Менаџерот на Манчестер Јунајтед, Рубен Аморим, е уверен дека ќе најде замена за повредените Бруно Фернандеш и Коби Мејно пред домашниот натпревар од Премиер лигата против Њукасл на 26 декември.

„Мислам дека Мејно и Бруно нема да играат против Њукасл. Дефинитивно ќе најдеме решенија. Без сомнение. Треба да победиме на следниот натпревар“, рече Аморим.

Капитенот на тимот, Бруно Фернандеш не можеше да го доигра натпреварот против Астон Вила. Тој претрпе повреда на тетивата кон крајот на првото полувреме и веднаш по паузата го напушти мечот.

Напаѓачот на Ливерпул, Александар Исак, има сомнение за фрактура. Швеѓанецот се повреди додека постигнуваше гол против Тотенхем (2-1) во 17-то коло од Премиер лигата. Клубот првично ја отфрли можноста за повреда на вкрстените лигаменти.

Магазинот „Атлетик“ објави дека Исак можеби ја скршил ногата. Доколку е така, напаѓачот на Ливерпул, кој беше купен за 125 милиони фунти ова лето би можел да отсуствува од терените неколку месеци. Сепак, ќе се чекаат денешните прегледи.

Марк-Андре Тер Штеген ја носеше капитенската лента на Барселона и има договор со Каталонците до 2028 година, а ова му е веќе 12. сезона во Барселона.

Дојде во 2014 година од Борусија Менхенгладбах и помина повеќе од една деценија во Барселона. Им прерасна во срце на навивачите, се вклопи во клубот, градот, но сега би можело да дојде до промена. Иако има уште важечки договор, поединечни светски медиуми пишуваат за можен трансфер на Тер Штеген.

Прво интерес покажа Тотенхем, но сега некои медиуми пласираа изненадувачка информација. Искусниот голман во своите редови го посакува Астон Вила која оваа сезона игра прекрасно во Премиерлигата. Астон Вила би сакала да го доведе Тер Штеген дури во јануари, но прашање е колку е сето тоа реално?

Секако дека оваа вест малку го вознемири фудбалскиот пазар, дојде неочекувано. Но, како што велат, каде што има дим, има и оган.

Марк-Андре Тер Штеген веќе подолго време не е во прв план во Барселона. Со доаѓањето на Ханси Флик на клупата на каталонскиот клуб, статусот на германскиот голман се промени.

Фудбалскиот клуб Црвена звезда денес се раздели со својот тренер Владан Милојевиќ со кој го раскина договорот по лошите резултати оваа сезона.

Тоа што претходно беше и најавено во српските медиуми, денеска е и официјално потврдено.

„Фудбалскиот клуб Црвена звезда ја информира јавноста дека со взаемна согласност е раскинат договорот на Владан Милојевиќ кој веќе нема да ја извршува функцијата шеф на стручниот штаб на нашиот клуб“, се вели во соопштението на црвено-белите.

Се верува дека наскоро Црвена звезда за нов тренер ќе го назначи Дејан Станковиќ.

Напаѓачот на Галатасарај, Виктор Осимен, го советувал својот сонародник, напаѓачот на Аталанта, Адемола Лукман, да размисли за трансфер во турскиот клуб пред јануарскиот преоден рок, објави „Дејлиспортс“ , повикувајќи се на турското издание „А Спорт“.

Лукман размислува да го напушти италијанскиот клуб по неуспешниот летен преоден рок, а Галатасарај е фаворит за негово потпишување. Според извор, Осимен го поддржал потенцијалниот трансфер.

Оваа сезона, напаѓачот на турскиот клуб постигна 12 гола на 16 натпревари. Лукман, пак, има два гола и една асистенција на пет натпревари за Аталанта.

Италијанскиот клуб Милан размислува да го потпише централниот дефанзивец на Борусија Дортмунд, Никлас Зуле , според новинарот и инсајдер Николо Шира, кој го објави ова на својот профил на социјалните мрежи.

30-годишниот дефанзивец веројатно нема да го обнови договорот со клубот, кој истекува следното лето. Минатата недела, претставници на Зуле се сретнаа со раководството на Милан за да разговараат за евентуален трансфер. Според извештаите, играчот бара договор најмалку до 2028 година и размислува за преселба во Серија А.

Вреди да се напомене дека дефанзивецот има само пет настапи за Борусија Дортмунд во сите натпреварувања оваа сезона, а во моментов е проценет на 5 милиони евра.

Вардар по неколку години резултатски пост, сезонава е оној вистинскиот. Под водство на тренерот Гоце Седлоски, есенската титула повторно е во рацете на нашиот најтрофеен клуб.

Вардар одигра на потребното ниво , а притисокот што се створи околу тимот и очекувањата како од навивачите така и од јавноста на екипата очигледно дека беа дополнителен мотив и на крајот до посакуваната цел се дојде без загубен натпревар.

