Бразилецот Рафиња е еден од најдобрите играчи на Барселона оваа сезона, а доказ за тоа е тоа што постигна 24 гола, од кои ниту еден од пенал, што го прави најдобар играч во Ла Лига.

Сето ова влијаеше на челниците на каталонскиот гигант да му понудат нов договор на јужноамериканецот и покрај тоа што неговата преселба во Саудиска Арабија изгледаше многу извесно.

Светските медиуми пишуваа дека Барселона има понуда за Рафиња од 100 милиони евра, додека самиот играч би добил плата од околу 15 милиони евра доколку се пресели во Ал Хилал.

Сепак, клубот оцени дека Бразилецот им е повреден од парите и реши да му понуди нов договор до 2030 година и да го направи еден од најплатените играчи во тимот.

Одличниот 27-годишен првотимец на Барса оваа сезона одигра 40 натпревари за Барселона и покрај споменатите 24 гола, забележа и 18 асистенции.

Алехандро Гарначо е една од „жртвите“ на новиот менаџер на Манчестер јунајтед, убен Аморим. Аргентинецот, кој беше стандарден во првиот тим кај Луј ван Гал, кај Аморим се почесто се наоѓа на клупата за резерви.

Гарначо не е задоволен од статусот што го има, се шпекулираше дека во зимскиот преоден рок ќе го напушти клубот. Во јануари Наполи сериозно беше заинтересиран за него, но тој сепак остана на „Олд Трафорд“. Според англиските медиуми, интерес за него покажал и Челси.

Шпански „Фихајес“, сега тврди дека младиот Аргентинец во летниот преоден рок ќе се врати во Шпанија.

Гарначо ја мина младинската школа на Атлетико Мадрид, а на 17-годишна возраст за 500.000 евра замина во Јунајтед.

Атлетико сега сака да го врати, според овој извор за околу 50.000.000 евра. „Фихајес“ пишуав дека Гарначо веќе постигна договор со тренерот на Атлетико, Диего Симеоне.

По 10 години поминати во дресот на Баерн Минхен, Кингсли Коман одлучи да го напушти клубот и најверојатно ќе замине во Саудиска Арабија.

Французинот има договор со Баварците до јуни 2027 година, но клубот му излезе во пресрет и се договори со него да го остави да ја смени средината на лето. Колку пари може само да се претпостави, а Флоријан Плетенберг, новинар специјализиран за фудбал во Германија, истакнува дека сумата нема да надмине 40 милиони евра.

Лесно може да се случи да го пуштат за помалку пари затоа што ќе им заштеди околу 40 милиони евра за плати за две сезони. Ал-Наср беше упорен пред една година, Ал-Итихад се вклучи оваа зима и сигурно е дека понудата ќе биде попрофитабилна од сегашната плата од 17 милиони евра.

Сепак, постои интерес од Ливерпул како замена за Мохамед Салах, доколку Египјанецот го напушти „Енфилд“.

Килијан Мбапе, минатото лето се пресели од ПСЖ во Реал. Првиот човек на Реал, Флорентино Перез долго време го убедуваше фудбалерот дека Мадрид е вистинскиот град за него. На крајот успеа не само да го добие потписот на Мбббапе, туки и да не плати обесштетување.

Реал не му плати ништо на ПСЖ бидејќи договорот на Мбапе беше истечен, но издвои значителна сума за потписот на напаѓачот.

Нвинарот на „Ел Чирингито“, Маркал Љоренте тврди дека Французинот од клубот добил неверојатен бонус.

„Клубот му плати на Килијан Мбапе 117 милиони евра како бонус за потписот на договорот“, изјави Љоренте.

Меѓутоа, Љоренте набрзо беше демантиран од друг новинар, Нуно Антон.

„Оваа бројка е навистина блиску до бонусот што го доби, но деветката на Реал Мадрид не ги доби веднаш сите пари, туку ќе го добива на рати се додека е во клубот“.

Екипата на Баерн Минхен објави дека фудбалерот од средниот ред, Александар Павловиќ, уште е болен и дека ќе ги пропушти претстојните натпревари на Баварците.

Тој не играше во Бундес на мечот со Штутгарт и на средбата со Баер Леверкузен во Лигата на шампионите. Павловиќ нема да биде на списокот на тренерот, Винсент Компани и за дуелите против Бохум и Унион Берлин како и за реваншот против „фармацевтите“ во ЛШ.

Репрезентативецот на Германија веројатно нема да игра и за „панците“ во мартовските мечеви во Лигата на Нации.

