Репрезентацијата на Македонија до 16 години следната недела ќе биде дел од меѓународниот меморијален турнир “Миљан Миљаниќ” што ќе се одржи на терените на Спортскиот центар на Фудбалскиот сојуз на Србија во Стара Пазова.

Покрај домаќинот Србија и репрезентацијата на Македонија на турнирот ќе партиципираат националните тимови на Босна и Херцеговина и Црна Гора.

Во полуфиналето Македонија на 12 мај се среќава со Црна Гора, а почетокот на натпреварот е закажан за 13 часот. Во вториот дуел Србија за противник ја Има Босна и Херцеговина и овој меч почнува во 16 часот.

В четврток на програмата се натпреварите за пласман. Соочувањето за третата позиција стартува во 13 часот, а во 16 ќе се игра дуелот за првото место.

Селекторите на четирите репрезентации турнирот во Стара Пазова ќе го искористат како нова можност за проверка на формата на играчите кои во ноември ги очекуваат квалификации за Европското првенство што ќе се одржи следната година.

За настапот на турнирот “Миљан Миљаниќ” предводникот на македонската репрезентација, Иљами Исејни ќе смета на следниве фудбалери:

Димитар Петров (АП Брера), Илан Мемети (Лозана), Матеја Масев (Графичар), Филип Ѓорѓиоски (Вардар), Адриан Велески (Вардар), Михајло Павлов (Црвена Звезда), Илија Аксентиев (Македонија ЃП), Амар Акики (Шкендија), Никола Голејшки (Македонија ЃП), Боби Недановски (Пелистер), Ејсер Фетаи (Арсими), Аријон Алими (Македонија ЃП), Александар Полимац (ИМТ), Марин Крстевски (Црвена Звезда), Огнен Сивевски (Македонија ЃП), Благоја Седлоски (Скопје), Коста Георгиевски (Графичар), Дардан Адеми (Арсими), Стефан Ристиќ (Партизан), Филип Андоновски (Македонија ЃП).

Реал Мадрид и она што се случува во клубот, речиси секојдневно е тема во спортската јавност. Несогласувања со тренерот, физички пресметки меѓу фудбалерите и секако Килијан Мбапе се главни теми.

Најдобриот стрелец оваа сезона, Килијан Мбапе и неговото заминување во Италија среде сезоната, а пред тоа имаше информации дека тој имал жестока расправија со еден од помошниците на Алваро Арбелоа, кој за време на еден тренинг имал улога на линиски судија и го му кренал офсајд на францускиот напаѓач.

Тони Крос, еден од симболите на доминацијата на Реал, зборуваше на оваа тема.

„Да бидеме искрени. Оваа ситуација не започна со доаѓањето на Мбапе, туку порано. Реал се обиде да го потпише неколку пати и секој пат беше одбиен. Кога ова се случува постојано, луѓето почнуваат да ја доведуваат во прашање намерата. Однадвор, се чинеше како Реал да се користи како лост за обезбедување подобар договор на друго место. Сега кога Мбапе конечно е тука, наместо се да биде подобро, се појавија нови проблеми“, рече Крос и додаде:

„Реал Мадрид беше функционален тим, со структура, хемија и играчи кои ги знаеја своите улоги. Кога ќе пристигне играч како Мбапе, сè се менува. Не секогаш на подобро. Тој не секогаш изгледа природно на теренот. Улогата на „деветка“ не му одговара целосно, а кога клучните играчи заземаат слични позиции, тимот губи рамнотежа. Фудбалот на врвно ниво се состои од детали. Малку нервоза може да влијае на сè.“

Ситуацијата е таква што некои играчи од сегашниот тим на Реал сигурно нема да бидат во клубот следната сезона. Не само затоа што играат лошо, туку едноставно, мора да има чистка во соблекувалната.

„Надвор од теренот, можете да ја почувствувате тензијата. Кога нема добри резултати, луѓето почнуваат да зборуваат, навивачите реагираат, медиумите реагираат, дури и во соблекувалната нешто може да се промени. Ова е нормално во клуб како Реал. Сепак, кога ќе пристигне нов играч, тој може да предизвика поделба, не поради квалитетот, туку поради неговото влијание врз групата. Веќе видовме големи трансфери кои беа неуспешни. Талентот никогаш не е доволен, ако нема рамнотежа, работите лесно можат да тргнат наопаку. На Реал му требаат не само одлични играчи, туку и единство и систем во кој сите се вклопуваат. Без тоа, дури и најпознатите имиња нема да го решат проблемот“, рече Крос.