„Можам да кажам дека сум презадоволен од она што Вардар како тим го одигра во есенскиот дел од шампионатот. Од секој аспект. Видовте и самите со каков притисок се соочува тимот. Едноставно сите од Вардар го очекуваат најдоброто, а тоа не е лесно да се постигне. Затоа сум горд на овие момци. Што без пораз ја одработија задачата, на најдобар можен начин. Не е лесно да го носиш дресот на Вардар. Секој противник е на највисоко ниво кога игра против Вардар. Тоа се потврдува од меч во меч. Едноставно тоа е така. Навикнати сме на тоа. Така и е создавана оваа екипа. Од момци кои што очигледно можат да се носат со тој притисок. Им честитам за тоа“ – вели тренерот на Вардар, Гоце Седлоски.

На половина сме од шампионатот. Есенската титула годи, таа е награда за сето она што се направи во првиот дел од сезоната, но далеку од тоа дека се е готово. Напротив.

„Токму така. Не чека уште многу работа. Многу труд, многу напор за да се стигне до посакуваната цел. Ништо не е готово, напротив. На пролет не чека уште потежок пат кон она што се стремиме да го оствариме. Успесите кога е во прашање Вардар се неминовност, самите по себе се наметнуваат, а само најсилните и најхрабрите се способни да ги остварат. Затоа сум особено горд на сите оние кои во моментов се дел од овој колектив“ – заврши шефот на стручниот штаб на “црвен0-црните”

Арсенал моментално се наоѓа на врвот на Премиер лигата со два бода повеќе од Манчестер Сити. Остануваат уште три натпревари до крајот на календарската година.

Потоа следува обезбедување на топ 8 во Лигата на шампионите и продолжување на борбата за титулата. Веднаш на 3 јануари. Како што се зборува, можеби наскоро ќе можат да се ослободат од важен товар од грбот.

Букајо Сака е на пат да го продолжи договорот до 2031 година.

Притоа ќе биде првиот играч во историјата на Арсенал, чија плата ќе биде над 300.000 евра на неделно ниво.

Младиот англиски напаѓач, досега има одиграно 21 натпревар оваа сезона. Има постигнато 7 гола и 3 асистенции.

Како што се ближи крајот на годината, фудбалските клубови ширум светот оценуваат не само спортските успеси, туку и постигнувањата надвор од теренот. Еден од главните индикатори на глобалната популарност е секако продажбата на дресови, а 2025 година донесе досега невидени резултати.

Според најновото истражување на Euromericas Sport Marketing, Реал Мадрид оствари рекорд без преседан и стана најпродаваниот фудбалски клуб во светот – со значителна предност пред конкурентите.

Во последните 12 месеци, врз основа на податоците финализирани во ноември, клубот од Мадрид успеа да продаде дури 3.133.000 дресови на глобално ниво. Со тоа, Реал Мадрид стана првиот клуб кој надминал три милиони продадени дресови во една година, потврдувајќи ја својата непогрешлива глобална досегливост, информира шпанскиот AS.

Барселона заврши на второто место со 2.940.000 продадени дресови, додека ПСЖ ја зазема третата позиција со 2.546.000. Вечното ривалство меѓу Реал и Барса продолжи и надвор од теренот, но овој „комерцијален Класико“ беше убедливо добиен од мадридскиот гигант.

Топ 10 клубови по продажба на дресови во 2025 година
Истражувањето исто така ги истакна десетте клубови со најголема продажба на дресови во текот на годината. Покрај Реал Мадрид, Барселона и ПСЖ, на листата се најдоа уште и:Баерн Минхен, Интер Мајами i Бока Јуниорс.

Иако во последните денови во фокусот на Ливерпул е ситуацијата околу Мохамед Салах, кој изјави дека се чувствува како клубот да го “фрли под автобус”, раководството од Енфилд веќе прави планови за летото 2026 година. Според пишувањето на германскиот TZ, на Црвените им е „понудена“ ѕвездата на Баерн, стоперот Дајот Упамекано.

На францускиот дефанзивец договорот со Баерн му истекува на крајот на сезоната, што значи дека според Босмановото правило веќе од 1 јануари може да преговара со други клубови за премин без надомест. Можноста да се ангажира еден од најдобрите стопери во Бундеслигата како слободен играч привлече, покрај Ливерпул, и великани како Реал Мадрид и Пари Сен-Жермен.

Иако се наведува дека Упамекано е среќен во Минхен, преговорите за новиот контракт запнале на две клучни точки. Првата пречка е барањето на неговиот агент за вклучување откупна клаузула од 65 милиони евра. Баерн начелно се противи на вакви клаузули, иако неодамна попуштија во преговорите со Хари Кејн и Џамал Мусиала.

Вториот проблем е платата. Упамекано бара годишен приход од 18 милиони евра, што изнесува околу 346 илјади евра неделно, а баварскиот гигант не е подготвен да понуди толку голема сума.

Токму тука ја гледа својата шанса Ливерпул, кој наводно внимателно ја следи развојот на ситуацијата и е подготвен да реагира доколку стане јасно дека францускиот репрезентативец ја напушта Баварија. Упамекано е идентификуван како алтернатива во случај да пропадне трансферот на капитенот на Кристал Палас, Марк Гехи.