Фудбалерите на Милан, со пресврт во последните 20 минути го совладаа Лече на гости со 2-3 во натпреварот од 28. коло на Серија А.

Неверојатен натпревар одиграа Лече и Милан на стадионот „Виа дел Маре“, домаќините до 69.минута водеа со 2-0, на крјот Милан успеа да победи, а тренерот Серж Консеисао со ја спаси работата.

Најмногу благодарение на Никола Крстовиќ, кој ја имаше веројатно најдобрата партија во кариерата Лече стекна предност од два гола.

Репрезентативецот на Црна Гора, за кого токму Милан покажа сериозен интерес во зимскиот преоден рок, му донесе предност од два гола на Лече. Првиот гол навистина беше брилијантен, го постигна во седмата, а на 2-0 зголеми во 59.минута.

Потопот на Лече започна во 68.минута кога Гало си постигна автогол. Три минути подцна Пулишиќ реализираше пенал за 2-2, а истиот играч во 81. минута го комплетираше пресвртот на Милан.

Милан во Лече ја прекина лошата низа во Серија А (три порази и реми на последните четири натпревари) ја прескокнаа Рома и се вратија на осмото место. Лече е на 16. место и нема победа веќе пет кола.

Во следното коло Милан ќе го пречека Комо, додека Лече ќе гостува во Џенова.

Натпреварот меѓу Барселона и Осасуна кој требаше да се одигра вечерва од 21:00 часот ќе се одигра во некој друг термин. Натпреварот беше одложен на само половина час пред закажаниот почеток.

Според шпанските медиуми, натпреварот ќе биде одложен поради смртта на еден член на првиот тим на Барселона, бидејќи фудбалерите на каталонскиот клуб изјавија дека не можат да излезат на терен вечерва.

Како што потврдија од клубот, неколку часа пред натпреварот во хотелот каде што престојувал тимот на Барселона, починал главниот лекар Карлес Минаро Гарсија.

Фудбалерите на Интер со многу мака ја совладаа последнопласираната Монца со 3-2, по пресврт, откако гостите неочекувано гостите водеа со 2-0 до 45. минута.

Стрелци на головите по хируршки прецизни напади беа Самуеле Бириндели и Кеита Балде, чии гол е навистина спектакуларен.

Прашање е како ќе завршеше натпреварот доколку ветеранот Марко Арнаутовиќ во првата минута од судиското не го препоплови водството на гостите.

Во вториот дел Чалханоглу изедначи на 2-2 во 64.минута.

Конечно, решавачкиот момент се случи во 77. минута кога Лаутаро Мартинез со глава упати удар топката ја допре Киријакопулос, голманот на Монца спектакуларно одбрани, но тогаш се вклучи ВАР.

Тпката за два сантиметри ја минала гол линијата.

18-та победа на Интер им овозможи утрешниот дена да го пречекаат со четири бода повеќе од Наполи, додека Монца останува закована на дното на табелата со се помалку шанси да избори опстанок.

Фудбалерите на Нотингем Форест го совладаа Манчестер сити (1-0) во дерби натпреварот од 28. коло на Премиер лигата.

Херој на „шумарите“ беше Калум Хадсон-Одои, кој го постигна единствениот гол во 83. минута.

Хадсон-Одои ја прифати топката што му ја испрати Морган Гибс-Вајт, влезе во шеснаесетникот и покрај статичниот Јошко Гвардиол, благодарение на лошата реакција на голманот Едерсон, гаѓаше и го погоди поблискиот агол.

„Граѓаните“ беа најблиску до израмнување во судиското надополнување, ударот на Матео Ковачиќ од 16 метри заврши неколку сантиметри крај голот.

Тимот на Нуно Еспирито Санто има 51 бод, Сити е на 47, додека зад нив се Челзи (46), Њукасл (44), Бурнемаут (43).

Парма и Торино одиграа 2-2 во 28. коло во Серија А на стадионот „Енио Тардини“.

Гостите поведоа преку македонскиот репрезентативец Елиф Елмас, на кого му асистираше Чезаре Касадеи. Емас го постигна третиот гол во четвртиот натпревар за Торино.

Домашниот тим не успеа да го совлада српскиот голман Вања Милинковиќ-Савиќ до 60. минута, кога аргентинскиот напаѓач Матео Пелегрино во гол го претвори додавањето на Емануеле Валери.

Напаѓачот на Торино, Че Адамс возврати 12 минути подоцна по асистенцијата на Чилеанецот Гиљермо Марапан.

Пелегрино, со својот втор гол спречи пораз на Парма во 82. минута.