Фудбалерите на Велс вечерва го победија Лихтенштајн со 0-1 на гостувањето во Вадуз.

Велшаните се надеваа на триумф со најмалку шест голови разлика, но едвај стигнаа и до минимална победа.

По овој резултат, на македонската репрезентација во Кардиф во вторник доволно ќе и биде и реми за да го освои второто место во Ј-групата и да оди во бараж за СП 2026 преку квалификациите.

Во случај на чудо, односно Белгија да загуби од Лихтенштајн дома, тогаш нашата репрезентација со победа над Велс ќе избори директен пласман на Мундијалот 2026 што ќе се игра во САД, Мексико и Канада.

Фудбалерите на Курасао се едно од најголемите во квалификациите за Светското првенство и се наоѓааат на само еден чекор од историски пласман на Мундијал.

По убедливата победа од 7-0 над Бермудските Острови, на тимот му е потребен само бод за да ја обезбеди првата позиција во групата и местото на Светското првенство од КОНКАКАФ зоната. Доколку успеат, Курсао ќе стане најмалата држава во историјата која се пласирала на Мундијал, со население од само 150.000 жители.

Репрезентацијата е предводена главно од играчи од најсилната холандска лига, но меѓу нив им и двајца фудбалери од Премиер лига, Вурнор-Анита од Њукасл и Кука Мартина од Евертон.

Во последното коло, Курасао го очекува дербито со Јамајка и со барем еден освоен бод ќе ја испишат најубавата страница во својата фудбалска историја, но и ако не успеат, ќе имаат уште една шанса преку баражот.

Легендарниот претседател на Реал Мадрид Флорентино Перез одлучил да се повлече од функцијата пред истекот на мандатот.

Според новинарот Пепе Алваресз, Перез планира да си замине во 2026 година, две години пред крајот на актуелниот мандат, со желба транзицијата во клубот да биде уредна и испланирана.

Перес за првпат стана претседател на Реал во 2000 година, а првата ера траеше до 2006. Вториот мандат започна во 2009 и трае до ден денешен.

Во неговото време фудбалскиот клуб седум пати стана првак на Европа, a вкупно има 37 трофеи на функцијата во Реал.

Аргентинската фудбалска репрезентација ја победи Ангола со 0-2, како гостин, во пријателски натпревар одигран на стадионот „11 Ноември“ во Луанда.

Централна фигура на натпреварот беше Лео Меси, кој беше пречекан од домашните навивачи како божество или барем како национален херој.

Меси се најде во почетниот состав диктиран од неговиот имењак Скалони, како и повеќето од најдобрите играчи на Аргентина, па публиката можеше да ги види светските шампиони во акција во речиси најсилниот состав.

Меси и Лаутаро беа главни протагонисти во триумфот, со по асистенција и гол.

Гостите поведоа во 43-та минута кога Меси го проигра Лаутаро, кој со удар од првиот допир ја погоди мрежата на Ангола.

Во продолжението, Аргентинците ја контролираа ситуацијата на теренот, а победата ја запечатија во 82-та минута кога Мартинез му се реваншира на Меси, несебично го проигра, а тој рутински го дуплираше водството на „гаучосите“.

Меси го постигна 895-от гол во кариерата.

Пред натпреварот, славниот Аргентинец доби посебен подарок од претседателот на Ангола по повод педесетгодишнината од независноста на оваа африканска земја од Португалија, а централниот дел од прославата беше токму натпреварот против светските шампиони.

Аргентина од овој натпревар заработи 12 милиони евра.

Поранешниот селектор на Шпанија, Хавиер Клементе, го критикуваше еден од најдобрите фудбалери на Барселона, Ламин Јамал.

На искусниот стручњак не му се допаѓа однесувањето на 18-годишникот надвор од теренот и се плаши дека неговата кариера нема да трае долго поради тоа.

„Како играч, тој е многу добар, но проблемот е што не знае како да се однесува надвор од теренот. Ако продолжи вака, неговата кариера нема да трае. Тоа е јасно“, остро рече Клементе.

Од друга страна, на Клементе му е јасно дека станува збор за извонреден играч.

„Тој прави брилијантни работи, но ривалите веќе знаат како игра, знаат како да го гледаат. Тие знаат дека тој е еден од оние играчи на кои не треба да им се дозволи да играат затоа што е со висок квалитет, а може да направи толку многу на теренот“, заклучи Клементе.

