Спортинг и Виктор Ѓокереш се договориле цената на напаѓачот да биде поставена на 70 милиони евра наместо на 100 милиони евра колку што изнесува откупната клаузула.

Виктор Ѓокереш игра во одлична голгетерска форма во Спортинг, па напаѓачот е во бележникот на неколку гиганти ширум Европа како Манчестер јунајтед, ПСЖ, Барселона, Реал Мадрид и Баерн Минхен.

Често се говори дека Рубен Аморим инсистира на ангажман на напаѓачот, но проблем може да биде тоа што „ѓаволите“ следната сезона тешко ќе играат во Европа.

Доколку има простор за една ваква зделка, клубот од Олд Трафорд ќе треба да одвои околу 70 милиони евра.

Како што пренесува „А Бола“, Спортинг и Виктор Ѓокереш седнале на состанок и ја одредиле оваа бројка како трансфер сума за летниот преоден рок.

Откупната клаузула на Виктор Ѓокереш е поставена на 100 милиони евра, па ќе биде даден значителен попуст за Швеѓанецот да може полесно да ја промени средината.

Македонскиот репрезентативец, Елиф Елмас игра одлично од пристигнувањето во Торино каде што настапува како позајмен фудбалер и во дресот на „биковите“ веќе постигна три гола.

Последниот гол Елмас го постигна изминатиот викенд во кој Торино ремизираше против Парма 2-2.

Елмас на оваа средба го отвори резултатот во 19. минтуа, но на крајот тој не беше доволен за победа на неговиот тим. Покрај погодокот, Елмас активно учествуваше и во играта на Торино се до 69. минута кога беше заменет.

Таквиот настап му донесе и место во тимот на колото во Серија А со оценка од 7.5.

Европската ракометна федерација ги објави деталите за шеширите пред ждрепката за квалификациите за ЕП 2026 кое за првпат во историјата ќе се игра дури во пет држави – Романија, Полска, Чешка, Словачка и Турија.

Женската репрезентација на Македонија за малку не успеа да се најде во вториот шешир, па од третиот ќе ги чека своите противници на патот кон уште едно големо натпреварување.

Покрај Македонија, во третиот шешир се најдоа Украина, Португалија, Италија, Грција и Косово, со што нема да играме против нив.

Пласман на ЕП 2026 покрај петте домаќини обезбедија и триото медалисти од ЕП 2024 – Норвешка, Данска и Унгарија, а слободни остануваат уште 16 места за кои ќе се борат 24 селекции поделени во шест квалификациски групи. Место на ЕП обезбедуваат прво и второпласираните од групите, како и најдобрите четири од шесте третопласирани, па македонските ракометарки не би требало да имаат проблеми да обезбедат настап на ново големо натпреварување преку квалификации.

Ждрепка ЕП 2026, жени:

шешир 1: Франција, Шведска, Холандија, Германија, Црна Гора, Шпанија
шешир 2: Словенија, Хрватска, Австрија, Швајцарија, Србија, Исланд
шешир 3: Македонија, Украина, Португалија, Италија, Грција, Косово
шешир 4: Фарски Острови, Финска, Израел, Босна и Херцеговина, Литванија, Белгија

Ждрепката ќе се одржи во романскиот град Клуж на 20 март од 17:00 часот.

Квалификациите ќе се играат од 15 до 19 октомври 2025, од 4 до 8 март 2026 и 8 до 12 април 2026 година.

Share.
Facebook
Twitter
Pinterest
LinkedIn

Рапрезентацијата на Македонија do 15 години загуби од Хрватска со 0-3 во рамките на првиот контролен натпревар одигран помеѓу овие две селекции на тренинг центарот „Петар Милошевски”, во Скопје.

Драго Шкерго во 34. минута го отвори резултатот на денешната средба. Три минути подоцна, противникот преку Трајановски го зголеми своето водство. Најдобрата прилика во првиот дел, Македонија ја имаше преку Спироски, кој одлично биеше од слободен удар, но голманот на Хрватска со одлична интервенција ја зачува својата мрежа.

Во продолжението, Спировски на два пати се закани по голот на Хрватска, но без реализација.Крстевски во 61. минута имаше одлична прилика, но голманот на Хрватска уште еднаш одлично интервенираше. Биланџиќ во 86. минута погоди за конечни 3:0.

