Селекторот на фудбалската репрезентација на Аргентина, Лионел
Скалони денеска го објави списокот на играчи за претстојните
пријателски натпревари против Панама и Курасао.
Во првите натпревари по освојувањето на светското првенство во
Катар, Аргентина ќе игра со Панама на 23 март на „Монументал“ во
Буенос Аирес, додека пет дена подоцна ќе биде домаќин на Курасао
во Сантијаго дел Естеро.
На списокот на Скалони, меѓу другите, се Лионел Меси, Анхел ди
Марија и Алехандро Гарначо, кој го доби првиот повик по одличните
настапи за Манчестер Јунајтед.
Претходно оваа недела федерацијата му го продолжи договорот на
Скалони до 2026 година.

Голмани: Франко Армани (Ривер Плата), Џеронимо Руљи (Ајакс),
Емилијано Мартинез (Астон Вила);
Дефанзивци: Хуан Фојт (Виљареал), Гонзало Монтиел (Севиља),
Науел Молина (Атлетико Мадрид), Нојен Перес (Удинезе), Херман
Пецеља (Бетис), Кристијан Ромеро (Тотенхем), Николас Отаменди
(Бенфика), Лисандро Мартинез (Манчестер Јунајтед). ), Николас
Таљафико (Лион), Маркус Акуња (Севилја), Лаутаро Бланко (Елче);
Среден ред: Леандро Паредес (Јувентус), Гвидо Родригез (Бетис),
Енцо Фернандез (Челзи), Максимо Пероне (Манчестер Сити),
Езекиел Паласиос (Леверкузен), Родриго де Пол (Атлетико Мадрид),
Факундо Бонаноте (Брајтон), Тијаго Алманда ( Атланта), Џовани ло
Селсо (Виљареал), Алексис Мекалистер (Брајтон), Анхел Ди Марија
(Јувентус), Анхел Кореа (Атлетико Мадрид), Емилијано Буендија
(Астон Вила), Валентин Карбони (Интер), Лионел Меси (ПСЖ),
Пауло Дибала (Рома);
Напаѓачи: Лаутаро Мартинез (Интер), Хулијан Алварез (Манчестер
Сити), Алехандро Гарначо (Манчестер Јунајтед), Николас Гонзалес
(Фиорентина) и Алехандро Папу Гомез (Севиља).

Реал Мадрид најверојатно нема да се вклучи во евентуално наддавање
за ѕвездата на Борусија Дортмунд, Џуд Белингам, пренесува „АС“.

Се очекува Белингам да биде најбараниот фудбалер ова лето, а за него
интерес покажуваат Реал Мадрид, Ливерпул и клубовите од
Манчестер, додека Борусија за неговата слобода бара 150 милиони
евра.
Поради тоа Реал се откажал од Белингам и ќе се фокусира на
ангажман на друга ѕвезда.
Реал нема намера да потроши рекордна сума за Белингам, а најавите
се дека Модриќ и Крос ќе останат уште една сезона во „кралскиот“
клуб.
Тоа не значи дека Реал дефинитивно се откажал од Англичанецот, но
не е спремен да понуди повеќе од 100 милиони евра.

Мауро Икарди на лето би можел да се врати во Серија А, пренесуваат
италијанските медиуми. Икарди оваа сезона игра во Галатасарај како
позајмен фудбалер од ПСЖ и во Турција си ја „оживеа“ кариерата.
Аргентинецот е во извонредна форма и оваа сезона на 13 меча
постигна 9 гола и 6 асистенции. Икарди на лето ќе се врати во ПСЖ,
но јасно е дека за него нема повеќе место во Париз, а интерес за него
покажуваат италијанските клубови.
Неговата менаџерка, Ванда Нара за италијанските медиуми потврди
дека Милан и Рома ја контактирале и покажале силен интерес за
напаѓачот.
29-годишниот напаѓач сака да се врати во Италија и е спремен да
прифати помала плата за повторно да игра во Серија А.

