Јувентус покажува сериозен интерес за играчот за врска на Ница, Кефрен Турам, пренесуваат италијанските медиуми.

22-годишниот играч за врска игра фантастично, па го привлече вниманието на многу европски гиганти, а ова лето сака да направи чекор напред во кариерата.

Јувентус е силно заинтересиран бидејќи ова лето сака да донесе двајца квалитетни играчи за врска. Веќе го обезбеди потписот на Даглас Луиз од Астон Вила, па сега ќе тргне по Турам.

Турам влезе во последната година од договорот, па Ница е спремна да го продаде за 20-25 милиони евра. Кефрен е син на легендата на Јувентус, Лилијан Турам и брат на напаѓачот на Интер, Маркус Турам.

Манчестер Јунајтед допрва ќе ги направи своите потези на трансфер пазарот, но веќе има одредени најави за операциите, играчите кои можат да слетаат на „Олд Трафорд“.

Една од тие желби е капитенот на Мексико, Едсон Алварез кој имаше добра прва сезона во дресот на Вест Хем за кого во натпреварувачката 2023/2024 одигра 42 натпревари на кои постигна 2 гола и забележа исто толку асистенции.

„Можам само да ви кажам дека сум фокусиран на она што треба да го направам. Знам дека Копа Америка е многу важен турнир каде што очите на светот во основа се тука. Подоцна ќе има време да видиме што има или што нема“, порача Едсон пред премиерниот меч на неговата селекција против Јамајка.

Алварез има 26 години и многу добро му е познат на Ерик Тен Хаг од времето во Ајакс. Мексиканецот има договор со „чеканите“ до 30 јуни 2028 година.

Германската фудбалска репрезентација прва обезбеди пласман во нокаут фазата на Европското првенство, но слободно може да се каже дека избраниците на Јулијан Нагелсман досега го прикажаа и најдобриот фудбал во пакет со Шпанија.

Германците постигнаа седум и примија само еден гол на првите два меча на турнирот на кои се домаќини, па иако изгледаат одлично како колектив, сепак еден играч се издвојува со индивидуалните потези кои ги прикажа.

Џамал Мусиала полека прераснува во вистински лидер на германскиот тим, па популарниот „Бамби“ се гледа дека фудбалски созрева и полека се претвора во голема суперѕвезда.

Играчот на Баерн Минхен добива голема поддршка од Јулијан Нагелсман со кого соработуваше и на „Алијанц арена“, а германскиот селектор откри какво барање има од младиот 21-годишен фудбалер.

„Водам многу состаноци со Џамал и тоа го правев и додека бев тренер на Баерн. Сега истото се случува и во репрезентацијата. Секогаш му велам да игра како да е на мал терен во Германија или во Англија со пријателите. Барам од него да игра како на мал фудбал и навистина го прави тоа. Тој е насмеан и игра без притисок, тоа е најважно за него“, вели Нагелсман.

Играчот од средниот ред на Манчестер Јунајтед, Касемиро одби трансфер во Баерн Минхен, објави денеска бразилскиот портал специјализиран за фудбал Тривела.

Според истиот извор, минхенскиот бундеслигаш неодамна водел преговори во обид да се засили со Касемиро, но 32-годишниот Бразилец го одбил трансферот.

Касемиро игра за Манчестер Јунајтед од летото 2022 година.

Минатата сезона забележа 32 настапи за „црвените ѓаволи“ во сите натпреварувања, постигнувајќи пет голови и три асистенции.

Лионел Меси забележа уште едно достигнување во својата блескава кариера, соборувајќи го рекордот за најмногу настапи на Копа Америка, учествувајќи на турнирот по 35-ти пат. Бранителот на титулата Аргентина го започна овогодинешното издание на натпреварувањето со победата од 2-0 над Канада во првиот натпревар од групата А.

Триесет и шест-годишниот Меси дебитираше за Копа Америка во 2007 година на 20 години, а во 2021 година триумфираше со титулата. Тој е најдобар стрелец на сите времиња во Аргентина и играч со најмногу настапи за националниот тим.

Меси досега има запишано 13 гола и 17 асистенции во завршницата на Копа Америка.

Натпреварот против Канада во Атланта (САД) беше неизвесен, но светскиот шампион Аргентина доминираше во поголемиот дел од времето и заслужено победи.

Мемфис Депај би можел кариерата да ја продолжи во Серија А во дресот на Милан, пренесуваат италијанските медиуми.

Новинарот Џанлука Ди Марцио, сериозен интерес за Депај покажал Милан, односно новиот тренер Паоло Фонсека.

Милан е во потрага по квалитетен напаѓач па гледа одлична можност да го донесе Депај без обештетување.

Депај по завршувањето на Европското првенство нема да се врати во Атлетико Мадрид. Тој е слободен играч и за него интерес покажуваат неколку клубови.

Германскиот бундеслигаш Лајпциг на својата официјална веб-страница го објави продолжувањето на договорот со тренерот Марко Розе.

Новиот договор со 47-годишниот Германец е со важност до летото 2026 година, додека неговиот претходен договор беше до крајот на следната сезона.

Розе е на кормилото на германскиот клуб од септември 2022 година. Под негово водство Лајпциг го освои германскиот куп и Суперкупот.

Минатата сезона, Лајпциг го зазеде четвртото место во Бундеслигата, со што тимот доби билет за настап и во Лигата на шампионите.

Велшкиот тренер Стив Купер го презема англиски Лестер Сити. Ова го објави официјалниот сајт на клубот.

„Стив е тренер со искуство во Премиер лигата по успешната сезона во Нотингем Форест, каде што раководеше помеѓу 2021 и 2023 година. Заработи одлична репутација поради неговите лидерски квалитети“, велат од клубот.

Во својата прва изјава како тренер на Лестер, Купер вели:

„Задоволен сум и горд што сум назначен за тренер на Лестер Сити. Ова е фантастичен клуб со богата историја и страсни навивачи. Среќен сум што работам со таков талентиран тим и со нетрпение очекувам да ги оствариме нашите заеднички амбиции во Премиер лигата“, рече Купер.

Јувентус постигнал договор со Астон Вила за трансфер на бразилскиот репрезентативец, Даглас Луиз, пренесува Фабрицио Романо.

Неколку европски гиганти го сакаа Бразилецот, но Јувентус ја победи конкуренцијата и од поодамна постигна договор со агентот на играчот.

Астон Вила мораше да продава поради финансиски фер-плеј, па двата клуба веќе една недела беа во преговори.

Цената на трансферот ќе изнесува 55 милиони евра, но Јувентус ќе плати 30 милиони и двајцата талентирани фудбалери, Илинг Јуниор и Баренечеа.

Раководството на Јувентус одлучи да го стави на продажба Федерико Киеза ова лето.

Киеза исто така не е задоволон од својот статус во клубот и одбил да го продолжи договорот.

Киеза влезе во последната година од договорот и Јувентус за неговиот потпис ќе бара 30 милиони евра, а најсилен интерес за него покажува Тотенхем.

Лондонскиот клуб веќе стапил во контакт со неговиот агент и наскоро спрема понуда за Јувентус.