МАКЕДОНИЈА – ХРВАТСКА 0-3 (0-2)

Македонија: Димитар Петров, Михајло Павлов, Матеј Бочески (Џихан Ибрахими, Матеја Масев, Амар Акики (Илија Аксентиев), Лука Спироски (Медин Емини), Дардан Адеми (Огнен Сивевски), Павел Стојанов (Филип Наумовски), Марин Крстевски (Виган Таири), Адриан Велески (Кристијан Нелоски), Благојче Седлоски

Селектор: Илами Исејни

Македонија до 21 година ќе се соочи со Белорусија и Азербејџан во турска Анталија.

Репрезентацијата на Македонија до 21 година во периодот од 17. до 26. март патува во Анталија, Турција на подготовки со новиот селектор Горан Станиќ. Во турското летувалиште, избраниците на кои ќе смета новиот предвводник на селекцијата ќе одиграат два контролни натпревари, првиот со Белорусија, а потоа против Азербејџан.

Со Белорусија ќе се соочиме на 21. март со почеток од 14:00 часот, а четири дена подоцна, на 25. март ќе играме против Азербејџан во 18:00 часот.

Селекторот Горан Станиќ за подготовките и контролните натпревари во Турција се одлучи да ги повика следните фудбалери:

ГОЛМАНИ:
Васко Василев – Гостивар
Љупче Џеков – Силекс
Славе Вргов – А.П. Брера

ОДБРАНА:
Давид Даилоски – Венло, Холандија
Даниел Марковски – Јеншепинг, Шведска
Андреј Аризанкоски – А.П. Брера
Анес Меличи – Шкендија
Марко Стојилевски – А.П. Брера
Ѓорге Џеков – Силекс
Бенан Хамидовиќ – Магдебург, Германија
Андреј Велков – А.П. Брера
Нуман Ајетовиќ – Шкупи

СРЕДЕН РЕД:
Матеј Ангелов – Работнички
Ѓорѓи Дошев – Македонија Ѓ.П.
Адриан Зенделовски – Олимпик, Шведска
Теодор Николовски – Работнички
Мартин Ѓоргиевски – Работнички
Шабан Зенку – Струга Трим Љум

НАПАД:
Димитар Данев – Работнички
Димитар Трајков – Дуго Поље, Хрватска
Никола Величковски – Септември, Бугарија
Михаил Талевски – Вардар
Бесмир Даци – Шкупи
Кире Стојанов – Беласица
Никола Манојлов – Работнички

Челниците на Манчестер јунајтед потврдија дека англискиот клуб ќе го напушти сегашниот стадион „Олд Трафорд“ и ќе го изгради нов дом, кој ќе може да прими 100.000 гледачи.

Јунајтед ги помина изминатите 115 години на „Олд Трафорд“, култен стадион со капацитет од речиси 74.000 седишта.

Новиот стадион треба да биде изграден на земјиште во сопственост на клубот во непосредна близина на „Олд Трафорд“, пренесуваат англиските медиуми.

Планот е новиот стадион да биде во центарот на модерен комплекс кој ќе се наоѓа околу сегашниот дом на фудбалерите на Манчестер Јунајтед, кој ќе биде срушен.

„Ѓаволите“ на тој проект ќе потрошат две милијарди фунти.

„Денес започнува едно неверојатно возбудливо патување – изградбата на најдобриот стадион во светот, среде „освежениот“ комплекс „Олд Трафорд“. „Нашиот сегашен дом прекрасно ни служи во изминатите 115 години, но тој е застарен во споредба со најдобрите стадиони во светот“, рече косопственикот на клубот, Сер Џим Ретклиф, додавајќи:

„Со изградбата на новиот стадион во непосредна близина на постоечкиот, ќе ја зачуваме суштината на Олд Трафорд – а во исто време ќе им овозможиме на навивачите сосема поинакво искуство на само еден камен од нашиот историски дом“.

Стадионот ќе изгледа како „чадор“, ќе има нов јавен плоштад кој ќе биде „двојно поголем од плоштадот „Трафалгар“, а за дизајнот е одговорно архитектонското студио „Фостер и партнери“.

Клубот, кој во моментов е долг повеќе од милијарда евра, не објави како ќе ја финансира изградбата на стадионот.

Сепак, проектот на Јунајтед предвидува изградба на целата површина околу стадионот и ќе отвори 92.000 нови работни места, ќе донесе 17.000 нови домови и прилив од речиси два милиони дополнителни посетители годишно.

рилниот фудбалер на Баер Леверкузен, Жереми Фримпонг планира да го напушти клубот на крајот од сезоната, дознава „Скај Спортс Германија“.

Фримпонг беше еден од клучните играчи минатата сезона, која Баер ја заврши непоразен во домашните натпреварувања и ги освои трофеите во Бундеслигата и Купот на ДФБ.

