Џим Ратклиф, кој е познат како најбогатиот Британец е првиот
кандидат за купување на акциите на Манчестер Јунајтед.
Денес неговата компанија „Ineos“ официјално за „Тајмс“ потврди
дека покажува интерес и го започнале процесот за купување на
акции од Манчестер Јунајтед.
Семејството Глејзер, кое е сопственик на Манчестер Јунајтед
последните 17 години во ноември потврди дека клубот е на
продажба. На почетокот на февруари сите кандидати треба да ги
достават понудите, а се тврди дека сопствените бараат 5
милијарди фунти. 70-годишниот Ратклиф е фан на Манчестер
Јунајтед од дете, а беше и еден од кандидатите за да го купи
Челзи, но не успеа да ја подобри понудата од Тод Боели, кој за
клубот од „Стенфорд Бриџ“ плати 4,25 милијарди фунти.
Неговата компанија веќе е сопственик на два клуба, француска
Ница и швајцарскиот Лозана Спорт.

Играчот на ПСЖ, Пабло Сарабија, ја прифатл понудата на Вулверхемптон и кариерата ќе ја продолжи во Премиер-лигата, тврдат медиумите во Англија.

Информацијата на Твитер ја потврди и познатиот италијански спортски новинар, Фабрицио Романо.

Тој напиша дека  Сарабија заедно со Жоао Гомез, деновиве ќе бидат претставени како засилувања за клубот.

Островските медиуми пренесуваат дека е можно доаѓање во Манчестер Јунајтед на 33-годишниот фудбалер на Борусија Дортмунд, Марко Ројс.

Според овие информации, менаџерите на Ројс, веќе оствариле контакт со челниците на Јунајтед околу можноста за трансфер на Германецот. Неговиот договор со Дортмунд истекува на крајот од сезонава.

Ројс требаше да настапува на СП во Катар, меѓутоа поради добиена повреда пред стартот на првенството, тој отпадна од списокот на репрезентацијата.

Ројс во жолто-црниот дрес на Дортмунд има одиграно вкупно 252 натпревари и постигна 110 гола.

Водечкиот клуб во Премиер лигата, Арсенал, се насочува кон трансфер на играчот од Вест Хем, Деклан Рајс. Според информациите од медиумите, Рајс ќе биде трансфер мета број еден за Арсенал во летниот преоден рок.

Рајс има договор со Вест Хем до крајот на следната сезона. Во меѓувреме се појавија и шпекулации дека тој уште во јануари би можел да ги напушти популарните „чекани“, но нема никаква потврда за таков трансфер.

Сумата која се споменува за ангажман на англискиот репрезентативец изнесува околу 80 милиони фунти. Најголем конкурент на Арсенал во доведувањето на Рајс ќе биде Челзи, кој исто така има желба да го доведе фудбалерот во своите редови.

Пауло Дибала може да ја напушти Рома на крајот на сезоната, ако римскиот клуб не обезбеди пласман во Лигата на шампиони, открива „Газета дело Спорт“.

Во договорот на Дибала има откупна клаузула, ако Рома не игра во Лигата на шампиони, Аргентинецот ќе може да си замине за само 12 милиони евра.

29-годишниот Дибала ова лето пристигна во Рома без обештетување и до сега на 16 меча директно учествувал на 13 гола за „волчицата“. Поради тоа Рома е подготвена да му понуди нов договор на Аргентинецот. Дибала во моментов има плата од 4.2 милиони евра по сезона, која би била зголемена на 6 милиони евра, со што би се отстранила клаузулата.

Челниците на фудбалскиот состав Милан ќе се обидат да го купат голманот на второлигашот француски Сент Етјен – Ноа Ревир.

„Росонерите“ имаат постојани проблеми со голманите: Мајк Меињан, Ципријан Татарушану и Антонио Миранте и затоа неодамна потпишаа договор со Колумбиецот, Дејвис Васкез.

Тие сега се обидуваат да преговараат и за 17-годишниот играч чиј договор истекува на лето.

Рафиња категорично ја одбил можноста да ја напушти Барселона и да се пресели во Арсенал.

Рафиња ова лето дојде како големо засилување во Барселона за 65 милиони евра, меѓутоа Каталонците не се задоволни од неговиот допринос и како се вклопи во тимот, па се спремни да го продадат. Арсенал го сакаше Бразилецот и минатото лето додека играше за Лидс, па сега повторно се обиде да го донесе на „Емирати“.

Меѓутоа, „Мундо Депортиво“ пренесува дека Рафиња по втор пат му кажал НЕ на Арсенал, бидејќи сака да остане во Барселона.

Арсенал е во потрага по засилување во нападот, па откако пропадна трансферот на Мудрик, се насочи кон Рафиња.

Колумбискиот напаѓач, Џон Дуран, ќе го напушти американскиот состав Чикаго и ќе се пресели во редовите на Астон Вила.

Англискиот фудбалски состав ќе плати 22 милиони долари за потписот на 19-годишниот играч кој постигна осум гола во изминатата сезона во Мејџор Лигата. 

Трансферот на Дуран ќе се реализира откако ќе се исполнат условите за добивање на работна виза за Велика Британија.

Кристијано Роналдо ќе го предвооди „Ол Стар“ тимот на Ријад составен од фудбалери на Ал Наср и Ал Хилал на пријателскиот меч против француски ПСЖ закажан на 19 јануари.

Средбата ќе се одигра во рамките на турнејата на францускиот шампион во Катар и Саудиска Арабија.

Португалецот официјално ќе дебитира за екипата од Саудиска Арабија на 22 јануари против Ал Итифак во рамките на домашниот шампионат.

Новото засилување на фудбалскиот состав Манчестер Јунајтед, Вут Вегхорст, изјави дека очекува добри партии во продолжението од сезоната во Премиер-лигата.

„Јас сум напаѓач кој сака да постигнува голови. Тимот игра одлично во последниов период. Знам дека можам да помогнам. Ќе дадам се од мене за да бидам уште подобар во Јунајтед“, изјави Холанѓанецот кој е времено ангажиран од Бешикташ за обештетување од 2,5 милиони фунти.