Фудбалерот од средниот ред на Фиорентина, Едоардо Бове се освести во болница откако изгуби свест на денешниот натпревар од 14. коло од италијанското првенство против Интер.

На 22-годишниот фудбалер му се слоши во 17. минута од играта и се струполи на тревникот. Натпреварот поради оваа причина беше прекинат.

Лекарите се обидоа да го реанимираат на теренот, а Бове подоцна беше однесен со брза помош.

Забележано е дека играчот од средниот ред во моментов е свесен и дише самостојно. Според пишувањата на странските медиуми, Бове доживеал срцев удар и епилептичен напад. Тој ќе биде подложен на тестови за да се утврди причината за здравствените проблеми.

Хајдук во вечното дерби на хрватскиот фудбал го победи Динамо со 1-0. По 15 рунди во Хрватска, Хајдук е лидер, има седум бода повеќе од третопласираниот Динамо, а три од Риека.

Голот за победа го постигна Нико Сигур во 54. минута.

Хајдук ја имаше најдобрата шанса во преостанатиот дел од натпреварот, во 60. минута Ливаја можеше да го реши мечот, но голманот на Динамо Загорац го одбрани неговиот удар.

Динамо на крајот од мечот остана со играч помалку, поради груб фаул над Кровиќ, а по прегледувањето на видеото од ВАР, судијата го исклучи Рог.

Бурно беше и на трибините, на крајот од мечот гостинските навивачи, популарните „Бед Блу Бојс“ го преплавија теренот на Пољуд со факели.

Пауло Пеколано повеќе не е тренер на фудбалерите на Ваљадолид, соопшти шпанскиот клуб.

Шпанските медиуми пренесуваат дека челниците на Ваљадолид решиле да го отпуштат уругвајскиот тренер поради лошите резултати во Примера.

Ваљадолид, синоќа на домашен терен беа прегазени од Атлетико Мадрид (0-5) во натпреварот од 15. коло. Ваљадолид моментално е на последното, 20. место на табелата со само девет бодови.

Пеколано стана тренер на Ваљадолид од април 2023 година, на 71 натпревар забележа 28 победи, 15 нерешени и 28 порази.

Фудбалерот на Баерн, Хари Кејн ќе биде надвор од терените најмалку две недели поради повреда на бутниот мускул, објави германски Билд.

Кејн се повреди на вчерашниот натпревар од 12. коло на Бундес лигата против Борусија во Дортмунд (1-1). Англискиот фудбалер беше заменет во 33. минута поради повреда.

Баерн денеска соопшти дека по дополнителните лекарски прегледи било утврдено дека Кејн го скинал бутниот мускул, но клубот од Минхен не соопшти колку долго англискиот фудбалер ќе мора да биде надвор од терените. Билд објави дека Кејн го очекува пауза од најмалку две недели, а на терените треба да се врати на 20 декември во натпреварот од 15. коло на Бундес лигата против Лајпциг.

Кејн оваа сезона одигра 19 натпревари за Баерн во сите натпреварувања и постигна 20 гола.

Неколку европски гиганти покажуваат сериозен интерес за плејмејкерот на Милан и холандски репрезентативец Тижани Рејндерс.

Рејндерс игра фантастично во дресот на Милан и се промовираше во лидер на холандската репрезентација, па го привлече вниманието на многу европски гиганти.

Милан не сака да се откаже од својата ѕвезда и почна преговори за продолжување на соработката. „Росонерите“ му понудиле и значително зголемување на платата.

Рејндерс е среќен во Милано и двете страни се блиску до договор, пренесуваат италијанските медиуми.

Драматична сцена се случи во денешниот натпревар помеѓу Интер и Фиорентина поради која натпреварот се прекина во 17-та минута и засега не е познато кога ќе се доигра.

По само 17 минути игра натпреварот е прекинат, откако фудбалерот на домашниот тим Едоардо Бове колабираше на теренот.

Бове одеднаш загуби свест и падна на теренот. Играчите на двете екипи веднаш се стрчаа да му помогнат како и лекарските екипи.

Бове без свест беше пренесен во. а судијата ги истпрати фудбалерите во соблекувалните.