Во Баерн Минхен го набележале левиот бек на Баер Леверкузен, Алехандро Грималдо, како потенцијална замена за Рафаел Гереро, чие останување во германскиот шампион е неизвесно, пишува „Билд“.

Раководството на Баварците сериозно размислува дали да се обидат за Грималдо, иако сè уште немаат воспоставено контакт ниту со шпанскиот репрезентативец, ниту со неговиот клуб.

Договорот на 30-годишниот играч истекува во летото на 2027-ма, а во Баер планираат да го продолжат. Ако тоа не се случи, клубот е подготвен да се раздели со него како слободен агент по истекот на договорот. Освен тоа, самиот фудбалер преферира да игра во Ла Лига, а во тој случај неговата цена би надминала 10 милиони евра. Ако Баерн реши да испрати понуда за него, „аспирините“ драстично ќе ја зголемат побаруваната сума.

Оваа сезона, Грималдо има одиграно 15 натпревари во сите натпреварувања, при што има постигнато 7 голови и 4 асистенции.

Мауро Икарди во дресот на Галатасарај игра подобро на домашен терен каде што клубот од Истанбул ја брани титулата шампион.

Во Лигата на шампионите Аргентинецот сѐ уште нема постигнато гол. Неговиот статус веќе сега го пробуваат да го искористат некои тимови, бидејќи договорот со Галата му истекува следното лето.

Аргентинскиот TyC Sports пренесува информации од турските медиуми дека за овој фудбалер е заинтересиран Милан.

МЛС ја објави историската одлука за промена на натпреварувачкиот календар, преминувајќи на систем есен – пролет. Иако придобивките од овој чекор се значителни, лигата ќе се соочи со неколку предизвици кои ќе треба да ги надмине во транзициската фаза, известува Goal.com.

По години на шпекулации и интерни дискусии, МЛС потврди дека од сезоната 2027 натпреварите ќе се одржуваат од крајот на јули до почетокот на мај, со зимска пауза. Трансфер периодите ќе бидат усогласени со останатите делови од светот, а натпреварите повеќе нема да се играат за време на меѓународните репрезентативни паузи.

Ова е голем чекор за лигата која често беше конзервативна. Промената носи и значителни предизвици. Постоечките договори на играчите ќе треба да се изменат, а лигата ќе влезе во директна борба за публика со другите големи американски спортови.

Овој потег претставува кулминација на повеќегодишните стремежи во рамките на лигата. Комесарот на МЛС, Дон Гарбер, призна дека лигата ја одолговлекуваше промената подолго отколку што посакувале. „Повеќе би сакале да си земеме време и да го направиме тоа како што треба, отколку да бидеме брзи и да погрешиме“, изјави Гарбер.

Клучен поттик за промената е Светското првенство 2026 година, кое се смета за историска шанса за развој на фудбалот во Северна Америка. Лигата сака да го искористи тој импулс за претставување на глобалната сцена. Одлуката е донесена по обемни консултации. Според соопштението на лигата, анкета спроведена меѓу навивачите покажала дека 92 проценти од испитаниците ја поддржуваат промената за усогласување со европскиот фудбал.

Барселона одамна го гледа Хулијан Алварез како идеално засилување за следната сезона. Аргентинскиот напаѓач се наметна како едно од најпосакуваните имиња кај навивачите и раководството на каталонскиот клуб. Но желбата на Барселона би можела да биде многу потешка за реализација.

Во трката се вклучи Челси и тоа со план за огромна инвестиција. Англискиот клуб подготвува понуда од 150 милиони евра за претстојното лето. Со таква сума Атлетико Мадрид тешко дека ќе остане рамнодушен, особено ако се знае дека Алварез беше купен од Манчестер Сити во 2024 година за 95 милиони евра.

Алварез во Атлетико уште еднаш ја покажа својата класа и важи за напаѓач со голема фудбалска интелигенција.

Дополнително има богато искуство од Премиер лигата каде со Сити освои се што можеше. Ако Челси ја конкретизира понудата, битката за неговиот потпис ќе биде една од најголемите теми на летниот преоден рок.

Фудбалерот на Лил, Итан Мбапе, би можел да биде повикан во алжирската репрезентација, објави „WinWinAfrique“.

Алжирската фудбалска федерација се надева дека ќе го додаде помладиот брат на капитенот на Франција, Килијан Мбапе, во својата репрезентација.

Итан, кој има 18 години, не е повикан во француските младински селекции.

Мбапе помладиот постигна два гола на пет натпревари од француското првенство оваа сезона.

„Трансфермаркт“ ја проценува неговата вредност на 5 милиони евра.