Сопственикот на шпанскиот фудбалски второлигаш Андора, Жерар Пике доби суспензија од шест натпревари и забрана од два месеци за вршење на фудбалски активности во Шпанија поради неспортско однесување кон судиите по поразот на неговиот тим од Албасете со 0-1 изминатиот викенд.

Пике, кој 14 години го носеше дресот на Барселона, пред осум години заедно со група инвеститори ја купи Андора, која на четири кола до крајот на сезоната во Лига 2 е на 10. место на табелата.

Поради вмешаност во инцидентот, спортскиот директор Хауме Ногес, исто така, доби суспензија од шест натпревари и забрана од два месеци, додека претседателот Феран Виласека доби забрана од четири месеци.

Пике беше дел од Барселона од 2008 до 2022 година, откако ја почна својата сениорска кариера во Манчестер Јунајтед.

За време на неговите 14 години на Камп Ноу, Пике освои девет титули во Ла Лига и три во Лигата на шампиони, а со шпанската репрезентација ја освои светската титула во 2010 и европската во 2012.

ПСЖ се пласира во финалето на Лигата на шампионите откако со вкупни 6-5 го елиминира Баерн. Реваншот во Минхен, заврши без победник 1-1. Усман Дембеле постигна гол за Французите, а Хари Кејн за Германците.

Мануел Нојер бранеше извонредно за Баерн. Ветеранот имаше шест одбрани.

„Немавме убиствен инстинкт во нападот. Но, имавме доволно шанси за победа. Немавме многу чисти шанси, но мораше да бидеме подобри кога влегувавме во нив. Само погледнете го Париз. Тие се едноставно убијци. Постигнаа пет гола во првиот натпревар. Ни требаше тоа денес. Бевме блиску до финалето, но не можевме да ја завршиме работата“, изјави Нојер за ДАЗН.

ПСЖ е актуелен шампион на Европа и ќе ја брани титулата против Арсенал. ПСЖ и Арсенал ќе играат во Будимпешта во сабота, 30 мај, во малку необично време од 18:00 часот.

Фудбалерот на Арсенал, Микел Мерино, влезе во последниот период за рехабилитација и започна да работи индивидуални тренинзи, наведуваат медиумите во Англија.

Репрезентативецот на Шпанија е надвор од терените од јануари поради сериозна повреда на стапалото за која беше потребна операција и долго закрепнување.

„Топчиите“ во финишот на сезоната се речиси пред освојување на Премиер-лигата а ги чека и финалето со ПСЖ во Лигата на шампионите закажано за 30 мај во Будимпешта.

Фудбалерите на Пари Сен Жермен изборија место во финалето на Лигата на шампионите, откако ремизираа со Баерн во Минхен со резултат 1-1.

ПСЖ ќе го брани трофејот со Арсенал на 30 мај во Будимпешта. „Топџиите“ ќе играат за својата прва титула европски шампион.

Доколку Парижаните победат, ќе станат деветтиот клуб во историјата што ја одбранил титулата европски шампион, и вториот од воведувањето на Лигата на шампионите.

Момците на Луис Енрике имаат историска шанса да им се придружат на следниве тимови:

Реал Мадрид (Шпанија): Единствениот клуб што го освоил елитното европско натпреварување пет пати по ред (1956, 1957, 1958, 1959, 1960) и исто што освои три по ред во новиот формат (2016, 2017, 2018).

Ајакс (Холандија): Освои три титули (1971, 1972, 1973).
Баерн (Германија): Освои три титули (1974, 1975, 1976).
Бенфика (Португалија): Две титули по ред (1961, 1962).
Интер (Италија): Две титули по ред (1964, 1965).
Ливерпул (Англија): Две титули по ред (1977, 1978).
Нотингем Форест (Англија): Две титули по ред (1979, 1980).

Како што можете да видите, само Реал Мадрид успеа да ја одбрани титулата во ерата на Лигата на шампионите (се игра од сезоната 1992/1993),

Тренерот на ПСЖ, Луис Енрике, вели дека е презадоволен со пласманот во финалето во Лигата на шампионите.

Неговиот тим вчера одигра нерешено кај Баерн Минхен и со вкупен резултат 6-5 го завери учеството во решавачкиот меч за пехарот.

„Многу сме среќни што стигнавме до второто финале по ред. Беше многу интензивно. Многу тешко. Баерн е на наше ниво а Арсенал е еден од најдобрите тимови во сезонава“ – нагласи тренерот на „светците“.

Фудбалерите на Пари Сен Жермен ќе ја бранат титулата европски шампион освоена минатата година во Минхен против Интер. Пари Сен Жермен, во реваншот против Баерн во Минхен одигра 1-1 и со вкупен резулта 6-5 се пласира во финалето.