Медиумите во Италија пренесуваат дека ситуацијата на фудбалерот е многу сериозна.

Фудбалерот на Баер Леверкузен, Џереми Фримпонг, може да добие понуда да се пресели во Ливерпул доколку дефанзивецот, Трент Александер-Арнолд, замине во шпанскиот состав Реал Мадрид.

Интернационалецот од Холандија во дресот на бундес-тимот има одиграно 18 средби со ефект од еден гол и седум асистенции.

Неговата трансферна вредност е околу 40 до 50 милиони евра.

Џовани ван Бронхорст повеќе не е тренер на Бешикташ, објави прес-службата на турскиот фудбалски клуб.

Четириесет и деветгодишниот стручњак го водеше Бешикташ од јули. Под негово водство, тимот одигра 20 натпревари, забележа десет победи, четири пати ремизираше и загуби на шест средби.

Бешикташ по 12 натпревари е на петтото место во турската Суперлига со 21 бод.

Ван Бронкхорст претходно беше тренер на Ренџерс, кинески Гуангжу и Феенорд.

Познати се сите учесници на Светското клупско првенство на ФИФА, кое во новиот формат првпат ќе го играат 32 клуба.

Клупскиот фудбалски мундијал ќе се игра на ист начин како што досега се играа светските првенства – 32-те најдобри клубови на светот ќе играат за титулата светски шампион.

Домаќин на првото издание на шампионатот во ваков формат ќе биде САД, а ќе се игра на 12 стадиони.

Светската клупска круна ја брани англискиот гигант Манчестер Сити, а ФИФА одлучи последните четири шампиони на секој континент да се натпреваруваат во групната фаза, а потоа учесниците беа пополнети по клупско рангирање.

Последниот патник лкој обезбеди виза на клупскиот Мундијал е шампион на Јужна Америка тимот на Ботафого кој синоќа го осво8и трофејот во Копа Либертадорес.

За престижниот трофеј Светски клупски фудбалски шампион ќе се борат европските великани: Манчестер Сити, Челзи, Реал Мадрид, Атлетико Мадрид, Баерн, Борусија Дортмунд, ПСЖ, Интер, Јувентус, Порто, Бенфика, РБ Салцбург.

На Мундијалот во САД преставници на Африка се тимовите на Ал Ахли, Видад, Есперанс Тунис, Мамелоди Сандаунс, а од Азија Ал Хилал, Урава, Ал Аин и Улсан.

Северна и Централна Америка ќе ја претставуваат Сиетл, Интер Мајами, Монтереј, Клуб Леон и Пачука, а Јужна Америка Ривер Плата, Бока Јуниорс, Палмеирас, Фламенго, Флуминенсе, Ботафого, а единсвтениот преставник од Океанија, е клубот Оукленд Сити.

Светското клупско првенство ќе се игра во САД од 15 јуни до 13 јули следната година.

Џастин Клајверт испиша нова историја откако стана првиот играч кој во Премиерлигата постигнал хет-трик со голови од пенал, Холанѓанецот попладнево три пати погоди од белата точка против Вулверхемптон.

Џастин Клајверт долго ќе го памети денешното гостување на „Молињу“, Холанѓанецот три пати ја тресеше мрежата на Вулверхемптон во победата на Борнмут од 2-4.

Раритет е тоа што офанзивниот фудбалер до хет-трикот стигна со голови од пенал, и стана првиот играч во Премиерлигата со вакво постигнување. Последен пат хет-трик со голови од пенал во најсилната лига на Англија бил постигнат во далечната 1957, кога Кен Барнс во дресот на Манчестер Сити три пати стрелал против Евертон во тогашната прва лига.

Клајверт го отвори резултатот од белата точка веќе во 3. минута, потоа во 18. минута го реализираше вториот пенал за водство на Борнмут од 1-3, за во 74. минута да испише историја со третиот гол од 11 метри за конечни 2-4.

На останатите натпревари од 16 часот, Брентфорд со 4-1 го совлада Лестер, Нотингем Форест со минимални 1-0 го победи Ипсвич, а Кристал Палас во последните минути стигна до 1-1 против Њукасл.