Столбот во одбраната на Челзи, Тијаго Силва, заработи повреда на лигаментите од коленото, поради што ќе биде надвор од фудбалскиот терен во наредните шест недели, објави клубот од „Стенфорд Бриџ“.

Бразилецот се повреди на натпреварот од Премиер лигата против Тотенхем, кога од игра излезе во 19.минута, а неговата екипа доживеа пораз од 2:0.

Доколку 38-годишниот Силва отсуствува шест недели, тогаш тој ќе го пропушти реваншот во осминафиналето од Лигата на шампионите против Борусија Дортмунд, како и можното четвртфинале.

Европските гиганти на лето ќе водат битка за младиот талент на Леверкузен, Флоријан Вирц.

19-годишниот Вирц важи за еден од најперспективните фудбалери во Германија и сите експерти му предвидуваат голема кариера.

Леверкузен нема лесно да го пушти својот „бисер“, особено поради фактот што Вирц има договор до 2027 година.

„Билд“ тврди дека Баерн Минхен е фаворит за неговиот потпис, но треба да ја победи конкуренцијата од Барселона, Милан и Манчестер Сити.

Вирц е офанзивен играч за врска, кој оваа сезона на 9 настапи постигна 2 гола и 4 асистенции.

Англискиот премиерлигаш Челзи предводен од тренерот Греам Потер, поминува низ резултатски доста тежок период, и голема е веројатноста англискиот стручњак да добие отказ од позицијата.

Последен пораз кој екипата од Стенфорд Бриџ го доживеа во Премиер лигата беше на дуелот со градскиот ривал Тотенхем.

Евентуален пораз на Челзи од Лидс во следното коло на Премиер лигата би можело да доведе до одлука за отказ на 47-годишниот Потер.

Како тренери кои се споменуваат за можни наследници на Потер се Жозе Мурињо кој е актуелен тренер на Рома и поранешен тренер на Челзи, потоа Маурицио Почетино, Луис Енрике, Зинедин Зидан, и тренерот на Атлетико Мадрид, Диего Симеоне.

Јулијан Алварез блесна на Светското првенство и беше еден од најзаслужните за освоената титула на Аргентина.

Аргентинецот пристигна минатото лето на „Етихад“ за 18 милиони евра, но не добива голема минутажа. Напаѓачот не може да се избори за место во стартниот тим покрај Халанд, па е спремен да ја промени средината.

Таквата ситуација е спремен да ја искористи Интер, кој сака да го доведе на „Џузепе Меаца“ на местото од Ромелу Лукаку.

„Калчомеркато“ пренесува дека „нероаѕурите“ се спремни да понудат 50 милиони за неговиот потпис, меѓутоа Гвардиола не сака да се откаже од Аргентинецот.

Милан наводно тргна во поход на потписот на Данецот Јеспер Линдстром, кој го носи дреот на германски Ајнтрахт Франкфурт.

Спортскиот директор на Милан, Паоло Малдини внимателно го следи Линдстром на настапите во Лигата на шампионите и во него гледа голем потенцијал за Милан следната сезона.

Медиумите пишуваат и дека клубот ги истражува можностите летово да го ангажира Линдстром, но преговорите би почнале по завршувањето на сезоната.

Ливерпул размислува да му понуди на италијанскиот шампион Милан сензационална трампа, пренесуваат медиумите на Островот.

Имено, „црвените“ се силно заинтересирани за ѕвездата на Милан и најдобар фудбалер во Серија А за минатата година, Рафаел Леао. Милан не сака да го продаде Португалецот, но доколку не стави потпис на нов договор на лето ќе мора да разгледува понуди.

Клоп е голем симпатизер на играта на Леао и е спремен да го „жртвува“ Луис Диаз за да го донесе на „Енфилд“. Милан пак во Колумбиецот гледа идеална замена за Леао, но бара доплата од најмалку 30 милиони евра.

Бојан Миовски со своите одлични настапи во дресот на Абердин во Шкотска привлекува се поголемо внимание.

Вчера се пишуваше дека интерес за Миовски покажал актуелниот премиерлигаш Саутемптон, а денес пристигнува вест за понуда од Турција. Очигледно настапите на Миовски и тоа како се следат, а има и зошто.

Турските медиуми објавија дека Бешикташ одредено време го следел Миовски и испратил понуда во износ од 1.8 милиониу евра со тоа шкотскиот тим би добил процент од следниот трансфер. Сепак, ваквата понуда Абердин веднаш ја одбил и ја оценил како „смешна“:

Миовски игра фантастична прва сезона за Абердин и во овој момент е трет стрелец во најсилната конкуренција во Шкотска со 15 постигнати голови на 27 натпревари.

Директорите на Интер ќе имаат кризна средба со тренерот Симоне Инзаги утре, пренесуваат италијанските медиуми.

Тимот претрпе непријатен пораз од Болоња, а после мечот директорите на Интер не се појавија пред медиумите. Единствено тренерот Инзаги и Лаутрао Мартинез беа единствени кои дадоа изјава и јавно го кажаа разочарувањето.

Раководството сака да проведе разговори со тренерот за што побрзо надминување на негативните резултати. Интер загуби бодови со Монца, Емполи, Сампдорија и Болоња, па тоа ги загриѓува директорите.

Од витално значење за клубот е пласман во Топ 4 на крајот на сезоната, како и пласман во четвртфиналето од ЛШ.

Франк Кеси ова лето пристигна во Барселона како големо засилување, но само после една сезона ќе го напушти „Камп Ноу“.

Кеси не е задоволен од третманот што го има во Барселона каде добива мала минутажа и главно е на клупата за резерви. Поради тоа репрезентативецот на Брегот на слоновата коста сака да ја промени средината, а иако се шпекулираше дека може да се врати во Серија А, сепак е најблиску до Премиер лигата.

Имено, силен интерес за него покажува Антонио Конте, а Тотенхем веќе стапил во контакт со неговиот агент и е спремен да понуди 25 милиони евра.

Италијанските клубови го сакаат Кеси само на позајмица, а Барселона е спремна да ја прифати понудата на Тотенхем.

Манчестер Јунајтед е силно заинтересиран за дефанзивецот на Наполи, Кин Мин, пренесуваат италијанските медиуми.

Ким Мин пристигна минатото лето во Наполи и се покажа како одличен трансфер на италијанскиот клуб. Наполи за неговиот потпис му плати на Фенербахче 18 милиони, а Ким Мин одлично го замени Кулибали и се покажа во одлично светло.

Кореецот го привлече вниманието на Манчестер Јунајтед кој сака да го доведе на „Олд Трафорд“ на лето. „Црвените ѓаволи“ се спремни да ја платат откупната клаузула во неговиот договор која изнедува 50 милиони евра.

Наполи не сака да се раздели со дефанзивецот и веќе му понуди нов договор со повисока плата и повисока откупна клаузула.