По деветте гола на првиот натпревар во Париз (5-4), се очекуваше дека ќе бидеме сведоци на спектакл и во Минхен, но на крајот, нерешениот резултат со Баерн (1-1) им беше доволен на „Светците“ за третото финале од 2020 година.

Овој натпревар ноже да се нарече дефанзивен мастер клас на тренерот на „светците“, Луис Енрике. ПСЖ им ја препушти топката на противниците, шансите ги бараа во брзата транзиција.

Брилијантна акција одиграа играчите на ПСЖ во третата минута, двојно проигрување меѓу Фабијан Руиз и Кварацхелија, а потоа Грузинот му асиситираше на Дембеле.

Баерн во првиот дел создаде само една шанса, преку Мусијала во 44-та минута.

Слично беше и во вториот дел, Баерн се обидуваше да гради акции, но тешко се справуваше со агресивноста на „светците“. Мануел Ноејер спречи ПСЖ многу порано да го реши натпреварот. Одбрани тешки удари, по два на Кварацхелија и Дезире Дуе.

Баварците пораз на домашен терен избегнаа во 94-та минута, кога Хари Кејн го постигна 14-от гол сезонава во Лигата на шампионите.

Финалето во Лигата на шампионите, меѓу ПСЖ и Арсенал се игра на 30.мај, од 18 часот, на стадионот „Ференц Пушкаш“ во Будимпешта.

Тренерот на Атлетико Мадрид, Диего Симеоне, му честиташе на Арсенал за победата и пласманот во финалето на Лигата на шампионите.

Атлетико не успеа да се пласира во финалето на Лигата на шампионите. Откако првиот натпревар во Мадрид заврши нерешено 1-1, „топџиите“, во реваншот, ги победија Шпанците со 1-0 (1-0).

„Па, ако испаднавме, тоа е затоа што нашите противници заслужија да поминат понатаму. Тие ја искористија својата голема шанса во првото полувреме и заслужено продолжуваат понатаму. Се чувствувам смирено, чувствувам мир“, започна Диего Симеоне пред новинарите во Лондон, објави Би-Би-Си Спорт.

„Не бевме доволно прецизни во ситуациите во кои се најдовме. Се подобривме во второто полувреме. Имаше работи што можеа да тргнат во наша корист, но не тргнаа. Дадовме се од себе и сега мора да прифатиме каде сме. Благодарение на нашите навивачи и играчи, се чувствувам горд што сме таму каде што сме. Реков дека сакаме да се натпреваруваме и го сторивме тоа. За жал, не освоивме ништо, но стигнавме до места до кои е тешко да се стигне“, рече аргентинскиот тренер.

Новинарите го прашаа и за одлуките на судијата, особено за ситуацијата кога неговиот син Џулијано се најде пред голот на Арсенал:

„Нема да навлегувам во тоа. Сите знаеме дека беше фаул. Сите мислевме дека судијата донесе правилна одлука. Нема да навлегувам во тоа бидејќи не сакам да барам алиби и да се извинувам.“

Арсенал ќе се бори во финалето против подобриот тим од вториот полуфинален натпревар помеѓу Пари Сен Жермен и Баерн. Во првиот натпревар во Париз, Французите славеа со спектакуларен резултат од 5:4.

Финалето е закажано за 30 мај во Будимпешта на стадионот „Пушкаш Арена“.

Македонскиот селектор, Гоце Седлоски даде интервју за босанскиот портал „Вјести.ба“ во кое зборуваше и за пријателскиот натпревар кој нашата селекција ќе го одигра против БиХ.

Македонија на 29 мај на стадионот Кошево во Сараево ќе игра против Босна и Херцеговина пријателски натпревар. Па за Босанците беше интересен нашиот селектор Гоце Седлоски.

„И јавно ѝ честитам на Босна за пласманот на Светското првенство и фантастичните натпревари во баражот, особено елиминацијата на четирикратниот светски шампион Италија. Токму затоа велам, кој ја победува Италија, може да победи секого. Верувам дека можете да направите голем резултат“, изјави Седлоски.

Натпреварот помеѓу БиХ и Македонија ќе се игра пред околу 35.000 навивачи.

„Ќе биде спектакл – и така треба да биде, бидејќи играте на Светско првенство. Но, ние доаѓаме да се покажеме во најдобро светло, да одиграме квалитетен меч и публиката да ужива. Играме против силен противник, но верувам дека имаме квалитет да парираме“.

Седлоски потенцира дека станува збор за „пријателски натпревар меѓу пријателски земји“, додавајќи дека на Мундијалот ќе навива за балканските селекции.