Душан Влаховиќ ќе го напушти Јувентус со истекот на договорот ова лето, информацијата сега ја потврди и директорот на клубот од Торино, Џорџо Кјелини.

Причината поради која Влаховиќ заминува е платата која Јувентус не можел да му ја обезбеди.

„Тажен сум, сакав Душан да остане бидејќи го сака нашиот клуб… но побара повисока плата. Со сегашните услови, таа плата во Италија никој не може да ја обезбеди“, изјави Кјелини.

Претходно денеска италијанските медиуми пишуваа дека Јувентус му понудил на Влаховиќ договор со седум милиони евра по сезона, плата која ја добива Кенан Јилдиз во Торино.

Челниците мна Баерн си подале рака со 22 годишниот Натаниел Браун, сега треба да пронајдат и дил со Ајнтрахт Франкфурт за сумата под која ќе се реализира трансферот.

Баерн Минхен го финализира трансферот на Исмаел Саибари од ПСВ, но во исто време забрзано работи и на второто засилување за новата сезона.

Неколку извори попладнево објавија дека „баварците“ си подале рака со левиот бек Натаниел Браун.

22 годишниот репрезентативец на Германија разговарал со Винсент Компани, му се допаднал проектот, па прифатил договор до 2031 и изразил желба веднаш да се пресели на Алианц Арена.

Сега останува Баерн Минхен да пронајде дил со Ајнтрахт Франкфурт за условите под кои ќе се реализира зделката.

Популарните „орли“ бараат околу 60 милиони евра, сума која на крајот сепак може да се покаже како камен на сопнување.

Арсенал и Ливерпул исто така пројавуваат интерес за Натаниел Браун, па ова дополнително оди во корист на Ајнтрахт Франкфурт во преговорите со Баерн Минхен.

Тотенхем подготвува нова понуда за дефанзивецот на Брајтон, Јан Пол ван Хеке, откако нивната првична понуда беше одбиена. Брајтон го проценува 25-годишниот холандски репрезентативец на речиси 80 милиони евра, и покрај фактот дека му останува само една година од договорот.

Тренерот на Тотенхем, Роберто Де Зерби, под чие водство играше Ван Хеке кога Италијанецот го водеше Брајтон, би можел да игра клучна улога во преговорите. Таа врска е важен фактор за дефанзивецот, но Спарс ќе треба многу да се приближат до цената што Брајтон ја бара за да го обезбедат неговиот потпис.

Тотенхем веќе го обезбеди доаѓањето на централниот дефанзивец Маркос Сенеси од Борнмут како слободен играч, а се очекува Кристијано Ромеро да биде продаден.

Енди Робертсон исто така, како слободен играч, пристигна од Ливерпул, а клубот работи и на трансферот на крилниот напаѓач на Манчестер Сити, Савињо.

Жозе Мурињо се враќа во Реал 13 години откако заврши неговиот прв престој во клубот. Легендарниот португалски тренер ја предводи Бенфика, со која има уште една година од договорот. Затоа, Реал мора да му плати отштета на клубот од Лисабон, а клаузулата за отпуштање е дефинирана во договорот на Мурињо со Бенфика.

„Реал ја информираше Бенфика дека ќе им исплати 15 милиони евра, што е износот за кој клубот мора да го отпушти. Наведената сума ќе биде депонирана следната недела“, пишува „Рекорд“.

Мурињо ја презеде Бенфика, уште еден клуб што претходно го водеше, по втор пат минатото лето. Тој го заврши првенството без пораз, но неговата сезона беше неуспешна, Бенфика заврши на третото место зад шампионот Порто и Спортинг.

Мурињо го водеше Реал од 2010 до 2013 година. Тој освои првенство и куп, но не успеа да ја освои Лигата на шампионите. Во трите сезони беше елиминиран во полуфиналето.

Највисока оштета платена за фудбалски тренери:

1. Јулијан Нагелсман (од Лајпциг во Баерн) – 25 милиони евра (2021)
2. Греам Потер (од Брајтон во Челзи) – 24,5 милиони евра (2022)
3. Андре Виљас-Боаш (од Порто во Челзи) – 15 милиони евра (2011)
4. Енцо Мареска (од Лестер во Челзи) – 11,5 милиони евра (2024)
5. Арне Слот (од Феенорд во Ливерпул) – 11 милиони евра (2024).

По победата над Пелистер, кадетската екипа на Вардар го освои трофејот во Купот на Македонија и стигна до двојната круна во оваа категорија.

“Црвено-црните” надежи триумфираа по подобро изведување на удари од белата точка откако по 90 минути игра резултатот беше 3-3.

Финалистите одиграа извонреден натпревар во кој Битолчани на два пати имаа предност, но Вардар на крајот успеа да стигне до израмнување.

