успеа да ја затресе мрежата преку Сек, но радоста траеше многу кратко, погодокот беше поништен поради офсајд.

Кулминацијата следуваше во осмата минута од судиското продолжение, кога судијата покажа на белата точка и досуди пенал за Мароко.

Таа одлука предизвика хаос на теренот, а селекторот на Сенегал, револтиран од судиската проценка, донесе радикална одлука и нареди неговата екипа да се повлече од игра.

Сцените што следуваа беа шокантни и ретко видени во светот на фудбалот, но, сепак, по убедување на Садио Мане тимот се врати на теренот. Одговорноста за пеналот ја презеде Брахим Дијаз кој се обиде да погоди со „паненка“, но топката заврши во рацете на голманот и следеа продолженија.

На самиот старт на екстра-времето се покажа дека постои карма за се во животот. Гаје во 94. минута погоди за 1-0 и голема радост за Сенегал.

Фудбалерот, Франческо Камарда, е пред враќање во Милан откако неговиот договор за позајмица во Лече беше раскинат пред да истече предвидениот рок.

17-годишникот одигра 19 натпревари, постигна еден гол и имаше една асистенција. Според италијанските медиуми, раководството на „росонерите“ одлучило да го врати на стадионот – „Сан Сиро“.

Камарда веднаш ќе се приклучи на тренинзите и ќе му биде достапен на тренерот Макс Алегри.

Македонија ги преброди сите проблеми со повреди и исклучувањето на искусниот дефанзивец Маркоски, па во интензивен и драматичен финиш, успеа да освои бод против фаворизираната Португалија која влезе во Европското првенство како полуфиналист на Светското првенство (29:29).

Во френетични шеесет минути во кои имаше и подеми и падови, селекторот Лазаров успеа да најде решенија и во ситуација кога остана без прирордно лево крило поради повреди, а Никол Маркоски беше исклучен.

„Ќе дадам претпазлива изјава со цел да не навредиме некој. Многу сме деградирани како мала земја, не е лесно да играш со вакви велесили, а и самите видовте дека е така. Во иднина ќе биде уште потешко да се бориме со вакви работи, јавноста во Македонија сака и не поддржува, но нема да биде лесно. Сакам да им честитам од душа и срце на нашите играчи за она што го направија денеска, и тоа против тим кој беше полуфиналист на последното Светско првенство. Ова е екипа која пристигна тука со амбиција да се бори за злато и категорично го велат тоа од самиот старт.

Денес сите концепти ни се нарушија откако останавме без лево крило и без нашиот најискусен играч во одбраната Маркоски, настана мал хаос на полувремето, но успеавме да се средиме. Не почнавме како што треба во вториот дел, но успеавме да најдеме формула и со голема борба да стигнеме до добар резултат. Во еден момент од нашите разговори кои ги имавме пред Европското првенство, на момците им реков да даваат максимум за секој гол, за секоја акција. Им реков дека можеме да одиграме нерешено со Португалија и сите кои беа во тимот го слушнаа тоа, можете да прашате било кој од сите 19 играчи кои се тука. Ќе се одморат играчите, ќе видиме каква е ситуацијата со поврдените и што ќе ни треба за последниот меч.

Најважно ќе биде да осигураме повреда со Романија, а потоа ќе видиме што ќе ни донесе. Треба да победиме, тоа е прво и основно, а второ, да се обидеме да победиме со повеќе голови разлика. Безобрано е да кажете дека брката победа со поголем број голови, Романија е добар ривал и тие најавија дека главен фокус им е третиот натпревар против Македонија. Подготвени се за војна против нас, па затоа очекувајте фајтерски натпревар во вторник“, изјави Лазаров.

Стручниот штаб го одложи утрешниот тренинг, во кој започнува подготовката на Романија, нашиот трет противник во групата во Хернинг.

Хрватскиот репрезентативец Матео Ковачиќ наскоро би можел да го напушти тимот на Манчестер Сити. Но, негова следна дестинација потенцијално е повторно клуб од Премиер лигата – Вест Хем.

Последните неколку натпревари Ковачиќ не е во комбинација кај Пеп Гвардиола и има само два натпревара, а секако на бројот на натпревари влијание има и повредата.

