Во сенката на неуспешните преговори со Душан Влаховиќ и неговите евентуални алтернативи, раководството на Јувентус активно работи на пронаоѓање нов голман. Минатосезонската прва опција, Микеле Ди Грегорио, не ги исполни при очекувањата.

Постојат повеќе опции за негов наследник, но некои желби се покажаа нереални. Така, Јувентус доби негативен одговор од Ливерпул за Алисон и од Астон Вила за Емилијано Мартинез.

Меѓу најсериозните кандидати е Гуљелмо Викарио од Тотенхем. Иако има две години од договорот со лондонскиот клуб, опција за трансфер е вклучување на левиот бек Дестини Удоги во пакет договор со Јувентус, особено ако Камбијазо го напушти клубот.

Ако оваа можност не се реализира, според порталот ”FirenzeViola”, Јувентус го разгледува и шпанскиот ветеран Давид Де Хеа, кој ги помина последните две сезони во Фиорентина.

Списокот со потенцијални засилувања тука не завршува, бидејќи е отворен и контакт со Милан за голманот Мајк Менјан.

Наполи тропна на вратата на Лацио за трансфер на Марио Хила, дефанзивецот целосно одговара на бараниот профил.

Газета дело Спорт објави дека Наполи го идентификувал Марио Хила како приоритет за засилување на одбраната, клубот од „Диего Марадона“ веќе ги започнал и првите разговори со Лацио.

Шпанскиот дефанзивец одговара на профилот што го бараат „наполитанците“ поради неговото лидерство на теренот и познавање на Серија А.

Токму Макс Алегри, кој сега се поврзува со клупата на Наполи, му го препорача Марио Хила на Милан, и до пред некој месец „росонерите“ се посочуваа како главен фаворит за неговиот потпис, одредени извори дури велеа и дека паднал договор.

Но по „распад-систем“ што се случи на Сан Сиро со неуспехот да се обезбеди настап во Лигата на шампиони, Наполи се обидува да ја искористи ситуација и да го зграпчи дефанзивецот.

Сепак, зделката не е лесна бидејќи Клаудио Лотито е тврд преговарач и не планира попуст, за Марио Хила бара најмалку 30 милиони евра.

Турските медиуми објавија дека турскиот репрезентативец Хакан Чалханоглу би можел да стане ново засилување на Фенербахче, во случај претседателскиот кандидат Хакан Сафи да победи на претстојните клупски избори.

Според извештаите од Турција, Сафи наводно постигнал принципиелен договор со играчот од средниот ред на Интер, но реализацијата на трансферот ќе зависи од исходот на изборите, како и од евентуалниот договор со италијанскиот клуб.

Се вели дека трансферот би можел да биде официјализиран кратко време по изборите доколку Сафи го преземе управувањето со клубот.

Дополнително внимание на јавноста предизвика објава од сметката на Сафи на социјалната мрежа „X“, каде што беше споделена песната „Made in Romania“, која Чалханоглу ја пушташе за време на прославата на шампионската титула на Интер.

Минатата сезона, Чалханоглу одигра 30 официјални натпревари во дресот на миланскиот клуб и забележа учинок од 12 гола и седум асистенции.

Бразилската фудбалска репрезентација го победи Египет со 2-1 во последниот тест пред почетокот на Светското првенство, но тренерот Карло Анчелоти доби причина за загриженост.

Десниот бек Весли мораше да го напушти теренот во 17-та минута поради повреда на глуждот.

Според бразилските медиуми, станува збор за истегнување, па затоа е избегната сериозна повреда, но конечната проценка ќе биде позната по дополнителните прегледи.

Бразил нема многу време да реагира, доколку се покаже дека Весли нема да биде подготвен за турнирот, бидејќи се ближи рокот за поднесување на евентуална замена.

Бразил ќе ја отвори групната фаза на Светското првенство на 14 јуни против Мароко, потоа на 20 јуни ќе игра против Хаити, додека на 25 јуни ќе се соочи со Шкотска.

Македонскиот фудбалски репрезентативец, Јани Атанасов, кариерата би можел да ја продолжи во Казахстан.

Медиумите од оваа земја објавија дека фудбалерот на Македонија е пред потпис со Актобе.

Според најавите, 26-годишниот играч за врска треба да се пресели во тамошниот шампионат. Со Актобе се очекува потпише договор на две и пол години.

Атанасов минатата сезона го носеше дресот на Лариса, за која одигра 35 натпревари, а претходно настапуваше и во полското првенство.

Дефанзивецот на Реал, Антонио Рудигер, ги оцени последните две сезони на мадридскиот тим.

„Две сезони без трофеи за Реал Мадрид не се нормални. Но, што очекувате од нас, да продолжиме да плачеме? Ајде да продолжиме понатаму. Она што е изгубено не може да се врати. Треба да ги извлечеме правилните заклучоци и да продолжиме понатаму“, изјави Рудигер за „AS“.

Во сезоната 2025/26, Реал Мадрид освои 86 бода, завршувајќи втор во шпанската лига. Барселона го освои турнирот со 94 бода.