Вардар поведе уште во третата минута со погодокот на Невзат Асани. Во 38-та Енвер Фејзулаи израмни на 1-1 и тоа беше епилогот на првото полувреме.

По шест минути игра во второто полувреме Мартин Талевски му носи предност на Пелистер од 2-1. Во 64. минута Админ Абдула го постигнува вториот гол за Вардар.

Само пет минути подоцна Јован Мрмачовски беше стрелец на голот за водство на Битолчани од 3-2.

Вардар во финишот ја презема инцијативата и на две минути пред крајот преку Иво Марковски стигна до посакуваното израмнување.

Во пенал серијата фудбалерите на Пелистер не успеаа да реализираат два удари од 11 метри и тоа преку Јаков Пресилски и Јован Мрмачовски додека играчите на Вардар четири пати го совладаа Димитар Митковски за конечни 4-2 на пенали или со вкупен резултат 7-5.

Бразилскиот чувар на мрежата на Ливерпул, Алисон нема да го напушти „Енфилд“ наскоро бидејќи ветеранот наводно има намера да ја дополни последната година од договорот со Ливерпул.

Во последните недели се засилија шпекулациите дека Алисон би можел да се пресели во Серија А во тимот на Јувентус, кој направи сериозен напор да го добие, па дури и стави на маса тригодишен договор. Сепак, Ливерпул остана решен да го задржи на голот уште една сезона. Новинарот Бруно Андраде од ESPN Brasil објави дека Алисон веќе решил да го доврши својот активен договор со „црвените“, кој важи до средината на 2027 година, по што ќе замине како слободен играч.

Манчестер Сити испратил прва понуда за потписот на фудбалерот на Нотингем Форест, Елиот Андерсон.

„Граѓаните“ биле веднаш одбиени, но нема лесно да се откажат од идејата да го видат Андерсон во својот состав за следната сезона.

Се очекува Сити да продолжи со понудите, а интерес за 23-годишникот покажува и Манчестер Јунајтед.

Елиот одигра 38 натпревари во Премиер лигата оваа сезона, постигнувајќи четири гола.

Шпанска Валенсија денес и официјално потврди дека го продолжи договорот со македонскиот репрезентативен голман Столе Димитриевски за уште две сезони. Она што веќе беше најавено, денеска и официјално е потврдено од шпанскиот тим. Столе останува на „Местаља“ до јуни 2028 година.

Од неговото пристигнување во 2024 година, Димитриевски одигра вкупно 33 официјални натпревари со дресот на Валенсија.

„Неговото искуство и цврстина на голманската позиција придонесоа за конкурентскиот раст на тимот и ги подобрија резултатите во втората половина од минатата сезона“, велат од Валенсија.

Дани Себаљос е на добар пат да го напушти Реал Мадрид, се водат преговори со Ајакс за негов трансфер во Амстердам вреден околу 6 милиони евра.

Дани Себаљос беше еден од фудбалерите на Реал Мадрид кои ја „спукаа“ со Алваро Арбелоа, двајцата не зборуваа во последните месеци од сезоната.

„Кралевите“ застанаа на страна на тренерот, па уште тогаш беше јасно дека Шпанецот ќе го напушти „Бернабеу“ ова лето.

Неколку извори попладнево објавија дека Реал Мадрид води коректни преговори со Ајакс и постои голем оптимизам дека трансферот наскоро ќе биде реализиран.

Дани Себаљос веќе разговарал со Мичел, новиот тренер на славниот холандски клуб и еден од главните заговорници за зделката, стратегот му ветил важна улога во тимот и враќање во најдобра форма.

Се очекува трансферот да биде комплетирана за сума од околу 6 милиони евра.

Настапот на Нико Паз на Светското првенство е доведен под знак прашалник поради повредата на коленото што ја заработи во претпоследниот натпревар од сезоната. Иако првично се веруваше дека станува збор за полесна повреда, сѐ поголемите сомнежи околу нејзината сериозност и времето потребно за закрепнување предизвикуваат загриженост во аргентинската репрезентација, пренесува „АС“.

Фудбалерот од средниот ред на Комо и натаму има проблеми при движењето по ударот во коленото што го заработи на натпреварот против Верона, поради што ги пропушти и последните две средби од сезоната. Почетниот оптимизам за брзо враќање на теренот значително спласна во изминатите денови, а сега постојат сомнежи дека повредата можеби е посериозна и не се однесува само на мускулите.

Неговата состојба ќе се следи од ден на ден пред да биде донесена конечната одлука, но во моментов неговиот настап на Светското првенство се смета за неизвесен.

По одличната сезона и импресивните настапи, Паз беше проектиран како еден од клучните фудбалери во новата генерација на аргентинската репрезентација. Неговото евентуално отсуство би претставувало сериозен удар за актуелниот светски шампион, кој по пензионирањето на Анхел Ди Марија има потреба од креативни и играчи каков што е токму Паз.