Откако стана јасно дека Милан Шкриниар нема да го продолжи
договорот, раководството на Интер ја започна потрагата по негова
замена.
„Газета дело Спорт“ пренесува дека прва мета на „нероаѕурите“ е
капитенот на ПСЖ, Приснел Кимпембе, кој оваа сезона добива мала

минута. Со доаѓањето на Шкриниар во ПСЖ неговата минутажа
додатно ќе се намали, па Французнот е спремен да ја промени
средината.
Вредноста на 27-годишниот дефанзивец во моментов е околу 40
милиони евра, но Интер ќе мора да ја победи конкуренцијата.
Имено, за Французинот интерес покажуваат уште Јувентус и
клубовите од Премиер лигата.

Дефанзивецот на Барселона, Серхи Роберто ќе го продолжи договорот
со клубот денеска или најдоцна утре. Според информациите на
шпанските медиуми, актуелниот договор на шпанскиот фудбалер со
Барселона истекува на крајот од сезоната, но веќе се е договорено за
новата соработка.
Денеска Роберто треба да дојде во попладневните часови на состанок
во канцеларијата на клубот на кој ќе биде и официјалното
потпишување на новиот договор.
31-годишниот дефанзивец е дете на Барселона. Тој е во тимот од 2006
година.

Иако има понуда од Саудиска Арабија, Серхио Рамос најверојатно ќе
остане и следната сезона во дресот на француски ПСЖ. Според
француски „Л’Екип“, Рамос е во напредни преговори со ПСЖ и
доколку нема непредвидени ситуации, Рамос ќе остане во ПСЖ и
следната сезона.
Според информациите, агентот на Серхио Рамос се надева на нов
договор за да може престојот во Париз да продолжи и по оваа сезона.
Во ПСЖ се расположени да му понудат нова едногодишна соработка,
која веројатно ќе се случи во скоро време.

Германскиот репрезентативец, Каи Хаверц на лето би можел да го напушти Челзи, пренесуваат англиските медиуми.

Германецот оваа сезона не игра на препознатливото ниво, а медиумите тврдат дека сака да ја промени средината на крајот на сезоната.

Хаверц веќе го известил својот агент и доколку Челзи не избори пласман во Лигата на шампиони тој сигурно ќе побара трансфер. Хаверц има договор со „сините“ за уште две години, а медиумите тврдат дека силен интерес за него покажува Баерн Минхен.

Челзи нема да се противи на неговото заминување и му поставил цена од 60 милиони фунти.

Марсел Сабицер не беше задоволен од статусот во Минхен и во последниот ден од преодниот рок се пресели во Манчестер Јунајтед на позајмица до крајот на сезоната.

„Црвените ѓаволи“ немаат опција за откуп на лето, па двата клуба ќе треба да седнат на преговарачка маса, а Австриецот не сака назад во Минхен.

Сабицер брзо се прилагоди на новата средина и би сакал да остане  на „Олд Трафорд“, а Баерн нема ништо против да го продаде.

Баварците за неговата слобода бараат 20 милиони евра, сума која нема да биде проблем за „црвените ѓаволи.

Хусем Ауар го одбил трансферот во Манчестер Јунајтед, пренесуваат англиските медиуми.

24-годишниот плејмејкер до минатото лето беше на радарот на многу европски гиганти, но реши да остане во Лион. Ауар влезе во последната година од договорот и на крајот на сезоната ќе биде слободен агент, па од јануари почна да преговара со заитересирануте клубови.

Англиските медиуми пренесуваат дека Манчестер Јунајтед покажал конкретен интерес, но Французинот одбил да се пресели на „Олд Трафорд“.

Ауар веќе се договорил со Ајнтрахт Франкфурт, кој му гарантира првотимски статус и ќе потпише 4-годишен договор со германскиот клуб.