Во Лигата на шампионите, мадридскиот тим стигна до четвртфиналето, каде што загуби од Баерн Минхен со вкупен резултат (1-2 и 3-4). Во Купот на Кралот, Реал Мадрид загуби од Албасете (2-3) во осминафиналето, а загуби од Барселона (2:3) во финалето на шпанскиот Суперкуп.

Бразил со 2-1 го победи Египет, Аргентина со 2-0 славеше над Хондурас, Англија со 1-0 го совлада Нов Зеланд во дел од пријателските натпревари кои се одиграа пред почетокот на Светското првенство.

За дел од селекциите ова беа последни натпревари пред почеток на Мундијалот, а некои ќе имаат уште еден пријателски меч.

Бразил поведе против Египет уште во седмата минута со гол на Бруно Гимараеш, но само четири минути подоцна Зико го изедначи резултатот на 1-1.

Победата за Бразилците ја донесе Ендрик по седум минути игра во второто полувреме.

Аргентина со голови на Лаутаро во првото полувреме и Симеоне во вториот дел го совлада Хондурас со 2-0.

Англија со погодок на Хари Кејн во финишот од првиот дел го совлада Нов Зеланд со минимални 1-0.

Пријателски мечеви играа и два од следните противници на Македонија во Лигата на нации. Шкотска со 4-0 беше подобра од Боливија, а Швајцарија одигра 1-1 против Австралија.

Турција со 2-1 славеше над Венецуела, а Курасао со 4-0 беше подобар од Аруба.

Ангажман на нов напаѓач е приоритет на Јувентус ова лето и последните информации велат дека „старата дама“ си подала рака со Александер Сорлот, сега ќе треба да се испегла и договорот со Атлетико Мадрид.

Душан Влаховиќ ќе го напушти Торино, а се очекува да си заминат и Луис Опенда и Жонатан Давид, па Јувентус ќе инвестира во засилувања за нападот.

Подолго време се работи на враќање на Рандал Коло Муани, а последните информации велат и за ангажман на Александер Сорлот.

Медиумите од Италија пренесуваат дека директорите на „старата дама“ разговарале со агентите на Норвежанецот и си подале рака за четиригодишна соработка и плата од 4 милиони евра по сезона (еден милион повеќе од тоа што напаѓачот во моментов го заработува во Атлетико).

Јувентус сега ќе треба да седне на маса и со Атлетико и да испегла дил со клубот од „Метрополтано“.

Се верува дека 30 милиони евра ќе бидат доволни, а „старата дама“ ќе се обиде да го вметне Нико Гонзалез во зделката.

Аргентинецот минатата сезона ја помина на позајмица во Мадрид, но Атлетико не ја активираше откупната клаузула вредна 32 милиони евра за перманентен трансфер.

Јувентус планира сега да даде попуст, односно 25 милиони евра плус бонуси, и на овој начин да го финансира ангажманот на Александер Сорлот.

Фабио Капело ги откри своите главни фаворити за СП 2026 во Северна Америка, ставајќи ги Франција и Шпанија на самиот врв на листата на кандидати за титулата пред јужноамериканските гигант – Аргентина и Бразил.

Според него, токму овие две селекции моментално го поседуваат највисокиот технички квалитет и најкомплетен состав.

„Франција и Шпанија се главните фаворити. Располагаат со највисоко ниво на техничка извонредност,“ изјави Капело.

Италијанецот сепак не ги отпиша останатите европски гиганти, па со внимание ја спомена и Англија под водство на Томас Тухел, за која смета дека може да биде сериозен фактор на турнирот.

„Ме интригира Англија со Тухел. Германија имаше пад во формата и ќе биде интересно да се види како ќе се развиваат,“ додаде тој.

Капело дури потоа ја спомна Јужна Америка, истакнувајќи ја Бразил како селекција која секогаш мора да се земе предвид, особено под водство на Карло Анчелоти.

„Имам симпатии кон Бразил на Анчелоти. Тој има неверојатен карактер и брзо се адаптира на секоја средина, а тоа не е лесно во Бразил,“ нагласи Капело.

Португалија го победи Чиле со 2-1, во пријателски меч одигра во Лисабон.

Натпреварот го обележа она што се случи во финишот на првото полувреме, кога судијата подели два црвени картони.

Физички се пресметаа чилеанскиот дефанзивец Иван Роман и португалската ѕвезда Рафаел Леао. Рамон заврши на земја откако Леао го турна во лицето со рака, по што другите играчи ја смирија ситуацијата.

Судијата им покажа на Рамон и на Лео директни црвени картони по кратка мешаница. Одлуката предизвика протести од двете страни, а публиката го испрати судијата со свирежи. Екипите влегоа во второто полувреме со десет играчи.

Ова е претпоследниот пријателски натпревар на Португалија пред Светското првенство, каде што е во група со Колумбија, Узбекистан и ДР Конго. Чиле не се квалификуваше за Мундијалот.