Клубот од Лондон, Вест Хем кој се бори за опстанок е подготвен за ангажирање на Ковачиќ, особено што се споменува како замена за Лукас Пакета, кој е пред заминување (Челзи или Фламенго).

Ковачиќ со своето искуство и настапите претходно во Челзи и Реал Мадрид и со 31 година уште може да претставува засилување за екипа од Премиер лигата.

Лидерот во Првата македонска фудбалска лига, тимот на Вардар, со убедлив пораз ги почна подготвителните натпревари во Анталија, црвено-црните со 2-6 беа поразени од Јаболнец.

Чешкиот тим по првото полувреме водеше со 4-0, а во вториот дел направија предност и од 6-0. Потоа следуваа двата гола на Вардар кои малку го ублажија поразот.

Погодоците за Вардар ги постигнаа Ибрахим Олаосебикан и Диего Кастанеда.

Следен пријателски меч на Вардар е против Андијон од Узбекистан, тој дуел се игра на 20 јануари.

Ељиф Елмас го започна натпреварот меѓу Наполи и Сасуоло во Серија А, но не го доигра и побара замена во 56. минута.

Македонскиот репрезентативец се држеше за главата откако лекарите му укажаа помош. Елмас излезе од игра под непознати околности загрижувајќи ги навивачите.

По натпреварот за ситуацијата се огласи тренерот Кристијан Стелини, кој седеше на клупата наместо суспендираниот Антонио Конте. Помошникот откри за што станува збор со Елмас.

„Елмас почувствува вртоглавица. Тоа веројатно се должеше на грип или настинка, а не стануваше збор за повреда. Ќе видиме што ќе покажат прегледите“, изјави Стелини.

Наполи стигна до победа во мечот против Сасуоло со голот на Станислав Лоботка (1-0).

Фудбалерите на Каљари, приредија мало изненадување со победата над Јувентус (1-0) во 21-то коло од Серија А. Натпреварот на Сардинија, уште еднаш ги потврди констатциите на стручната јавност во Италија, дека овој тим на Јувентус нема квалитет да се бори за шампионската титула.

Натпреварот во Сардинија, во кој гостите беа подобри, но не и доволно конкретни, беше решен во 65-та минута со мајсторијата на играчот на Каљари, Лука Мацители. Тоа беше совршена акција со два потега на домашниот тим.

Голот за триумф на Каљари можете да го погледнете Овде.

Гостите, пропуштија неколку шанси, Јилдиз ја погоди стативата во самиот финиш, но резултатот остана 1-0.

Фудбалерите на Реал Мадрид по двата пораза во Супер купот и Купот на Шпанија се вратија на победите откако во дуелот на домашен терен во 20. коло го совладаа Леванте со 2-0. Ова воедно беше прв триумф на новиот тренер Алваро Арбелоа. Инаку навивачите со свирежи ги „поздравија“ претседателот Флорентино Перез и играчот Винисиус.

Победата „кралскиот клуб“ ја обезбеди со двата гола во вториот дел. Водството во 58. минута го донесе Килијан Мбапе од пенал, а конечните 2-0 ги постави Асенсио Раул во 65. минута.

Со денешните три бодови Реал Мадрид има 48 бодови и се наоѓа на второто место со еден бод помалку од лидерот Барселона – 49. „Каталонскиот клуб“ утре го игра својот дуел од оваа рунда на гости против Реал Сосиедад.

Репрезентацијата на Нигерија го освои бронзениот медал на АФКОН откако во „малото финале“ по изведување на пенали го совлада Египет со 4:2 на пенали откако во регуларниот дел дуелот заврши 0:0.

Нигерија беше поблиску до победата и во регуларниот дел откако во првото полувреме им беше поништен гол поради фаул и по прегледување на ВАР снимката.

Во серијата пенали првите играчи на Египет Мохамед Салах и Омар Мармуш не ги реализираа првите два пенала во серијата што се покажа како решавачко, па Нигерија стигна до триумф од 4:2 на пенали.

Утре во финалето на АФКОН за титулата првак на Африка ќе играат домаќинот Мароко и Сенегал.