Се чини дека на повредите во Реал Мадрид им нема крај, откако Браим Диаз стана последниот играч на Лос Бланкос кој ќе паузира. 25-годишниот играч, кој се одлучи да игра за Мароко, стартуваше синоќа на гостувањето кај Реал Сосиедад, но почувствува болка во бутот и беше принуден да го напушти мечот во 25. минута.

Според шпанските медиуми, повредата на Диаз е тешка и тој ќе биде надвор од терените речиси три месеци. Се очекува да биде во комбинација дури на крајот на ноември.

„По денешните тестови направени врз нашиот играч Браим Диаз од страна на медицинските служби на Реал Мадрид, констатирана е повреда на десната нога. Се чека развој на настаните, стои во соопштението на „кралскиот клуб“.

Се очекува Диаз да биде подложен на нови медицински тестови за околу една недела, кои ќе дадат поголема јасност за неговата состојба. Тој самиот се заблагодари на социјалните мрежи за поддршката и вети дека наскоро ќе се врати.

Иако Даниеле Де Роси пред само три месеци потпиша нов договор со Рома, сепак денес раководството на популарната “волчица“ реши да му врачи отказ од тренерската функција.

Во соопштението на Рома до медиумите се наведува дека на ваков потег се дојде поради интересите на клубот и дека Де Роси секогаш ќе биде како дома во Рома.

Лошите резултати на екипата на почетокот од новата сезона во Серија А беа одлучувачки фактор за разделбата со актуелниот тренер и клубот сега ќе се насочи кон потрага на негова замена.

Ламин Јамал блесна ова лето на Европското првенство и се етаблираше во најголем фудбалски талент во светот.

Тој уште минатата сезона во тимот на Барселона најави дека има неверојатен талент, а многумина веќе го споредуваат и со Лионел Меси. Агентот на Дани Олмо, Енди Бара, откри дека Барселона одбила понуда во вредност од 250 милиони евра од ПСЖ за Јамал.

„Знам дека Барселона одби одлична понуда од околу 250 милиони евра за Ламин Јамал од ПСЖ“, изјави Бара.

Барселона во него гледа идна ѕвезда на светскиот фудбал и наскоро ќе му понуди нов договор.

Реал Мадрид ова лето го доведе Килијан Мбапе без обештетување како слободен играч, а сега спрема  два големи трансфери за следното лето.

Кралскиот клуб следното лето сака да ја повтори стратегијата за доведување ѕвезди без договор, а на врвот на листата на желби се одличните дефанзивци, Алфонсо Дејвис од Баерн Минхен и Трент Александер-Арнолд од Ливерпул.

Дејвис е еден од најдобрите леви бекови, а Трент еден од најдобрите десни бекови во светот.

Заедничко им е тоа што и двајцата влегуваат во последната година од договорите и во 2025 година, според моменталната состојба, би можеле да ја променат средината без надомест. 

Фудбалерот на Баерн Минхен, Саша Бој ќе отсуствува неколку недели поради повреда на менискусот на левото колено, соопшти најтрофејниот клуб во Бундеслигата.

Играчот ја заработил повредата за време на тренинг во неделата и веќе успешно минал низ операција, потврдија од раководството на Баерн.

Бој беше дел од почетниот состав на Баерн во два од трите натпревари од Бундеслигата оваа сезона, вклучувајќи ја и убедливата победа со 6-1 над Холштајн Кил.

УЕФА ја предупреди владата на Обединетото Кралство дека Англија ризикува да го пропушти кодомаќинството  на Евро 2028 доколку премиерот Кир Стармер продолжи со плановите за формирање регулатор во машкиот фудбал, објавија британските медиуми.

Во писмото до министерката за култура Лиза Нанди, добиено од Тајмс и Би-Би-Си, генералниот секретар на УЕФА, Теодор Теодоридис, рече дека не треба да има „владино мешање во водењето на фудбалот“.

Според писмото, Теодоридис предупредил на плановите наведени во говорот на кралот да му се даде на новиот регулатор овластување да ги надгледува клубовите во најдобрите пет лиги во Англија, велејќи дека независноста на играта е „фундаментален услов“.

„Една посебна област на загриженост произлегува од едно од основните барања на УЕФА, а тоа е дека не треба да има мешање на владата во водењето на фудбалот“, рече генералниот секретар на УЕФА.

Спортскиот директор на Баерн Минхен, Макс Еберл, негираше дека клубот има договор со дефанзивецот на Баер Леверкузен, Џонатан Та.

Германскиот репрезентативец има договор до крајот на сезоната со екипата на Баер Леверкузен и веќе најави дека нема да го продолжи. Баварците сакаа да го ангажираат Та ова лето, но одбија да ја платат трансферната сума што ја бараа шампионите.

„Немаме договор со Та. Тој е германски репрезентативец и има голема улога во Баер Леверкузен. Многу сме среќни со Кимих и Упамекано“, изјави Еберл за „Спорт 1“.

Играчот од средниот ред на Барселона, Дани Олмо ќе пропушти четири до пет недели како последица на повреда на бицепсниот мускул на десната нога, добиена на натпреварот од 5. коло од шпанската Ла Лига со Џирона (4-1), соопшти прес-службата на Барселона.

Да потсетиме, Шпанецот влезе во игра во стартниот состав и постигна гол во 47. минута. Потоа Дани Олмо се повреди и беше заменет во 61. минута, на негово место влезе Ерик Гарсија. Откако се пресели во Барселона, Олмо има три гола на три натпревари за својата екипа во Ла Лига оваа сезона.
По пет кола, Барселона води во Ла Лига со 15 од 15 можни и е четири бода пред Реал Мадрид.

Адриен Рабио е без клуб откако во јуни го напушти Јувентус како слободен агент, а веќе е септември и европските првенства се во полн ек.

Французинот ја одбил богатата понуда од Саудиска Арабија, бидејќи сака да остане во Европа, а се чини дека конечно најде нов клуб.

Според последните информации Рабио ќе се врати во родната Франција и ќе потпише договор со Марсеј.

Марсеј предводен од Де Зерби оваа сезона игра одлично и има големи амбиции, а му понудил двегодишен договор на Рабио, кој е спремен да го прифати.

Се чини дека на повредите во Реал Мадрид им нема крај, откако Браим Дијаз стана последниот играч на Лос Бланкос кој ќе паузира. 25-годишниот играч, кој се одлучи да игра за Мароко, стартуваше синоќа на гостувањето кај Реал Сосиедад, но почувствува болка во бутот и беше принуден да го напушти мечот во 25. минута.

Според шпанските медиуми, повредата на Дијаз е тешка и тој ќе биде надвор од терените речиси три месеци. Се очекува да биде во комбинација дури на крајот на ноември.

„По денешните тестови направени врз нашиот играч Браим Дијаз од страна на медицинските служби на Реал Мадрид, констатирана е повреда на десната нога. Се чека развој на настаните“, стои во соопштението на „кралскиот клуб“.