Главна трансфер цел на Баерн Минхен на лето ќе биде Душан Влаховиќ, пренесуваат германските медиуми.

Српскиот напаѓач не се снаоѓа баш најдобро во Јувентус, наводно играта на тимот воопшто не му одговара и е спремен да ја промени средината.

Јувентус исто така е спремен да слушне понуди бидејќи е во финансиски проблеми после големиот скандал и казната, па најверојатно ќе остане без пласман во Лигата на шампиони.

Баерн нема да штеди пари за да го доведе Влаховиќ и наводно веќе имал средба со неговиот агент, а е спремен да понуди 85 милиони евра за неговиот потпис.

Барселона е незадоволна од барањата на Ла Лига. Поради прописите донесени во шпанскиот фудбал, Каталонците се значително ограничени на трансфер пазарот и имаат големи потешкотии да регистрираат нови играчи.

Според „Cadena SER“, во таборот на Барселона веруваат дека правилата немаат практична вредност и само работат на тоа да им го отежнат животот на тимовите. И покрај фактот што менаџерот на Барселона, Чави, повеќепати изјави за веројатно засилување на тимот во зимскиот преоден рок, тимот не ангажираше ниту еден играч во јануари 2023 година.

Во исто време, Каталонците се разделија со Мемфис Депај. Холанѓанецот замина во Атлетико Мадрид.

Фудбалскиот клуб Париз Сен Жермен поднесе жалба до Професионалната фудбалска лига на Франција во врска со неуспешниот трансфер на Хаким Зијеш.

Француската професионална фудбалска лига денес ја одби жалбата нa ПСЖ, поради неприфаќањето на договорот со Хаким Зијеш бидејќи истиот бил испратен предоцна и не може да биде регистриран, изјавија одговорните за овај случај.

Мароканскиот фудбалер успешно ги помина медицинските прегледи,и неговиот трансфер во клубот од Париз беше скоро извесен. Меѓутоа целата работа требаше да биде готова до полноќ, кога истекуваше преодниот рок. Челзи три пати испратил погрешно потпишан договор, и кога најпосле била испратена точната верзија, рокот за трансфери веќе бил поминат.

Од Париз Сен Жермен сметаат дека Челзи е крив за нереализираниот трансфер, меѓутоа од фудбалската лига на Франција е одлучено дека Зијеш не може да биде регистриран, со што парижаните останаа без планираното зимско засилување.

Стоук Сити го објави потписот со дефанзивецот на Манчестер Јунајтед Аксел Туанзебе на својата официјална веб-страница. Двете страни потпишаа договор за позајмица до крајот на сезоната 2022/23.

Туанзебе стана петтото засилување на Стоук Сити во зимскиот преоден рок. Трансферот на дефанзивецот на Манчестер Јунајтед го коментираше и тренерот на тимот од Чемпионшип лигата Алекс Нил.

„Беше важно да ги прошириме нашите одбранбени ресурси. Аксел е играч кој добро го познава Чемпионшип и сака повторно да се тестира на ова ниво“, изјави Нил за прес-службата на Стоук Сити.

Да потсетиме дека Туанзебе беше дел од младинскиот погон на Манчестер Јунајтед, но не можеше да се наметне во првиот тим на „црвените ѓаволи“.

Олимпик Марсеј реши да инвестира сериозна сума во нов напаѓач, па го собори клупскиот трансфер рекорд во финишот на зимскиот преоден рок.

Францускиот прволигаш платил 32 милиони евра за Витиња, голгтерот на Брага, за кого се интересираа и многу побогати и поуспешни европски клубови.

Игор Тудор доби сериозно засилување во сезоната во која Марсеј има мало заостанување зад лидерот ПСЖ и амбициите се да биде обезбеден настап во Лигата на шампионите.

Португалскиот клуб ќе добие 10 проценти од следниот трансфер на 22-годишниот фудбалер, а интересно има опција и да го откупи договорот на Витиња за 70 милиони евра.

Рома го договори трансферот на Диего Љоренте од Лидс, кој доаѓа на позајмица до крајот на сезоната.

Шпанецот ќе ја засили одбраната, што беше приоритет на Мурињо во зимскиот преоден рок. Љоренте во 2020 година за сума од 20.000.000 евра од Реал Сосиедад се пресели во Лидс, каде запиша 59 настапи.

Рома на крајот на сезоната ќе може да го откупи договорот на Љоренте за 10 милиони евра.

Покрај потписот на Жоржињо од Челзи, Арсенал направи уште два договори во последниот ден од јануарскиот преоден рок. „Топџиите“ во други клубови ги префрлија дефанзивецот Седрик Соареш и играчот од средниот ред Алберт Самби Локонга.

Соареш се пресели во Фулам. Португалецот беше донесен на „Кревин Котиџ“ на експресно инсистирање на менаџерот Марко Силва, со кого работеа заедно во Спортинг Лисабон.

Самби Локонга ќе ја заврши сезоната како позајмен во Кристал Палас. 23-годишниот Белгиец има само 6 настапи во Премиер лигата од почетокот на сезоната. За него имаше понуда од Монако, но Арсенал не сакаше да го продаде талентираниот играч за врска.

Фудбалерот на Борусија Дортмунд, Торган Азар, својата играчка кариера ќе ја продолжи во екипата на ПСВ Ајндховен.

Азар во дресот на тимот од холандското првенство ќе настапува како позајмен играч до крајот на сезонава. Белгиецот кој е еден од тројцата браќа Азар, има актуелен договор со Дортмунд до летото 2024.година.

Торган Азар е еден од фудбалерите со највисока плата во тимот на „милионерите“ од Дортмунд, со годишна заработувачка од седум милиони евра. ПСВ се согласи во потполност да ја покрива неговата плата, но не се појаснува дали играчот после завршувањето на сезоната ќе се врати во Борусија.

Плејмејкерот на Торино и српски репрезентативец, Саша Лукиќ кариерата ќе ја продолжи во Премиер лигата во дресот на Фулам.

Лукиќ игра одлична сезона и го привлече вниманието на многу клубови, а беше голема желба на Жозе Мурињо кој сакаше да го доведе во Рома.

„Волчицата“ важеше како фаворит за неговиот потпис, но во трката се вклучи Фулам, кој на крајот излезе како победник и го доби неговиот потпис.

26-годишниот Лукиќ се обврза на договор со Фулам до 30.јуни 2027.година, а лондончани за него платија 8 милиони фунти.

Кејлор Навас кој освои три тутули со Реал Мадрид во Лигата на шампионите во последните моменти од преодниот рок направи трансфер во Премиер лигата во редовите на Нотингем Форест.

Клубот кој минатото лето доведе 22 играчи, беше активен и ова лето и Навас сигурно ќе биде најголемата ѕвезда во нивните редови.

Навас пристигнува на позајмица до крајот на сезоната откако претходно во ПСЖ му беше кажано дека Донарума дефинитивно ќе остане прва опција. Трансферот во Нотингем се најавуваше во претходните денови, но беше завршен во последните моменти од преодниот рок.

Навас кој сега има 36 години во кариерата бранеѓе за Алабасете, Леванте, Реал Мадрид и ПСЖ.