Единствената титула што не ја освои тимот предводен од Чаби Алонсо е онаа наменета за победникот во Лига Европа, клубот од Леверкузен беше поразен од Аталанта во финалето.

Алонсо во тековната сезона почесто игра со четворица одбранбени играчи, додека бековите Фримпонг и Грималдо ги користи на крилните позиции.

Фримпонг оваа сезона се мачеше со повреди, поради што пропушти голем број натпревари.

За 24-годишниот фудбалер се заинтересирани бројни богати клубови. Медиумите шпекулираат дека тој би можел да премине во Манчестер јунајтед, додека германски „Скај Спортс“, тврди дека негови фаворити се Реал Мадрид и Барселона.

Договорот на Фримпонг истекува во летото 2028 година.

Баер е на второто место во Бундеслигата со 53 бода, осум помалку од лидерот Баерн.

Раководството на Милан ја засилува својата работа за создавање на нова спортска структура во клубот, која би придонела за поуспешен развој во спортско-техничкиот аспект поради незадоволителната сезона досега, информира „Газета дело Спорт“.

Како дел од овие напори, се очекува во следните денови да започнат состаноците со потенцијалните кандидати за позицијата спортски директор на тимот.

Во овој момент, се истакнува името на поранешниот извршен директор на Јувентус и Тотенхем, Фабио Паратичи. Другиот главен кандидат за позицијата е Игли Таре од Лацио. „Росонерите“ активно бараат нов спортски директор, но се засилуваат наводите дека во „Сан Сиро“ веќе се размислува и за нов тренер.

Најверојатно Сержо Консеисао ќе биде ослободен на крајот од сезоната, бидејќи играњето на тимот по неговото именување на 30 декември 2024 година е незадоволително. Во последните денови, сè почесто се поврзува името на Максимилијано Алегри со Милан, а токму добрите односи со Фабио Паратичи, со кого работеше неколку години во Јувентус, ги наведува медиумите во Италија да ги начинат како исклучително веројатен нов тандем на чело на „росонерите“ од летово.

Обвинителството во Португалија ќе истражува наводни прекршувања при трансфери меѓу Бенфика и Валенсија. Информацијата беше објавена во понеделник наутро од elDiario.es и дополнително обработена од Superdeporte – издание кое внимателно ги следи важните настани во Валенсија. Во овие трансакции се вклучени фудбалери како Жоао Кансело, Родриго Морено и Андре Гомеш.

„А БОЛА“ исто така доби пристап до дигиталната документација, разменета помеѓу Мигел Сорио, поранешен претседател на Валенсија и автор на обвиненијата за наводни криминални дела извршени од Бенфика и Валенсија, и ДЦИАП (Централен оддел за истраги и кривична прогона), каде што Шпанецот ја прашува португалската власт за прашањето.

Мигел Сорио откри наводно незаконски зделки за купопродажба на играчи меѓу клубовите – факти кои ги истражува прокуратурата, како што е изложено во документацијата до која elDiario.es доби пристап. Според обвинението, извршени се кривични дела поврзани со проневера, корупција и перење на пари, меѓу други прекршувања.

Трансферите на шпанскиот репрезентативец Родриго Морено и португалскиот среднореден играч Андре Гомеш се два од посочените случаи. Зделката за Родриго е завршена за 30 милиони евра, додека Андре Гомеш премина во Валенсија за 15 милиони евра. Се истражуваат големи суми исплатени на посредници и трети страни, што можеби го оштетиле шпанскиот клуб.

Во обвиненијата на поранешниот раководител се поставува под прашање и сметководствената отчетност на Бенфика во врска со зделките со аргентинскиот среднореден играч Енцо Перес и десниот бек Жоао Кансело, кои исто така преминале од „Луж“ во Валенсија.

Во рамките од 24. коло во Првата фудбалска лига на програмата е и дербито помеѓу Вардар и Шкендија кој е единствен натпревар кој ќе се одигра в петок.

Вардар и Шкендија ќе го отворат колото на 14 март в петок од 15 часот. Вардар во овој момент е осми со 21 бод, додека Шкендија е лидер на тaбелата до 49 бода, четири повеќе од Силекс и ќе се обиде да го продолжи походот кон титулата.

Натпреварот ќе се игра на тренинг центарот, Петар Милошевски.

Останатите натпревари во Првата лига се закажани за в сабота од 15:00 часот:

Брера Струмица – Силекс
Беса – Струга
Шкупи – Пелистер
Тиквеш – Гостивар
Воска Спорт – Работнички